نبضة غصب !

.
..
...


شياطيني ..
تجين وتنتثر شعر ../.. وتروح
إليا تركتيني ..!!


شياطيني ..
هنا ../.. وإن مارقيت
أربض
على قاعك ../.. وتنفيني
أخاف إن ما طلع صوتي
تقولين ../.. وتخليني
وش المعنى ؟
إذا كان الحكي ../.. أبكم
وصمت الطين يسمعنا !


أشوف إن الفضا تافه
وحكي أقلامنا ../.. تافه
وتموت أشياء
في ../.. طيني


شياطيني !!!!
قصايد إيش ؟
مدام إن الورق ../.. أبيض
وقطعان الحياء ..
تفتيش !
أخاف أسولف الفكره ../.. هنا
ويخونني باعي
وأخاف أقطع لك ذراعي
وتموت التجربه ../.. بشويش


مدام إن الشعر ../.. درويش
تعالي أحكيلك
أسمائي
قبل لا أعرفك ../.. نائي
أحاول أكتب الفكره ../.. قصيده
وأكره إمضائي
أحاول أستر عيوبي
وأدس المرجله ../.. بثوبي
ويبان الذنب ..
بملائي
وأحس إن الشعر ../.. تح ح ح شيش
دخان أزرق .. وأشوف شلون !!
أحس إن العقل ../.. مجنون
وأحسك لو تروحيني
غيابك يصبح الممنون


وخلّيني ..
أمدّ من الضمى ../.. لساني
وسيلك ما يروّيني ..


وخلّيني ..
كثر مانتي ../.. تبين الضحك
وكثر ماني ../.. أحب
أفضحك ..
وكثر ضيق الصدور إللي ../..إذا يطلع صداي لفوق
بنظرة شؤم ../.. ترميني
وخلّيني ..


.. يابنت البال ..

ترى بين السما وراس الشمالي ../.. عقال
وإذا أنعدّوا مجانين الرجوله ../.. فزّ
وإذا جابوا عن العقّال ../.. يجيك أعقل ../..
من العقّال ..

.. يابنت البال ..

كأن الطلح ../.. ما يدري عن إحساسه ..
كأن الليل ../.. يستاء إن رقى ../.. باسه
كأنه ما وطى قاع النفود ../.. ولا بعد داسه ..
كأنه من بقايا الليل ../.. وسجدة ربه القنديل ..
وعينه لو ينام ../.. بذمتي تصحى على عيني ..
خذي كل المسا ../.. ضحكة جبينك بس ..
خلّيني ..


مابقى بي ../.. حياه !
الضمى لعبتين ../.. وتحترفها
المياه !!


وما بزغ بي .. فجر !
كل ماجيت أبركع ../.. يستميت
الأجر !!

...
..
.


بقلمي

الشمري / فلة حجاج !