گالولك نساك وصدگتهم ليش ..؟

گالولك نساك وصدگتهم ليش ..؟


وانت الحذرتني وگتلي عدوانك


أشصار .. وشختلف ..؟ ، وانگلبت الآيات


بيهم صدگت .. وأنطيت برهانك


ذبولك طعم من حچوا عني وياك ..


حچايه وبالچذب .. بس باگوا لسانك


ما حاجه امنگلك آنه ماناسيك ..


لأن تعرف ابگلبي لهسه ماخانك


خوانك صفوا ..؟؟


لا والنبي ايغشوك .. مثل خوان يوسف ذوله خوانك


ولك عدوان صدگ .. آنه اخاف عليك ..


يمشوك ابدرب ويضيع عنوانك


تعال وخل أذَكرك ماضي الك وياي ..


غفت چم مره روحي ابين ذرعانك ..؟


وتعال وخل أَذَكرك .. يمكن انت انسيت ..


شم عطر الوفه تلكاه ابقمصانك


وتعال وخل أَشَوفك بالگلب نيشان ..


من توصل لگلبي اتشوف نيشانك


ماذكرك بيه ولا حرف بالشوگ ..؟؟


ولا طبعات چفي الفوگ بيبانك ..؟؟


يا نهر آنه مايك وبجفاي اتضيع ..


صبخه وجرح گاع اتصير احضانك


تتباهه ابزرع وچفوفك اموردات ..


ابتعب اچفوف اديه وصار بستانك


على الباگوك روح وشمر الذرعان ..


چاحظي عليه امسرفن اردانك


چنت قديس اشوفك ترهب ابملگاك ..


وطيور الترافه الگبل رهبانك


بس غروك ربعك العن الشيطان ..


علامك صاحبت يفلان شيطانك


ليغرك اجناحك اني احذرك شوف ..


نار البيه تحرگ ورق جنحانك

كلماااااااااااااااات راااااااااائعه

وشعور واحساس جميل جدااااا

انتي الاروع نورتيني بمرورك

ماشاء الله عليكي ~

كلمات ولاأروع ~

سلمت اناملك ~

شكرااااااااااااااااااااا نورتني بمرورك

شكرا قلبي كلمات روعة و دوم الابداع

مرورك الاروع

كلمات جميله نثرها وجدانك الصادق
تحياتي لك
وانتظر جديدك
قاسم

شكرا لردودكم

شكرا رررررررررررررررررررررررررررررررررروعة