رواية أحلى صدفة بحياتي

الجــــــــــــــــزء الثامـــــــــن والعشـــــــرون...

ووصلوا عند فرشة الرجــــــــــــال....
ابو مشاري: هلا والله ببناتي...
البنات: هلا فيك..
ابو ماجد وابو فيصل: هلا بالوجيه السفره ...اجلسوا..
ابو فواز: وين الباقي.؟؟
رغد: ماجوا عند الحريم..
ابو فواز: براحتهم...اجلسوا..
كان فيه عيال على طرف الفرشه..
ابوماجد: فواز واللي معه..قوموا جلسوا هناك خلو البنات يجلسون..
فواز: بعد ..حتى هنا لاحقينا...
طلال: يبه خلوهم يجون يساعدونا..
ابو فواز: هم كفايه عليهم شغل البيت.انت خلك بشغلك وانت ساكت..
سليمان: يا ويل قلبي..شوف ريم كيف طالعه اليوم حلوه بس مفروض تتلثم...
تركي: ولا رغد تشق الراس شق..
رغد: لا عمي عادي نقوم نساعدهم..اصلا احنا ما جينا الا عشان نساعدكم...
ابو مشاري: والله فيكم الخير..بناتي اعرفهم سنعات ورعيات واجب..
فيصل: ايه واضح..
قاموا البنات وراحوا عند مشاري..
مشاري جالس على كرسي طويــــــل بمالره وجنبه طلال وبعيد شوي سليمان وتركي وقدام الكرسي فيه طاوله وعليها الاغراض..
وليد بعيد شوي عند موقد الشوي ..
فيصل قرب من عندهم: الحين وين فجر..ليش ما جات..
ريم: فجر يقال انها مستحيه..
فيصل: هين اوريها...
رغد: يا عمري يا مشاري متوهق قوم خليني ادبرك..
مشاري: تعالي اجلسي جنبي عشان الشياب ما يفجرون فيني..
طلال: وانا من بيساعدني..
ريم: اذا تفكر اني اساعدك انسى..
طلال: العنود تكفين ساعديني..
العنود في نفسها"ما يحتاج كل هالموال..انت بس قول العنود وانا براس الخدمه"....:اوكيه ابعد شوي..
وجلست جنبه..
طلال: الله يسلمك..تعالي شوفي..سوي كذا وبعدين كذا<<ترى ما عندي أي خلفيه..يعني ربة بيت فاشله..
عبير: اجل انا بروح اشوف وليد واساعده..
الهنوف: وانا وش اسوي..
جا عندها تركي : وش جابك انتي هنا.كله رجال..
الهنوف: رغد هي اللي جابتني..
تركي ابتسم: اذا كان رغد خلاص اقعدي بس اخر مره..
وجلس على الفرشه قبال رغد ومشاري..
الهنوف جلست جنب رغد..
مشاري: الهنوف كيفك..
الهنوف تذكرت الموقف وخنقتها العبره...
رغد: مشاري اسكت عنها..ترها مفتشله من بعد الموقف اللي من شوي..
مشاري: اسف يا الهنوف...
الهنوف: ما يحتاج تعتذر انا اللي مفروض اعتذر منك...
مشاري: عادي اعتبريني مثل اخوك..
الهنوف: اصلا انا ما اعتبرك الا اخوي...
رغد اللي في الوسط: يمه منكم..
مشاري: وش فيك؟؟
رغد: على الدجاج اقول يمه منكم..
مشاري: انهبلتي..
رغد: تقريبا..
********************************************
طلال: اقول العنود..
العنود: سم..امـــر..
طلال : ما يامر عيلك ظالم..بس كنت ابي اقول لك شي..
العنود: خذ راحتك...تفضل.
طلال: انا....انا...اسف لاني ما ادري وشلون كنت اعاملك قبل..وبصراحه كنت ماخذ عنك فكره غلط..
العنود ابتسمت: ادري ما يحتاج تقول..واسفك مقبول..وبعدين فكنا من الماضي الحين..احنا عيال الحاضر..
طلال فرح من قلب: ههههه والله انك شي...طيب وش رايك نتعرف من جديد يله تكلمي عن نفسك..
العنود: انا بثاني ثانوي..مواهبي متعدده وكثيره ..واغلبها ما اقدر اصرح فيها.وافكار كثيره وان شا الله قدر احققها وبس...يله الحين انت تكلم عن نفسك شوي..
طلال: انا ادرس بالجامعه..والاكيد بعد التخرج بأشتغل مع الوالد في الشركه.
العنود: اها...ما تلاحظ ما كنا عيال عم..
طلال: عادي نسولف..
ريم جلست بين العنود وسليمان..
سليمان قرب منها شوي..
سليمان: هلا والله وغلا..
ريم: يمه خرعتني..
سليمان: بسم الله عليك..
ريم ابتسمت: الهه يسلمك..
سليمان: وينك من زمان عنك..؟؟
ريم: بعد كسرت ايدك مالي وجه..
سليمان: افا..انا كلي فداك...
ريم استحت: تسلم..بس جد اليوم خفت عليك.طيحت قلبي..
سليمان: بس مو اكثر منك يوم تجيك السياره وما تحركتي..وش عندك في نص الشارع..
ريم توهقت: تصدق ما ادري وش فيني..كنت راح اقطع الشارع ابي المحل اللي في الشارع الثاني...بس يوم جات السياره وقفت في مكاني ما قدرت اتحرك..اطالعها وخايفه و رجولي ما رضت تتحرك..يمه كان موقف مره يخوف<<ويييييي طاع انواع الصواريخ..
سليمان: تصدقين لو صار فيك شي انا راح اموت بعدك على طول..
ريم: بسم الله علينا فكنا من سيرة الموت ترى ما احبها..
سليمان: تخافين علي..
ريم: اكيـــــد اخاف عليك"وبحيا قالت" وانت..؟؟
سليمان بصوته العذب: لو تنغزك بس شوكه انا اموووت مليون موته قبل لا تألمك..
ريم: هههه والله وصرت شاعر..
سليمان: عشانك اصير شاعر..
ريم : تسلم والله..هاه كيف تقديمك في الاختبارات..
سليمان: حلو...بس تكفين لا تذكريني بالهم..
ريم: بسم الله عليك من الهم ..
سليمان: ههههههه تبين تذبحيني...تبين تجلطيني..تراني ما اتحمل احد يدلعنبي..
ريم: هههه خلاص بأسكت..
سليمان بتردد: ريم................تحبيني...؟؟
ريم حمر خدوها وودها تقول اموت فيك ولا اقدر اعيش بدونك بس ما تقدر..
ريم: اكيد احبك....حالك حال مشاري..
سليمان: وانتي مصره على مشاري..غيري شوي..
ريم: تبي ولا كيفك..
سليمان: لالا راضي والله راضي..
ريم: هههه يا حليلك..
سليمان: لا تقولين يا حليلك..ترى انا مثلك..
ريم: اجل وش تبيني اقول..
سليمان: قولي اموت فيك..
ريم: في الحلم يا بابا..
سليمان: اجل دايم احلم فيها..
ريم: يعني تحلم فيني..
سليمان بنص ابتسامه تذوب: ايه مثل اختي مها..
ريم: يعني وحده بوحده..
سليمان: والبادي اظلم..
ريم قعدت تطالع سليمان بكل ما فيه..بعدين طاحت عينها على ايده..
ريم: ايدك تألمك..
سليمان: من يوم شفتك طابت..
ريم: لالا صدق سلوم ايدك تألمك..
سليمان: شوي..
ريم: تصدق جاتني فكره بأسويها ..لحظه شوي..
وراحت عند ابوها واخذت منه شي ورجعت..
سليمان: وين رحتي..
ريم: هات ايدك..
سليمان: وش تين فيها..
ريم: بأكلها...هاتها..
سليمان طلع ايده من ربطة الايد ومدها: خذيها واذا تبني انا كلي حاضر..
ريم ضربته وجهها احمر: بس ولا كلمه..
سليمان: ا نشا الله ابله رورو..
ضحكوا لانهم تذكروا ايام اول...
ريم: تصدق ايام حلوه..
سليمان: لانك فيها..هاه وش تبين في ايدي..
ريم: بأكتب ذكريات..
سليمان: يله..
ريم: وش اكتب .وش اكتب...ايوه...بس ما ابيك تشوف..
سليمان: طيب انا راح اغمض..
غمض عيونه وبطراف اصابعه مسك ايد ريم القربيه من اصابعه..
ريم طالعته وضحكت وما قالت له شي..
سليمان"الله يستر شكل ايدي الثانيه بتنكسر على الحركه اللي سويتها..بس خليني احلل الدقايق اللي اجلسها معها شوي..."

**********************************************
رغد بعد ما تبلت الدجاج قامت توديه عند وليد وعبير عشان يشوونه..
رغد: تفضلوا..
وليد: تسليمن..رغود تعالي شوفي الدجاج استوى..
رغد قربت من عند وليد لحد ما لزقت فيه بالضبط وهي ما حست بعمرها.وليد يطالعها بنظرات كلها حب وهيمان..
رغد: اتوقع هذي لا بس هذي ايه استوت..
ورفعت عينها وانصدمت من قربها ومن نظراته..
وليد بهمس: رغد..
رغد بعدت شوي ونزلت عيونها عنه: نعم..
وليد: لو اقولك كلمه بتصدقيني..
رغد: قول..
وليد: انا....انا أحبــــــــــــــــك..
رغد بسرعه رفعت عينها عليه..حست بمشاعر غريبه وكأن اعصار قاعد يهاجم قلبها الضعيف..تحس بحرارة عيونه وكأنها لهيب تستنى كلمه منها كلمه تطفيه...والكلمه اللي قالها كأنها فيضان اغرق كل ما كانت تفكر فيه..
وليد: وانتي يا رغد......؟؟
رغد الصمت نزل عليها والحروف ضاعت منها:..................
وليد بحب وابتسامه: معليش راح اخذ الجواب منك في يوم ثاني...
$$$$$$$$$$$$$$$$$$$$$$$$$$$$$$$$$$$$$$$$$$$$$
في خاطري لك شي وودي اقوله..
مدري تصدقني او تقول كذااااب..
قلبي يحسك دايم الدوم حوله..
مع كل دقه يذكرك يا اغلى الاحباب.
تدري عليك الروح بالحيل تولــه..
وتدري بعد طيفك عن العين ما غاب..
انت الغلا بالكون عرضه وطوله..
وانت الحبيب الي بك الظن ما خاب..
فيك الحلا والزين كامل شموله..
دمك..وعيونك..والبها فيك جذاب..
هذا اللي كان بخاطري بقوله..
قلت وزاح الهم في صدري وذاب...
$$$$$$$$$$$$$$$$$$$$$$$$$$$$$$$$$$$$$$$$$$$$$$
رجعت رغد مكانها وهي مصدومه وش اقول له..وايش اقول لعمري وش اقول للكل....خلاص افاكرها اتعبتها وخنقتها العبره وقامت..
ومشت متجهه لجهة الحريم...
تركي اللي كان مراقب الوضع لحق رغد بدون محد يحس فيه..
وتقربيا بعيد عن الحريم والرجال يعني في الوسط..
رغد كانت تركض ودموعها اسرع منها..
تركي صرخ: رغــــــــد..
رغد وقفت...
تركي قرب من عند رغد ومسكها من كتوفها ولفها لجهته:رغد..
رغد منزله راسها تخفي دموعها..
تركي رفع راسها وطالع عيونها: رغد انا ما ابي اشوف دموعك ابد...اذا نزلت دموعك تعورين قلبي..واصلا ليش الدموع..
رغد طالعته وبعدين نزلت عيونها مره ثانيه ما تدري وش تقول له بعد..
تركي: رغد انا ما ادري وش بينك وبين وليد..لكن يهمني اللي بيني وبينك........رغد انا احبك ...واموت فيك ولا اتخيل نفسي اعيش لحظه بدونك..
رغد رجعت تبكي" وهذا اللي ذابحني وهذا اللي ذابحني..انت تحبني ووليد ما اقدر اكسر فيه"
تركي: صدقيني يا رغد وصدقي كل كلمه اقولها.. وودي اقول لك شي تراني اغار عليك من وليد..ما ادري ليش احس اني انقهر منه وما ابغاك تكلمينه..فا اتمنى اني ما عاد اشوفك معاه..اوكيه حبيبتي..
رغد جات حبيتي مثل السكين على قلبها..
ومشت عنه وراحت"يا ربي ليش انا..ليش انا احتار بين اثنين..تركي ووليد..تركي احس اني اميل له..وليد ما اقدراجرحه ..يارب ساعدني ..ابي حل والله تعبت وماعاد فيني اتحمل"
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
مشاري: وش فيها رغد..
الهنوف: علمي علمك..


طلال: واقول لك..ذاك اليوم جاتني بنت تتمليح..وانا كاتم ضحكتي لان شكلها تقولين مهرج..
العنود مولعه ومن بين اسنانها:لااااااااااااااااااا..
طلال: والله..المهم قالت لي لو سمحت..قلت انا نعم..قالت ممكن الرقم...تدوريني ما تلقيني فقعت ضحك..قالت وش فيك تضحك مستغرب عشان وحده حلوه عطتك وجه..قلت لها لا والله مستغرب وشلون القرد انحاش من القفص ههههههههه وهجت ولا عاد شفتها مره ثانيه..
العنود ومعها سكنيه وتغرزها داخل الدجاج:صدق بنات ما يستحون على وجيهم..
طلال: والله عندي قصص كثيره..اذا عندك وقت قلتها لك..
العنود بتولع الحين: عندي وقت بس غير الموضوع..
طلال: لالا هالموضوع يجنن على قولتك ..اسمعي هالسالفه..مره كنا بمجمع وكان السكيورتي واقف ما رضى يدخلنا..المهم احنا وقفنا برى شوي.. جتنا بنت قالت تبوني ادخلكم قلت انا وخويي اكيد قالت ابغى المزيون يعطيني رقمه طبعا اللي هو انا..قلت لها خلاص اوكي..
العنود ميته قهر: هي حلوه..
طلال: الصراحه عيونها تذبح ..المهم اكمل لك..دخلتنا والسكيورتي كان بيتكلم بس عطيته نظره وسكت..ودخلنا..قلت لها مشكوره اختي وما قصرتي وجزاك الله خير الله يغفر لك..طبعا استهبل عليها هي انصدمت بعدين قالت لي الرقم.. قلت انا مريني بكره ورحت وخليتها ههههههههه وش رايك..
العنود: رهيب بصراحه رهيب..شوف طلال نصيحه مني كا بنت لا تعطي البنات وجه..
طلال: شوفي انا على حسب مزاجي..
العنود انقهرت منه: انت وذا المزاج..اقول لك لا تعطيهم وجه تراهم غثى وبعدين عشان زوجتك حرام عليك..
طلال: اذا تزوجت عقلت..
العنود استغلت الفرصه: وانت تفكر بالزواج الحين ولا بعدين..
طلال: والله ما ادري وش الظروف وبعدين انا نفسي محتار بين امرين..
العنود تحمست: اللي هم..
طلال: شي خاص ما يصلح اقوله..
العنود تفشلت: طيب لا تقول..
طلال وهو منزل راسه ويطالع الارض ووده يعرف: وانتي لو جا احد وخطبك بتوافقين..
العنود تطالعه تبي تفهم له قصد من هالسؤال ووش قصده بس ما عطاها مجال:على حسب..
طلال: كيف على حسب..
العنود: على حسب الشخص..
طلال: اهاااا..
**********************************************
ريم مسكت ايد سليمان وصارت تكتب..

يا زهور الورد مع قطرات الندى..
يا ضيا الشمس في وقت الشروق..
يا قمر ليل بنوره يهتدى..
ارفق بقلب على شوفك شفوق..
ما هدا فكري وبالي ما هدا..
عيا قلبي يا حبيبي لا يروق..
لا تخليني عساني لك فدا..
لاجل غيرك على الخاطر ما يلوق..
.................................................. ..................
حياتي بعد عمري لو صار ما صار..
انا للعهد والميثاق حافظه والله الدراي..
اعيش وحبك الجاري بدمي يبعث التذكار..
لعين اللي تشوفك طيف مر بليله الساري...
.................................................. ...............................
ابو سلوم لا تنسى دايما وابدا معاك رورو...اذا احتجت شي.. وكل ما شفت ايدك تذكرني بس لا تقول هي السبب قول عشانها اوكي...
وبــــــــــس....
.................................................. ..............................
ريم: يله افتح عيونك..
فتح سليمان والتقت العيون...اللي كلها حب مفعم بالشوق..ريم ابعدت عينها عنه..
سليمان: هاه وش كتبتي..
ريم: لا تقراها لما اروح سامع..
سليمان: طيب ليش ما تقرينه لي انتي..
ريم بحيا: لالا انا ابيك انت تقراه..وبعدين بروح ..رغد مدري وش فيها..ما ادري وش قال لها ثقيل الدم وليدوه..
سليمان: اوكيه..
ريم قامت: يله باي..
سليمان: باي..
ريم: العنود تراني رايحه..وانتي يا الهنوف تراني بروح..
الهنوف: اوكيه انا جايه...يلا باي مشاري..
مشاري: ليش تروحين تو الناس..
الهنوف: ما عليش...باي..
العنود لريم: ليه وش عندك..
ريم: خلاص مشينا .ما مليتي من رمز الشقا طلال..
طلال: انا رمز الشقا..يا رمز الفقر والنحس..
ريم: احسن من وجهك..
العنود: ريم طلال خلاص..يله انا رايحه..
طلال: اقعدي ما بعد خلصت سوالف..
العنود في نفسها"اقعد عشان الهم"..:لالالا انا رايحه..
طلال: اوكي باي..
االعنود: باي...عبير تجين معانا..
عبير: اوكيه شوي و جايه..
راحوا البنات...وبعد ربع ساعه قررت عبير تروح..
مشت عبير لما بعدت عن الر جال ..لحقها طلال وسوى نفسه ما يدري ووقف قبالها..
عبير لفت يمين..لف يمين..لفت يسار..لف معها يسار..
عبير زعلانه: وبعدين..
طلال: ولا قبلين..عبير وش فيك متغيره هالايام..
عبير: انا؟؟....ما فيني شي..
طلال: لا صدق متغيره..اعتبريني اخوك وفضفضي لي ..مثلا البنات قايلين لك شي..متهاوشه معاهم..؟؟
عبير:لا....
طلال: اجل ليش تغيرتي..ما انتي مثل اول راعية حركات واستهبلات ودايم تضحكين...وش فيك؟؟
عبير: دوام الحال من المحال..
طلال استسلم: براحتك..بس اذا حبيتي تتكلمين اخوك طلال موجود..
عبير: تسلم..
وراحت..
عبير في نفسها" يا ربيه ليش اعامله كذا..يعني عشان العنود...العنود من زمان مع الكل والجميع..اجل ليش شاكه فيها..ما ادري بصراحه ..احس طلال تغيرت نظرته للعنود صار يطالعها باهتمام..بس ليش؟؟...و اللي ماني قادره افهمه انه حتى يهتم فيني..بصراحه حيرتني يا طلال..فتره حسيت انك تحبني..وفتره احس انك تحب اختي...لا تحيرنا يا طلال..لا تحيرنا..."
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
خلونا نشوف اشخاص من زمان ما شفناهم او سمعنا اخبارهم...
لين: شعول..
مشعل: هلا..
لين: ليش انت متغير علي..؟
مشعل: لانك ما تفهمين..اقول لك ما يصلح تجلسين معاي 24 ساعه..اجلسي معاي اذا جاو البنات بس.خليني اجلس مع العيال شوي..فهمتي علي..
لين: بس انا ما احب اجلس مع احد غيرك..
مشعل: حتى انا يا قلبي..بس ما يصلح نجلس مع بعض دايم حتى خواتك يقولونه..
لين:طيب اذا سويت اللي قلته ما راح تزعل علي..
مشعل: ابدا.. بالعكس اشتاق لك..
لين: اوكيه خلاص ..باي..
مشعل: باي..
وراحت....
مشعل: اووف صدق صايره تطفش الواحد..
محمد: حرام عليك لا تقسى عليها مره..
مشعل: ماودي اقسى عليها بس هي اللي تجبرني على كذا..
محمد: تعال نلعب بلاي ستيشن محمول..
مشعل: يله ولأول مره بدون لين..
محمد: هههههههههه...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
عند البنـــــــــــــات...
ريم: رغد وش فيك..؟؟
رغد: محتاره يا ريم وراسي بينفجر من التفكير..
ريم: في ايش؟؟
رغد: خلينا نقوم نتمشى شوي..
ريم: يله..
وهم يتمشون على اطراف البحر والمويه تداعب اقدامهم..
رغد: ريم...اليوم وليد قالي كلمه خلتني اثبت في مكاني..
ريم: وش قال..؟؟
رغد: ريم .وليد قالي ...احبــــــك..
ريم انصدمت: قولي والله ما اصدق..
رغد: واللــــــه..
ريم: بصراحه كلنا ندري انه يحبك بس ما توقعت انه يقولها لك..
رغد: ولا يسألني انا وش أكن له من مشاعر..
ريم: ايوه وش قلتي..؟
رغد بقلة حيله: سكت ما قلت له شي..
ريم: ليش ما قلتي انك شخص عادي او أي شي..
رغد: انربط لساني ما قدرت اقول له شي...وبعدين رحمته ما ودي اكسر خاطره..
ريم: يا عمري يا سليمان كل ما قالي كلمه قلت له انت مثل مشاري..
رغد: ماشا الله عليك ..بس المصيبه مو هنا..
ريم:اجل وش بعد..
رغد: المصيبه ان بعدها على طول..تركي لحقني وقالي احبك واموت فيك وما اقدر اعيش بدونك..
ريم رحمت اختها.: وش قلتي له..
رغد: سكت وش اقوله بعد..
ريم : يا حرام والله انك مسكينه..وش بتسوين..
رغد: ما تشوفين راسي بينفجر ما ادري وش اسوي..
ريم: طيب انتي من تحبين..؟
رغد: شوفي انا بقولك وبكل صراحه...انا احس اني اميل لتركي..بس في نفس الوقت ارحم وليد ودايم اتخيل لو اني في مكانه وش بيكون مصيري..
ريم: بصراحه مشكله..بس انتي بتختارين تركي..
رغد بتعب: ما ادري يا ريم ما ادري..
ريم: بس لازم تحددين مصيرك..يا وليد..يا تركي..
رغد: العقل والقلب بيختار تركي والقلب يختار وليد..
ريم: خلاص واضحه..انتي تحبين تركي..اختاريه .انحلت..
رغد: طيب افرضي اخترت تركي وش اقول لوليد..
ريم: لا تقولين له شي ..ما لك الا انك تتجنبينه..
رغد: بس حرام لازم اقوله عشان ينساني ويدور غيري..فهمتي علي..
ريم: حيرتيني معاك.خليه بعدين يمكن يصير شي جديد ما تدرين..
رغد تبي تنسى شوي..ابتسمت: كيف سليمان..؟
ريم: سليمان يا حبي له ..يهبل يا حلوه ويا حلو كلامه..
رغد: هههه طيب واخبار عنيد وش عندها هالايام تقعد مع طلالوه رمز الشقا..
ريم تسوي نفسها ما تدري: بصراحه اشك ان العنود تحب طلال بس لاتقولين لأحد..
رغد فاهمه عليها:ريم اختي اعرفك..العنود قايله لك انها تحب طلال بس على بالك بتخلينه سر.تراه واضح..
ريم:هههههه طيب واضح عليها..
رغد: هو واضح بس محد راح ينتبه..
ريم: واذا قلت لك اني اشك ان عبير تحب طلال..
رغد: ما ادري ...عبير تحب احد بس مين ما ادري..
ريم: لازم نراقب حركاتها عشان نعرف..
رغد: صح..طيب افرضي ان عبير والعنود صاروا يحبون نفس الشخص..
ريم: احس بتصير الحرب العالميه الثالثه .اذا هم على كل شي يتهاوشون ..وشلون عاد على حبيب..
رغد: لالالا الله لا يقوله ..ترى هذي مشاعر حرام اختين يحبون نفس الشخص..
ريم: صادقه..تخيلي انا وياك نحب سليمان..
رغد: كان انا اخذته..
ريم عصبت: مسكينه ..اصلا حاولي تقربين لمه..
رغد: تتخيل وتعصب علي..طيب انتي اللي قلتي تخيلي وانا تخيلت..
ريم: غلطتي..مفروض ما اخليك تفكرين فيه..
رغد: من زينه..يله بس خلينا نرجع نتعشا تراني ميته جوع..
ريم: وانا اكثر منك...يله..
وراحوا وتعشوا....
وبعدها رجعوا للفندق..
وراح الكل لسويته والبنات لسويتهم والعيال نفس الشي..
العنود منسدحه وجنبها ريم..
العنود: قهرني يا ريم..تخيلي يقول لي مغامراته..
ريم: ههههه خليه يوسع صدره..
العنود: هو يوسع صدري وانا يضيق صدري..والمشكله اقول له غير الموضوع يقولي لا..
ريم: يعنني طلالوه رمز الشقا ان البنات يحبونه..
العنود: وهذي هي المصيبه الكبرى ان صدق البنات ينهبلون عليه.يا اختي يحق له..
ريم: هههه..الا خلينا من طلال شوي..كنت راح اسألك عن عبير وش عندها هالايام متغيره ومنقلبه اربع وعشرين درجه..
العنود: صادقه وانا ملاحضه هالشي..بس تطالعني بنظرات استحقار وما ادري وش نظراته..متغيره علي انا خصوصا وبعدين متغيره على الكل عموما..
ريم: ودي اعرف وش فيها..تتوقعين لو خليت رغد تسألها بتقول لها..
العنود: ما ادري عنها ام راسين..ما افهم عليها..
ريم: اختك وما تفهمين عليها..
العنود: عشان كذا اسميها ام راسين..تلاقين لها رايين في نفس الموضوع...يعني مثلا مره قلت لها عن موضوع وقالت لي عادي..ومره ثانيه سألتها في نفس الموضوع قامت تصارخ وتقول لي ما تستحين على وجهك..
ريم: ههههه أي والله ام راسين..
العنود: خلينا منها ومن روسها..وش اخبار ابو سلوم..
ريم: اسكتي لا تذكريني فيه..ترى بيغمى علي..يا اختي يهبل.جماله يشق المخ شق..وكلامه يعذبني والله يعذبني..
العنود: مشا الله اخاف احسدك ..على الاقل انتي عارفه انه يموت فيك..لكن رمز الشقا اللي معاي..اللي ما ادري وش يفكر فيه..
ريم: كتبت لسليمان اليوم ذكريات على الجبس..
العنود: امانه وش كتبتي له...
قالت ريم وش كتبت له بس ما قال لها انه مسك ايدها..
العنود: والله انك خطيره..
ريم: ولو اعجبك..
العنود: لا وكل هالكلام ومثل اخوي مشاري..
ريم: ادري بيقول خبله..بس كيفه اهم شي عبرت عن احاسيسي...
العنود: طيب ورغد..
ريم: وش فيها اختي؟؟
العنود: احس في حياتها لغز كبير..
ريم: رغد مسكينه خليها في حالها..الا فجر نسينا نسألها عن فيصل اليوم..
العنود: صادقه خلينا نروح عندها..
ريم: يله..
وراحوا عندها..
فجر: انتوا من سلطكم علي..
ريم: اللقافه..
العنود: اخلصي قولي لنا وش صار..بالتفصيل..يعني لا تنسين مسك ايدي..عطاني بوسه..طالعني بحب..يعني الاشياء المهمه هذي لا تنسينها..
فجر تذكرت اللي صار واستحت: اقول انقلعي عني بنام..فيني النووووم..
ريم: انا اقول ان وجهها يدل ان صار مسلسل كامل..
العنود:ولا مو أي مسلسل الا مسلسل مكسيكي مدبلج..
ريم: وش قال لك ألفريدو..بسرعه..
فجر: ما قال لي شي ولا قلت له شي.طول الوقت ساكتين ونطالع في بعض مستحين...
العنود: ترى فيصل اليوم سأل عنك لما رحنا عند الرجال وقال.....
فجر: وش قال..؟؟
العنود: ما راح اقول لما تقولين..
فجر: قلت لك طول الوقت مستحين..
ريم: انتي يمكن...بس فيصل وجه النكبه(المصايب) ما اظن..بسرعه تكلمي..
فجر: امممم وش صار اليوم تصدقون نسيت..
العنود: فجير بلا لف ودوران اخلصي علينا..
فجر: اووووف منكم بقول بقول..
وقالت لهم السالفه مع حذف الكثيييييير...
ريم: بس هذا اللي صار..
فجر: قلت لك ما صار شي ما صدقيتني..
العنود: مع اني ماني واثقه ان بس هذا الي صار بس بعديها لك لان المره الثانيه راح الحقك بكاميرا فيديو..
فجر: ايه هين...بسرعه اخلصي علي وش قال فصولتي عني اليوم..
ريم: قال وينها وجه النحس ما جات معاكم..
فجر:فيصل قال لكم وجه النحس هاه
العنود: ايوه بالضبط ولا وقال هين اوريها..
فجر: بعـــــد...انقلعوا عني يله انقلعوا..اصلا ما اصدقكم في فيصل..
ريم: قايله لك ان مو بس هذا اللي صار..
العنود: عارفه..بس ترى جاني النوم.خليني اروح انام عشان استعد لبكره..
ريم: وش عندك بكره..؟؟
العنود: وراي مقابل طلال..لازم اتلزق فيه لما يحبني..
ريم: ايه هين..بتلزقين فيه بيقول كرهتك من قبل لا احبك...
العنود: اسكتي تكفين..وش يعلمك في حركات الرومنسيه..
ريم: مخليتها لك..
وبعدها ناموا لان اليوم مان مليئ بالاحداث الحلوه والصعبه ...

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
عنــــــــــــد العيال
سليمان:...............................

ولا اقول اخليها للبارات الجاي...

الجــــــــــــــــزء التاســع والعشــــرون


عنــــد العيال..
سليمان كان يطالع الجبس ويقرا الكلام اللي كتبته له ريم..
تركي: وش فيك لك ساعه وانت تطالع ايدك..!!
سليمان: قاعد أقرا..
تركي:تقرا؟؟ وش تقرا لايكون مشعوذ وتقرا مستقبلك..
سليمان: انا أقرا مستقبلي اللي هي ريم..
تركي: سليمان واللي يعافيك مسائل الرياضيات المعقده فكنا منها..يا اخي تكلم مثل الناس وفهمني..
سليمان: يا حول..ريم كاتبه لي ذكريات على الجبس وانا قاعد اقراها...
تركي: عطني اشوف..خلني اقرا وش كاتبه لك..
سليمان: ما في عيب هذي خصوصيات..
تركي: كذا يا الخاين..وهذا وانا صديقك اللي اليوم قلبي بغى يوقف علشانك..
سليمان:يا حبك للمنّ..خذ اقرا"ومد ايده لتركي"
تركي يقرا ويضحك: هههههه حلوه هذي يا قمر ليل..
سليمان: بتقرا مثل الناس ولا هات ايدي..
تركي: لالا خلاص بأعقل بس خليني اكمل وههههههههه تقولك يا حبيبي ههههههه..
سليمان: تركي اخر مره اقولك بتقرا زين ولا انقلع..
تركي: وش فيك زعلت...بس تصدق طلعت ريم خطيره..
سليمان تحمس ونسى اللي صار: وش رايك فيها..؟؟
تركي: لالا بصراحه تصلح شاعره..اجل تحبك هاه...
سليمان بحزن: على قولتها مثل اخوها مشاري..
تركي تسدح من الضحك: ههههههههه مثل اخوها مشاري هههههههههه..
سليمان: وش فيك تضحك..
تركي: وان شا الله انت مصدقها..
سليمان: ايه..ليش هي بتكذب..
تركي: هي تحبك يا الحول بس يقال انها ما تحب تبين..
سليمان فرح: صدق...طيب انت وشلون عرفت...؟؟
تركي: لان اصلا تعاملك على اساس انها تحبك والكلام اللي كتبته هذا اكبر دليل والشي الاعظم نظراتها لك..والشي اللي ما لاحظته يا الحول لو انها على قولتها تحبك مثل اخوها مشاري كان ما خلتك تقولها انك تحبها او مشتاق لها وخلت العلاقه رسميه اكثر فهمت...صدق انك درج..
سليمان: أي والله صادق..صدق اني خبل وانا مضيق صدري وهي موسعه صدرها..
تركي وضربه على ظهره: يلا عقبال ما تنكسر رجلك وتقرا كلام ثاني ههههه..
سليمان: تتطنز حضرتك..نوم واللي يعافيك وانت ساكت..
تركي: بنام وعسى احلم برغد قلبي..
ونام سليمان وتركي مجافيه النوم يفكر برغد"احس ان بين رغد ووليد شي .مع اني متاكد ان وليد يحبها..بس اللي محيرني رغد ما ادري عنها..ساعات احس انها تميل له وساعات احس انها تميل لي وتحبني بعد..بصراحه هالبنت لغز ما عرفت احله..بس ا نشا الله بعد الكلام اللي قلته لها اليوم تحدد موقفها يا انا يا وليد"
وبعدها راح في سابع انه يصحى ورغد تكون من نصيبه..
وليد اليوم ما عرف طعم النوم ابد .يفكر كمان برغد..
"في امل رغد تحبني...ايه ليش لا هي ما تكرهني ومعاملتها لي حلوه..بالعكس احس انها في اغلب الاحيان تميل لي..بس اللي ما توقعه انها وصلت معاي لدرجة الحب..بس ا نشا الله بعد الكلام الي قلته لها تفكر تحبني...بس المستغربه ليش انصدمت لما قلت لها اني احبك وانصدمت اكثر لما سألتها وانتي؟؟؟ يكمن مستحيه..او ما توقعته..بس احساسي يقول انه بيجي يوم وتحبني فيه رغد"
وكمل تفكير لحد ما طلعت الشمس وغلبه النوم..

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
فيصل من يوم ناموا العيال وهو ما سك موبايله وداقها سوالف مع فجر..
فيصل: الووو..
فجر:الووو..
فيصل: هلا والله بفجر عمري..
فجراستحت: اهلين..
فيصل: تصدقين وحشتيني..
فجر: بس تونا شافين بعض..
فيصل: لو تبعدين عني لحظه توحشيني..
فجر: وانت بعد..
فيصل: شنو..
فجر: وحشتني..
فيصل:آآآآآآآآه تصدقين ودي اقوم واصرخ بس حرام نايمين..
فجر: ههههههه..
فيصل: يا لبى هالضحكه يا ناس بتذبحني..
فجر: فصول ..
فيصل: بعد دنية فيصل انتي آآمري..
فجر: وش اخبارك وش علومك؟؟
فيصل: الحمد لله تمام من يوم سمعت صوتك..تذكرت...انا زعلان عليك..
فجر: ليش وش سويت انا..؟
فيصل: ليش ما جيتي مع البنات اليوم عند البحر..
فجر: والله كنت يا بعد عمري مشغوله..
فيصل: وصلني خبر يقولون مستحيه..
فجر: اللي وصله اكيد رويم ولا عنيد صح؟؟
فيصل: ايوه..
فجر: كذابات ماني مستحيه ولا شي بس كنت مشغوله..
فيصل: اجل انا اسف لسؤ الظن فيك..
فجر: لالا عادي حبيبي تمون..
فيصل: عادي ايش ما سمعت..؟
فجر: عادي تمون...
فيصل: لا انا ما سمعت الكلمه اللي بينهم..
فجر بكل برائه: حبيبــــــــــــــي..
فيصل: قلبي يا ناس بوقف البنت هذي تبي تذبحني اليوم بسكته قلبيه سببها زياده جرعه في الحب..
فجر: فصول ترى صدق خرعتني عليك..
فيصل برومنسيه: تخافين علي..
فجر: اكيد اذا ما خفت عليك اخاف على منو..
فيصل: وش رايك اسكر وارجع ادق عليك...
فجر: ليش؟؟؟
فيصل: بروح افحط واجي....
فجر: هههههههههههه حلوه..لا صدق فصول انت تفحط..
فيصل: وين ايام المراهقه..ترى كنت افحط علشانك..
فجر: ليش علشاني؟؟
فيصل: لاني كنت احبك واموت فيك وانتي ما عطيتيني وجه..فا احط حرتي في التفحيط..
فجر: فصول اسمع تفحط مره ثانيه ترى ازعل عليك.
فيصل: ليش؟؟
فجر: والله لو يصير فيك شي ترى انتحر.
فيصل: فديت عمرك انا والله..لهدرجه تحبينبي..
فجر: واكثر يا قلبي..
فيصل: لالا الحين بسكر وافحط انا وياك..
فجر: ههههه اعقل بس..فصولتي ما جاك النوم..
فيصل: معاك مافي امل اغمض لحظه..وانتي.؟؟
فجر: معليش فصولتي دايخه وتعبانه ودي انام..
فيصل: يا جعل اللي فيك فيني..ويله روحي ارتاحي تصبحين على خير..
فجر: وانت من اهل الخير يا قلبي...مع السلامه..
فيصل: مع السلامه..
سكر منها ونام والدنيا مو سايعته من الفرحه وفجر نفس الشي..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
صباح اليوم الثالث.....

صحت ريم التفت يمين ..يسار تدور رغد اختها ما حصلتها..استغربت وين راح تكون من صباح الله خير ..قامت وغسلت وجهها وصلت الفجر لانها ما صلتها ولبست عبايتها وتحجبت..وطلعت تتمشى شوي..وقررت تنزل تحت عشان تفطر..ونزلت وجلست على طاوله وطلبت لها فطور..قامت تلتفت يمين ويسار تتفرج على الناس...اجانب..عرب...واحد وزجته شكلهم في شهر العسل..طيرت عيونها في شخصين كانوا قاعدين في كنبه وحده جنب بعض الولد كان حاط يده على كتف البنت ولازق فيها وقاعد يسولف معها ويضحك والبنت حاطه راسها على كتفه وتضحك على سواليفه..وباين في عيونهم الحب..لكن الطامه الكبرى انه الشخصين ريم تعرفهم زين مو فجر وفيصل لا...الشخصين هم..


هم.... رغد وسليمان..
ريم خنقتها العبره وراحت لعندهم..
ريم تصارخ: ليش يا رغد كذا ليش؟؟
رغد مصدومه: ريــــــــــــم..."ووقفت ووقف معها سليمان" انتي وش مصحيك بهالوقت..
ريم تصارخ ودموعها سيل: جاوبيني على سؤالي ليش تخونني يا رغد ليش؟؟
رغد مرتبكه: لالا يا ريم انتي فاهمه الموضوع غلط..
سليمان بقسوه: رغد لا تقعدين تبررين لها...قولي لها الصدق وخلاص..
ريم تطالع سليمان بأستحقار وما همها...اهم شي عندها اختها: رغد قولي الصدق عادي ما راح يصير فيني شي..
رغد بربكه: بصراحه يا ريم..انا وسليمان نحب بعض..بس انتي قلتي احبه فا ما حبيت اكسر بخاطرك وقلت لسليمان السالفه..وهو رحمك وقال لي بسوي نفسي احبها عشان خاطري انا..عرفتي السالفه الحين..
ريم صارت تصارخ وتبكي وراحت تضرب رغد بجسم منهار ومهدود..
ريم: ليش ...ليش يا رغد ليش....
لما حست ان احد يهزها بقوه..
رغد: ريم ريم..اصحي..ريم..
ريم فتحت عيونها وفزت من سريرها وبعدين طالعت رغد: ليش يا رغد ليش..
رغد: وش اللي ليش الله يهديك..قومي تراك تحلمين..
ريم: احلــــــــــم...يعني كل اللي صار حلــــــم...
رغد: ايه..
العنود صحت من اصواتهم: يا لليل..مره ثانيه لاتحلمين ازعجتينا..
ريم ضحكت من قلب:هههههههه الحمد لله انه حلم ولا كان كرهتك يا رغد..
رغد: وليش وش اني مسويه..
ريم: بروح اغسل واجي اقولك..
راحت ريم غسلت وصلت ورجعت لرغد..
رغد: هاه حمستيني وش صار...؟
ريم: حسبي الله على بليسك خليتيني انهبل..
رغد: اخلصي قولي..
قالت ريم لها الحلم..
رغد: هههههههههههههههههههه اتخيل بس شكلي مع سليمان..
ريم/ بغيت اذبحك..
رغد: اجل ما همك سليمان..
ريم: لا ما همني..كنتي انتي اللي قاهرتني..
غد: يا حليلك..بس شوفي احتمال حلمك يتحقق مو تنصدمين.
ريم: تسوينها..اذا انتي محوشه على اثنين اكيد الثالث في الطريق..
رغد تقلب وجهها للوان وانقلب كيانها فوق تحت وقالت بصوت مكسور: وتحسبيني مبسوطه على هالشي..تحسبيني فرحانه اني قاعده العب في مشاعر الناس..
ريم تحسفت انها تكلمت: والله ما كان قصدي كنت امزح...
رغد تنهدت: بس هذي الحقيقه..يا ريم والله معاناة..ادعي لي ربي يفرجها علي..
ريم: يا رب..
وبعدها صحى الكل من بنات وعيال وحريم ورجال واجتمعوا مع بعض وافطروا..
وقرروا البنات يريحون السوق عشان فجر تشتري لزواجها ..واتفقوا ان كل يوم من الظهر لما المغرب سوق وبعدها يتمشون..
راحوا العيال والبنات السوق والرجال اخذوا الحريم وراحوا يمشونهم في دبي..
البنات من يوم دخلوا المجمع وهم داخلين من محل وطالعين من الثاني ويشترون كل ما تراه اعيونهم<<حلوه هذي..
وبعد لف ودوران قرروا يرتاحون شوي..وتغدوا وكملوا شرى لما اذن المغرب رجعوا عشان يصلون ويرتاحون..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&
فــــــــــــــــي الفندق..
وبالتحديد في سويت البنات..
فجر رافعه قميص نوم من اللي شرتهم: وش رايكم في هذي..
رغد: تهبل..
ريم: تجنن..
العنود: بايخه..
فجر: ليش وش فيها؟
العنود: عاريه مره..تبين يطلع فخذك..
فجر: عادي متزوجه انا..
العنود: ما ادري..لو انا في مكانك بأستحي..
عبير: ما عليك منها..البسي اللي تبين..
فجر: بشوف يا عنيد وش بتشترين لزواجك..
العنود: كله اكمام طويله..وطويل لحد الارض..
ريم: ايه هين اقص ايدي..
العنود: الا اذا كان زوجي اللي في بالي..
ريم تخبط العنود: يا اللي ما تستحين على وجهك..
العنود: عادي وش فيك زوجي حلال علي وان شا الله يصير اللي في بالي قولي امين..
ريم: اميــــــن..
عبير: ومن هو اللي في بالك..
العنود: قلتيها في بالي..يعني ماله داعي اللقافه..
عبير: يعني تخبين علي..
العنود: مثلك...قولي واقول..
عبير: اجل حلمي..
العنود: حتى انتي حلمي..
ريم: خلاص عاد انتي وياها دايم هواش..
العنود: ما عليك منها.."وهمست لها "الا اقول ريم ما عندك خطه..
ريم: اكيد يا قلبي عندي..
العنود: نورينا..ابي طلال يموت فيني وبأسرع وقت..
ريم: اسمعي اليوم راح اشتغل على مظهرك الخارجي..
العنود: كيف ما فهمت..!!!
ريم: يعني شوية سيشوار..وشوية ميك اب.. وشوية لبس كيوت وبس..
العنود مكشره: لا تقولين..
ريم: تبين ولا طلال بيطير منك..
العنود: اوكيه خلاص..
ريم راحت هي والعنود للغرفه الثانيه..
ريم: يله..بسم الله بدينا..
قامت ريم وبدت تشتغل..سوت سيشوار للعنود لان العنود دايما تخليه مجعد ويناسبها وخصوصا انه قصير بالمره يعني شعرها(boy)..
وبعد كذا سوت لها تسريحه بسطيه وحطة لها كرستاله صغيره على جنب..وبعد كذا حطت لها ميك اب نعوم وردي وكحل ومساكرا وبلاشر وروج غامق شوي وعليه جلوس ..وطلعت العنود تهبل وودكم تاكلونها وبعدين دورت لها لبس انيق وحلو .وخصوصا ان كل تيشرتاتها رجاليه وحقت "نقى"وكمان بناطيلها كلها"bigess"..لبست بلوزه صفرا وعليها جاكيت جنيزوطاغي عليه اللون الوردي وبنطلون جنيز وبأخره من الطرف رسمه بالخيوط الورديه..طبعا كل قطعه من بنت..وبعدين اخذت ايشارب ولفته على رقبتها..ولبستها سندل مو عالي بس فينفس الوقت فخم..ولبست كمان حلق بالمره صغير ورشتها عطر" valentine" لان عطوراتها اكيد كلها رجاليه..
ريم: يله قومي طالعي نفسك بالمرايه..
العنود: باقوم اشوف اكيد مخليتني دراكولا.
ريم وهي منبهره بجمالها: انتي قومي بعدين احكمي..
قامت العنود وطالعت نفسها بالمرايه..وانصدمت..
العنود:هذي انا..
ريم: لا هذي ظلي..هاه وش رايك...
العنود: صراحه كأنها توأمي مو انا..
ريم: عجبك؟؟
العنود: بصراحه حلو..لالا يجنن..بس احس انهم بنصدومن ويعلقون علي..
ريم: ما عليك منهم الواثق من نفسه يمشي ملاك..
العنود: وانتي الصادقه الا شلون خليتني كذا.."ورجعت تطالع نفسها بالمرايه"
ريم: اصلا انتي يا بعد قلبي حلوه بلا شي بس شوية لمسات وطلعتي تخبلين..
العنود: تسليمن والله يا بنت عمي..
ريم: ما بقى الا مشكله وحده بس.
العنود: اللي هي..
ريم: صوتك واسلوبك
" العنود صوتها مبحوح طبيعه بس تعودت تفخمه"
العنود: عاد هذي يبي لي سنين.
ريم: لا سنين ولا شي ..شهر بالكثير..وتطلعين كذا..
العنود لفت على المرايه وصارت تلف على نفسها: عاد الصراحه طالعه اهبل اول مره احس اني حلوه..حتى في الزواجات ما اطلع حلوه عشان الميك اب " "over
ريم: يله اطلعي على البنات خلينا نشوف رايهم..
العنود: يله والله يستر..
وطلعت للبنات..البنات كلهم فتحوا افاميهم
..
رغد كانت في ايدها شنطة فجر وطاحت:ما شالله تبارك الرحمن من هذي..؟
العنود: رغيد بلا استبهال انا العنود..
رغد: عارفه انك العنود اجل ظلها..بس السؤال وش عندك؟؟
العنود: هاه وش رايكم..
شجون: ياي تهبلين..
نوف: قمر بسم الله عليك..
الهنوف: وش رايك احجزك لاخوي "وطالعتها رغد وسكتت"
مها: تراني غرت بروح احط ميك اب..
عبير باحتقار: وش اللي قلب القرد غزال..وش سوت لك ريم..
العنود طنشت عبير وما ردت عليها: تسلمون والله..
رغد: طيب ما قلتي لنا وش المناسبه..
العنود: والله بدون مناسبه كذا..
رغد: اهاا..
العنود: تسلمين يا رويم..
ريم: الله يسلمك يا عنيد.
الهنوف ميته ضحك: ما يصلح على هالكشخه اسلوبك..
العنود: شوي شوي علي بعدين اتعدل..
عبير: بس وش السبب اللي قلبك فوق تحت..
العنود: والله انا حره بسبب بدون سبب كيفي.. وحتى لو كان فيه سبب ما راح اقول لك..
رغد حست بالتوتر بينهم فا حبت تغير الموضوع: عبير تعالي معي ساعديني..
راحت لها عبير..
العنود: الحمدلله والشكر بس..
ريم: وش فيكم وش صاير بينكم..
العنود: ما صار بينا شي ..بس ما ادري وش فيها قالبه علي كني ذابحه اهلها..
ريم: يمكن قايله لها شي وانتي ما دريتي..
العنود: ما قلت لها شي وبعدين لو سويت شي قالت لي وتهاوشت معي..بس ما صار شي هي كارهتني كذا بدون سبب..
ريم: بصراحه غريبه..عبير طبعها مو كذا..
العنود: ما عليك منها تراها طالعه مع خشمي بس طايحه لي استحقار ونظرات وتنطيل في الكلام..
ريم: الله يعين..
العنود: وين راح ترحون اليوم..
ريم:والله كني سمعت البنات يقولون خلونا نروح الملاهي..
العنود: الملاهي...........حلو..
ريم بخبث: ليش وش عندك..؟
العنود: يعني يمديني اتلزق في طلال..
ريم:عنيد نصيحه مني لا تركضين ورى احد خليه هو يركض وراك..
العنود: واذا ما ركض وراي وش اسوي..
ريم: يعني خلاص ما يفكر فيك..وانسيه..
العنود: انساه بعد كل هذا انساه..بعد ما تغيرت عشانه..وخاطرت بنفسي وفيك وكسرت ايد سليمان وبعد ما قلبت اختي علي تقولين انسيه..
ريم: وش دخل عبير في السالفه..
العنود: بصراحه احس انها تحب طلال..
ريم: وش دراك انتي....؟
العنود وهي منزله راسها: اختي واعرفها زين..
ريم: واذا انتي داريه انها تحب طلال تروحين انتي تحبينه..
العنود: طيب هي ما قالت شي..ويمكن اني اتوهم..
ريم: واذا قلت لك اني انا بعد احس انها تحب طلال..
العنود:يعني ما لنا الا حل واحد..
ريم: اللي هو....؟؟؟
العنود: طلال يختار وحده منا..
ريم: ما تخافين تخسرين اختك او اختك تخسرك..
العنود: محد راح يخسر شي..
ريم: بس ما يصلح هو يحدد مصيركم..لازم انتو تحددونه بأنفسكم...
العنود: طيب كذا الحياه..كذا قدري انا واختي..كنا نتهاوش على اشيا تافهه والحين نتهاوش على اشياء كبيره بس ما زلنا خوات وراح نظل خوات مهما صار..
ريم بتردد:طيب افرضي اختار...عبير..
العنود: راضيه..بس يمكن يختارني..
ريم:العنود انا اقول لك فكري زين قبل ما يفوت الاوان..ولا تنسين طلال بداله طلال ثاني بس اختك عبير ما راح تلقين لها بديل فهمتي علي..
العنودلاص فكينا من الموضوع ترى راسي يعورني وبعدين ما احب افكر اني اخسر طلال ودي اكسبه واكسب اختي..
ريم: اللي يحب يضحي..
العنود: ريم تكفين طلبتك غيري السالفه"وخنقتها العبره"
ريم شا فت العنود بتبكي وخنقتها العبره: العنود ادري انك تعانين بين اختك واللي تحبينه..
العنود راحت في حضن ريم وصارت تبكي مثل الاطفال العنود ولي أول مره تبكي ..هي بس مره نزلت دموعها لكن هالمره تبكي وتشاهق..وريم صارت تبكي اكثر منها اول مره تشوف العنود ضعيفه بالشكل هذا..
العنود: والله يا ريم تعبت والله تعبت وش اسوي ..
ريم رحمتها: سوي اللي تبين انتي حره..حبي واختاري اللي تحبينه..ليش انتي تضحين..
العنود تمسح دموعها: صح ليش انا اللي اضحي..
ريم: اهم شي راحتك ما عليك من احد.
العنود:صح كلامك....بس............بس وين اللي بتطبق هالكلام ما اقدر...ما اقدر..
ريم: ادري انه صعب بس اجلي الموضوع بعدين..يمكن يصير شي جديد..
العنود: شورك وهدياة الله..
ريم بمزح:يله قومي غسلي وجهك وبعدين خربتي مكياجي..
العنود ابتسمت:اوكيه بس ترى راح تحطين لي ثاني..بس هالمره مو عشان طلال هالمره عشاني..
ريم:يله قومي..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
رغد اخذت عبير بعيد عن البنات..
رغد: عبير وش فيك على العنود ..صاير بينكم شي.؟
عبير: لا ما صار بينا شي..
رغد: اجل وش فيك عليها..
عبير: ما ادري ليش اذا شفتها اتنرفز..
رغد: هذي اختك حرام اللي تسوينه فيها وهي ما سوت لك شي..
عبير: ادري..بس احس غصب عني اتنرفز اذا شفتها ..
رغد:عبير في شي فقلبك ودك تقولينه لي..
عبير بتردد: لا....لا ما فيه شي..
رغد: اكيـــــــد..؟
عبير: اكيــد...
رغد: اوكيه براحتك ومتى ما حبيتي تتكلمين بنت عمك واختك رغد موجوده..
عبير ابتسمت:تسلمين والله..
رغد: يله قومي البسي وحاولي تخفين على العنود لان مالها ذنب اوكيه..
عبير: اوكيه بحاول..
كل البنات قاموا يتلبسون ويتكشخون واستعدوا للطلعه..
ريم: يله اتصلي يا رغد على مشاري خليه يودينا..
رغد: اوكيه..
واتصلت على مشاري وقال لهم اهم ينزلون تحت يستناهم مع العيال..
فجر وهي تلبس عبايتها رن موبايلها..
فجر: الوو..
فيصل: هلا والله بهالصوت..
فجر: هلا فيك..
فيصل: فجوره..لا تروحين مع البنات ابيك تجين معاي..
فجر استحت: طيب خلها المره الثانيه..
فيصل بخبث: لا عادي هالمره والمره الثانيه ..يله دقايق وابيك تكونين عندي..
فجر: خلاص اوكي باي..
العنود: لا تقولين انك بتروحين معاه..
فجر: الا بروح معاه..
ريم: هذا اولها يبي ياخذك منا..
فجر: طيب وش اسوي..
رغد: روحي ولا عليك منهم..
فجر: يلا بنات اشوفكم هناك..باي...
البنات: باي..
عبير: حشى هذا اولها ما خلنا ننبسط مع بنت عمتنا..
شجون: حدكم عاد على اخوي..
عبير: تكفين فكينا انتي واخوك..
الهنوف: يا ناس زوجته هو حر فيها..
العنود: حر فيها بعد الزواج مو الحين..
رغد: والله هم تملكوا خلاص حلال عليه..
ريم: ولو يخليها تجلس معانا شوي..
رغد: الهنوف تكفين خلينا نروح لان هذولا بيرفعون ضغطي..
الهنوف:يله..
قربت نوف من عند البنات: وذا على كيفه ياخذ اختي وبس..
العنود: لو اني مكانك ما سكت رحت وقلت لامي انه عيب وانه وانه وانه ..لما ما تخليها تروح معاه..
عبير: وصدق بتسوين هالحركات اذا تزوجت ..
العنود: لا بسويها اذا تزوجت ريم بنت عمي..
عبير: يكون احسن..
ريم تبي تغير السالفه:اقول نويف مو تصدقين كلام عنيد ترى ما عندها سالفه..
نوف: ودي اسويها بس اخاف اكسر بخاطر اختي..
ريم: ايه...وبعدين يله انزلوا لا يفجر فينا مشاري..
البنات: يله..
وركبوا البنات السياره مع مشاري وفجر ركبت مع فيصل..
فيصل يفتح باب السياره لفجر.
فيصل: تفضلي..
فجر ركبت السياره:مشكور..تسلم..
فيصل سكر الباب وراح الجهه الثانيه وركب..
فيصل: تو ما نورت السياره..
فجر: منوره بأهلها..
فيصل يطالع فجر بنظرات كلها حب واعجاب لدرجه ان فجر استحت وصارت تعدل بحجابها وتعدل عبايتها..تحس انها عاريه..
فيصل: سبحان اللي صورك ملاك..
فجر: تسلم عيونك الحلوه..
فيصل: تصدقين توني انتبه ان لون عيونك رمادي..
فجر في نفسها"يا ربيه وش هالفشله يعني ما انتبه انها عدسات":هههههه..
فيصل: صدق لون عيونك مره حلو كيف ما انتبهت لها من اول..
فجر تبي تصرف: ههههه عادي تصير...الا ما ودك تحرك السياره..
فيصل: الا بس جمالك ما يخليني..
فجر استحت: فييييصل..
فيصل: طيب خلاص وهذاني حركت السياره..
حرك فيصل السياره وشغل المسجل وحط اغنية نجوى كرم"هيدا حكي"
هيدا حكي..هيدا كلام..
هيدا عشق..هيدا غرام..
جن وحالي نسيني..خل جنونك يعديني..
وبمملكتك خليني..احرق عرش المملكه...هيدا حكي..
مسك فيصل ايد فجر وباسها..فجر في هاللحظه ودها الارض تنشق وتبلعها ..فيصل حط ايدها على خده ويغني مع نجوى كرم ويطالع فجر بكل حب وشوق ورمنسيه..فجر بالمررره مبسوطه مع فيصل وحمدت ربها انه كان من نصيبها..
ووقفوا عند اشاره..
فيصل: فجوره قلبي ممكن اطلب طلب وما تقولين لا..
فجر: لك عيوني فداك..
فيصل: تسلم عيونك..ممكن اطلب بوسه صغيره منك..
فجر فص ملح وذاب تدورونها ما تلقونها من الحيا: الحين!!!..
فيصل: ايه الحين..
فجر: قدام الناس!!!!!..
فيصل: محد حولك..
فجر: لازم!!!..
فيصل: ترى بزعل..
فجر قربت منه وطبعت بوسه على خده..
فيصل انسدح على المرتبه: خلااااااااص انا بذوب..
فجر وجهها احمممممر: ههههههه..
فيصل بجديه: فجوره بصراحه ودي اقولك شي..
فجر خافت: وش فيك..قول؟؟
فيصل وفي عيونه لمعت خوف: بصراحه يا فجر خايف افقدك..خايف تروحين عني.
فجر مسكت ايده: ما راح اروح.."وابتسمت"شوفني انا جنبك..
فيصل وحط ايده الثانيه فوق ايدها:وعد يا فجر ما تتركيني..
فجر: وعد مني..
فيصل ابتسم ورفع صوت المسجل وخلا صوت نجوى كرم يتردد في السياره..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
وصل الكل للمدينه الترفيهيه اللي هي الملاهي على قولتنا..كانت كبيره بالمره ومليانه العاب محمسه ومثيره وبعضها خطيره..
العنود: وااااو اليوم بنفلها..
ريم: ولا لعبه راح تفوتنا..
رغد وهي تطالع الالعاب: اللي يحب الاكشن يلحقني..
افترق الكل وصار مجموعات..
رغد وهي تاشر على لعبه مره خطيره وحلوه في نفس الوقت: انا بدخل ذيك من يجي معاي..
الهنوف: لو اموت ما ركبتها..
رغد: رويم تركبين معاي..
ريم: يلا قدام والعنود تجين انتي وعبير..
العنود: انا جايه..
عبير: ما راح اجي...
ريم: كيفك انتي حره..
راحوا البنات لعند اللعبه وقصوا تذاكر وصار ينطرون الدور يجيهم..
تركي: ابو سلوم شوف البنات بيلعبون هاللعبه..
سليمان: يله معاهم..
تركي: يله..
وقصوا لهم تذاكر والبنات ما انتبهوا لهم..
جا دورهم للعبه..ركبت العنود على الطرف اخر اللعبه وبعدين ريم بعدين رغد جا تركي وعلى طول جلس جنبها وجلس جنبه سليمان..
رغد ما انتبهت لتركي وتكلم ريم: يا الله يا ريم وناسه..
ريم: سمي بالله..
رغد: تصدقين خفت..
تركي بصوت هادي: لا تخافين وانا معاك..
رغد انصدمت من الصوت ولفت على صاحبه: تركي..
تركي ابتسم: ايوه بشحمه وبلحمه..
رغد وهي تكبس بعيونها:وش جابك؟؟
تركي ويسوي نفسه برئ:عادي العب فيها شي...
رغد: لا...ما فيها شي..
بدت اللعبه تسكرت الاحزمه وبدت تدور بخفيف وكانت رغد تغمض شوي تفتح شوي..والعنود وريم ميييتين ضحك..
وبعدين بدت اللعبه تدور بسرعه مريعه ما تتصورن قد ايش تخوف..رغد قامت تصارخ من قمة راسها من الخوف..والعنود وريم يصفرون ويرقصون ويستهبلون..
رغد من الخوف وما حست بعمرها تمسكت بكتف تركي ودخلت راسها في كتفه ومسكت ايده بقوه..تركي ابتسم ومسك ايدها..
تركي يعلي صوته عشان تسمعه: لاتخافين وانا جنبك..
رغد تمسكت فيه اكثر: تركي...لا تتركني..
تركي: ما راح اتركك طول ما انا عايش وما راح اخلي احد ياخذك مني..
رغد وكأنها انبسطت لكلامه وتعلقت فيه وما ودهاتتركه..تركي مبسوط على هالشي وخصوصا انه مصمم ما راح يخليها لا للوليد ولا لغيره..وبعد حوالي عشر دقايق من الدوران بدت تهدى اللعبه وتوقف..
نزلوا البنات داخين روسهم تدور من كثر الدوران الدوران..ريم تمشي وصقعت في العنود وبعدين مشت وصقعت في رغد اللي من يوم وقفت اللعبه نزلت على طول ما ودها تشوف تركي بعد الحركه اللي سوتها..بعدين ريم مشت وخبطت في سليمان ولا تحركت من عنده وكأنه عجبها الحضن مع انها ما تدري مين صاحبه..
سليمان استغرب من ريم: ريم فيك شي..
ريم رفعت راسها بشويش ولما شافته ابعدت عنه وكأن احد قارصها:هاه...لالا ما فيني شي..
سليمان: اجلسي لما ترتاحين شوي...
ريم وهي تتأرجح شوي:لالا عادي شوفني مثل الحصان..
جات العنود ومسكتها: الله يخلف على ام جابتك..
ريم: وش فيك...
العنود: تمشين وتصقعين في خلق الله..
ريم: مادريت..
العنود: امشي خلينا نشوف هذيك اللعبه..
ريم: يله..
وراحوا يلعبون اللعبه..
************************************************** ******************************************
فيصل: فجوره وش رايك نشتري لنا ايس كريم..
فجر: يله..
فيصل: راح شرى الايس ورجع: تفضلي..
فجر: تسلم...
فيصل: بشرط..
فجر: حتى في الايس فيه شرط..
فيصل:ايه..انتي تأكليني وانا أأكلك..
فجر وهي تبتسم: وانا موافقه..يله يله افتح فمك يا امور..
فيصل فتح فمه....فجر:اووووووباه...شاطر فصول..
فيصل: ههههه يهبل منك..يله دورك افتحي فمك..
فجر طيب صغرها..
فيصل: انتي افتحي فمك كله يا الدلوعه..
فجر فتحت فمها بس كانت القطعه كبيره فا صار اسكريم على اطراف شفايفها..
فجر: زين كذا..
فيصل اخذ منديل ومسحه لها بكل حب: انتي الي فمك صغير..
فجر ساكته..
فيصل: وش فيك ما جا دوري..
فجرمن الحيا: خلاص كل واحد يأكل عمره..
فيصل: ما يصلح اللي اوله شرط اخره نور..
فجر: وانا فجر مو نور.
فيصل: حلوه بس منك..قومي يله خلي الايس..
فجر: حرام يجنن خلني اكله..
فيصل: قومي خليني العبك..
فجر: ما راح اتحرك من مكاني..
فيصل: ترى اشيلك..
فجر قامت خافت يسويها: لالا خلاص قمت..
وراحوا عند اللعبه حقت كبار بس هااااااديه بالمره..
فيصل: وش رايك في هذي..
فجر تطالع اللعبه: هذي ..بايخه..
فيصل: لالا هذي حلوه وشالها وركبها فيها..
فجر: فصوووووووووول..
فيصل: عيونه..
فجر: شوف الناس كيف تطالعنا..
فيصل: ما عليك منهم ..ناس غايره..
اللعبه عباره عن عربه تمشي في كل مناطق المدينه الترفيهيه..فيصل فتح ايده وحطها على كتف فجر وحط راسه على راس فجر..
فيصل بهمس: فجر...
فجر وهي حاطه راسها على صدر فيصل العريض: اممممم..
فيصل: تصدقين اني ماني مصدق انك معاي..احس ودي استمتع في كل لحظه انتي تكونين فيها..
فجر: حتى انا...لما اصير جنبك احس اني انسى الدنيا وما فيها..
فيصل قربها لمه وضغط على كتفها: الله لا يحرمني منك..
فجر: ولا منك..امين..
فيصل: فجر انتي مبسوطه معاي..
فجر: انت فرح دنياي..الدنيا دونك لحظه ما تسوى..
فيصل: طيب حبيتيني؟؟
فجر: انا مو حبيتك بس ..انا عشقتك..
فيصل: انا....انا...."قعد يفكر" ابي كلمه جديده..
قامت فجر تغني:
لك حب يا عيني من كثره..
قلبي مو قادر على حمله..
احتاج لحبك عشره قلوب..
يمكن تكفي ويمكن لا..
انا احبك؟؟
فيصل يمكل:لا..
فجر: انا اودك.؟؟؟
فيصل: لا...
فجر: ولا مغرم ولا أي احساس..
فيصل وفجر: احتاج لكلمه حب جديده ما مرت على كل الناس..
فجر: في قربك وفي بعدك اشتاق..
شوف حبك وش مسوي فيني..
لو اكتب لك حبي بأوراق..ما تكفي اوراق الدنيا..
تشتاقلك روحي بكل لحظه..
تتعبني بغيابك عني..قلبي وهوقلبي يحبك..
يا محبوبي اكثر مني..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
رغد كانت تمشي لحالها تفكر بتركي واحساسها انها بدت تحبه او انها كانت تحبه ..احتارت في مشاعرها ...فاجأها صوت من وراها..
وليد: بووووووه..
رغد لفت عليه مخترعه وضربته: يمه خوفتيني..
وليد: هههههههه..اجل خوافه..
رغد مشت: لا ما خفت بس اخترعت..
وليد مشى جنبها: كيفك اليوم؟؟
رغد: الحمد لله تمام..وانت؟؟
وليد: اذا انا شفتك فا اعرفي اني انا بخير..
رغد ابتسمت وهم يتمشون: وين العيال...
وليد يتلفت: ما ادري عنهم ........"وفجأه مسك ايدها وسحبها"تعالي تعالي..
رغد وهي تمشي وراها:على وين..
وليد: امشي معاي..
وقف عند السيارات التصادم وطالعها وبعدين كمل مشي لحد ما وصلوا السياره ركبها السياره وجلس جنبها وربط لها حزام الامان وربط لنفسه..كانت رغد طول الوقت مصدومه من وليد وصايره كأنها لعبه وليد يحركها مثل ما يبي..وبدت اللعبه..
وليد: شوفي شوفي هذي خلينا نصدمها..
رغد تحمست:يله يله.."وصدومها"
رغد: ههههههههه تستاهل..
وليد يضحك ويطالعها: هاه وش رايك في ذاك الولد اللي مسوي فاهم على البنات..
رغد: عندك اياه..
ومشى وليد بسرعه ناحية الولد ورغد بعفويه تمسكت في وليد عشانها خايفه من الصدمه..وليد مبسوط وفرحان والدنيا مو سايعته ..وش يبي اكثر من كذا رغد راضيه عليه و تضحك معاه..والحين متمسكه فيه من الخوف بدليل احساسها بالامان معه..
رغد: ههههههه شوف شكله رايح فيها..
وليد: هههههههه يا الله يقولي وقف الله يخليك..
رغد: هههههه يا حليله اجل يستقوي على البنات
وليد بكل حب..:مبسوطه..؟؟
رغد وهي تطالع الناس بأبتسامه: اكيــــد..
وليد: وهذا اهم شي..
ووقفت اللعبه ونزلوا ووليد ماسك ايد رغد..رغد ساكته ما تدري هي ليش مبسوطه عليه وراضيه على الحركات اللي يسويها..
وليد: امشي معاي اشتري لك حلاو قطن<<عرفتوه الوردي اللي هوغزل البنات..
رغد: الله من زمان عنه..
وليد راح اشتراه: يله افتحي فمك..
رغد:آآآآآآ..اممممممممم لذيذ..
وليد اكل بعد رغد: هو حالي وبعدك احلى..
رغد استحت من كلامه وفي نفس الوقت انتبهت للكلام اللي قاله..تركت ايده وتغير لونها..وليد حس بهالشي وسوى نفسه ما يدري..
وليد: رغد وش فيك..ودك نرتاح..
رغد: لا ابي البنات..
وليد: اوكيه ..يله.."وهو يمشي"تبين غزل البنات..
رغد: لا ..كله بالعافيه..
وليد: رغد وش فيك علي..؟
رغد: اسأل عمرك..
وليد: غصب عني والله غصب..لاني احبك يارغد..احبك..
رغد موصله معاها: وانا يا وليد.........."وسكتت"
وليد: وانتي ايش يا رغد ايش..
رغد:اقولك ودني عند البنات ولا خلني اروح بروحي..
وليد:موقبل ما تقولين لي انتي ايش يا رغد انا ايش بالنسبه لك..
رغد: وليد بليز اعفيني من الجواب..
وليد: ما اقدر اسمحي لي..انا وش بالنسبه لك..
رغد: انت.....انت ولد عمي..
وليد وكأنه تطمن على الاجابه ..يمكن خايف تقول اكرهك..او ما احس بناحيتك أي شي..
رغد قالت ولد عمي ..ليش ما تدري لو انها قالت له مثل اخوي كان ارتاحت بس ما تدري وش اللي منعها..يمكن لهفة وليد على الجواب..يمكن خوفها على وليد..يمكن يمكن يمكن اشياء كثيره..
راحت رغد عنه لحقها ووصلها لعند البنات وهم ساكتين وصلها وراح..
ريم: وش عنده وجه النحس معاك..
رغد ومالها نفس: ما عنده شي..
ريم: وش فيك..رغد مسويلك شي..
رغد: ريم قلت لا خلاص يعني لا..
ريم: اوكيه ..اوكيه لا تعصبين.....
جاء مشاري ومعاه طلال عند البنات...
مشاري باللبناني: هاي كيفكم صبايا..
طلال: تكفى اسكت ما يليق عليك اللبناني..
مشاري: اجل يليق عليك..
طلال: اكيد تأبر ألبي..
رغد: تحوم الكبد منكم الاثنين..
ريم: وووووع لا عاد تعيدونها تكفون..
طلال: تهزئنا ولا...
مشاري: الا ملاحظ هالشي..
رغد: وش عندكم جايين..
مشاري: جايين نسلم عليكم ونطمن عليكم .."ويطالع الهنوف"
الهنوف نزلت راسها من الحيا..
رغد تطالعهم اثنينهم: علينا هاه..
مشاري: هاه لعبتوا..
رغد: ايوه لعبنا الا الهنوف..
مشاري: افا ليش ما خليتوا الهنوف تلعب..
رغد: خوافه ما عليك منها..
مشاري قرب من عند الهنوف: ممكن اوديك لعبه..اكيد راح تعجبك..
الهنوف بحيا: اوكيه..
رغد: احلى حركات..
الهنوف تأشر لرغد يعني شغلك بعدين..
مشاري: يلا مشينا..
وراحوا للعبه نفس اللي ركبها فيصل وفجر هاديه ورمنسيه..
مشاري: يله تفضلي..
ركبت الهنوف..
مشاري: عادي اجلس جنبك..
ما امدى الهنوف تجاوب الا مشاري ركب معاها..
ركب مشاري بس بعد عن الهنوف شوي..
الهنوف ميته حيا وخوف من تركي في نفس الوقت..
مشاري: احم احم..الهنوف..
الهنوف رفعت راسها تطالعه:هـــلا..
مشاري: تصدقين لو قلت انك احلى وارق بنت شفتها بحياتي..
الهنوف ابتسمت وتوترت وصارت طالع يمين ويسار بس اهم شي ما تطالع مشاري..
مشاري مسك وجها ولفه عليه وكمل: وتصدقيني لو قلت اني معجب فيك..واني افكر.....افكر......اخطبك..
وصار يطالع الهنوف يبي يشوف ردة فعلها...
الهنوف تطالع بعيون مشاري وخنقتها العبره..
وكمل مشاري: الهنوف لو اجي اتقدم لك بتوافقين..
الهنوف نزل عليها الصمت ما قدرت تتكلم لانها لو تكلمت بتبكي..
مشاري ما شاف منها أي تواصل:طيب انتي موافقه مبدئيا..
الهنوف تطالع مشاري وعيونها مليانه دموع وهزت راسها بمعنى الموافقه..
مشاري اتسعت ابتسامته ووده يقوم ويرقص من الفرحه وقام يصارخ والناس تطالعه وقعد يضحك: صدق يا الهنوف موافقه صدق..
الهنوف فرحت لفرحته:ايوه..
مشاري: وااااااااااااااااو يا ناس يا عالم الهنوف قلبي موافقه..
الهنوف: مشاري خلاص قصر صوتك فضحتنا عند الناس..
مشاري: انا ما همني احد اهم شي عندي انتي وبس..الهنوف وبس..
الهنوف ودها تضحك وتبكي .من الفرحه ما توقعت ابدا ان مشاري ممكن يفا تحها الموضوع..
ووقفت اللعبه وراحوا عند الشله..
ريم: على ايش هالصراخ..
مشاري مبسوط وقرب من ريم ومسك ايديها ويرقص معها: مبسوط يا ريم مبسوط..
ريم: فكني فشلتني الله يفشلك.. وعلى ايش مبسوط يا حظي..
وراح عند رغد ومسك ايدها ويحركها يمين ويسار ويغني..
رغد: الهنوف اخوي وش فيه انهبل..؟؟
الهنوف تطالعهم مبتسمه وكاتمه ضحكتها وهزت كتوفها بمعنى ما ادري..
طلال: اقروا على اخوكم اكيد دخلت فيه جنيه عاشقته..
رغد: بسم الله على اخوي..
العنود: شباب في لعبه مسوين عليها تحدي البنات والعيال..
ريم: وش التحدي..
العنود: متحدين من يركب هاللعبه.
واشرت على اخطر لعبه في المدينه الترفيهيه كلها..
طلال يطالع العنود وما عرفها عشان النيو لوك : العنود هذي انتي..؟؟!!!
العنود: لا ظلها ..
طلال: توني ادري انك العنود..وش عندك مسويه نيولوك..
العنود تدور على نفسها:هاه وش رايك؟؟
طلال باعجاب: بصراحه طالعه شي..
العنود: تسلم لي والله..
ريم تهمس لها:الناس تقول تسلم والله مو تسلم لي والله..
العنود: كيفي انا حره...المهم مين بيروح معاي..
طلال: انا..
ريم: وانا..
العنود: انطقي انتي..توك صغيره...يلا طلال..
طلال: يله..
العنود قربت من طلال وصارت تمشي جنبه..طلال بعفويه مسك ايدها..العنود حست بكهربا بجسمها..وخدودها حمرت واول مره تحس هذا الاحساس وارتسمت على شفايفها ابتسامه لها الف معنى ومعنى..وهم ما شين ناحيه اللعبه وقفهم صوت..................

الجـــــــــــــــزء الثـــــلاثـــون


العنود قربت من طلال وصارت تمشي جنبه..طلال بعفويه مسك ايدها..العنود حست بكهربا بجسمها..وخدودها حمرت واول مره تحس هذا الاحساس وارتسمت على شفايفها ابتسامه لها الف معنى ومعنى..وهم ما شين ناحيه اللعبه وقفهم صوت..................
عبير:على وين يا العنود؟؟
العنود اختفت ابتسامتها وارتبكت بس ما حبت تبين: وانتي وش عليك؟؟
طلال ببرائه:عبير تعالي معانا..مسوين تحدي على هذيك اللعبه..
عبير طالعت ايدهم المشبكه مع بعض ورفعت عينها على العنود بنظرات كلها احتقار..
طلال: عبير تجين معانا..
عبير: لا ..تهنوا فيها "وراحت"
طلال يناديها: عبيــــر...عبيـــــــــر..
عبير ما ردت عليه مشت وهي خانقتها العبره"ليش ماني قادره ارجع مثل اول ليش صايره حساسه بزياده..ليش انزعج من حركات العنود مع طلال..مع انه هذي حركاتها من زمان مع الكل..انا لازم القى حل ماني قادره اطيق نفسي.."
العنود حست بتأنيب الضمير ..فكت ايدها من طلال وصارت تطالع بظهر عبير وبطلال وتحس انها ما لها مكان بينهم..
طلال: العنود..وش فيها عبير ..مرره متغيره..
العنود بأسى:والله ما ادري وش فيها...
طلال: اوكيه..نروح للعبه..
العنود خف حماسها بس ما حبت تكسر بخاطر طلال: يله..
قربوا من عند اللعبه حصلوا الكل مجتمع عندها..
نوف: العنود لا تقولين بتركبينها..
شجون: بليز العنود لا تتهورين..
العنود بدت تنسى عبير ودخلت في جو الحماس والتحدي:لا بأركبها انا وطلال..
فواز: يا المهبول بتركبها..
طلال: اكيد..بس على ايش التحدي..
وليد: صرفيتكم علينا يومين كاملين..
العنود: انا موافقه..
طلال: والله فله..اوكيه وانا موافق..
ريم: عنيد تشهدي..
العنود: جهزوا فلوسكم بس..
طلال للعنود: مشينا..
العنود: يله..
اللعبه عباره عن عمود طويل وعاااااااااااااااالي بالمره معلق فيه الكراسي..الكراسي هذي اذا ارتفعت تسوي حركات..تتقلب فوق تحت يمين يسار..يعني بالعربي لحد ما تفرغ كل اللي في بطنك من هالحركات ومرررررررره سريعه وتخوف وكل اثنين مع بعض..
دخل طلال اللعبه وجلس على الكرسي وجلست العنود جنبه وتسكرت احزمة الامان..
طلال يصارخ عشان تسمعه: مستعده..
العنود: ايوه..
طلال: هاتي ايدك..
العنود مدت ايدها ومسكها طلال..
طلال: اذا حسيتي بأي شي قولي لي فهمتي..
العنود: اوكيه..
بدت اللعبه بهدوء..
العنود: سم بالله..
طلال : بسم الله الرحمن الرحيم..
وبدت تسرع...العنود تمسكت بطلال اكثر...وصارت تتقلب فيهم الكراسي..
العنود: واااااااااااااااااااااع..يمه لحقـــــــــــــي علي..
طلال: يارب تخلص اللعبه بسرعه ..واااااااااااااااااااااا
العنود فاضيه تقلد حليمه بولند: ابي امي..ابي ابوي..ابي زوجي..
طلال وبدى عنده الفضول يصارخ: ومين زوجك..
العنود بصوت واطي: ا نشا الله انت..
طلال ما سمعها: ميـــــــــــــــــن؟؟
العنود: في الحلم اتزوج..
طلال: والشخص الي في بالك..
العنود تفاجأت: من قال لك..
طلال: كان احساس يقول...بس انتي الحين اكدتي لي..
العنود: ما فيه احد..
طلال: خلاص بيغمى علي طولت..
العنود بصعوبه تتكلم: طلال....طلال..
طلال يطالع العنود: العنود وش فيك..؟؟
العنود: ما ادري بس احس.....اني........دايخـــــــــ"وسكتت"
طلال: العنود....العنود.."ويضغط على ايدها"..العنود..
ما ترد..............
وفي نفس الوقت وقفت اللعبه وانفتحت احزمة الامان قام طلال على طول مسك العنود وصار يضرب وجهها بخفيف..
طلال: العنود..العنود...اصحي يا الله شكل مافي فايده..
قام شالها صح انها ثقيله شوي بس طلال جسمه يساعده..نزلها من اللعبه ومشى فيها لحد الشله والكل اجتمع عليهم..
ريم قربت من طلال بعد ما حطها على الارض: طلال وش فيها بنت عمي..
طلال ياخذ نفس: شكلها اغمى عليها..
ريم نزلت للارض وصارت تضرب وجه العنود: حبيبتي اصحي انا ريم..
رغد والخوف مالي قلبها: عطر...ابي عطر..
صح ان في شنطة رغد عطر لكن مع الخوف نسته ..
في وحده كانت تراقب الوضع من بعيد..
عبير:مين اللي طايح عليهم..."ونغزها قلبها"...العنود...
هي بس تخيلت انها العنود صارت تركض لها وكأنها تقول انا السبب..عبير وصلت عندهم..
عبير: اختي وينها اختي..؟؟
رغد وهي تاخذ عطر شجون وترشه على المنديل: عبير هدي..بس اغمى عليها..
عبير مسكت وجه العنود: العنود..اصحي تكفين عشان خاطري..تكفين..
رغد تحاول تبعدها وتحط المنديل على انف العنود الصغير...
العنود حركت راسها بخفيف وصارت تهمس: عبير...عبير..طلال..
عبير: العنود انا جنبك..العنود اصحي يا قلبي..
رغد حطت المنديل مره ثاينه: ابي مويه..
مشاري معاه مويه: خذي..
خذت رغد المويه وصبت على ايدها عشان تمسح بها وجه العنود..ومسحته وبعدها على طول تحركت العنود وفتحت عيونها..
العنود: عبير وين انا فيه..
عبير: العنود حبيبتي انتي بخير؟؟
العنود صارت تطالع عبير وكأنها تأنبها على اللي سوته فيها..
عبير قرت افكارها وفهمت عليها وضمتها: سامحيني يا العنود..والله ما كان قصدي..صدقيني حياتي بدونك ما لها طعم..
العنود وهي تضم اختها: حطي عليها ملح..
عبير تضحك على اختها وتأكدت انها لو تفقدها لثواني راح تضيع: حتى وانتي تعبانه..
الكل ضحك عليهم والبعض منهم تأثر..
نوف:الحين جايين تضيقون صدورنا "وتمسح دموعها"..
ريم متأثره بس بدون دموع: كذا يا عنيد طيحتي قلبي..
فجر وفيصل شافوهم مجتمعين ..فجر تركت فيصل وصارت تركض لهم..
فجر:وش فيكم وش صار؟؟
رغد:سلامتك بس العنود حبت تعرف غلاها..
فجر ضمت العنود:غاليه يا قلبي غاليه..
العنود تستهبل: طيب خلاص خنقتيني..
فجر ابعدت عنها وضربتها: ما تعقلين عن سواليفك..
نوف:توك تجين يا مدام فيصل؟؟
فجر وهي تقرص خد نوف: وليه يا قلبي غايره..؟
وليد يطالع رغد طول الوقت..ومبهرته شجاعتها وحسن تصرفها في مثل هذي المواقف..
رغد كانت جالسه واول ما قامت صارت لاصقه في وليد لدرجه انه حست بحراة جسمه..
حاولت ترجع بس مافي مجال..البنات جالسين واللي واقفين يعني بالمره زحمه..
وليد وهو يطالع عيونها بكل شكر: مشكوره يا رغد..
رغد: على ايش؟؟
وليد: لولا الله ثم انتي ما توقع ان احد بيتصرف تصرفك..
رغد: لا عادي وش دعوه هذي اختي العنود..
وليد صار يطالعها ووده يقول شي دام الصمت بيتهم ثواني بعدين تكلم وليد..
وليد: رغد....
رغد كانت منزله راسها من نظراته لها وبعدين رفعته: هلا..
وليد: رغد انتي زعلانه مني...
رغد:لا...
وليد: يعني مسامحتني...
رغد:لا...
وليد ابتسم: يعني تبيني اراضيك..
رغد ابتسمت غصب عنها: لا...
وليد: طيب كيف ارضيك..
رغد بدلعها الرباني وبروحها الخفيفه: خلاص رضيت عليك..
وليد مسك ايدها..رفعها يبي يبوسها نسى كل العالم..نس كل اللي حوليه وما بقى الا هو ورغد وبس..ورغد في هول صدمتها..بس.........في جسم دزه لما بغى يطيح..
وليد التفت بسرعه يبي يشوف مين اللي دفه: تركي!!!!!..
تكري بكل برائه: نعم..
وليد: انت اللي دفيتني؟؟
تركي: اوه..معليش بالغلط..
رغد زادت صدمتها كانت شافيه تركي جاي مسرع وعطاها نظره وبعدين صقع وليد..
رغد سحبت ايدها وهي ترتجف:في شي ثاني..
وليد: لا..اهم شي انك سامحتيني..
رغد: اوكيه انا رايحه..
البنات..قاموا يتمشون..
شجون: بنات بليز ما عاد نفترق مره ثانيه..
نوف: ليشم مين اللي افترق..؟
شجون: بصراحه كنا مشتتين..يعني العنود وعبير ..وفجر مع اخوي..
العنود وعبير يطالعون بعض..
عبير: من ناحيتي انا والعنود ا نشا الله ما راح يفرقنا الا الموت..
العنود تأيد كلامها: ايوه..
ريم: وانتي يا جولييت..
فجر: انا بحاول قدر الامكان اخفف طلعاتي مع فيصل..
نوف: فجوره احنا ما نقول لك لا تقعدين معاه..بس كمان لا تعطينه وجه..مثل اليوم طول الوقت جالسه معاه..المفروض تجلسين معانا..وشوي معاه.. فهمتي قصدي..
فجر: ايوه صح كلامك..بعد عشان ما يمل مني..
شجون: لا تخافين من هالناحيه يموت فيك ومستحيل يمل منك..
فجر احمرت اخدوها: ايوه وش اخباركم..احس اني من زمان عنكم..
الهنوف: الحمد لله..
فجر: عاد انتي مغبره بقوه..
الهنوف: ليش.؟؟؟
فجر: ما اشوفك كثير ولا اسمع صوتك كمان..
الهنوف بخبث: بس الغلطه مو غلطتي..
فجر: يا ذا الفيصل اللي ذابحكم..
عبير: ما عليك منهم مقهورين..
العنود: المهم بنات احس اني تعبانه متى راح نرجع..
رغد: وهذا انا اتصل على مشاري........الوووو..
مشاري: اهلين..
رغد: ميشو متى راح نرجع..عشان العنود..
مشاري: الحين...يلا استعدوا..
رغد: اوكيه باي..
مشاري: باي..
رغد: يقول الحين..
العنود: يله بنات الله يعافيكم تراي ماني قادره اوقف على حيلي..ولا تنسون التحدي..
البنات قعدوا يضحكون على العنود وخبالها..
ريم قربت من عندها وصارت تهمس لها تبي ترفع ضغطها: اما عليك تمثيل يا العنود خطير..اثرك تخططين من وراي.. ولا حركات اغمى علي وبعدين طلال يخاف عليك ...ههههههه والله انك داهيه..
العنود: لا والله حرام عليك كل اللي صار صدق..
ريم: علينا..علينا يا مناحي..
العنود: لا مناحي ولا يحزنون..والله من جد اللي صار لي يعني انتي ما صدقتيني..
ريم: احاول اصدقك..
العنود: الا تعالي وش صار صدق؟؟؟
ريم: عشان كذا اقولك داهيــــــــــه..
العنود: حمستيني وش صار..
ريم: اول ما وقفت اللعبه قام طلال وشالك مسكين ظهره راح فيها..
العنود ضربتها: والله اني خفيفه..وبعدين وش صار؟؟
ريم: ااااي..بعدين جابك لعندنا ورغد تصحي فيك وهو جالس جنبك..
العنود بعيون حالمه..:الله فارس احلامي شاليني..
ريم: ايوه بس بدون حصان..
العنود: عادي مو لازم الحصان..
ريم: اجل تبين تكسرين ظهر الرجال لازم حصان عشان يرميك عليه..
العنود: ما عليه المره الجايه..وبعدين وش صار..
ريم: بعدين جات عبير وبعد عنك..
العنود: تصدقين شكله يحب عبير..
ريم: وش دراك..
العنود: احساسي...وانتي وش تتوقعين..
ريم: والله علمي علمك..

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
رجعوا للفندق..راحوا البنات يدردشون مع امهاتهم شوي..
ام مشاري: هلا والله غلا..
البنات: اهلين..
ام ماجد: مالكم لا حس ولا خبر..
عبير: يمه وش تبون فينا..
ام ماجد: هاااو..بناتنا لازم نسأل عليكم ونتطمن..
العنود: شوفينا ما فينا الا العافيه..
ام فيصل: وكيف الطلعه..
نوف: والله يا خالتي انبسطنا..
شجون: مرررره وناسه..
ام سليمان: المره الثانيه بنكد عليكم..
ريم نطت: وش دعوه خالتي وجودك يشرفنا..
رغد تهمس لها: وينا وفيه في حفل تكريم "وتقلد صوتها" وجودك يشرفنا..
ريم: ما عليك مني اهم شي اتميلح عند خالتي..
\رغد: يمه منك داهيه..
ام فواز: وش اخبار عروسة العايله..
فجر وردت خدودها: تمام يمه..
نوف: ماخذ عقلها..
ام فواز: زوجها تتهنى فيه بعد قلبي والله.."ودمعت عيونها"
فجر: يمه اذا بتقلبينها عزا خليني اروح..
ام فواز وهي تمسح دموعها: ما اقدر يا بنيتي شي غصب عني..
نوف: ماما خلاص تكفين ترى بأبكي..
العنود:تكفون اذا السالفه فيها بكي وصياح ونياح خلونا نروح..
ام ماجد: تونا ما شبعنا منكم..
عبير: بقيه لبكره..
العنود: وانتي لحد الان ثقيلة دم..
عبير: طالعه عليك..
رغد تطالعهم وشتاقت لايامهم: الله يخليكم لبعض..
ريم قربت من عند رغد: امين ولا يفرقنا كلنا..
الهنوف: امين يا رب..
طلعوا البنات للسويت حقهم ودخلوا كلهم واخر وحده كانت رغد وتوها بتدخل الا وقفها صوت اجش تعرفه زين..
:رغد ممكن شوي..
رغد لفت على صاحبه: تركي............خير وش صاير..
تركي كتف ايدينه: والله صاير اشياء..
رغد خافت: وش فيه تكلم..
تركي قرب منها شوي: وليد هذا وش سالفته..
رغد لفت وجهها عنه: وليد هذا اللي تتكلم عنه ولد عمي..
تركي: وانا........وانا يا رغد وش اصير..
رغد طالعته تبيه يفهم من نظراتها انه هو الحبيب وهو الغالي وهو انت اللي اخترتك وبديتك على الكل والجميع..
تركي: تكلمي يا رغد..لا تخليني كذا معلق بين السما والارض..عاد انتي يا ترفعين فوق لسماك او انك تنزلين لسابع ارض..
رغد غرقت عيونها دموع: حشى والله دومك عالي..بس وش تبيني اقول لك..
تركي برجا: لي مكان في قلبك؟؟
رغد تبي ترتاح هزت راسها الايجاب..
تركي قرب منها اكثر: طيب مكن اعرف وش هالمكانه بقلبك لانـــــــ...........
حس ان رغد مطيره عيونها في شخص...
تركي وكأن احد كاب عليه مويه بااااااااااااااارده وما وده يلتفت ما يبي ينصدم....وبعد ثواني كأنها سنين التفت..........


تركي:طــــــــــــلال..
طلال كان مكتف ايدينه ويتفرج وبعدها قال: ما شا الله بصراحه عايشين الجو...
رغد ما حبت تبين أي علامات خوف..مع انها من داخل ماتت وخلصت: طلال لو سمحت عن البياخه..
طلال وهو رافع حاجب ويتكلم بستهتار:بياخه.....تقولين علي انا بياخه..اجل اللي تسوينه مع هذا"ويأشر على تركي بطرف اصبعه"وش يسمى....؟
تركي وجها لونه مخطوف: طلال....انت فاهم الموضوع غلط..
طلال معصب: انت اسكت ما كلمتك..انا اكلم بنت خالي المصون..
رغد: مصون غصب عنك فاهم...وبعدين انا واثقه من نفسي وما يحتاج ابرر لك..
تركي يطالع رغد ويحسدها على جرئتها وشجاعتها..وزاد حبها في قلبه مليون مره عن قبل وصمم زياده انها تكون له ومستحيل تكون لغيره..
طلال: ولا بعد ما يحتاج تبررين..بس اتوقع لما انادي اخوك مشاري اشوف وشلون تبررين..
طلال وتركي كلهم توقعوا انهيار الجبل الصامد على طاري مشاري اخوها..
رغد بأبتسامة ثقه: رح ناده والحين بعد..
طلال انصدم: انتي متاكده..
رغد: واذا حبيت انا ناديته بنفسي..
طلال انقهر: هين...هين يا رغدوووه..
رغد ضحكت بأستخفاف: وش بتسوي؟؟
طلال ما قدر يصبر اكثر






وانفجر ضحك: ههههههههههههههههههههههههههههههههههه
رغد وتركي يطالعون بعض مستغربين ..وعلامات تعجب فوق روسهم..
طلال: هههه والله انك قويه يا بنت خالي..
رغد: حضرتك تستهبل..
طلال: وش رايك ضبطت الدور..
رغد: صدق انك سخيييييف..
تركي توه ياخذ نفس لانه حس انه دخل نفسه بدوامه ما لها اول ولا اخر: صدق انك ابيخ واحد مر علي بحياتي..
طلال: اسكت بس يا النعجه والله انك خايف..
تركي تفشل وسكت ما يقدر يقول شي لانه صدق خايف..
بس رغد حبت تدافع عنه: يعني اكيد واحد في مكانه وش بيسوي..
طلال: لا بس وبصراحه اعطيك عشره على عشره على شجاعتك مشا الله وثقتك بنفسك..
رغد: وش كنت تبي..؟
طلال: سلامتك كان سليمان النشبه يدور صديقه فاطلعت ادوره لانه يستحي يخاف يقابل وحده من البنات ولا الامهات ..وبس..
رغد: هذا هو شفه قدامك..
طلال: الا انتوا وش كان عندكم..
تركي توهق: كنت ابي...ابي..
رغد بسرعه: والله الصراحه الموضوع خطير..
طلال تحمس: وايش هو.؟؟
رغد تدور سالفه: بصراحه هو واخته متهاوشين فا حبيت اصلح بينهم..
طلال يتطنز:لا صدق الموضوع خطير.....هههه والله من السخافه..وعلى قولة نويف سوفاج..
رغد: سوفاج انت مع وجهك ..يله خذ صديقك وخلوني ادخل..
طلال : هيا بنا..
تركي: الهمام..الهمام..
ودخلوا وهم ميتين ضحك..
رغد توها تاخذ نفس: يالله بغيت اروح فيها حسبي على بليسك يا تريك على قولة الهنوف...
ودخلت..
ريم: وين كنتي ؟؟وش تسوين؟؟وكأني سمعت صوت صراخ!!
العنود: وكأني سمعت صوت طلال..
رغد بتقول السالفه لريم بس للعنود صعبه: طلال....ايه طلال كان يسأل عليك..
العنود فرحت: صدق..وش قال بالضبط..
رغد: سأل عنك وعن عبير وش صار بينكم"عشان ما تأملها"
العنود: يعني مو عني انا لحالي..
رغد: من زينك عشان يسأل عليك..
ريم تطالعهم وحبت تغير السالفه: اقول بنات عندي شي ودي اقوله لكم..
البنات اجتمعوا حولها..
ريم: ودي اني اخذ وعد منكم كلكم إنا نبقى مثل الخوات..واي وحده في قلبها شي على الثانيه تقوله لها بدون لف ودوران مثل بعض الناس..
عبير: يا لليل مطولك..وانتوا ما خلصتوا مني..
ريم: المهم وش رايكم..
نوف: فكره حلوه عشان الوحده تتجرأ تتكلم..
رغد: نوف شكل في قلبك شي...قوليه..
نوف: ايه في قلبي على فجر يوم خلتنا وراحت عند فيصلوه..
فجر: هههههههههههه يا حليلك اجل لو تزوجت وش بتسوين..
نوف: على الاقل متزوجه..مو معنا وجالسه معاه وصافطه علينا..
البنات يضحكون على نوف..
عبير: وش عندك تقولين مصطلحات عربجيه..
نوف: ليه وش قلت..
شجون: صافطه..
نوف طيرت عيونها: انا قلت صافطه..
البنات: أيــــــــه..
نوف: مستحيل سوفاج سوفاج..مستحيل اقولها..
ريم: المهم موافقين..
البنات: ايوه..
ريم:اوكيه وانتبهوا ترى هذا وعد مو تخونونه..
البنات: اكيد..
العنود شغلت التلفزيون: يارب الاقي فلم اكشن ولا رعب..
نوف: لا نبي رومنسي..
العنود: انتي اصبري خلينا نشوف..
عبير: عطيني الريموت ما راح تعرفين..
العنود: الا اعرف شايفتني بقره مثلك..
عبير وهي تسحب الريموت: انا الكبيره..
العنودتاخذه: وانا ماخذته قبلك..
ريم: بدينا......
رغد: واصلا احنا انتهينا..
وهم يتضاربون ضغطوا على روتانا وطلعت اغنية " يا رب" لي مروان خوري وكارول سماحه..
يا رب تدوم ايامنا سوا ..
ويبقى عطول جامعنا الهوى..
يا رب تدوم يا رب تدووم..
يا رب نعيد هالحب لي كان..
واحلا بكتير من الماضي كمان
يا رب نعييد يا رب نعيد..
قامت كل وحده تطالع الثانيه ودمعت عيونهم..
نوف: الله لا يفرقنا..
العنود تكابر: وش فيكم كأن احد بيموت ولا أحد قايل لكم انه بيموت..
عبير وقفت ووقفوا البنات وقربوا من بعض وحضنوا بعض وهم يبكون..راحت رغد تجيب كاميرتها وتصورهم وهي تبكي..
فجر تمسح دموعها وتطالعهم: بنات والله اشكالكم تحفه هههههه..
وبعدين قلبوا البنات على الموجه الثانيه صاروا يضحكون..
ريم عيونها غرقانه دموع من الضحك: والله انا مهبل..
العنود: اشك ان عندنا انفصام بالشخصيه..
عبير: فجير يا ويلك ان تركتينا..
فجر: ترى اهون ما اتزوج..
شجون: كان أخوي ينتحر..
فجر: بسم الله عليه..
وبعدها البنات انفجروا ضحك على فجر وخبالها..
رغد: بنات موبايلي يرن بس ما ادري وينه..
وصاروا البنات يدورونه..
الهنوف لقته: خذي..
رغد: مين..
الهنوف وتطالع الشاشه: مشاري.."وابتسمت"
رغد عطتها الكاميرا واخذت الموبايل: اهلين ميشو..
مشاري: ممكن اسأل سؤال..
رغد خافت ان طلال قال له شي: اسأل..
مشاري: انتوا تضحكون ولا تبكون..
رغد فقعت ضحك: اثنينهم..
مشاري: كيف اثنينهم؟؟؟
رغد: كنا نبكي وبعدين قلبنا على الموجه وصرنا نضحك..
مشاري: الحمد لله والشكر بس..
رغد: ليش تسأل..؟
مشاري: حب استطلاع"وهمس لها"عسى ما خليتي هنوفتي تبكي..
رغد: الا تشاهق من الصياح..
مشاري: خلوا عنكم الهبال واعقلوا..
رغد: هههه اوكيه..
مشاري: باي..
رغد: باي...
&&&&&&&&&&&&&&&&&&&&&&&&&&&&&
مشاري: الحمد لله والشكر...تدرون ان البنات كانوا يبكون وبعدين قلبوها ضحك..
ماجد: من زمان وهم مجانين..
فواز: ما في شي جديد عليهم..
فيصل يطالع فواز: انت هنا..ليش ما انقلعت عند زوجتك..
فواز: يا اخي عيالها يبكون..
طلال: عيالها مو عيالك يا الفاهي..
فواز: وش لي بعوار الراس..
فيصل: يوم انك مو قد الزواج وش له تتزوج..
فواز: تجربه..
فيصل: مالت عليك..
فواز: مخلي كل شي زين لك..
فيصل: ايه ابيصير احسن منك..
مشاري: عيال من جد من ناوي يتزوج قريب..
ماجد: انا ما في امل..
فيصل: انا خالص..
طلال: والله محتار..
وليد: كأني ناوي..
تركي: احتمال..
سليمان: انا بعيـــــــــد بالمره..
مشعل: شكلي انا اللي بتزوج..
محمد: اجل خذني معك..
العيال فقعوا ضحك..
مشاري : اتخيل شكل مشيعل متزوج..وعني انا كأني ناوي..
وليد: صدق من هي..
مشاري: بعدين يا الحبيب..
وبعدها ناموا العيال الا ثلاثه..
تركي: اقول لك قلبي طاح في بطني..
سليمان كتم ضحكته عشان العيال نايمين: اما طلال هذا تحفه..
تركي: بغيت اذبحه..
سليمان: احمد ربك ان رغد طلعتك من هالوهقه..
تركي: رغد...رغد احسها انسانه عظيمه ..بس لو الله يفكنا من هالوليد كا انا بخير..
سليمان: طيب انت فهمت منها ا ن لك مكانه في قلبها..
تركي: ايوه..
سليمان: بس قالت لك وليد ولد عمي..
تركي :طيب؟؟؟
سليمان: ما قالت لك انه عادي او مثل اخوي او أي شي..
تركي: لالا ما اتوقع انها تقصد كذا..
سليمان: لا انا اتوقع..
تركي: بس قهرني هذا وليدوه..تخيل كان ماسك ايدها وشكله كان يبي يبوسها..
سليمان تحمس:ايوه وبعدين وش وسوا..
تركي: مسكين يحلم ما خليته..
سليمان: كيف؟؟
تركي: دفيته لما بغى يطيح على وجهه زين..وعطيت رغد قلبي نظره مع انها ما تستاهل بعد عمري والله..
سليمان: والله ما انت بسهل...
تركي حب يغير الموضوع: وش اخبار ريم الفــلا..
سليمان: اسكت لا تزيد المواجع..
تركي: اعصابك...
سليمان: احس انها ساحبه علي وما تعطيني وجه..
تركي: صدق انك درج..يا اخي انت اللي روح لها مواهي اللي تجيك..
سليمان: طيب مافي فرصه..وبعدين انحرج اروح لها وعندها البنات..
تركي: يا حول استغل أي فرصه وخلك جرئ..
سليمان: اخاف اذا صرت جرئ اروح في ريح يعني اتوهق..
تركي: خلك مثل ما انت عليه..ولا تشتكي لي مره ثانيه يا الجريع
(جريع ضد جرئ ..طبعا في قاموس تركي)
سليمان: نم نم..يا الجرئ انت..
وبعدها ناموا....
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
عنــــــــد البنات..
البنات ناموا كلهم الا اربع وكل ثنتين في جهه بعيده عن بعض..
رغد: ذبحوني يا ريم ذبحوني اثنينهم..
ريم: واحد قال لك هبلي فيهم اثنينهم..
رغد: اتكلم جد..
ريم: وش صار..
رغد: اليوم وليد" وحكت لها اللي صار"
ريم: زين سوى فيه تركي..
رغد: حرام عليك ما يستاهل..
ريم بصراحه ما فهمت عليك..
رغد: اذا كان يحبني ماله ذنب..شي غصب عليه..
ريم: وربن هود الثاني وش سوى..
رغد: تركي صار لي موقف معاه لا يحسد عليه..
ريم تحمست: اللي هو..؟؟
رغد حكت لها اللي صار قبل شوي..
ريم ميته ضحك بس بصوت واطي:يا بطني ....آآآآآه .اما طلالوه عرف يلعب باعصابكم..
رغد: اقول لك كنت ارتجف بس ما بينت..
ريم: مشا الله ومن وين جاتك القوه..
رغد: من حيني وانا قويه..
ريم: بصراحه مشا الله عليك دائما وابدا قويه..
رغد: الله يسلمك..
ريم: ودي احكي السالفه للعنود والله بتنبسط...
رغد: اصحي تسوينها ترى اذبحك وبعدين وش يفكني منها..وش يبي تركي وش عنده وليش وكيف وخرابيطها..
ريم: ههههه صادقه""وتتثاوب" يا ربيه جاني النوم..
رغد: يله خلينا ننام ترى حدي تعبانه ودايخه..
ريم: يله تصبحين على خير..
رغد: وانتي من اهله..
***************************
العنود تحكي لعبير وش صار وهي بعيده عنها بدون ما تجيب لها سيرة طلال ..وعبير نفس الشي بدون ما تجيب سيرة طلال وبعد سوالف خذت ساعتين ناموا وعبير في حضن العنود...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&

اليـــــــوم الرابــــــع..
الساعه 12 الظهر الكل صحى عشان يطلعون السوق مثل الايام اللي راحت ..وعسى يمدي على فجر المسكينه محتاسه وما تدري وش تسوي بس قررت انه اذا راحوا السوق يتوزعون جروبات(مجموعات) عشان يخلصون اسرع مع انها متأكده انها راح وتكمل في الرياض..لبسوا البنات وكشخوا..
الهنوف: رغد..رغد..
رغد لاهيه تلبس الشوز:.............
الهنوف قربت منها: رغــــــد..
رغد رفعت راسها وردت ببرود:نعم..
الهنوف تفاجأت من اسلوب رغد بس ما حاولت تكون دقيقه في كل شي فا مشتها: كنت بقولك ان...
رغد: خلاص خلاص الهنوف بعدين" وقامت عنها"
الهنوف كانت ملاحظه تغير رغد من قبل بس الحين تأكدت ان فيها شي..
رغد كانت مشغوله ذهنيا تفكر بتركي ووليد وتقرر مصيرها يا مع ولد عمها اللي يموت فيها او مع تركي اللي كمان يحبها ومصر عليها..خايفه تختار واحد وبعدين تندم عليه وهي عارفه ان الندامه على قولتهم مريره..صحيح تميل لتركي بس هذا ما يمنع انها في يوم من الايام تحب وليد..ونفس الوقت هي معجبه بتركي وبشخصيته وبكل شي فيه..وتذهلها صراحة وليد وجرئته معها وحبه اللي ممكن يصرح فيه قدام الكل بدون تردد او خوف..


الهنوف قامت من مكانها تفكر وش ممكن يكون في رغد وش اللي يخليها تلهى عنها لدرجه انها ما تكلمها...

طلعوا البنات للمجمع مع العيال وافترقوا عيال وبنات..والبنات انفسهم افترقوا تقريبا نفس المجموعات الدائمه نوف قررت تروح مع فجر وعبير...والعنود وريم ورغد والهنوف مع بعض...مها وشجون ولين مع بعض..
وانتشروا في المجمع..
ريم: بنات تصدقون ودي اشوف فزاع على الطبيعه..
العنود: يا ناس عليه يجنن..
رغد: اذا صار عنده امسيه ولا شي رحنا لها وش رايكم...
الهنوف: الله لو احظر امسية فزاع كان اموت..
ريم: يهبل..يجنن واثق من نفسه..
العنود: يحق له يا شيخه..
الهنوف: وانتي يا رغد وش رايك فيه...
رغد: عادي..."وراحت تشوف المحل اللي عندهم.."
الهنوف فهمتها غلط تحسب انها راحت وخلتها ..لان الهنوف صايره حساسه ولا بالعاده تفهم رغد على الطاير حتى بدون ما تتكلم...
دخلوا البنات المحل وشروا لهم كم غرض وبعدها طلعوا ...وصاروا يدخلون ويطلعون من محل لمحل..
رغد: خلاص انا هلكت..
ريم: اوكي انتي اقعدي هنا واحنا راح نكمل..
العنود: يله مشينا..
رغد: الهنوف تجلسين معاي..
الهنوف في نفسها"توك تذكريني":لا....
رغد انصدمت اول مره تقولها الهنوف لا ..رغد لو تطلب الهنوف عيونها ما قالت لا...: ليش؟؟؟
الهنوف: كيفي..ما اشتهيت غصب..
رغد عرفت ان الهنوف زعلانه بس ما عرفت وش السبب: طيب ليه..الهنوف انا زعلتك بشي..
الهنوف ما تحمل هذي النبره من رغد ..على طول تبكي فا مشت قبل لا تخونها دموعها..
ريم: وش فيها..
رغد ما زالت مصدومه: ما ادري...
راحوا ريم والعنود والهنوف..ورغد جلست تقلب مستقبلها براسها وزادت الطين بله الهنوف..
"وش فيها الهنوف لا يكون زعلتها...مو بالعاده تزعل على أي شي..شكلي زعلتها بس متى ما اذكر اني قلت لها شي..يا ربيه يا الهنوف والله مو وقتك..اللي فيني مكفيني وزياده"
رغد عايشه الجو مع نفسها وبعمق....
مر من عندها واحد كويتي مملوح لابعد درجه..وقف عندها حاول يجذبها بس ولا في الاحلام .. رغد غارقه في عالمها وافكارها.. جلس جنبها ولا حست فيه..
استغرب الولد منها بس قعد يطالع فيها لان مو كل يوم يلاقي جمال بجمال رغد وبرائتها وانوثتها وكمان بسحرها..
الولد: وش دعوه يا المزيون سارح بأفكارك..
رغد طالعته وما لها خلق له او حتى ترد عليه بعدين صدت عنه..
الولد: وش دعوه كل هذا ثقل..يا حلو عطني ويه.."وجه"
رغد ولا كأن احد يكلمها..
الولد: وش فيج متكدره وضايق خلقج..والله ما يليق عليج الا الابتسامه مع هالجمال اللي يقط الطير من السما..
رغد قامت عنه بدون ما تتكلم معها ..قام بسرعه وصار قدامها..
الولد: على وين..كذا بتروحين بدون ما اخذ رقم تليفونج..
رغد طالعته بعدين لفت يمين لف معها يمين...لفت يسار لف معها يسار..
رغد: وبعدين..
الولد: يا قلبي على هالصوت..ياناس صوتها يخبل..
رغد لفت على ورى وقررت تمشي عنه لانها بتنفجر منه..وما قدرت ترد عليه لانها لو ردت راح تبكي وهذا اللي ما تبيه ومشت لها كم خطوه..
والولد سبقها : طيب انا بعطيج تلفيوني على الاقل فضفضي لي..
رغد وقفت وحطت ايدها على خصرها وعيونها غرقانه دموع وبصوت بصعوبه ينسمع: ممكن تبعد عني..
الولد: انتي سعوديه..
وبعد لحظات ما هي طويله ما حسوا الا بواحد ماشي مليون ومر من عند رغد لدرجه ان طرحتها طارت شوي...
ومسك الولد من ثوبه..
: خير مضيع لك شي عند البنت..
رغد تطالع ظهر اللي ماسك الولد وعرفته من طوله ورزته وريحة عطره وابتسمت...

الجـــــــزء الواحد والثلاثون..

رغد تطالع ظهر اللي ماسك الولد وعرفته من طوله ورزته وريحة عطره وابتسمت...

كان وليد..
الولد: ومن تكون حضرتك..
وليد: مالك دخل من اكون..انا سألتك وش مضيع عند البنت...
الولد وبكل جرئه: مضيع رقمها...ابي رقمها..
وليد وصل معها خلاص ما عاد يشوف قدامه الا سواد: وش قلت عيد وش كنت مضيع..
الولد يعلي صوته اكثر وبوثوق: قلت لك مضيع رقمها ما تسمع انت..
ما امدى الولد يكمل جملته الا بوكس في وجهه مصحيه من اللي هو فيه وطلع الدم من فمه..
وليد: هذا عشان مره ثانيه تنتبه لاغراضك وما تضيعها..
الولدومسح الدم وطالع الدم في قميصه: انت قدها يوم تضربني..
وليد ابتسم ابتسامه تنرفز: قدها وقدود وش بتسوي يا دلوعة ماما..
الولد توه بيضرب وليد الا وليد وبحركه سريعه وقفه عند حده ومسك ايده ولواها..
وليد: حبيبي عيب تضرب اللي هم اكبر منك...ترى مره ثانيه اكسر ايدك فهمت..
الولد يتألم: فك ايدي احسن لك..
وليد ويزيد عليه اكثر: واذا ما فكيتها وش بيصير..
الولد: فك ايدي وخلنا نتفاهم..
وليد: اذا بنتفاهم يا دلوعة ماما عند المغفر اوكي"يعني قسم الشرطه"
الولد خاف: وش دعوه مغافر حنا رجال ونتفاهم مع بعض..
وليد ضحك ضحكه ملت السوق اللي يعتبر فاضي: هههههه رجال...ليه انت تعد نفسك واحد منهم..
الولد اخذ نفس عشان ما يضربه ويروح فيها:وانت وش رايك..؟
وليد: راي اتوقع راح يجرحك..وبعدين بتبكي عند امك وبعدها وش بيسكتك عاد..
الولد: طيب عن الغلط..
وليد: اسمعني من الاخر..انا بتركك وان شفتك داخل المجمع ما تلوم الا نفسك سامع..
الولد ما صدق على الله وليد ترك ايده وهج من المجمع كله..
يوم راح الولد..وليد لف على رغد وقرب منها وهو يعدل ثوبه وعمامته ..كان لابس اماراتي هو العيال كلهم..
وليد وهو مبتسم لها: انتي بخير..
رغد كانت طول الوقت مبسوطه على وليد وعلى شجاعته وحست معاه بالامان اللي فقدته في لحظات الشتات بينها وبين نفسها..
رغد وبأبتسامه اكبر :ايوه انا بخير ...وانت؟؟
وليد: تمام التمام..الا وش فيك يا قلبي جالسه لحالك..
رغد انتبهت لكلمة يا قلبي بس ما بينت:لا ابد سلامتك..بس تعبت من كثر ما ادور فا جلست لحد ما يخلصون البنات..الا انت وش جابك؟؟
وليد: قلبي جابني..حسيت ان فيك شي اقصد فيكم شي..
رغد: مشكور يا وليد على اللي سويته..
وليد: ولو انا بالخدمه...ما ودك تروقين بكوفي بعد الولد الباتكس اللي من شوي..
رغد: ههههه حلوه هذي باتكس..بس بصراحه راكبه عليه..
وليد يدرس كل حركه من رغد ولما ضحكت ذاااب عندها..ومشى جنبها متجهين للكوفي: وش كان يقول لك..
رغد: ما عليك منه خرابيط..
وليد: ووقح بعد..
رغد: لأبعد درجه...
ووصلوا للكوفي..وجلسوا قبال بعض وكانوا لايقين على بعض ..هذا اللي حسه وليد واللي استحت منه رغد..
رغد تصرف تبي تهرب من نظراته لها: بتصل على البنات واقول لهم اني بالكوفي عشان ما يدورون علي..
وليد ما رد عليها بس يطالع فيها..وما كان يلوم الولد اللي من شوي..
رغد: الوو.اهلين ريومه..تراني بالكوفي..هاه...لالا..لحالي....اوكي باي..
وليد: ليش ما قلتي اني معك..
رغد بسرعه: ترى ما اقصد شي..بس عشان العنود وسوالفها..
وليد: في هذي صادقه..."وسكتوا شوي".......رغد..
رغد: هلا..
وليد: بقول لك شي يمكن جرئ شوي بس لازم تسمعيني عشان تفهميني..
رغد وهذا اللي خايفه منه ما ودها يقول شي ابد: تفضل..
وليد: رغد بليز ما تزعلين من حركاتي ترى والله هذا شي غصب عني مو بأيدي...اذا شفتك خلاص اضيع اتخربط..صحيح بتقولين جرئ وكيف يقول لي هالكلام والمفروض اخليه في قلبي...بس انا مو كذا ولا طبعي كذا فا لا تزعلين مني اوكي رغوده..
رغد: بس ..بس انت ولد عمي..يعني ما يجوز تقول لي هالكلام..
وليد بسرعه: اوكيه..اخطبك واصير لك حل...
رغد طيرت عيونها وتحسفت قد شعر راسها انها تكلمت..ولو انها ساكته وبالعه لسانها كان ارحم لها مليون مره...يعني لازم البربره والكلام اللي ماله داعي...
وليد لاحظ سكوتها: وش فيك سكتي..ما تلاحضين انك دايم تسكتين..
رغد في نفسها"يقطع ابو الوهقه والفشيله": هاه..لا عادي..
وليد: طيب انتي موافقه...
رغد: وليد بصراحه...انت فاجئتني..وبعدين احس اني توني صغيره على الزواج..
وليد بمزح: أي صغيره..بسم الله عليك مثل القمر..كبيره وعاقله وفاهمه وش ناقصك بعد..
رغد: هههه الله يسلمك.."تبي تغير الموضوع بس ما عرفت"
وليد وكأنه حس فيها: اوكي انتي فكري وانا ماراح استعجل وترى هذي مو خطبه ولا أي شي بس حبيت اخذ رايك من باب الاحتياط...
رغد تبي تصرف وتاخذ الموضوع بمزح: تصدق على بالي هجوم هههههه...
وليد: ههههه حلوه...يا حلوك وانتي تضحكين..
رغد بلعت ضحكتها وسكتت:....................
وليد حب يغير الموضوع بالمره: ما خلصت فجر من التسوق..
رغد ارتاحت انه تغير الموضوع: لا وين باقي لها كثير..
وليد: انتم يا البنات عليكم حركات ما ادري وش تبي..يعني لازم دبي ..وش فيها الرياض..
رغد: لا بس هنا ماركات عالميه اكثر والبضاعه تكون جديده ..واحسن من الرياض مع ان الرياض فيها اشياء حلوه وتجنن بعد..
وليد: كل هذا مدح بالرياض هههه طيب واذا ما امداها تخلص من دبي وش بتسوي..
رغد: ما لها الا الفيصليه والمملكه والمجمعات اللي هناك..
وليد: اهااا..وكل البنات يسوون حركاتكم..
رغد: لالا مو كل البنات بعضهم..
وليد: وانتي؟؟
رغد حمرت خدودها: وانا ايش؟؟
وليد: اذا جابوا مهرك بتروحين دبي ولا باريس ولا وش بتسوين..
رغد: اذا جا ..فيها حلال..
سكتوا للحظات ..وليد يطالع رغد وبشكلها وحركتها ..كيف ترمش بعيونها كيف تنفس كيف تطالع.. كيف تشرب..كل شي فيها يدرسه وكأن عنده اختبار..
رغد كانت تطالع بالكوفي اللي معاها عشان تهرب من نظرات وليد..وتحاول تخفي توترها من جلوسها معه بعد لحظات مروا من عندهم العيال..
رغد في نفسها"وهذا الي ما حسبت حسابه"<<كانت تقصد تركي..
مشاري: وليد..ومعاك رغد وين على الله..
وليد: كانت جالسه لحالها فا خفت عليها..
طلال: وليش يا بنت خالي تاركينك لحالك..
رغد: لا انا تعبت من كثر المشي..
ماجد: وين شلة المطافيق..
رغد: ههههه حلوه .. بس ترى ما ارضى عليهم..وما ادري وينهم بالضبط..
تركي حشر نفسه من بين طلال ومشاري..وقال بمزحه وهي رزحه:وانتي ما شا الله فالتها مع وليد..
الكل ضحك الا رغد فاهمه وش قصده وانقلبت دنياها لانها متأكده اذا ما سكت تركي بيعلق مع وليد في مشكله وهي في غنى عن المشاكل..
راحوا العيال وجلسوا على الطاولات وصاروا يسولفون ..
تركي وسليمان واقفين..
سليمان: بتجلس؟؟
تركي وهو يطالع وليد ورغد ويغلي من داخل:بجلس معاهم...
سليمان: مو فشله..
تركي: عناد فيهم..
سليمان: كيفك...انا بروح ادور على ريم قلبي..
تركي بروحه الخفيفه: سمعت كلامي امس يا درج..
سليمان: فكرت فيه ولقيت فيه شي من الصحه..
تركي: اقول رح الفيزياء مأثره عليك..
سليمان: تكفى لا تذكرني تنسد نفسي..
تركي: انت روح لها وتنفتح نفسك..
سليمان: وانت صادق..
طبعا سليمان ترى ما يقصد يخون صديقه او يطعن فيه من ورى ظهره..بس حب انه يسلم عليها وعاد نفسه واحد من العايله..لان عيال عمها نفس الطريقه عندهم عادي يروح مخصوص يسلم على بنت عمه او بنت خاله وهو مصدق نفسه واحد من العايله..يعني لا تفهمونه غلط.وتركي كمان نفس الشي واصلا مستحيل يسوون شي في العائله اللي امنتهم على بناتهم واكلهم وشربهم صار واحد..وصاروا تقربيا من ضمن العائله وتعودوا على بعض..
راح سليمان يدور قلبه ريم ..
تركي جلس على نفس طاولة وليد ورغد..عشان ينكد عليهم..
تركي: ارحب بالوليد..
الوليد: مراحب بالتركي..
تركي: وش العلوم والاخبار..؟
الوليد: والله تمام..
رغد حست نفسها غلط..يعني هذا ولد عمها وهذا صديقه هي جالسه ليه..
رغد جات بتقوم الا تركي لف عليها يبي يكلمها قدام وليد..
تركي: كيفك يا رغد..
رغد على طول طالعة وليد تشوف ردة فعله بس كان ساكت وهادي..
رغد: الحمد لله تمام..
تركي انتبه انها خايفه من وليد بس كذا عناد بيزيد: مستعده للفصل الثاني<<ما عنده سالفه بس من اللعانه..
رغد وهي تاخذ شنطتها واغراضها:ا نشا الله..يله عن اذنكم ..ومشت..
تركي لحقها : رغد..
رغد وقفت في مكانها:وش يبي ... ولفت عليه..
تركي قرب من عندهاذي ..نسيتي النظاره..وشكلك نسيتيني..
رغد اخذت النظاره: مشكور..
تركي: وانا...اخذتي النظاره وانا..؟؟
رغد: تركي روح عني بلا مشاكل..
تركي: تخافين من وليد ..؟
رغد وهي تطالع وليد اللي جالس: لا ما اخاف من احد بس ماله داعي المشاكل وعلى اشياء تافهه..
تركي منفعل: حبي لك اشياء تافهه..
رغد عصبت من انفعاله: تركي.اذا روقت لنا كلام ثاني.."وراحت وتركته"
تركي حس على نفسه انه معصب ورجع لعند وليد ..
وليد كان يناظر بالكوب اللي معاه..
سحب تركي الكرسي وجلس وهو سكت..
وبعد لحظات من الصمت..
وليد وبكل هدوؤ: تحبها؟؟
تركي فاجأه السؤال وما توقع ان وليد ممكن يسأله هذا السؤال:ميـــــــن؟؟
وليد بجديه وبنفس الهدوء: تحب رغد..؟
تركي ارتبك بس حاول يضبط اعصابه: ليش السؤال..؟
وليد طالع تركي ومازال يحاول يضبط هدوئه: اتوقع سؤالي واضح ..تحب رغد؟
تركي توهق وش يقول له..يقول ايه احبها.ولا يقول لا.. ولا وش يقول..
تركي: مثل اختي الهنوف..
وليد وعينه في عين تركي عسى يلاقي الجواب: اكيـــــــد...
تركي بثقه: اكيد...مثلك...مثل ما تكن لها من مشاعر انا مثلك..
وليد عصب بس حاول يكون بارد وصار يقلب الكوب: اهاااا..
تركي بخبث: طيب انا اللي بسألك سؤال وصريح وواضح....ليش تسأل..؟
وليد: كذا ابي اتطمن على بنت عمي ومستقبلها..
تركي: ليش انا ما اطمن..
وليد: انت وش عليك مو تقول ما تحبها...
تركي ارتبك: ايوه انا قلت ...بس افرض اني احبها..
وليد:ما راح افرض شي..لانه ما راح يصير .وحطه على بالك زين اذا فكرت فيه...زين..."وقام من مكانه"...وتراني ما اقصد شي من كلامي..يعني لا يصير بينا أي حزازيه ..ما زلنا اخوان اوكي وراح من عنده وجلس عند مشاري وطلال.وترك تركي بحيرته..
تركي في نفسه" لو اخطب رغد معقوله يوقف في وجهي وليد..ليش لأ باين انه يحبها..وكلامه اللي من شوي باين ان فيه تحدي..وبعدين معقوله حس اني احبها ..كيف حس والباقين ما حسوا..اكيد عشانه يحبها من قلب..مسكين يا وليد راحت عليك.. ما تدري ان رغد لي انا وبس..."

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
نروح لعشيقنا الثاني اللي من زمان عنه واللي كلامه يفتح النفس وشوفته تشرح الخاطر بالنسبه لريم ولنا بعد<<ترني اتكلم عن نفسي..
سليمان شاف ريم ماشيه وهي تضحك مع العنود...
سليمان: يا حبي للبنيه هذي..ياناس ملاك يمشي من البرائه والطفوله والجمال..
سليمان سوى نفسه ماشي قدامهم وما انتبه لهم..
العنود: شوفي سليمان على باله يتمليح وكأنه ما شافنا..
ريم: اهبل فيه...مع انه ما يهون علي..
العنود: عشان مره ثانيه ما يستهبل..
ريم: خلينا نمشي وكأنا ما انتبهنا له..اوكي..
العنود: اوكي..
الهنوف: بنات انا بدخل المحل هذا..لا تروحوا بعيد.
ريم: خذي راحتك يا قلبي..
الهنوف تذكرت رغد وتنهدت ودخلت محل لللأكسسورات...
مشى سليمان وعلى باله انه لاهي وما نتبه لهم..وهم ماشين ونفس الحركه وكأنهم ما لمحوه من ارضه..
مشوا...مشوا...لحد ما مروا من عند بعض وكل واحد يتغلى على الثاني..
سليمان: معقوله ما انتبهوا لي...بسرعه احلق نفسك يا ولد.."ولف ونادى بصوت كأنه شاك"..ريــــــــم...؟؟
ريم لفت وكانها توها تنتبه له: سليمان؟؟؟؟ اهلين..
سليمان قرب من عندهم: تصدقون ما شفتكم..بس بعدين شكيت انه انتم...كيفك العنود؟؟
العنود: الحمد لله تمام..
ريم: حتى احنا تصدق ما شفناك ابد"وشددت على كلمة أبد وهي مبتسمه"
سليمان: هههه يا حليلكم بصراحه بالصدفه شفتكم هنا..
ريم في نفسها"يفضح عمره من زمان وانا قايله ما يعرف يرقع":بصراحه صدفه سعيده...
العنود ناويه عليه: وانت وش جابك لحالك..حتى صديقك مو معك..
سليمان: هاه..تقصدين تركي والعيال..جالسين بكوفي وانا بيني وبينكم ما اشتهيت اجلس فا قلت اتمشى شوي..
ريم تضحك على سليمان وعارفه حركاته اصلا مكشوفه: هههههه ما صادفت برغد اختي..
سليمان: الا كانت جالسه مع وليد..
العنود طيرت عيونها: جالسه مع وليد ليش؟؟
ريم في نفسها" اجل رحتي فيها يا رغد وش بيفكك من عنيد" ريم طالعت سليمان وتأشر له بمعنى فضحتنا..
سليمان فهم عليها:لالا هونت ما كانت جالسه مع وليد..
العنود: اجل وينها فيه وجالسه مع منو.؟
سليمان يتلفت يدور ترقيعه:هاه....كأني شفتها جالسه على الكراسي لحالها...
العنود: ايه صح احنا تركناها هناك ..بس وشوله تكذب..
سليمان: ما كذبت..خربطت..وشلونكم وش اخباركم..؟؟<<يبي يسولف بأي طريقه..
ريم: الحمد لله بخير..
العنود: وينك لا حس ولا خبر..
ريم تطالعها يعني خير تمونين عمتي..
العنود طنشتها: ايوه..
سليمان ومسوي نفسه شي: والله لهيت شوي مع العيال مثل ما انتي عارفه ما عندي وقت لشي..
ريم: اللي يسمعك يقول عندك عقار واسهم واراضي وشركه ما لها مدير وانت اللي بتديرها ومؤسسات محد بيمسكها الا انت........
سليمان: تكفين يا ريم بس..اعرفك اذا مسكتي خط ما سكتي..
ريم: هههه يا حليلك تعرفني..
سليمان: وش قلت على يا حليلك..
ريم تأشر بعيونها يعني عشان العنود فيه..
العنود ناويه عليهم:ليش انتو متى شفتوا بعض عشان تقولها وتقولك...
سليمان: ما ادري وين بس من زمااااااااااااااااااان مررررررره..
العنود: اهااا...
ريم كاتمه ضحكتها عشان حركات العنود بس رحمة سليمان االلي مصدق ان العنود ما تدري عن شي..
العنود: اجل نمشي..
سليمان: لا تونا ما بعد شبعنا منكم..
العنود: بقي لبكره...يله مشينا يا بنت عمي..
ريم ابتسمت: باي سلوم,,اشوفك اليوم بعد المغرب اذا طلعنا اوكي..
سليمان: اوكي...بااااااي...

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
رغد وهي تمشي تحس نفسها بتطيح بأي لحظه..وبتنهار من داخل كمان بأي لحظه..مشتته ..ضايعه..تلاقيها من وين ولا وين..من وليد اللي اليوم فاتحها بالموضوع يلمح لها..ولا تركي اللي ما تدري وش تسوي فيه...ولا الهنوف اللي زعلانه عليها وما تدري ليش....وعندها زعل الهنوف اهم من الكل..الهنوف صديقة عمرها ..وقفت معها بكل لحظه..حتى انها توقف معا ضد اخوها..وش تبي اكثر من كذا صديقه...صديقه تفديها بروحها وبحياتها..وما تتوقع ان راح يمر عليها بحياتها كلها وحده مثل الهنوف..تدور رضاها وتبديها على نفسها..وما تقول لها الا ابشري ولبيه ومن عيوني..رغد ما تعدها الا من غلاة ريم واكثر بعد..امنتها على كل اسرارها الا سر واحد اللي هو عن وليد اكيد..لانها ما راح ترضى على اخوها وراح تقول لها يا وليد يا اخوي بس ما تخلين اخوي كذا معلق وحتى وليد بعد..طبعا هذا الكلام الصح وما فيه نقاش....

صارت تمشي بلا هدف اصلا ما تدري وين تروح..مرت من عند محل وتعدته بعدين رجعت له..فيه بنت تعرفها زين..بنت تموت فيها ولها الغلا كله وتميزها من بين الف وحده..
دخلت عندها في المحل شافتها تشيل سلسه فيها حرفaوبعدين قالت: ما عندك نفسها حرفr..
رغد في نفسها" يا حبي لها تفكر فيني حتى وهي زعلانه ويلومني فيها بعد قلبي والله"
صاحب المحل: واللهrما فيه..
الهنوف: حسافه..
جا صوت من وراها وحط السلسه قدامها: مو هذي احلى واحسن..
كانت سلسله فيهاa,r وبينهم قلب مايل وحلو..
الهنوف لفت تعرف صاحبة الصوت زين: رغـــــــد...؟
رغد ابتسمت لها: على سن ورمح..
الهنوف ما تحملت تبعد عن صديقة عمرها ثانيه زياده..وعلى طول حضنتها: خلك تسوينها مره ثانيه"وضربتها بخفيف"
رغد وهي ضامتها: ههههههه طيب وش سويت انا اصلا..
صاحب المحل يطالعهم مستغرب..بس مبسوط عنده بنتين وكل وحده تقول الزين عندي ولا وبعد رومنسيات بالمره...
الهنوف بعدت عنها: وبعد ما تدرين وش سويتي..
رغد: وش دراني ..ما اذكر اني سويت شي يزعل نصفي الثاني..
الهنوف: خلينا نطلع شوفي هذا بيكلنا بعيونه..
رغد: ههههه واضح..
اشتروا سلسلتين نفس اللي اختارتها رغد وحده لها ووحده للهنوف..وطلعوا من المحل..
رغد: ايوه وش سويت لك يا الدلوعه...
الهنوف: بالله ما لاحظتي اسلوبك معاي ..مطنشتني وحاقرتني.ولي كم يوم ما جلست معاك وقعدنا نسولف مثل ايام قبل..
رغد تذكرت اللي صار: اهاااا..عشان كذا زعلانه..معليش يا قلبي واسفه واذا تبين بوسه بعد انا حاضر..
الهنوف ابتسمت: ايه ابيها..
رغد باستها من خدها: تكفين ارضي علي..
الهنوف: ههههه رضيت عليك..وانا اقدر ازعل...انا اذا مره مره شلت عليك شوي..اما ازعل لا هذي كبيره وماني بقدها..
رغد تطالعها بحب: الله لا يفرقنا..
الهنوف: امين..
رغد: ونتزوج بيوم واحد..
الهنوف: هههههه امين..بس وش جاب طاري الزواج..
رغد: تخيلتنا عرايس مع بعض ..هههههه.
الهنوف: الله فله...يله خذي اخوي وانا اخذ اخوك..
رغد في نفسها" يا ليتها كذا سهله خذني جيتك":حبيبتي هذا زواج مو لعبه..
الهنوف: اذا ما اخذتي اخوي ترى انتي الخسرانه..بس انا بأخذ اخوك..
رغد: يحصله وحده مثلك ويقول لا...مفروض يحمد ربه ليل نهار وصبح ومسا ان ربي رزقه بوحده مثلك..
الهنوف: الله يسلمك يا قلبي..يا ربيه قد ايش اشتقت لك..
رغد: هههه حتى انا والله...

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
خلونا ناخذ لفه على فجر ونوف وعبير..
عبير ونوف طلعوا الشيب في راس فجر..
عبير: فجر خذي هذا يجنن عليك..
نوف: عز الله فصيّل راح فيها..
فجر: انهبلتوا البس هذا...على رقبتي البسه..
عبير: وش فيه..شوفيه وش حلاته..
كان قميص نوم..فتحت الصدر كبيره بالمره وغير هذا شفاف بالمره يبين كل شي تحته...وطوله لحد الركبه..وغير كل هذا كل فتحات كثيره من عند الفخذ الى اخر شي..
فجر: بصراحه تكلفوا فيه..
نوف: لا عاد فجر اخذيه..وقولي لنا وش ردة فعل فيصل اذا لبستيه...
فجر: مهابيل انتو..اصلا عسى البس عنده بيجامه وزين عليه..
عبير: علينا هاه...طيب شوفي هذا شورت ومعاه تي شرت قصير يطلع بطنك ومن فوق توب..هاه وش رايك..
نوف تضحك: خذيه وش فيك ساكته..
فجر: صدق سخيفين والاسخف اللي يعطيكم وجه..
عبير: ههه يا حليلها تستحي..
فجر طلعت من المحل وخلتهم..وهم خذوا قميص النوم والشورت وطلعوا..
فجر: ابدخل هذا المحل واذا دخلتوا معي يا ويلكم..
عبير: ايه هين نخليك بروحك ..ما يصير يا قلبي..
نوف: انتي اختي ولازم اساعدك..
فجر: انتو تساعدون ..انتو تغثون الواحد..
عبير: هههههه تحملينا بالطيب بالغصب تحملينا..
فجر: يا ليتني ماخذه معي رغد والهنوف كان ارحم لي مية مره..
نوف: ولا يهمك نعوضك عنهم..
فجر وهي تدخل المحل: يارب صبرني..
نوف/ حرام رحمتها..
عبيرتستهبل:احسن عشان مره ثانيه تحرم تتزوج.
نوف: ليه فيه مره ثانيه بعد..
عبير: عشان تاخذين عضه وعبره فهمتي..
نوف: انا بشتري بدونك الله يعافيك ويجزاك خير ما ابي منك شي..
عبير: في الحلم يا ماما ..انا بجي مع كل وحده فيكم حتى لو كنت متزوجه..وبنكد عليكم كلكم..
نوف: وانا ماراح اخليك بنكد عليك..
عبير: اصلا تحسبيني بستحي وحركات ماسخه..اصلا انا اللي بشتري مثل هذي الاشياء وألعن بعد..
نوف: هالبنت هذي ما فيها ذرة حيا..
عبير: عادي خلوكم فري مثلي..
نوف: والله احس العكس اذا تزوجتي..
عبير: امشي بس خلينا نروح عند فجير ونطفشها لما تصيح..
نوف: يا نذلك..
عبير وهي تمشي: طالعه عليك..
ودخلو عند فجر ومسكينه طلعوا لها قرون في راسها وجابوا لها الشيب قبل حينها..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
جا المغرب ورجعوا من السوق هلكانين ومنتهين..
فجر وهي تحط الاكياس: يا ويلي تكسرت ما عاد فيني حيل..
العنود: احسن هذي الي تتزوج بدري تستاهلين..
نوف: سبحان الله نفس كلام عبير..
عبير والعنود جنب بعض ولزقوا وجيهم في بعض وكأنهم بيصورون وابتسموا ابتسامه تجيب الهم: هيهيهي عادي خوات..
ريم: هههه الحمد لله والشكر بس على العقل..
العنود: اعصابك يا الثقل..
ريم رزت نفسها: احسن منك يا الخبله..
رغد: تكفون بلا هالمزح لانه بيقلب جد..
ريم قربت من عند رغد: وينك اليوم اختفيتي..
رغد: اسكتي واللي يعافيك ترى بأبكي عليك الحين..
ريم: اجل هذي يبلها سهره بالليل مع بيبسي مع توكس مع ليز بالتوابل الشرقيه..
رغد: انتي بتسمعين سالفه ولا بتشوفين فلم..
ريم: عادي كلهم مثل بعض..
الهنوف: هاه رويم وش عنك تنكدين على صديقتي..
ريم متعجبه: تراضيتو...؟؟؟؟
رغد: بسم الله وش درا ك ان احنا متزاعلين..
ريم: الحمدلله والشكر باين ان الهنوف زعلانه وانتي معطيتها اشكل<<تحب الفتنه..
الهنوف تعرف حركات ريم:لا الحمد لله تصالحنا قبل لا يتشمتون فينا العذال..
ريم بتهديد: قبل لا يتشمتون فيكم العذال هاه طيب"وصرت تصارخ"..بناااااااات..بنااااااااااااااات..
الكل التفت على ريم. وريم تكمل: ترى الهنوف ورغد تهاوشوا هواش ما قد شفت بحياتي مثله ..هواشي انا والعنود ما يجي قده..
نوف: صدق غربيه..؟
شجون قربت من عندهم: حرام ليش الزعل والجفا..
رغد: وينى فيه ..في بيت القصيد عشان تقولين الجفا...
عبير والعنود يتمسخرون فيهم: هههههههههه
العنود: ومسوين صديقات وهم على جنب..
عبير: ولا ورمنسيات يا شيخه روحي زين..
ريم تطالعم وهي ترفع حواجبها وتنزلها تحرهم..
مها: ترى علي كيكة الصلح..
رغد: ما اقول الا حسبي الله عليك ونعم الوكيل فيك يا رويم.
الهنوف: كذا كذا يا ريم.هين خلك تقولين ولد خالي المزيون والله لو تحلمين فيه ما خطبتك له..
طبعا كانت ريم مو تحب ولد خال الهنوف بس كانت معجبه فيه وبجماله..
ريم: بليه واشربي مويته..مالت عليه ..جا اللي احسن منه ويغطي عليه..خذيه انتي..
الهنوف: افا قلبنا..
ريم: اجل ذالتنا فيه.
الهنوف: ومن هو تكفين اللي يغطي على ولد خالي اللي مطيح نص بنات الرياض ومسدح النص الثاني..
ريم: واحد ما يجي ظفره هذا ولد خالك.
الهنوف: والله انتي الخسرانه..
ومازالو العنود وعبير يتمسخرون في رغد..
ريم: بس ابشركم رجعوا لبعض"وقالت لرغد" رحمتك..
العنود: حسافه ما وسعنا صدورنا..
عبير: مسرع ..حشى انا واختي اللي هي اختي قعدنا اسبوع..
العنود: لالا اتوقع اسبوع ونص..
عبير: ايه اسبوع ونص وانتي وياها 24 ساعه ما كملتوا...
رغد: يمه.بسم الله علينا من عيونك انتي وياها..وش تحسبيني مثلك انتي واختك علاقتكم مثل الريشه يهزها كل شي..لا يا حبيبتي انا والهنوف مثل الجبل ما يهزه ريح..
العنود وعبير سكتوالان رغد معها حق على اتفه شي تزاعلوا وطولوها وهي قصيره.
الهنوف: حرام شكلك جرحتيهم.
رغد: عادي يحطون ديتول هههه..
ريم: هههه يا خف دمي.بصراحه اختي فيها خفة دم ماهي عند احد..
رغد تستهبل: الله يسلمك هذا من ذوقك..
فجر: ما قررتوا وين راح تطلعون...
ريم: وش رايكم نروح السنيما ونشوف كيف الحال...
العنود: مين هشام الهويش..يله قدام..
عبير: الله بشوف هشوم..
رغد: اجل كلموا العيال..
العنود: انا بدق على وليدوه واشوف..
واتصلت...
وليد: الوووو..
العنود: وليدوه اسمع<<ما عندها وقت..
وليد: عبد عندك..تكلمي زين...
العنود: اخلص علينا..البنات يبون يشفون فلم كيف الحال..
وليد: انتي ولا البنات<<عارف حركات اخته...
العنود: انا والبنات وش قلت..
وليد: بنات عمي ابو مشاري وش قالوا..
العنود: ريم ورغد منهبلين بيون يشوفون هشام..
وليد: اجل رغد تبي تشوف هشام هاه...
العنود: كلنا مو هي لحالها هههه..
وليد: انسي..انسي اني اوديكم..ولا غيروا الفلم...
العنود: وليد تكفى عاد بلا سخافه..
وليد: فلم هشام لا لو تحلمين..
العنود ابعدت الموبايل عن اذنها: بنات يقول فلم هشام لا..
رغد: ليش؟؟؟
وليد سمعها وانقهر زياده...
العنود: وش دراني عنه المتخلف..
ريم: رغد كلميه اكيد بيوافق"وتغمزلها"
العنود: تكفين رغد كلميه..
رغد في نفسها" هين يا رويم اوريك":لا وش اكلمه..
فجر: رغد ولد عمك وش فيها...
عبير: بلا سخافه.خلينا نشوف الفلم..
شجون ومها ونوف: تكفين بليييييييييز..
رغد رضت بالامر الواقع: اوكي جيبي الموبايل..
العنود تكلم وليد: اسمع هذي بنت عمي بتكلمك..
وليد توهق: أي بنت عم لا تكون ريـــــــ
رغد قطعته: الووو..
وليد خق على صوتها: هلا والله وغلا..
رغد: اهلين وليد..
وليد: انا على صوتك ما اقدر...
رغد ابتسمت: احم...وليد بليز خلنا نروح نشوف الفلم..
وليد انحرج: فلم هشام لا ومستحيل..
رغد: طيب ممكن اعرف ليش..؟
وليد: بصراحه اغار عليك...تقعدين تطالعين هشام وانتي منهبله عليه مستحييييل..
رغد: خلاص ما راح اطالع بس البنات يبون يشفونه حرام..
وليد: ونطلع انا وياك مكان ثاني..
رغد في نفسها"صدق عمره الولد":لا وين نطلع مكان ثاني..نقعد معاهم بس ما راح اطالع عشانك بس .وبعدين من قال لك اني احب هشام..
وليد: ما يحتاج احد يقول..البنات كلهم منهبلين عليه..
رغد: هههه عاد انا غير..ما نهبلت عليه ولا شي<<ايه هين..
وليد: اذا كان كذا اوكيه ترى بس عشانك..
رغد: اوكيه.تسلم والله..باي..
وليد:باي..
رغد: خلاص وافق..
كانوا البنات يطالعونها وهي تكلم...وكانت كأنها تكلم خطيبها..
ريم: وش دعوه ها الابتسامات والدلع..
رغد: انتوا احمدوا ربكم وافق وبعدين مفروض تشكروني وتحبون راسي بعد..
عبير بخبث: وانا اقول عقل اخوي مفقود اثره معك..
العنود: وليد رايح فيها..ورايح في حب رغدوه..
رغد توترت عشان البنات كلهم فيه: اقول أي حب وخرابيط انا بنت عمه وهو ولد عمي وبس...
الهنوف تطالع عيونها زين: بس شكلك وعيونك تقول غير كذا..
رغد خافت تحس عليها الهنوف لان الهنوف ما يحتاج تفهمها على طول:لالا يتهيأ لك..وبعدين محجرين لي ليش..قوموا البسوا وتكشخوا..يمكن نشوف هشام..
العنود تصرخ: آآآآآآآآآآآآآآ يا هشام يا قلبي عليك..
عبير: اذا شفته والله بسلم عليه ويكمن ابوسه بعد..
نوف: يعني مسويه فري..
فجر: ما عليك منها كلام بس.
شجون: فجير ما تحبين هشوم..
فجر: الا اموت فيه بس خلاص الحين انا مرتبطه بزوج ما يمديني أراهق..
البنات ضحكوا على فجر وبعدين قاموا يتلبسون ويكشخون...

انا اسف لم اجد الثاني والثلاثون ولا الرابع والثلاثون

الجـــــــــزء الثــــالــث والثـــلاثون...


فجر حست ان في احد دخل ناظرته بطرف عين..عرفت انه طلال..

اشر طلال لفجر انها تبعد عن فيصل وبعدت عنه وهي ما تدري وش بيسوي..
فيصل وهو لاهي مع قلبه: تكفين فجوره عيديها..
طلال من وراه بالضبط: تعيدها هاه..."ورماه في المسبح"
طلال: ههههههههه وربي شكلك تحفه هههههه..
فجر تضحك على فيصل: ههههه حرام عليك طلول..
طلال: اسكتي لا الحقك اياه..
فيصل وتوه يطلع راسه: هين اوريكم تضحكون علي .."وصار ياخذ المويه ويكبها عليهم"
فجر قامت: فصول مالي دخل..كله من طلول..
فيصل اشر لها انها تدفه..هي خافت بس عشان فيصل كل شي يهون..
جات من ورى طلال اللي لاهي يضحك..ورمته..وصارت تضحك عليهم..
فيصل راح على طول عند طلال اللي توه مطلع راسه يتنفس..
طلال : هين اوريها..
فيصل قرب من عند طلال وفرق الجسم والطول واضح..صحيح ان طلال جسم وطول بس فيصل غير جسم رياضي حقيقي..
ومسك طلال من رقبته وصار يغرق طلال وطلال يترجاه..
طلال لما طلعّ راسه فيصل: فيصل تكفى خلاص..
ودخل راسه مره ثانيه ولما طلع: خلاص توبه..
ودخل راسه بعد: والله ماعيدها..
فجر: فصول خلاص لا يموت اخوي..
فيصل تركه: عشان خاطرك بس..وطلع من المسبح..
طلال: حشى غوريلا مو زوج وش كبره..
فيصل: سكتيه لا اموته الحين..واخليهم يقولون مات غرقاً..
طلال: انت عيدها بس وشف وش يصير..
فيصل لف عليه: وش قلت؟؟؟
طلال خاف: قلت جهز لي ملابس معاك ههههه..
فيصل: اشوا على بالي سمعت غلط..
طلال: انت اللي اذنك ما ادري وش فيها ودها الجراج""المكينيكي"
فجر خافت على فيصل وطلال انهم يمرضون: بروح اجيب لكم مناشف واجي اوكي لا تطلعون..
فيصل ابتسم لها: تسلمين يا قلبي..
طلال وهو في المويه: يا اخي احترم وجودي..
فيصل: ما تستاهل..
طلال: ترى اطلقك الحين من اختي..
فيصل: شكلك ما تبت..
طلال وهو يسبح سباحة الفراشه: شكلي هههههه ترى امزح هاه..بعد الحين يستقوي علينا..
جات فجر ومعاها المناشف وعطت فيصل وحده..
فيصل: مشكوره يا احلى وارق زوجه في الدنيا..
فجر ابتسمت له وراحت عند طلال اللي طلع من المسبح..
طلال يقلد فيصل: مشكوره يا احلى وارق زوجه اقصد اخت في الدنيا"ويطالع فيصل"
فيصل فسخ الكاب اللي انغسل..وفسخ القميص اللي عليه..
فجر ماتت حيا وهي تطالعه وصدت عنه..
طلال نفس الشي فسخ القميص اللي عليه وصار ينشف شعره بالمنشفه..
دخلوا عليهم البنات وما انتبهوا لوجود طلال..
العنود وهي داخله: شكل فجر عصبت من فيصل ورمته..
والبنات فقعوا ضحك..
شجون: اجل الله يعينك يا اخوي ..اذا هذا اولها..
عبير: لا مسكين اجل ما شاف شـــــــــــ
انتبهوا لطلال ولشكله الجذاب وهو قاعد ينشف شعره ونصه جاي على وجهه..
طلال وقف تنشيف وصار يطالعهم..كلهم يطالعونه..
البنات يطالعونه اول شي وش جابه عند فيصل وفجر وثاني شي على شكله الساحر..
طلال : وش فيكم تطالعوني فيني شي غلط"وقعد يطالع نفسه".ههه عشاني فاسخ القميص..
العنود ذايبه في مكانها وهي تشوف عضلات جسمه وشعر صدره ..ووجه والخصلات المنتثره على وجهه..
عبير حمرت خدودها وهي تطالع طلال مبستمه وخاااااقه..
مر طلال من عندهم ووقف عند الاختين..
طلال: فاتكم سويت مقلب بفيصل طاح وجهه عند زوجته..
عبير والعنود ساكتين بس يطالعونه كيف يتكلم ويحرك شفايفه..
طلال يطالعهم: هيه انتوا اتكلم انا..ولا معجبين بعضلاتي"وصار يستعرض عضلاته"
ريم: ما اقول الا مالت عليك من زينك انت وعضلاتك.كأنها عضلات بباي قبل لا ياكل سبانخ..
نوف:حشى تعبير مو تشبيه"وتعيده مثلها" كأنك بباي قبل لا ياكل سبانخ..
طلال: هههه ما تعرف تذب..وبعدين من كلمك..
ريم: يا رمز الشقا ابعد عن وجهي ترى ماني رايقه لخفة دمك الزايده..
طلال: ما كلمتك..اكلم الحلوين اللي قدامي.."ويطالع عبير والعنود وهو مبستم"
وكأنه قاصد يذوبهم زياده..
العنود تاخذ نفس: اوووووه..اقول طلال ..الله يعافيك ويجزاك خير اطلع الحين<<تعبت نفسيتها..
عبير: صادقه العنود..ممكن تطلع ودنا نسبح<<ما تقدر تتحمل...
طلال: وش معنى انا وفيصل..
فيصل: لا تقارن نفسك فيني انا متزوج..
طلال: مالت عليك وعلى زوجتك..انت اصبر عشان تشوف زوجتي اللي تسوى زوجتك...
فجر: طلالوه انا اختك شكلك نسيت..
طلال: صح انتي اختي على بالي زوجة فيصل.
فجر: طلالوه بلا لحس..
طلال: هههه طيب خلاص بطلع..ما ادري ليش كارهيني..
ريم: بسم الله عليك من خفة دمك..
طلال: ما علي منكم ..اكيد شجون تبني اجلس صح..
فيصل: ما عليك من اختي..
طلال: وحده بوحده والبادي اظلم.من قالك تاخذ اختي باخذ اختك..
شجون دوروها ما تلاقوها ..ذابت هي حيويه خلقه ولا يجيب طاري الزواج قدامها خلاص تختفي..
فجر: طلال شارب شي ولا شكل يوم غرقك فيصل فقدت الذكره..
العنود منقهره منه لما قال اتزوج شجون: وعلى باله مستقوي.
عبير نفس الشي: مسكين تفشل..
طلال: اطلع بكرامتي ازين لي"وطلع"
فيصل: حتى انا فجوره قلبي ..باي اشوفك بعدين..
العنود وريم مغطين عيونهم: هيه هيه..
ريم: عيب تونا صغار..
العنود: استح عل وجهك في بنات بريئات..
فيصل يسوي نفسه منصدم: ومن البريئات؟؟؟
العنود وريم وخروا ايديهم عن عيونهم ..والعنود تأشر عليهم..: انا وهذي اللي جنبي..
فيصل: اذا انتي واللي جنبك بريئات اجل على البرائه السلام..
عبير: فجر لو سمحتي طلعي زوجك..تراه قاعد يغلط على اختي وبنت عمي..
فجر: ههه فصول اوكي اشوفك بعدين...
فيصل ارسل لها بوسه في الهوا..وطلع..
العنود: فجير والله ما انتي هينه..
ريم: قولي لنا وش صار بالضبط..
فجر تصرفهم: بتسبحون ولا لأ..
عبير: اعوذ بالله ما قد قالت لنا شي..
ريم تدور رغد: اقول وين اختي رغوده ما شفتها..
الهنوف تدور معها في وجيه البنات: وينها صار لي ساعه ما شفتها..
ريم: بروح اناديها واجي..
راحت ريم ونادت رغد اللي كانت تسولف مع بدور..
ريم: رغيد وينك صار لي ساعه ادورك..
رغد: ليش وش تبين؟؟
ريم: البنات بيسبحون..
رغد: خلاص جايه..بدوره تعالي معانا وفليها..
بدور متردده: ما ادري..ودي اجلس..
ريم مستغربه قعدت رغد مع بدور تتذكر اخر مره جلست معها او سولفت معها صار لها وقت..
ريم: بدور تكفين تعالي والله واحشتني..
بدور ابتسمت لان في احد يفكر فيها ويشتاق لها: اوكي عشانكم والله..
رغد انبسطت: والله بنفلها وبتنبسطين معانا..
بدور: اوكي اجيب لبسي واجي معاكم..
وبعدها راحوا للمسبح..
العنود: واخيرا جيتي....مين بدور يا هلا والهن وغلا..
عبير تصفر: احلى احلى بدوره معانا مين قدنا..
فجر: مرت اخوي معنا لالا ما اصدق..
نوف راحت وضمت بدور لان من زمان ما شافت الابتسامه لى وجهها: بدوره قلبي وحشتيني...
بدور مره انبسطت انها جات معاهم حسوسها بقيمتها وقدر غلاها عندهم..
وبعدها كلهم لبسوا لبسهم وطبوا في المسبح مره وحده بعد ما عدت لهم العنود..اشكالهم كانت تجنن واللي يشوفهم ينبسط لفرحهم.
العنود بعد ما طلعت راسها تتنفس: بنات ..بنات بعد ما نتدرب شوي بنسوي سباق..
البنات: اوكيه..
وانتشروا في المسبح..اللي تسبح .واللي وافقه..واللي جابت استك على شكل كرسي وجلست عليه واللي تطلع وتدخل..واللي تسوي حركات وهي في الهوا ..وريم ورغد يسون حركات استعراضيه...
نوف كانت فوق الاستك..
فجر: نوف انزلي اسبحي..
نوف: ابقعد شوي..
فجر: قلت انزلي جايه تجلسين..
نوف: خلاص فجوره لا تحنين فوق راسي..
فجر: هين اوريك.."وقلبت الاستك فوقها"
والبنات ميتين ضحك على شكلها..
نوف: هين اوريك"وصارت تحاول تغرقها بس هي وين وفجر وين..فجر عربجيه متعوده .وانقلبت الايه على نوف"
عبير والعنود وريم تذكروا يوم الشاليه في الشرقيه..لما كانوا في البحر...
ولفوا على شجون ومها والهنوف وانقضوا عليهم وهم ينحاشون منهم ...ورغد وبدور خلاص ماااااتوا من الضحك..
رغد: تكفون خلاص وقفوا بطني صار يعورني من الضحك..
بدور: خلاص لا يصير فيهم شي..
الهنوف وهي تنحاش من عبير: تعالي ساعديني بدال ما انتي وافقه..يمـــــــــــــه"مسكتها عبير"..عبير والي يعافيك مالي خلق..
عبير: تعالي يا بعد قلبي والله ..تعالي"وتمسك راسها وتدخله ..وتضحك..وبعدين تطلعه":هاه تتوبين..
الهنوف تاخذ نفس: عن ايش اتوب..
عبير: ما ادري بس قولي التوبه..
الهنوف: ما راح اقول...
عبير: اجلي تحملي ما يجيك " وتدخل راسها مره ثانيه وتطلعه: هاه توبه ولا بعد..
الهنوف: خلاص توبه بس فكيني..حشى مو بنت هذي.. هذي اكيد صعيده على قولة ميشو..آآآآآآآآآآآآآ"ودخلت راسها"
عبير: صعيده هاه..
العنود ومعها مها: هاه مهاوي تزوجيني اخوك ولا ..
مها: ابشري ..بس اخاف ما تعجبينه..
العنود تدخل راسها: ما علي منك..تزوجيني ايها..
مها: خلاص خلاص موافقه بس فكي شعري..
ريم ومعها نوف
ريم مقهوره: اخطبيني لطلال..
نوف: ابشري من عيوني..
رغد: خلاص عاد فكوهم..
ريم راحت عند العنود..
ريم معصبه: قولي لها انك تمزحين..
العنود: اذا قلتي لنوف قلت.
ريم: اصلا انا واثقه من ان سليمان يحبني...
العنود لفت عليها وعيونها يطلع منها شرار: وش قصدك ان طلال ما يحبني هاه..
ريم: انا ما قلت شي..
العنود: اقول وخري عني ولا عاد اشوفك مكلمتني فاهمه..
ريم: هذي الساعه المباركه اللي ما اكلمك فيها..
بدور وهي تضحك: بنات...اشكالكم من شوي تحفه..ان شا الله دايما كذا..
رغد: ما شفتي شي...
مها وهي ماسكه شعرها يعورها:..أي...دايم احنا الضعيفين رايحين فيها..
شجون: انا من اليوم ورايح ما راح اسكت..
العنود قربت من شجون: وش قلتي؟؟؟
شجون خافت: اقول من اليوم ورايح ما راح اتكلم ابـــد..
العنود: ايه اشوا على بالي شي ثاني..
الهنوف: اقول خلونا نستهبل ونرقص..
البنات: يله..
وصاروا البنات يصفقون ويرقصون..
حبيبي ارب ـ بص وبص بص
زعلان ازعل ـ ازعل نص نص
لاحسن حابعد ـ ابعد اه ونص وحتبئا انت اكيد خسران
وطلعت نوف من المسبح ووقفت عنده وصارت ترقص بلبسها الوردي اللي لازق بجسمها وبشعرها المبلول وتهز بدلع..

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
عنـــــــــد العــــيال...

مشاري: انا عن نفسي طفح الكيل..ابي اطلع.
طلال: يله اطلع وطلعنا..
وليد يحمسه: مشاري قم انت قدها..
مشاري تحمس: ايه وانا قدها"ووقف وراح عند الرجال" يله عن اذنكم..
ابوماجد: على وين؟؟
مشاري وهو ما يطالعهم: بنطلع شوي..
ابو مشاري: لالا تتأخرون عشان العشاء..
مشاري فرح: ابشر..
والعيال ما صدقوا على الله وطلعوا كلهم ..اكيد تقواون ليش الرجال ما يخلونهم يطلعون طبعا اولا لعانه وثاني شي عشان يجلسون شوي معاهم هههه وبس..وهذا السبب..
نرجع لعند العيال..
فواز: احس ان السجن ارحم لي..
ماجد: انت صادق..
نواف: يعني ممكن اسأل سؤال..
مشاري: اكيد بتقول ليش ما نقدر نطلع من عند شيابنا..؟
نواف: ايوه ليش؟؟
مشاري: هذا السؤال الوحيد اللي ما لقيت له جواب..
طلال: اتوقع انهم ما يقدرون يفارقونا وخصوصا انا..
وليد: ايه هين..
ومروا من عند المسبح وصدوا عن البنات لان اشكالهم واضحه من ورى الزجاج..الا اثنين تعلقت عيونهم..
الاول فواز عيونه متعلقه ببدور زوجته..شافها تضحك وتصفر وتستهبل..قعد يطالع حبه القديم والجديد وحياته كلها..من زمان ما شافها كذا..حس بتأنيب الضمير لانه هو اللي حرمها الضحكه من اسلوبه وطريقة تعامله بس من جواة نفسه مقتنع تماما ان هذي الطريقه الوحيده اللي تقوي شخصيتها..
الشخص الثاني متعلقه عيونه بنوف وهي تتمايل وتستهبل كله بدلع وغنج وشعرها جاي على وجهها واللون البينك او الوردي عاكس على بشرتها...وجسمها الممشوق اللي البنات كلهم منهبلين عليه..الشخص هذا فاتح فمه عليها ما قدر ابدا يشيلها ونسى ان اخوانها حوله ولو شافوه قطعوه ودفونه بالشاليه وسرح بعالمه الجديد..عالم نوف.نوف وبس..
فواز وهو يطالعه يطالع اخته...صار وجه فواز احمر من العصبيه وصرخ فيه..
فواز: نوااااااااااف..
نواف صحى من اللي كان فيه ولف على فواز واستوعب ان اللي قدامه فواز مو حيا الله..
فواز: اتوقع من الادب تغض عيونك عن بنات الناس ولا يا متربي..
نواف يحاول يبرر موقفه: معليش فواز..انا ما كان قصدي اقعد اطالع فيها ووو.....
فواز وهو ما يتحمل يشوف وجهه: امش قدامي وانت ساكت..واحمد ربك اني لاحد الان ساكت لك وما ذحبتك..لانك ما تستاهل العيش واللي يخون الاهل اللي وثقوا فيه ما يستاهل غير الذبح..
نواف: والله فواز اني ما كان قصدي شي..ولا كان في نيتي على أي وحده أي شي..
فواز موصله معاه ويطالع نواف بنظرات احتقار:قلت لك امش ولا انت ما تفهم..
مشى نواف مسكين ما كان بيده شي..نوف تسحر اللي ما ينسحر ..جمال ودلع وترقص بعد..اتوقع هذا الشي بحد ذاته عذر له..
نوف الي انتبهت لنظرات نواف دخلت على طول في المويه وهي ميته خوف من نواف وفواز اللي كان واقف جنبه..
البنات كملوا رقص واستهبال وسباقات بينهم ومنافسات وما طلعوا لما قالوا لهم ان العيال بيسبحون..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
العيال بعد ما لعبوا طائره وبلياردوا وكرة قدم ..قرروا انهم يسبحون..
مشاري: ليون تعالي حبيبتي..
لين: نعم...بعدين لا تقول حبيبتي...
مشاري: ليش يا قلبي...
لين: لا تقول بعد..يا قلبي..
مشاري:اجل وش اقول؟؟
لين: لا تقول شي عشان ما يزعل عليك مشعل لانه يغار علي مووووت..
مشاري: ابشري طال عمرك..اسمعي روحي للبنات داخل وقولي لهم ان العيال يبون يسبحون يا السمك الخايس...
لين: اقول يا السمك الخايس..
مشاري: اهم شي...شاطره حبيبتي..
لين حطت يدها على خصرها: وش قلت؟؟
مشاري: اسفين بس روحي..
وراحت للبنات...
مشعل: وش رايك فيني مربيها عدل صح..
مشاري: ايه مشا الله عليك الله يرزقنا بوحده تموت علي مثل لين..
مشعل بوثوق: لالا تحاول ما راح تلقى ..اصلا من زينك..
مشاري ضرب مشعل من رقبته لما بغى يطيح منها: اقول انقلع زين..
محمد: ههههه تفشل مسكين...
مشعل : عادي عادي تصير في الدول المتطوره عادي...
وبعد دقايق جاتهم لين وقالت لهم ان البنات طلعوا..
وراحوا العيال لعند المسبح واعجبهم شكله وعلى طول اسبحوا
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
عنـــــد البنات...

كانوا داخل غرفه في الشاليه يبدلون ملابسهم وينشفون شعورهم..
العنود وهي تنشف شعرا: اقول ريوم خلينا ننروح نقز العيال وهم يسبحون..
ريم: يله شوي وجايه..
رغد: على وين انتي وياها؟؟
ريم: انا عن نفسي بروح اقز سلومي..
رغد: وانتي يا العنود...
العنود: انا بروح اقز........اقز هذولا العيال الجديدين ما شفتهم زين..تعالي معانا..
رغد: خلاص اوكي...
الهنوف: انا جايه معاكم مع اني ما ادري وين بتروحون..
ريم: العنود ما تلاحظين ان كل شوي وحده قاطه..
العنود: بنادي البنات اللي تبي تجي تجي واللي ما تبي كيفها..
ريم: احسن بعد..
العنود بصوت عالي: بنات اسمعوا ..بنروح نتفرج على العيال وهم يسبحون اللي تبي تجي حياها الله واللي ماتبي بالطقاق اللي يطق راسها..<<الاسلوب من على جنب
وقرروا البنات كلهم يرحون وكمان بدور جات معاهم عشان تشوف فواز مع العيال على قولته..
راحوا البنات لعندهم وقعدوا يطالعونهم وهم ورى الشجر..
العنود: تتوقعين كانوا يشوفونا؟؟
عبير: لالا ما اظن عيالنا محترمين..
ريم: مين المحترمين..عيالنا ايه هين قابليني..
وبعدها فتحوا فمهم وطلال يتقلب في الهوا بعدين طب في المويه والعيال يصفقون له ويصرخون..
عبير والعنود خلاص ذابوووو في اماكنهم..
عبير: العنود شفتيه ما شا الله عليه.
العنود: الله يحفظه لعين ترجيه..
عبير وهي تتنهد: اميــــــن..
ريم تكلم نفسها وهم ماحسوا فيها: والله انهم قاضيات..
وبعد طلال جا دور مشاري وسوى حركه ثانيه..العيال والبنات انهبلوا عليه..
ريم: سموا على اخوي..
الهنوف وهي فاتحه فمها: بسم الله عليه من الحسودين..
ريم: انتي وش قططك هاه؟؟
الهنوف ارتبكت وبان عليها: هاه....هذا جزاي اني دعيت له..
ريم بنظرة خبث وتقرب جنبها: هنيف قولي انك تحبين اخوي..
الهنوف تبعد عنها: وش اقول..انا ما احب احد ولا افكر اصلا..
ريم: طيب خلاص صدقتك بس لا تبكين علينا..
الهنوف عصبت: ريـــــــــــــــــــــم........
ريم: طيب خلاص اذني والهـ ابيها...
رغد: اعقلي عنها وطالعي طالعي...من هذا؟؟؟
بدور طيرت عيونها في فواز اللي كانت الضحكه شاقه خشته وعيونه وملامحه غير بالمره اذا كان معاها..يضحك ويستهبل ويلعب عياله وكل هذا وكأنها اول مره تشوفه بحياتها,,توقعته ثقل شوي..عصبي معاهم شوي على الاقل....اكتشفت ان معها بس...بس معاها..
"طيب ليش؟؟ يش انا؟؟ ..انا وش سويت له...وش سويت له...دايما احاول ارضيه بكل الطرق والوسائل بس ليش ما يبين في عيونه..ليش ما احس اني زوجته..واهم سؤال واللي ابي اجابته بأسرع وقت ويرحني من اللي انا فيه...ليش يعاملني كذاااااا؟؟؟؟؟"
نوف: والله فواز خطير..
فجر: هههه هذا هو فواز من صغره وهو فنان في كل شي..
جا بعده فيصل..
العنود: فيصل فيصل فجير فيصل..
فجر وهي جنبها: احلفي واصدقك..طيب خلاص شوفيني جنبك واطالع..
عبير تستهبل تنغز ظهر فجر: فجر فجر ..فيصل والله فيصل..
فجر وصلت معها شوي: والله دريت من اختك..
عبير اشرت على ريم تهبل فيها..ريم جات مسرعه وتصقع فجر..
ريم: أي..فجر فجر شوفي شوفي فيصل أفرحي يله افرحي فيصل قدامك..
فجر انفجرت منهم: خلااااااااااااااااص عرفت والله عرفت..
جات رغد ما تدري عن السالفه بس تبي تعرف وش ردة فعلها: فجوره شوفي فيصل قدامك يله انبسطي..
فجر تصارخ: فهممممممممممممت وربي وربي فهمـــــــــــــــت خلاص حامت كبدي.دريت انه فيصل والله دريت ..وبعدين اذا صار فيصل ماله داعي كل هذا انا قاعده ماله داعي الحلفه اللي انتوا مسوينها عشانه...
جاتهم نوف: فجر شفتي حركة فيصل...
فجر بتكبي خلاص:يارب يارب صبرني بس..
رغد ونوف: وش فيها...؟
العنود وعبير وريم متسدحات من الضحك عليها..
وبعدها ريم سكتت على طول..جا سليمان وبعدها سكتوا العنود وعبير وتقدمت رغد لعندهم وفجر ونوف جنبهم انهبلوا من جمال سليمان..شعره مبلول فيه كم خصله على وجه ويضحك وبانت غميزاته وذابوا على جسمه جسم صح..ريم طاحت على العنود..
ريم بصوت واطي: الحقيني..الحقيني يا العنود قلبي بيوقف..
العنود مطيره عيونها: والله ما تنلامين..
ريم ضربتها: وانتي لا تطالعين..
العنود: شوفي شوفي كيف الحركه ما شا الله عليه..
ريم: يارب اوعدني الصبر خلاص ما تحمل يذبح والله يذبح..
العنود: يعني وش بتسوين..
ريم: لالا بروح انتحر وافتك..
عبير: العنود شفتيه شفيته يهبل يجنن يقطع القلب..
ريم والنار تطلع من عيونها: هيه هيه انتي عيب استحي على وجهك..
عبير: وش فيك عسى ما شر.. ولا تعالي قولي لي لا تطالعين احد احسن..
ريم: يكون احسن ماله داعي تقزين الولد قز..
عبير: لالا حلال عليك وحرام علينا..
ريم توهقت: لا مو كذا على الاقل انا اطالع وانا ساكته مو انتي يا المشفوحه..
رغد: اقول انتي وياها طالعوا وانتوا ساكتين..
بدور: من هذا ولده ما شا الله..
ريم: هذا اخوا مها..
بدور: ما شا الله..الله يخليه لامه..
ريم بصوت واطي: احسن شي انك متزوجه..
بدور: ايش وش قلتي ما سمعت..
ريم: اقول امين الله يخليه لاحبابه..
بدور: امين..
بعدها جاء دور تركي بس معها واحد اخر واحد ممكن يكون معاه...
وليد وتركي مع بعض بيسون نفس الحركه..
ريم طالعت رغد تبي تشوف ردة فعلها وما لقت الا الحيره بعيونها..
رغد في نفسها" حتى الحين مع بعض..مع انهم ما يحبون بعض بس ليش كذا...عشان يحيروني زياده.. ولا يحسسوني بتأنيب الضمير...يارب لا تزيد حيرتي حيره..يارب اللي فيه الخير قدمه لي واللي فيه الشر لي ابعده عني يا رب.."
شجون: شوفي وليد وتركي وكأنهم اخوان..
مها: يمكن في شي مشترك بينهم..
ريم تطالعهم وتقول في نفسها"اختي هي القاسم المشترك بينهم..الحين تحسون كأنهم اخوان..وانا عارفه بعدين بيكونون اكبر اعداء..وبتكون السبب فيه رغد..صحيح مالها دخل بس هي اللي تحدد مصيرهم..والله حمل كبير عليك يا رغد ترضين ولد عمك ولا ترضين ولد الناس والمشكله كلهم يحبونك بجنون...الله يعينك يا اختي...
رغد وتغير حالها: بنات انا رايحه احس اني تعبت..
ريم: وحتى انا...
بدور: وان كمان..
البنات: يله كلنا بنروح لداخل..
وبعدها دخلوا داخل وبعد حاولي ساعه طلعوا العيال من المسبح وتعشوا وريحوا..والبنات نفس الشي تعشوا وقعدوا يسولفون...

&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
عند العيــــــــــــــــــال..
نواف: اقول لك شافني وانا مطير عيوني في اخته..
سعود: طيب مافي الا هي قول انك تطالع وحده ثانيه..
نواف: هذي المشكله ان هي الوحيد اللي طالعه والباقين في المويه حتى انهم ما بينوا..
سعود: وش بتسوي الحين؟؟
نواف: ابي ارجع للرياض..
سعود: اخاف تشككه زياده..
نواف: انا راح احلها بعدين بس الحين ابي اروح عن نظراته يحسسني اني خاين..صح اني غلطان سواء كانت اخته او لأ واني مفروض ما اطالع..بس والله شي غصب علي..وبعدين اقسم لك ان ماكان في نيتي عليها شي او أي وحده ثانيه...انت فاهمني صح..
سعود: انا اكثر واحد فاهمك وعارفك وانت يا نواف ولد ماشي مستقيم وعارف هذا الشي وكمان انت مو راعي سوالف بنات وسوالف بطاله..وواثق من هذا الشي..بس موقفك صعب..
نواف: زين ما صرخ علي وفضحني عند سليمان..سليمان بيذبحني لو عرف وتركي بعد..
سعود: اوكي قول لهم ان جاتك ظروف ولازم ترجع للرياض وخذ اغراضك وعلى اول طياره.ويمكن ارجع معاك..
نواف: ايه تكفى ارجع معاي..
سعود: اوكيه برجع معاك..تعال نقول للعيال الحين عشان نحجز على الصباح او الظهر..
نواف: اوكي..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
عنــــــــد البنـــــــات...
رغد مجتمعه هي وريم والعنود وعبير بس...
رغد: ايوه وابيكم تساعدوني وتساعدونها بدون ما تحس اوكي..
ريم: يا حرام يا بدور يا عمري عليك..
عبير: تصدقون كرهت فواز..
رغد: يمكن له اسبابه...
عبير: تكفين وش سبابه اللي تخليه يعامل وحده مثل الجوري.مثل الورده الناعمه بالطريقه هذي..
العنود: الا انتي يا رغد وشلون عرفتي السالفه..
رغد ارتبكت: عرفتها...عرفتها وهي تكلم اختها بالموبايل وتشكي لها..
العنود: اها...طيب وش راح نسوي..
رغد: عشان كذا انا قلت لكم السالفه..اول شي لازم نعرف السبب ..واذا عرفناه عرفنا نحل المشكله كلها ولازم تفكرون صح عشان خاطر المسكينه بدوره..
ريم وهي تفكر:طيب..اول شي كيف نخليه يتكلم..
العنود: لا قبل من اللي راح يكلمه إحنا ولا واحد من العيال..
عبير: نخلي ماجد يكلمه..
رغد: ايوه صح جبتيها..نخلي ماجد اقرب واحد له يكلمه..
ريم: بس كيف يقول له ماجد..وكيف نخلي فواز يتكلم عن حياته الزوجيه..
العنود: نقول لماجد وهو يتصرف..
رغد: واكيد راح يتصرف؟؟؟
عبير: ماجد اخوي عقله يوزن بلد ما شا الله عليه...
ريم: وليش ما طلعتي عليه...
عبير: والله خلصت التذاكر...
ريم: هـ هـ هـ بايخه..
رغد: الحين خلونا في الجد..
ريم جاتها الحاله: في الجد ولا في المزح ههههاي..
العنود: ريم تكفين لا تبدين..
ريم: أبدا ولا انتهي ههههاي..
رغد: بلا سخافه..
ريم: سخافه ولا سماجه ههههههاي..
عبير ضربتها من راسها لما وصل للأرض: اسكتــــــــي..
ريم:آآآآآآآه"وتصرخ بقوه"آآآآآآآآآآآآآآآآآآآآآآآآه..حسبي الله على إبليسك والله سخيفه..
عبير: مو اسخف منك...الحين احنا في ايدينا اكبر مشكله مرت علينا وقاعده حضرتك تنكتين ولا يا ليته شي صاحي سماجه في سماجه..
ريم: آآآآآه يا راسي..جعل ايدك الكسر حشى ولا عجرا تسوي كذا.."ولفت على رغد" وانتي كملي بعد..
رغد: لا تنافخين لا ااشوتك واوصلك للرياض الحين..
ريم: لالا الرياض خلاص بأسكت..
رغد: يعني المهمه هذي على ماجد اكيد..
العنود: اكيد..
رغد: طيب وش راح تقولون له..
عبير: انا اقول نقوله السالفه كامله عشان يتحمس..
رغد: اوكيه مو مشكله بس نبهوه انه ما يطلع الحكي لا يمين ولا شمال اوكيه..
العنود عبير: اوكيه..
رغد: بنقول له السالفه اليوم عشان نخلص موضوعها قبل لا نرجع الرياض..
ريم: ما راح يخلص الا في الرياض عشان يقابلون بعض اما هنا هو راح يتهرب منها..
رغد: اذا عرفنا السبب ..قدرنا نعرف كل شي..الحين خلونا في الخطوه الاولى..يله اتصلي عليه يا عبير..
عبير: اوكي.."واتصلت"...الووو ماجد..
ماجد: هلا والله..
عبير: اهلين..مجودي اذا كنت مع العيال اطلع ابيك انا والعنود في موضوع ضروري وخطير..
ماجد: جد فيه شي ولا تستهبلين ولا مسوين فيني مقلب ترى اعرف سوالفكم..
عبير: والله يا ماجد الموضوع جدي ما يتحمل التأجيل..
ماجد: اوكيه تعالوا عند النافوره...
عبير: يله جايتك.....باي..
ماجد: باي...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
سليمان: ترجع للرياض ليش؟؟؟
تركي: وش فيك وش صاير هناك؟؟
نواف: اهلي متصلين علي يقولون لي ارجع..
سليمان: يعني فيهم شي...؟؟
نواف: لالا ما فيهم شي ا نشا الله..
سعود: وانا راح اروح معاه..
تركي: ماله داعي تروح معه..
سعود: صديقي لازم اوقف جنبه..
تركي: اكيد عشان الاهل..يعني محد ضايقك بشي .لا بكلمه ولا بنظره ولا أي شي ثاني..تكلم يا نواف..
نواف رتبك والعرق يصب: لالا محد قال لي شي انا كذا برجع..
تركي: براحتك بس خساره ما طولتوا..
نواف: ما عليه الجايات اكثر..
سعود: اكثر ما اكثر الله عندنا الاجازات اول اجازه نجي هنا..
سليمان: ومتى راح تروحون؟؟
نواف: الحين بنحجز التذاكر ..
سعود: انا حاس انه اليوم الفجر او الظهر...
تركي: والله بنشتاق لكم..
نواف: وانا اكثر والله بس وش عندك راضي علينا..
تركي: عشان اذا متوا اكون راضي عليكم وانتوا راضين علي..
سعود: فال الله ولا فالك..

الجـــــــــــــزء الخامس والثــــلاثون...

وصاروا يسرعون واللي وراهم يسرع وهو ساكت...
واذا اسرعوا مره اسرع واذا هدوا شوي هدا معاهم..
الهنوف ترتجف: رغد وربي خايفه..الى اللحين وهو ورانا..
رغد ميته خوف: يارب يارب...اقول الهنوف انتي متأكده انه جني...
الهوف وهي تاخذ نفس: وش يدريني انا..
رغد: انا عندي تحساس انها ريم ولا عنيد..
الهنوف التفت لورى: لا شكله اختفى..
رغد التفت: ايه مافي احد خلينا نرجع..
وأول ما لفوا..
الشخص من وراهم مسك الهنوف..
الهنوف: واااااااااااااااااااااااااااااااااا يمــــــــــــه..
رغد التفت تطالع الشخص: مشـــــــاري!!!!!!
مشاري: مين انتي ومين اللي معاي..
رغد تضحك: هذي الهنوف...
مشاري رمى الهنوف وكأن احد قارصه: معليش..Im sory..
الهنوف تمسح دموعها وضربت مشاري: صدق انك سخيف..ترى من جد خرعتنا ..والله كان قلبي بيوقف من الخوف.
مشاري: الحين ابي أكلمكم تسرعون ..واذا هديتوا هديت اخذ نفس..وبعدين ترجعون تسرعون..
رغد ميته من الضحك ما قدرت تتكلم..
الهنوف: بصراحه توقعناك....جني...
مشاري فقع ضحك: جني هههههههههه والله انكم مخفات..
رغد: وربي اشكالنا ههههه تموت من الضحك هههههه والهنوف تقولي اسرعي وانا اسرع معاها..هههههههه
مشاري: خلاص اهدي يا الهنوف تراك لحد الان ترتجفين..
الهنوف: اصلا بأبكي بعد شوي....
مشاري قرب منها وبحنان: ترى دموعك غاليه"وكان بيمسح دمعه واقفه على هدب عيونها"
رغد: هيه هيه ممنوع اللمس والأقتراب ..خير وينى فيه..
مشاري: انتي وش جابك اصلا..
الهنوف ثابته في مكانها من الخوف والحيا:..............
رغد: الهنوف.......الهنوف....
الهنوف: ..............
رغد: شفت جبت الصقهه لصديقتي..الله لايحللك لادنيا ولا أخره..
مشاري خاف: وش الله لا يحللك انتي بعد"ونغز الهنوف" هنوفه..
الهنوف صحت: سم..
مشاري ابتسم: ما ترد الا علي بس..
رغد: الهنوف وش فيك.
الهنوف: لالا ما فيني شي...خلونا نرجع ابي ارتاح...
رغد: يله..
وراحوا وتركوا مشاري واقف في مكانه..جاء بسرعه يلحقهم..
مشاري: خير انتي وياها صافطين علي...
رغد: الا انت وش جابك..؟
مشاري: كذا جاي اتطمن عليكم..
رغد: خلاص تطمنت..يله رح..
مشاري: يعني طرده..
رغد: ايه طرده...شوف صديقتي تعبانه ومالنا خلقك..
مشاري: عشانها بجلس معاكم..اخاف يصير شي بهنوفه..لازم اكون جنبها..
رغد: ومن متى الميانه"وتقلده" هنوفه...وبعدين لا تفاول على صديقتي..وروح عند العيال...
الهنوف ساكته ما علقت ولا بأي كلمه..
مشاري حس ان مافي امل يكلم الهنوف وفيه رغد النشبه..
مشاري/ اجل يله مع السلامه...بس ترى زعلت منك يا رغد..
رغد: شفت البحر اللي جنبي رح ارمي نفسك فيه..
مشاري: يعني ما فيك فايده..
رغد: لااااااااا..
مشاري: اجل يله سلاااام....
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
العنود مقهوره: رويم ممكن تطالعيني شوي..
ريم وهي تطالع سليمان: انتي بعدين..الين خليني اطالع القمر...
العنود بغيره: شوفي عبير وش تطالع..
ريم لفت على عبير لقتها مبتسمه وتطالع طلال..رحمت العنود وسوت نفسها ما فهمت وش تقصد العنود: وش فيها عبير...
العنود بحزن: شوفيها كيف تطالع طلال وتضحك على حركاته..
ريم: العنود...حددي موقفك الحين..
العنود عقدت حواجبها: كيف ما فهمت..
ريم: يا أنك تدافعي عن حبك..او خلي اختك تدافع عن حبها ...
العنود: وتتوقعين بأبدي نفسي على عبير..
ريم: في هذي فكري زين..
العنود: مستحيل اخلي اختي تنحرم من طلال اذا كانت تحبه..تحبه مو اعجاب..
ريم: طيب انتي عرفتي انتي..هي تحبه ولا لأ..؟
العنود: المشكله انها ما تعطيني وجه..
ريم: الله يعينك يا العنود..
العنود وهي تناظر اختها: امين...
وقعدوا شوي ساكتين..وكل وحده لاهيه في تفكيرها..جاء وليد ومعاه تركي وسليمان...
وليد: ياهووووه نحن هنا..
العنود:هاه...هلا وليد..
وليد مستغرب: رويم وش مسويه بأختي...
ريم كانت لاهيه توزع ابتسامات مع سليمان...
وليد: رويـــــــــم..
ريم لفت عليه مكشره: نعم...
وليد: وش فيها اختي وش مسويه فيها..
ريم ناظرت العنود بعدين رجعت تناظر وليد: وش دراني عنها...
تركي: اكيد انك مهبله فيها ومطلعه ريحتها..
ريم: ممكن اعرف بكم القطيه...
سليمان: مســـــــكين تفشــــل..
تركي: ما راح ارد عليك لان مستواي عالي..
ريم: مالت عليك وعلى مستواك..
وليد: لا جد جد ريم وش فيها العنود..
ريم :شوفها قدامك اسألها...
وليد جلس جنب العنود وهو مستغرب حالتها اول مره يشوفها كذا: العنود...فيك شي..
العنود: لا ..مافيني شي...
وليد: لا اسلوبك المؤدب يدل ان فيك شي..
العنود بتعب: وليد بليز اتركني لحالي شوي...
وليد: العنود انا اخوك قولي لي وش اللي مضايقك..
العنود رفعت راسها وطالعت بوليد وعيونها مليانه دموع...من حبت طلال والدموع صارت معها دايما: وليد اذا تحبني وتخاف علي اتركني لحالي..
وليد يطالع في عيون العنود منصدم ومسك وجهها: العنود.....انتي تبكين...؟
العنود ما صدقت على الله ان احد حن عليها وعلى طول رمت نفسها في حضن اخوها..الموقف كان مؤثر على الجميع..عبير صحت من اللي كانت فيه وانتهبهت لاختها اللي لاهيه عنها بطلال وتدري ان دموع العنود مستحيل تنزل على شي الا شديد وقوي..
ريم حست بتأنيب الضمير لان العنود جنبهاوضايق صدرها وهي تدري وما حاولت تخفف عنها لانها لاهيه مع سليمان..
العنود تبكي بصوت عالي وتشاهق: وليد خلاص تعبت والله تعبت..
وليد وهو مازال مصدوم: من أيش تعبتي...
العنود: من كل شي...من كل شي...
وليد: انتي اهدي واذكري الله...
العنود اخذت نفس: لا اله الا الله...
وليد وبعد وجهها عن صدره ومسكها من اكتافها: والحين قولي لي وش فيك؟؟ ...ولا تبين نروح مكان بعيد..
سليمان وتركي يطالعون بعض مصدومين ما توقعوا ردة فعل العنود بهذا الشكل..
العنود مسحت دموعها: لالا ما يحتاج..خلاص الحين انا زينه...
عبيرمسكت ايد العنود: العنود قلبي الحين اهدي وبعدين نتفاهم..
في نفس الوقت وصل مشاري وبعده بعشر دقايق وصلت رغد والهنوف..وشافوا الكل مجتمع..
رغد دخلت من بين الزحمه: العنود!!!!!...وش فيك يا قلبي..
العنود ابتسمت: لهدرجه انا مهمه...
دخلت الهنوف: عنوده قلبي وش فيك تبكين؟؟؟
عبير: عرفتي غلاك الحين ارتحتي..
العنود تضحك من بين دموعها: ليه غيرانه..
عبير تبوس اختها: فديتك والله..تهبلين ووجهك احمر من الصياح..ابكي كل يوم..
العنود ضربتها: نذله...
ريم تضحك: طالعه عليك....
رغد حست ان في احد يطالعها مو شخص واحد...شخصين وما ودها ترفع راسها وتنصدم..
الهنوف حست فيها: يله يا عيال انقشعوا"مصطلح جديد لي انقلعوا"..عنا خلونا ناخذ راحتنا..
رغد طالعت الهنوف بنظرة شكر وحمدت ربها ان عندها صديقه مثل الهنوف..
وليد: رغد...وين كنتي من شوي؟؟
رغد هذا اللي كانت خايفه منه..طالعته وبعدها طالعت تركي اللي جنبه وبعدين رجعت تطالع وليد...
رغد: رحت اتمشى انا والهنوف...
وليد: اهااا...
تركي عامل حاله مو مهمتم للموضوع ابدا ..ومن داخل يغلي..عارف ان وليد قاصد الحركه بس ما يقدر يقول شي...
جاء طلال لانه شاف العيال طولوها وهي قصيره..
قرب منهم: وينكم؟؟؟...ساعه....وش فيكم؟؟؟؟
وليد: أي سؤال تبيني اجاوب عليه...
طلال ابتسم: ولا واحد ههههه لا جد وش فيكم وطالع في وجيه الكل واخر وحده العنود..
طلال: العنود وش فيك....مين زعلها؟؟
العنود في نفسها" هو في غيرك يفرحني ويضايقني..يبكيني ويضحكني..انت يا طلال انت"...
ريم: ما فيها شي دلع بنات..
عبير تغني: ترى كل هذا يا روحي دلع بنات...
العنود لفت عليها معصبه ليش تغني لطلال..بس عبير عقدت حواجبها ما فهمت ليش هي معصبه..
ريم خافت ان الوضع يسوء اكثر: ياهوه...ياعيال خلاص عاد ما تنعطون وجه...فكونا شوي...
طلال بجد: ريم تعالي شوي..
العنود تأشر لريم لا تروحين..بس ريم ما تقدر تقول لطلال لا ..وراحت معاه..
سليمان في اللحظه هذي عصب ورجع هو وتركي اللي موصله معاه داخل الشاليه..
طلال: وش فيها العنود بسرعه تكلمي...
ريم: وانا وش دراني...
طلال: ريم مو علي هالحركات..ماتمشي علي..قولي وش فيها العنود...
ريم: وش تبي تعرف انت....
طلال: ابي اعرف وش فيها بنت خالي...
ريم: ضايق صدرها شوي...بس هذي السالفه...
طلال: وش اللي مضايقها..
ريم: حركات بنات مالك فيها...
طلال: العنود ماهي من هالنوع اللي يبكي على توافه الامور.."وطالع قدام ويكمل"العنود كبيره بعقلها..كبيره بتفكيرها...انسانه غريبه..مضحيه حنونه قويه..كل شي فيها...
ريم منصدمه من كلام طلال: ايوه...وش بعد..
طلال يكمل: بصراحه اكتشف فيها اشياء حلوه نادر ما تكون في بنت..اول كنت ماخذ فكره عنها بس الحين الايام بينت لي ان الشكل يختلف عن المحتوى...شفت بعيونها الحزن قريته بعيوني وحسيت فيه...بس ما عرفت وش سببه..والحين ابي اعرفه...
ريم زادت حيرتها...معقوله طلال يحب لعنود...وعبير وين راحت...
ريم: بصراحه يا طلال ما اقدر اقوله لك...هو شي خاص فيها...اذا حاب تعرفه روح اسألها بنفسك وهي تجاوبك..اما انا اقولك اسمح لي يا طلال.. ما اقدر اقول ولا حرف..
طلال: طيب اقدر انا اساعدها..
ريم بتفكير: اممم..ممكن..
طلال: اجل قولي لها ان طلال يبي يشوفك الليله في صالة الفندق اوكي...
ريم بفرح: اوكي..
ورجعت لعند العنود..
العنود: وش يبي منك...
ريم وهي تطالع عبير: يبيني في موضوع خاص مالك شغل فيه"وغمزت لعنود"
العنود فهمت: اوكيه براحتك..
عبير: لا وش براحتها قولي لنا...
ريم: في الحلم يا ماما في الحلم..
رغد: اقول بنات خلونا نروح عند فجر ونهبل فيها.
ريم: غربيه رغد تهبل في فجر..
رغد: بصراحه ودي اضحك شوي..
البنات: يله...
راحوا لعند فجر حصولها قاعده مع فيصل وتسولف..
فجر: فصول خلاص قلت لك سوري...
فيص: سوري!!..وش اسوي فيها....
فجر: طيب وشلون اراضيك..
فيصل: جزاء لك لانك ما خليتني اشوفك نص يوم تجلسين معاي من الحين لما نرجع الفندق وتسوين اللي بقوله لك..
فجر خافت ما تدري وش ممكن يقول لها لانه متهور: شوف حبيبي..باجلس معاك اوكي..بس اسوي اللي تقوله على حسب..
فيصل: طيب معليش راضي..
فجر: هههه ايوه هذا فصول الشاطر.."وصارت تغني"
اللي بيسمع كلمة خطيبته شو بنؤله..
فيصل: شاطر...شاطر..
فجر: هههه فديتك والله...
فيصل: والله انا اللي فداك..
فجر: صوصو حبيبي..
فيصل مستغرب: صوصو...وش هذي...
فجر: هذا النك نيم الجديد لك...عجبك؟؟
فيصل: اكيد يا قلبي كل شي منك سكر وعسل ويخبل بعد..
فجر: تسلم لي والله...اقول صوصو ما عندك قصيده جديده ولا كم بيت جديدين..
فيصل: لعيونك ازرع قصيده..
فجر: تزرع قصيده!! ههههه يله قول..
فيصل: امممم عندي خاطره حلوه ينفع.
فجر: كل شي منك حلو يا بعد عمري انت...
فيصل: أجل اسمعي..
حطيني لرمشك هدب...او نومتك بعد التعب..
خليني فكرك لا شرد..خليني مهما اكون بس بحياتك للأبد...
خليني شمسك بالوجود..خليني همسك والحدود..تدري خليني سهر اداعبك للفجر..احاكي رمشك واقول اهواك يا كل العمر...خذني نغم..غنه على عذب الاحساس..خذني دوى للجرح لا صار دامي...خذني رساله حب لا هب نسناس واطرق حديد الحب لا صار حامي..مدري لحالي صرت ما بين الاقواس ولا معي عشرة اسامي...
فجر: تسلم..تسلم يا بعد كلي والله...والله وحدك..وحدك مو عشره..انت الاول والاخير والله..
فيصل: ممكن اقول شي...
فجر: قل يا بعد عمري..
فيصل يصارخ: احـــــــــــــبــــــــــــــــــك...
فجر تضحك: اوووووش فضحتني عند امي واخواني..
فيصل: زوجتي حلالي..
فجر: بس استحي..
فيصل: وانا ما ذوبني الا هالحيا..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
العنود: شوفيهم حرام نخرب عليهم..
عبير: العنود شكلها بكت ودموعها غسلت الذاكره عندها..
ريم: هاه وش رايكم نخرب عليهم ولا لأ..
رغد: انا عن نفسي هونت..
وسمعوا صرخة فيصل..
الهنوف: لالا حرام عليكم عايشين الجو..
العنود عناد: لا الحين نخرب عليها ..احسن تستاهل هالمراهقه فجير..
ريم معها: يله يا العنود..
عبير: وانا معاكم..
رغد: انا مالي دخل فيكم..
الهنوف: ولا انا..
ريم: ما عليكم منهم خلونا نروح.."وراحوا عندهم"
العنود ورى فيصل:احلف بقوه ونصدق..
لفوا عليهم فيصل وفجر..فجر استحت منهم..
فيصل: وش تبين انتي وياها الحين..
عبير: نبي فجر..
ريم: بنت عمتنا..
فيصل: احلفي انتي وياها..وما حلت بعيونكم الا يوم صارت معي..
ريم: والله كيفنا..بنت عمتنا ونبيها الحين..
العنود: الحين..الحين..
عبير: يعني الان..والانجليزي..NOW..
فيصل : وبالسيلاني وشي..
ريم: الحين بالغصب..
فيصل: واذا ما عطيتكم اياها وش بتسون..
العنود: الله يطول في عز وزارة الماليه..
فيصل ما فهم بس فجر فاهمه..
فجر: خلاص صوصو بكره اشوفك او بأخر الليل ..
عبير: صوصو بعد...ما يستاهل الدلع فيصلوه ويخب عليه..
فيصل: الحين انتوا حاطين روسكم براسي ليه..
العنود: اذا جاء عرسك..حلال عليك بس الحين هي ما بعد صارت من املاكك عشان تصك عليها..
فجر: خلاص صوصو مثل ما تفقنا..
فيصل: بس يا فجر...
فجر قاطعته: فصول ما عليه بيبي بعدين..
ريم: بعد بيبي..
فجر موصله معاها منهم بس ما حبت تبين عند فيصل..
فيصل بأنكسار: اوكي براحتك...بااااي..
فجر: بااااااي..
وراح فيصل داخل الشاليه مع العيال..
فجر على طول صرخت: خير نعم وش تبون..
العنود: انتي ما تستحين يا المراهقه على وجهك مسويه جولييت زمانك...
عبير: ولا روميوا الثاني يصرخ" وتقلده" احبـــــــــك..
ريم: وبعد تدلعه صوصو وتناديه بيبي..
فجر معصبه: وانتوا وش عليكم مني..انا وزجي حريين..
العنود: من قاله ..من قال انكم حريين..اهالينا موصينا عليكم.
عبير: قالوا راقبوهم..
ريم: وتابعوهم..
العنود: وانتبهوا عليهم..
فجر تكتفت: قولوا قسم واصدقكم..اهلي موصينكم انتم..ليه خصلوا البنات..
العنود: وش قصدك..
عبير: احنا موبنات..
ريم: ولا ما ملينا عينك..
فجر: تصدقون كأنكم في مسرحيه وكل وحده تقول دورها...خير وش تبون مني الحين..فيصل وراح وش تبون..
العنود: اجلسي معانا..
عبير: وسولفي معانا..
ريم: واضحكي معانا..
فجر: مالت عليكم.الا انهبل معاكم.بروح عند بدور انا ما اقعد الا مع متزوجات..حريم عاقلات مو مراهقات..
العنود: كيفك..بس فيصل لا..
عبير: انسي..
ريم: ما دامنا موجودين..
فجر بتنفجر: هالمره بس سكت المره الثانيه بخلي فيصل يوصلكم الرياض على طول..
وبعدها راحت فجر مقهوره وجلست جنب بدور وصارت تشكي لها الحال...والبنات راوحوا عند رغد والهنوف يضحكون..
رغد: ارتاحتوا الحين..
الثلاثه: ايوه..
الهنوف : حرام عليكم...
الثلاثه: تحرم عليك عيشتك..
رغد: كأنهم في مدرسه..
الثلاثه: شكراً يا ابله..
الهنوف:انهبلتوا..؟
الثلاثه:لا استخفينا...
رغد: الهنوف قومي واللي يعافيك قبل لا يجي قلبي شي بسبتهم..
الهنوف يله يله صدق مجانين..
الثلاثه: طالعين عليك..
وراحوا رغد والهنوف..
والثلاثه ما توا ضحك على طول..
العنود:آآآآه يا قلبي والله هبلنا فيهم..
عبير: ههههه اما فيصل مسكين طلعنا له قرون..
ريم: هههه فجر ههههههه فجر مسكينه وصلت معاها..
العنود: الحين وش نسوي..
عبير: خلينا نروح نطفر الامهات..
ريم: يله.
العنود: يله..
وراحوا عند الامهات وطلعوا الشيب في راسهم لما دخلوا الشاليه...وبعد\ها دخل الكل للشاليه وقعدو فيه لما طلعت الشمس و رجعوا للفندق..
قالت ريم للعنود عن طلال بس العنود طنشت طلال وما ودها تقابله ما تدري ليش....ونام الكل على طول...
في اليوم اللي بعده حصل مثل كل يوم من الظهر لما المغرب سوق..في السوق حاول طلال يقابل العنود بس العنود ما عطته فرصه..سليمان منقهر من ريم كيف راحت مع طلال وليش ما قالت له ما اقدر...
تركي ماكان زعلان من رغد بس منقهر من وليد ولا يدري وش يسوي فيه وفي رغد اللي ما يدري هي تحبه ولا لأ..
مرت ايام دبي سريعه...راحوا لكل مكان فيها..راحوا كمان لابو ظبي يوم واحد ورجعوا لدبي مره ثانيه..ما خلوا مجمع ما راحوا له...ما خلوا مهرجان ما حظروه ..ما بقوا حاره ما دخلوا فيها..كانوا يستهبلون ويستعرضون ويضحكون ويبكون ويفرحون ويحزنون مع بعض..
هذي هي حياتهم ما يتم شي على حاله..
بس في شي وده اذكره حلو في سفرتهم..او موقف معهم..
مره كانوا ماشين بسيارتهم الجمس فيه مشاري مع ماجد والبنات والعيال البايقين في سياراتهم الصغار الكسزس والمرسيدس كلهم موديل 2007..وكانوا رافعين على صوت المسجل اغنية بنت السعوديه .ومفتحين الشبابيك..ويرقصون ويستهبلون على انغمها...


والبنات اللي برى يطالعون فيهم مكشرين ومروا من عند شلة عيال خلجين كشوا عيلهم وقالوا بصوت عالي ووووووع مالت علهيم..
بصراحه انقهروا البنات كثير ..بس اللي فرحهم مروا من عند بنات إمراتيات وأشروا لهم وانبسطوا..
وفي عيال سعوديين يصفقون لهم..
كان بجد يوم لا ينسى وكان اكيد مسجل في كاميرا رغد اللي مصوره تقريبا كل شي..
احب ابشركم بموضوع بدور ..خلوني اقول لكم وش صار..
تتذكرون اليوم اللي كلم ماجد فيه فواز بعدها اجتمع مع عبير والعنود ورغد وريم..
ماجد: وهذي السالفه من طق طق للسلام عليكم..
عبير: يا عمري يا فواز..واحنا ظلمناك..
العنود: بس غلطان..ما لقى غير هذا الحل..
ريم: يمكن ما فكر كثير بالنتايج..
رغد: بس الحمد لله اهم شي عرفنا وش السالفه...عشان نحلها بأسرع وقت..
ماجد: ترى فواز مستعد يصلح غلطته..
رغد: لا اجل سهل علينا السالفه..
العنود: وش بتسوين الحين...
رغد: نجمع فواز وبدور ونخليهم يتفاهمون على راحتهم..
عبير: الها وناسه واحنا نحظر معاهم..
رغد: بصراحه خلصت التذاكر ما في الا لشخصين..اللي هم فواز وبدور وبس..
ريم: يعني بيفوتنا الفلم الهندي اللي بيصير...
العنود: الا قولي الفلم المكسيكي...
عبير: يا الوسخه استحي على وجهك...
ماجد كاتم ضحكته بس مسوي حازم: احم احم..تراني ما زلت موجود..
البنات استحوا على وجيهم..
ماجد وهو قايم: خلوا عنكم اللقافه...وخلوا الناس في حالها..كفايه فيصل..
العنود: ليه شكى لك...
ماجد: اصلا في احد ما شكى منكم..امي وهي امي تشتكي...
عبير: ما سوينا شي هم يحبون يبالغون..
ماجد: خلي امي على جنب...ابوي بنفسه مشتكي منكم..
ريم: ههههه استحوا على وجيهكم ..عيب اللي تسوونه والله عيب..
ماجد: عاد من تكلم مصرقعة الشله..ترى انتي اولهم..عمي بس يتشكى منك ومن طلباتك"ويقلدها" بابا نبي نجلس 15 يوم بابا...انتي حدك يومين وترجعين ويالله بعد..
رغد: والله حشرتهم..ماعاد تكلموا..
الثلاثه طالعوها بتهديد.
رغد: لالا امزح امزح..
ماجد: يله سلام وقولوا وش اتفقتوا عليه اوكيه..
رغد: اوكيه...
ريم: جعلك تطيح وتنكسر ايدك ا نشا الله..
عبير: جعل ابوي يهزئك في عزيمه ا نشا الله..
العنود: جعلك تكب على واحد من المعازيم فنجان قهوه وتتفشل..
الثلاثه: اميــــــــن...
رغد: يا الله يا انكم نحيسين بشكل مو طبيعي..
ريم: احسن..اجل يهزئنا ونسكت...
رغد: كان قلتي هالكلام في وجهه..
ريم: كنت بقول بس احترمت نفسي ولأول مره..
رغد: والله الخوف..
العنود: فكينا منه الحين..متى نحدد موعد غرامي لهم..
رغد: وش رايكم بكره الساعه تسعه بالليل...
الثلاثه: حلو...
رغد: اوكيه..يله العنود اتصلي على ماجد وقولي له يقول لفواز بكره الساعه تسعه..
العنود: وليش المشوره اتصل على فواز على طول..
رغد: يا الغبيه كأنك ما تدرين وش السالفه..
العنو تضرب راسها بخفيف: ايوه صح نسيت"واتصلت"
العنود: الوو اسمع من الاخير ..ماودي اتكلم معاك لانك ما تستاهل تسمع صوتي الشجي..اسمعني قول لفواز يقابل حرمته الساعه تسعه بكره بالليل .وبكره بنحدد المكان اوكي باي ..لالا هونت مو باي وسكرت السماعه في وجهه بدون ما تسمع منه كلمه..
ريم: حشى.. حشى ولا مسجل حاطينه على السريع..كم قلتي من كلمه في الجزء من الثانيه.
العنود تقرص خد ريم: قولي مشا الله جعل عيونك البط قولي امين....
ريم: آآآآه وجع يا الدوبه..حشى حديد مو اصابع..
العنود تصارخ: قولي مشا الله...
ريم: ما شا الله اذتنا من زينها عشان ننضلها...
رغد: خلاص خلاص هدو هدوووو..
عبير: هذولا ما ينفع معاهم الا وليد ولا ما يسكتون..
ريم: لا تجبين طاريه ترى يجيني غثيان..
العنود: وانا يجيني اكتئاب حاد ومزمن بعد....

المهم اقول لكم وش صار بعدين جات الساعه المنتظره..وتقابلوا فواز مع بدور في جو رومانسي من بعد شهور على هالجو...راحوا لمطعم مرره رومانسي"للعشاق"
فواز سحب كرسي لبدور وجلست فيه..وهي ميته حيا من فواز..
وجلس فواز قبالها ..ويحس انه متحسف على الايام اللي راحت من غبائه..
فواز: وش تشربين يا قلبي...
بدور في نفسها" يا قلبي من جد وحشتني هالكلمه": أي شي..
فواز: أي شي نفس الكلمه ما تتغير...طيب راح اطلب لك على ذوقي..
ونادى الجرسون وطلب...بعد لحظة سكون بدى فواز بالكلام..
فواز: بدور..اكيد في راسك الف سؤال وسؤال ..ليش انا عازمك وليش متغير ليش وليش صح..
بدور هزت راسها بالإيجاب:صح..
فواز: بصراحه انا ماني عارف كيف ابدا..بس حاب ابدأ من البدايه...عندك استعداد تسمعيني وبعدها نفتح صفحه جديده مهما كان اللي بقوله لك..
بدور: اوعدك...
فواز: بصراحه يا بدور انا................وكمل السالفه لبدور..نفس الكلام اللي قاله لماجد مع زيادات ما قالها لماجد ولا يقدر يقولها الا لبدور نفسها..
بدور في البدايه تفاجأت من عذره في طريقة تعامله معاها يعني في الف طريقه وطريقه واقلها واسهلها صارحها باللي يبيه..بس بعدين تفهمت موقفه انه ما حب يحرجها ويقول ان طريقتك ما عجبتني.صارت تسمع فواز وعيونها مليانه دموع بس دموع فرح.اهم شي عندها رضى فواز عليها..بتسوي الي يبيه لو يطلب المستحيل.لانها جربت قربه وجربت بعده..وكانت ناربعده تكويها فا ما حبت تجربها مره ثانيه...قررت في ذاتها انها تحاول تغير نفسها اول شي لفواز وثاني شي لنفسها وثالث شي لعيالها..
اتفقوا على كل شي وختموها بقلبة زوجين...
فواز: وش رايك نسوي شهر عسل ثاني..
بدور: على راحتك..
فواز: رجعنا...
بدور ضحكت: لالا خلاص...خلاص موافقه..
فواز: وين حابه تروحين..
بدور ودها تقول أي مكان بس خافت يعصب: وش رايك نروح ايطاليا وبالذات روما مدينة العشاق..
فواز: هههه تهبلين ورايك كمان يهبل عليك..اعرفك ذوق..
بدور حمرت خدودها: هههه تسلم..
فواز: لحد الان تستحين...
بدور: فواز خلاص...
فواز: يا قلبي وشلون قدرت تترك هالقمر....
************************************************** ******************************************
حبي لك...
حبي لك.. هو الكلام الذي ينطقه لساني فيصبح اغاني...
حبي لك..هو الحروف التي يخطفها قلبي ليعبر عما اعاني.
حبي لك...هو الاحساس الدافئ الذي احسه قلبي..واشعل النيران في وجداني..
حبي لك..هو الشوق الذي يحتويني..هو الحنين الذي يمتلكني..هو الماء الذي يرويني..هو وله روحي..
فحبي لك..ينمو بداخلي ولن يفارقني حتى مماتي فدعني اتحلى بحبك حتى اشد اللحظات..
لان حبي لك..هو اجمل ما في الحياة..
احبــــــــــك.....
************************************************** ******************************************
وقبل لااختم نهاية رحلتهم اللي عاشوا فيها كل الحالات..من امل ويأس.لقاء وفراق..حب وكره..حزن وفرح..كل الحالات عاشوها ابطالنا من اكبرهم الى اصغرهم..
بس احب اذكر اخر يوم لهم في دبي..اللي هو اليوم العاشر وكان الوقت المغرب...
رغد خانفقتها العبره: بصراحه تعودنا على الامارات وجوها...
الهنوف: وعلى ايامها..بصراحه تعودت عليكم..كل يوم اصبح بيوجيهكم...
ريم: تكفون لا تذكروني ولا بأبكي الحين..وخصوصا كل ما تذكر ان رحلتنا بعد ساعه..
نوف وشجون ومها يبكون وهم حاضنين بعض..
مها: والله بفقدكم..
نوف: واحنا كمان..
شجون: لا تقطعين فينا تعالي لنا كل يوم...
مها: ابشروا..
العنود: يا لليل اللي يسمعهم ويشوفهم يقول ما كأنهم بيركبون طياره وحده...
فجر: وش عليك منهم..
عبير: حشر مع الناس عيد...
اخذوا شناطهم واغراضهم وودعوا السويت حقهم...بعدها جاوا العيال واخذوا شناطهم وركبوها السياره...وطلعوا من الفندق وعيونهم متعلقه فيه..وصاورا يشفون كل مكان مروا من عنده ويتذكرون مواقفهم في كل مكان ويودعونه..
مشاري كان يسوق وما يسمع الا صياح..
مشاري: ان لله وانا له لراجعون..خير من مات...
رغد وهي تبكي: محد مات..
مشاري: اجل ليه تبكون..
ريم: بنودع ايام الفله الوناسه ونرجع لجوا الهم والكائبه ..
مشاري: الحمد لله والشكر بس..بالاجازه الصيفيه..صيفوا هنا...
رغد: بس وش يضمن نكون مع بعض...
مشاري بأبتسامه: انا اضمن لك ان الهنوف تكون معاك..
الهنوف انصدمت: أيــــش؟؟؟
مشاري يطالعها من المرايه: اقول اضمن انك الصيفيه تكونين معانا..
الهنوف فهمت قصده وسكتت..
رغد تطالعهم: خير وش السالفه..
مشاري يصرفها: انتي مو كنتي تبكين يله كملي...
ريم: عاد يا رغد ما يبي لها ذكاء..
العنود وعبير: واضحـــــــه..
الهنوف ذابت من الحيا عشان البنات فهموا قصد مشاري..
رغد ابتسمت: مبروك مقدما..
الهنوف تصرخ من الحيا: رغــــــد صدق انك سخيفه..
مشاري: هنوفه لا تصارخين تراني اخاف على احبالك الصوتيه لا تتعب..
الهنوف سكتت وودها ترميهم كلهم في الشارع وتفتك...
وصلوا مطار دبي وبعد ربع ساعه انتظار طلعوا للطياره..وجلس كل واحد مكانه..بس تغير ان فجر جالسه مع فيصل هالمره..وعبير ماخذه مكانه جنب العنود وريم..والعيال قدامهم...
ريم كان ودها تقوم وتشوف سليمان..خمس ايام ماعطها وجه ليش ماتدري حاولت معه بس ماعطاها وجه ..
ريم تهمس للعنود عشان ما تسمعها عبير مع انها كانت نايمه:العنود دبيريني..ابي اشوف سليمان..
العنود: هو مايبيك وش اسوي افيك..
ريم: لازم اتفاهم معاه ما يصير كذا...
العنود: مو انتي معاك رقمه دزي له مسج وقولي له ودك تتفاهمين معاه وشوفي وش يقول لك..
ريم: هذا رايك؟؟
العنود: والله هذا اللي عندي...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
سليمان: انا غبي يوم اني ما كلمتها..
تركي: ناس تتغلى وناس بتموت عشان تحاكيهم..
سليمان: تقصد رغد..
تركي: ليه فيه غيرها في حياتي معذبني..
سليمان: وش فيها بعد..
تركي: خمس ايام ساحبه علي حتى على وليد ماتحاكيه..
سليمان: والله بعد حالتك صعبه ما تقل عن حالتي..
تركي: على الاقل انت ضامن انها تحبك ومحد يشاركك فيها..وينغص عليك عيشتك..مثل وليدوه النشبه..
سليمان: أي والله..الحمدلله...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
ريم بتطلع موبيلها..
ريم: صح يا الخبله ممنوع الموبايلات وشلون ادز له مسج..
العنود: صح نسيت..
ريم: ما علي منك دبيريني..
العنود: امممم ..شوفي انتي روحي دورة المياه(الله يكرمكم) اذا يبي يكلمك بيلحقك واذا ما يبي ما راح يلحقك..
ريم: وش يضمن لي انه يحلقني..
العنود: هذي عاد ما فيها ضمانات..حضك ونصيبك..
ريم قامت: ادعي لي..
العنود: يارب...
ريم مرت من عند سليمان...سليمان عرفها قبل لا تجي من ريحة عطرها..وابتسم لما شافها..
سليمان متشقق: تروك شوف ريم..
تركي يستهبل:احلف بقوووووه..
سليمان طايرمن الفرحه: والله والله ريم..
تركي: رح بسرعه قبل لاتطير منك..
سليمان قام على طول ولحقها..
تركي: تعال انت هيه...ههههههه خبل ما صدق على الله احد نغزه..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
ريم في داخلها تدعي ان سليمان يجي بعدها...وفعلا ربي استجاب دعوتها على طول..جاء سليمان وهو مبتسم..
ر يم ردت الابتسامه: اهلين سلوم..
سليمان يطالعها ومشتاق لها: هههه اهلين رورو..
ريم: طيب ليش تضحك...
سليمان: هههههههه..
ريم: سلووووم...ليش تضحك؟؟
سليمان يحاول يسكت: احم..لاني...لاني اشتقت لك..
ريم فرحت: جد اشتقت لي..
سليمان يتسعبط: مثل ما اشتاق لاختي مها..
ريم ضحكت من قلب تدري ان سليمان يستهبل: هههه حتى انا اشتقت لك مثل ما اشتاق لمشاري اخوي..
سليمان: اهم شي مثل اخوك..
ريم بجد: سليمان خلنا من الهبال الحين..."وحطت ايدها على خصرها" ليش كنت تتجنبني في دبي..
سليمان: تبين الصدق ولا ولد عمه.
ريم: لا الصدق..
سليمان: بصراحه زعلان منك يوم تروحين مع طلال لما كنا بالشاليه..
ريم ابتسمت: بس هذا اللي مزعل سلومي..
سليمان يسوي نفسه بزر: ايه...انا ما احبك..
ريم: هههه تهبل وانت كذا..خلك ابي اصورك..
سليمان تعدل: مجنونه انتي اعقلي بس...
ريم: ليه ما خليتني اصورك..
سليمان:صوريني كذا..
ريم: يله سلوم تشيييييييز..
سليمان ابتسم واول ما ضغطت الزر حق الكاميرا سوى نفسه وكأنه يبوس احد<<فهمتوا الحركه..
ريم تطالع الصوره واستحت: شفت خربت الصوره انت وجههك..
سليمان: هذي من اخو لاخته..
ريم: يسلموووو
سليمان: يله روحي ارجعي مكانك عشان ارجع بعدك..
ريم: اوكيه باي..
سليمان: باي...
ورجعت ريم غير عن ريم اللي راحت..رجعت ريم قلبها يرفرف بالحب والدنيا من حولها مو سايعتها وكل شي بعيونها حلو..وجلست مكانها..
العنود: وجهك يبشر..
ريم مدت ايدها: كفك..
وصقعت ايد العنود...
العنود: ههههههه يا حليلك يا بنت عمي يله قولي لي وش صار..
قالت ريم وش صار للعنود وجلسوا يضحكون على الصوره..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
الهنوف: اثنينهم مره وحده..
رغد: ايوه ما بيهم اثنينهم..
الهنوف: هههههه مره وحده..
رغد ابتسمت لانها تدري اللي تقوله كلام صعب تنفيذه: ههه شفتي عاد..
الهنوف: انا اقول خذي طلال وفكي عمرك..
رغد: كان اصير بالمقبره..
الهنوف: ليش؟؟؟
رغد: عليه طلبيه ومعجباته كثار...
الهنوف: بجد....
رغد: ايوه..دوري غيره..
الهنوف: خذي ولد خالي..
رغد: والله فكره...تصدقين ماهي شينه..
الهنوف: كان يقرا على نفسه الفاتحه لان اخرته بتكون على ايدين تركي..
رغد: تصدقين يا الهنوف اني اكتشفت ان وليد وتركي عندهم حب تملك فضيع..
الهنوف: تركي اخوي ايوه عنده حب التملك بس وليد ما ادري عنه..
رغد: نفس تركي بالضبط..
الهنوف: ما اقول الا الهع يستر..ما ادري وش بيصير.
رغد: ايه والله..الله يستر...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
مشعل من لما جلس مع محمد وخلاه يقلب على لين 190 درجه..ما عاد صار يعطيها وجه..صح يحبها بس يحس انه مل منها 24 ساعه في وجهه..كانت جالسه معاهم هالمره..بس محمد في الوسط..
لين: مشعل تتذكر يوم كنا.......
يقطع عليها محمد: اقول ابو عبد العزيز وش اخبار الشله..
مشعل: والله تمام..
لين: مشعل كنت اقول تتذكر يوم...
وقطع عليها مره ثانيه محمد: اقول لين نادي المضيفه...
لين خانقتها العبره: نادها انت...
مشعل: هالمره دورك عشان ما تعصب علينا...
لين: طيب عشانك بس ..."ونادتها.."
المضيفه: امري..
لين: يله تكلموا..
محمد يتميلح: احم احم ..وش عندكم يا حلوه..
المضيفه: اللي بدك ياه ..بتأمر شي...
مشعل: تسلم عيونك..نأمر بثلاثه كابتشينوا..
محمد: مين الثالث..؟
مشعل: لين..
محمد: لين شبعانه ما يحتاج..جيبي اثنين بس...
وراحت المضيفه...
لين: على كيفك انت..
محمد: اجل على كيفك..
لين تطالع مشعل بترجي: شعول بليز حط حد للمهزله للي يصير..
مشعل سكت ما يقدر يقول شي لمحمد صديقه ولا يقدر يقول لين شي فا سكت ازين له...
لين: تكلم ليش ساكت...
محمد: ليه تحسبينه يمشي ورى كلام الحريم..ما بقى الاهي..
لين: محمد تصدق انك انذل واحد مر علي بحياتي..
محمد: احفلي بقوه واصدقك..بصراحه اثرتي فيني..
لين: انا اتكلم معاك من جد..
محمد: وانا اتكلم معاك من خال...اقول روحي زين..اخبر اللي كبرك يجلسون مع البنات مو العيال..
لين بتبكي: محمد بليز اسكت عني..
مشعل رحمها: محمد خلاص خلها في حالها حرام عليك..
محمد: لا تهزك هذي هي ودموعها...دموع البقر..
لين تصارخ: اكرهـــــــــــــــــــــك
محمد بعد يصرخ: وانا بعــــــــــــد..
مشعل قام: انا رايح تعبت منكم...
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&
فيصل : اقول فجوره..
فجر:..............................

اسف لعضروني لم استطع اكمال الرواية لن هناك اجزاء مفقودة اعذروني

والذي يريد ان يبحث عنها هذا رابط الروايةhttp://forums.graaam.com/95658-208.html
*
**
***
****
*****
****
***
**
*
تحياتي
اسف لاني لم اكملها لكم اعذروني
ارجو ان تعجبكم الروايه
Hataki Kakashi *
في امان اللهـ

يسلمووووووووووو بس والله طويله..
ههههههههههههههههههآآآي..
سوف يتم قرآآئتهآآ قريباً..
مشكوووووور..

ألف شكر لك أخي