يا عقااااااااااب

هذه قصيده للشاعر العلم

خــــــالد محـمـد العـتـيـبـي

اعجبتني واحببت نقلها

يا عقاب مدري مدح والبستك وشاح= والا الرموز يحلها من طرقها
يا سيد الزرقا تعلي ومرواح = لن سقتها مع قبة الكون سقها
تكي بصدرك للذعاذيع وارتاح= وافلح محاديب السحايب وفقها
خل السواري عنك وانزاح وانزاح= واعلى مراقيب على الجدي وقها
مثلك ليا ستل جناحه مع الضاح = وارخى سمار الريش في معتلقها
استسلمت كل الجوارح لمن شاح=عنها وجدد من علوه رهقها
سيف ليا جرد على الصيد ذباح=وموس ليا ناش الضوافي حلقها
أهواي نجوم وكفختك بارق لاح=وتكبيرة الميت على اللي لحقها
وما بين مضرابك وفلاج الاصباح=بيض الثنادي قبل يرهج علقها
زرعتك سيل وطعنتك عيلم ارماح=من مخلب واليا صفقها صفقها
لا ملت شلت ولا تواسيت وان طاح=ظلك على كبد الطريده فلقها
والا ليا نشت الخريشه من الراح=ماكن ربك عقب تدمي خلقها
واليا شلعت وجالك صياح وطياح= كنك وكن اللي ذبحها وفقها
وصف الحصان الي ليا لز طفاح=هذي توطاها والاخرى فهقها
عن بعد (حر) ولا تقاربت سراح=وان جيت عبد اضنى الحرار وعتقها
واخطي عليك مسمي الصقر يا صاح=بالحر وانت الحر للي فرقها
وشلون حر وجذب راسه بملواح=عيشه على كف الرجال وعرقها
وانته سندك عضود وصعود وجناح=وحداد سم الطايره في شنقها
ما ذلك البرقع ولا ردك صياح=ومن حيث ما تبغي مع الكون سقها

سلامة الجميع , .