مأساة روح {هالكه} في اوراق تائهه ~

السلام عليكم ..~

ليل الاحد || 2\21\2021 ..~

||

يوم تعب بالبيت من ترتيب ونظيف وطبيخ والحوش اللي اخد كل وكتي اليوم , اليوم اجيت متاخره شوي ع المدونه لانو انسيت حالي وانا العب ..~

في كصه بكرا من طرف المسؤوله عن البيت عاد يا رب تهونها علينا , لانو في مشاكل بالطريك !

وامبارح اللي صار , ساده مسك فار بالبيت , فار لسا صغير , يبي شو صغير , بس ساده عباره عن هر اهبل , بمسك الفار بتمّه وبكون بنفس الوكت يدّور ع الفار , ولما يهرب الفار من ساده , ساده ما بشوف الفار وهو بكون كدامه , والاهبل كمان بنادي عليا مشان اساعده في مسك الفار , اللي لازم ينعرف انو هون البيوت خشب وكدااام , وملان حيوانات , من فيران وراكون وسنجاب , الفيران ما بتعبر البيت عندي من وكت ما جيبت ساده , بس عندي محزن تحت البيت وامبين فيه فيران , لانو شوفت بالليل فيران كبار كان يطلعوا ياكلوا من الاكل الموجود في بيت العصافير الاحمر , وما بهمني طالما الفيران برى البيت , وما بهمني اد بتاكل اكل العصافير , وانو الحل اشيل اكل العصافير , ما بدي اشيل اكل العصافير , العصافير والحمام اللي بيجي ياكل بحبه وبحب اشوف , والله دايما برزكني في رزكه هدول الطيور .

كعدت افتش ع اي مكان ممكن يعبر منه هاد الفار الصغير عشان اسكّره , اعرفت من مكان جرّه الغاز وبربيج الغاز ,بكدّرش اسكّره ,عاد ما يجيو اخوته للفار جوى البيت . نرجع لكصه الفار وساده , انا الحمد لله ربنا معطيني القوه بخصوص الفيران انو ما بخاف منهم بس بكرف , بس بنفس الوكت عشان اكون صادقه معاكم مش هالكرف اللي لاااا بكدرش اشوف او امسك الفار بالمحرمه , عادي عندي امسك الفار بالمحرمه وارميه برى البيت , او احطّه كدام ساده مشان حضرته ياكله ويريحني لانو انا بكدرش اقتل الفيران , طوال امبارح المغرب , وهو ساده يلعب مع الفار , وبنفس الوكت الفار يصرّخ وساده ينكز من صوته ويخاف , او يهرب الفار من ساده بس انا عيوني عليه للفار اكتر من ساده , اجى الوكت اللي اجاني تلفون وكان اخوي وبده اساعده بالاغراض اللي بده ينزلهم من السياره , روحت اشوف اخوي واجيب الاغراض , اجيت لكيت الفار مختفي , دخل اخوي وحكتله في فار بالدار , وانجن اخوي , حكى ليش كال ما انا قتلت الفار , حكتله بقتلش فيران , وصار يتفلسف ع ساده وكيف يهرب منه وبدناش ساده بالدار , حكيت بعقلي اخ يا ربي , هو انا ناكصني حكي ولجّى ع ساده يروح يصير فيه اشي او تيجي المسووله عن البيت تحكي ممنوع حيوانات وليش عندك هر , بكدرش بهاد الوكت تجيني كمان صدمه كبيره , لسا انا بصدمه البيت والله يهونها هالشهر هاد منها حسبي الله عليها .

وانتبهت ع ساده انو جنب الكنبه , حكيت لاخوي يمكن الفار تحت الكنبه , رفعناها , وطلع اه الفار تحتها وساده مسك الفار , حكيت لاخوي اقتل الفار وريحنا , بلّش في الحجج تبعاته وبحكي الفاضي والفلسفه , انو في اشي بده يتقل الفار وكيف يقتله ووين , حكتله خلص هلكيت بنطلع الفار برى , خليني اروح افتح الباب , والله ما روحت كم ثانيه فتحت الباب وجاي مشان احمل الفار الا اخوي بيحكي الفار هرب وعبر غرفته , لا حول ولا قوه الا بالله , ليش هيك حياتي مع ناس وحيوانات هبله , ليش كلشي لازم انا اعمله واد ما عملته بدي اكعد احل , عشان هيك اتعبت ! وانجن اخوي , انجن , وانو الحك عليا وع ساده , اني ما قتل الفار , هو صح ساده والله بحياتي ما شوفت هيك هر ,طوال عمري عندي هرر, بس بحياتي كلها , هاد بشوف الفار وما بقتله , بالعكس بتركه وكال بفكّر انو الفار راح يضل يستنى فيه , وبده احنا اللي نمسكله الفار ,امفكره زي الفييران اللعبه اللي عنده كأنه ؟! وانا بعرف حالي بكدرش اقتل فيران , حكتله يا عمي فيران امريكا ما بتاكل اشي تخافش ع اواعيك (ملابس), وهاد لسا صغير , خلي باب غرفتك فاتح وساده الا ما يمسكه بالليل , طوال الليل لحوالي الساعه 2 وساده لسا بغرفه اخوي وهو يستنى الفار , ولما مسكه جابه غرفني يورجيني اياه , وفكركم شو عملت , حطيت راسي ونمت , وحكيت ان شاء الله الفار ياكلني احسن , واصحيت وبعرفش اد ساده اكل الفار اد هرب الفار , بعرفش وبهمنيش , لانو عنجد هاي مشكله بضّحك بحياتي , ومعنديش اشي اخاف عليه من الفار ..~

زكرتني هالكصه مع اخوي واحد لما كديش كان يكرف من الفار ومكدروش اجريا يحملوني من كتر الضحك لما شوفت رده فعله ع الفار عشان مايجي عليه ..~

اد اليوم وانا انظف بالحوش والحشيش ملان حشرات ودود يطلع من الارض بين التراب والحشيش , وحتى ام 44 اجر , وما شوفتش حالي رده فعل زياده , وال يمكن الغلط مني , اخ ع الحياه اللي بتخلينا نسترجل لنكدر نتحمل شو فيها وبالاخر بتسمعي حكي انو ليش مش طالعه دلوعه ومايعه , بعد شو بعد ما نختيّر من التعب والمسؤوله والجبال اللي حاملينها , بيجيو يحكو الغلط فينا ..~


||



الخميس روحت اشوف المحيط , وارجعت ع البيت في مشاكل ونكد !



كل ما امر فيه لازم اخد صوره في اوله او اخره للهشارع !

||

bob marley
no woman no cry

السلام عليكم ..~

ليل الاثنين || 2\22\2021 ..~

|||

اصحيت اليوم بدري والحمد لله كتير اني نمت منيح الليله الماضيه , مع انو كان يوم مهم , لان الحيوانه المسؤوله عن البيت بدها تجيب حد ينظف الحوش ويخلع كل الورد تبعي , واجى وخلع كل الورد الحيوانه حسبي الله عليها , اي ورد بالارض خلعت بس خلى اللي في الكواوير , اخ يا قلبي , اتحسرت ع الورد اللي كان زارعه كريس , والورد اللي كانت زارعته امي , والورد اللي انا زرعته , قلبي كان يتمزّع مع كل شتله ورد تنخلع , وفوك كل هاد بدي ادفع مصاري كمان مغصوبه ..~

||

وبعدها كنت من حوالي كم يوم عامل موعد مشان تلفون مهم من شركه لحاميه حقوق المستأجرين مشان تجنين المسؤوله عن البيت , وكل كلامهم انو اطنشها وما اكتر حكي معاها وكله حكي فاضي .~.

||

وبعدها ما عملت اشي لانو كنت كتير حزنانه ع الورد , وحكيت هروب الى البلستيشن ..~

||



اشتريت هاللعبه مشان العبها مع خواتي , طبعا خواتي طلعوا وجوه فقر ,وبدهومش يلعبوا , كال كبار وهاد كله قله عقل , لما شافوها اولادهم اجو ركاض عليا انو هم اللي بدهم يعلبوا فيها , وكعدت العب معاهم , اخ يبي كديش حلو اللعب مع الصغار كاين !!

||



هالتيشيرت كديش بحبها , فيها كلشي بحبه , بس ناكص ورد او صبّار فيها

||

دموع الغيوم
البحر بيحكي الحقيقه للناس اللي بدها تغرق


||

Autumnal
There is only One Season

السلام عليكم .~

ليل الثلاثاء || 2\23\2021 ..~

||

اليوم اجى عبالي اورجيكم عن يومي بالصور , وزبط هالاشي , مش كلشي كلشي , بس احسن من ولا اشي ..~

||



ساده ما بكوم من التخت الا لما اصحى , لانو بضل طول الليل صاحي , بين غرفتي والمطبخ , كل ما اصحى بالليل يكون صاحي وما ينام الا الصبح وكت ما يصحى اخوي وبتسهل ع الشغل ..~

||



بكوم اعمل كهوه , وبتركها تنخرط , الكهوه تبعت الصبح اليوم , اجاتي هاد البكيت من اختي فيث , بتعرفني بحب اجرب انواع كهوه , طعمها بدكم الصراحه منيح , عكس نوع مره جربته من ستاربوكس وكان جدا سيء , هاد النوع بده وكت وكميه محرزه , لانو غير هيك راخ تكون طعمها متل المي ..~

||



بالوكت اللي بترك الكهوه تنخرط , بروح اعمل عنايه كريمات لوجهي , بالعاده الصبح بغسل وجهي مع غسول الوضوء (وضوء الصلاه) , بس مي ما بحط اي صابون ع وجهي الصبح الا في اوكات نايمه بالمكياج , من اليمين للشمال || كريم وجه + كريم وجه + سيروم + زيت للشفايف + كريم للحبوب + سيروم هالروانيكاسيد , وكل يوم حسب شو بشوف وجهي بحاجه احط عليه ..~

||



الكهوه جهزت وبشربها ع حبه طمر , بس هالحبه ما كفتّني , لهيك اكلت كمان حبتين وراها , ومفش عندي لبن بالبيت مشان افطر عليه ولا حتى فاكهه ..~

||



اخدت الكهوه اكمّلها برى بالحوش مشان ساده متعود يطلع الصبح والايام عم تنقص مشاني ومشانه بخصوص كعده الحوش الصبح , وانا بالحوش دايما بحكي تلفون مع امي اطمن عليهم , اد هي بالاصل ما بتصحيني الصبح , اليوم اصحيت ابدر من موعدي لهيك انا اللي سبقتها ..~

شايفين كيف الحوش صحرا ؟! كله تراب وكل الورد والخّضّار انخلع , اد بالاصل صارت طوشه مشان كم شتله بالارض مشان ما يخلعهم ولا حتى شجره العنب ..~

||



وجهزت حالي مشان عليا مشوار للحواجه للبيت وخاصه للورد , بالعاده هيك لبسي لما اطلع , بحب البجامات كتير واكيد فضّى ,,~

||



بالنسبه للميكاج بس شوي ايلانير اسود وكحل ابيض وماسكرا بسيطه مع غلاس وعطر ..~

||



لازم اخد معي كاسه المي وين ما اروح , وخاصه من وكت ما اشتريت هاي , بحط فيها مي فاتره مشان معدتي بتتحملش مي بارد , فا بضل كم ساعه المي فاتره فيها رهيبه وسهل اشرب منها كمان ..~

اخدت هالصوره وسميت مشان بدي ابلش اسوك , الا اجاني ايميل من المسؤوله عن البيت , يا ريتني اتعوذت من الشيطان لانها هي الشيطان بحاله ,اجيت بدي اضعف واهكل الهم واتنكد زي دايما , بعدين كعدت كم دكيكه احكي مع حالي ونتفاهم انو خلص يا مير , خلص , اخدتي شهر كامل حزن ع كصه السفر , وضعف وحساسيه من المسؤوله , وخلتيها تركبك لانك بتردي عليها وبتسمعي كلامها , فش علينا حك , تعمل اللي بدها اياه , وكبيّها وارميها ع المزبله بعيد عنكم وكل اشي بتحكيه , ونفسيتك محسوبه عليكي مش ناكص ذنوب , اعملي ذنوب بشغلات غير صحتك , ف بكل فخر الحمد لله ربنا قوّاني اني مطنّش كلامها وانو يا رب يا اثبّتني ويا رب ..~

عاد ما ارجعلكم بعد بيومين ابكي واعيط منها ~~

||



اول مشوار كان اشتري كواووير للورد , ولاني بفتره ضغط مالي , لانو مش بس ع الحديد , الحديده للبيع كمان , فا افضل مكان للكواوير هو كلشي في دولار واحد فقط , واه بتصدكوا انو في كوواير الواحد في دولار واحد فقط , اشتريت مجموعه وان شاء الله لما ازرع فيهم بورجيكم اياهم ..~

لاني قررت ما ارزع اشي بالارض , كله في كواووير عشان الحيوانه ما تخلعهم الله يخلعها من هالدنيا ع جهتم وبئس المصير يا عن كريب ع هداه بالنا واحتا بصحه وبخير يا رب ..~

والاشي التاني بكدرش بكدرش اكعد بدون خضّار حواليا , بحس حالي مخنوكه لهيك لازم ارزع لازم من اللي انخلع ازرعه ..~


||



بعدها روحت عند هاد المحل مشان اشتري تراب وسماد للورد وطبعا بكدرش اقاوم الورد ف لازم اشتري , ونهاد المحل من ارخص المحلات لهيك بحب اروح عليه وهو جنب شغلي الكديم بالزبط ..~

||



اشتريت تراب وسماد , واشتريت ورده السجاده اللي كل سنه بشتريها وبتموت معي , ومع هيك في امل تكعد عندي سنتين عايشه ؟!

||



هالورده وقعت بغرامها , شوفت لونها من بعيد , وكل ما اكرّب اوكع في غرامها اكتير , كيف شكلها قبل ما تفتّح ولما تفتّح باللون الرهيب ..~

||

بعدها روحت ع محل جواجه لانو عندي اغراض ناكصه وارجعت ع البيت الحمد لله ولكيت مكان كريب اصف سيارتي , ونزلت نص الاغراض من السياره لانو فش فيا حيل احمل التراب والسماد , تركتهم لما اجى اخوي مشان يجيبهم الي ..~

||



كنت لسا ع حبات الطمر لهيك عملت اكل سريع وعملت كهوه , هاي الكهوه من الانواع اللي جدا صايره احبها بالوكت هاد , جربت النكهه العاديه منها وعجبتني (عندي صوره بتركها ليوم ما احكي عن انواع الكهوه) , واليوم اشتريت اللي فيها نكهه البندق , وعنجد عجبتني لانو البندق مش طاغي من مره ع الطعم , بس فيه ذره نكهه بندق , لهيك عجبتني ..~

||



وصل اكل العصافير من يومين من الامازون , بس كل يوم بتكاسل احطلهم منه , اليوم قررت الحمد لله اني احطلهم , السلّم ملوش امان من مره ودايما بتحرك , وخايفه يجي اليوم اللي اوكع فيه وانا احطلهم , يا رب يضّل ساترها ..~

دايما بشتري ارخص انواع مع اكبر كميه ووزن ..~

||



بعدها عبرت البيت واخدت بس شاور للجسم مشان اطلعت برى البيت ومشان الدنيا شوب , وبعرف حالي اد تركت المكياج بزيد الحبوب بوجهي , لهيك بحب اشيل ع البدري المكياج , من اليمين للشمال || غسول وجه بس بعمله غسول جسمه لانو عمل حساسيه لوجهي , بس لجسمي نعمّه كتير , غسول وجه رغوه بحبه , تقشير شفايف , دايما كل ما اطلع برى البيت مشان بخط اقنعه فا بشوف الشفايف بنشفوا لهيك بحب اقشر قبل ما اوصل للمرحله , ومزيل مكياج ..~

||

وبعدها بكعد بالبيت بنظف البيت وبرتب الحواجه , ونفظت حزانه اواعيا وكعدت وهيني , بس اليوم جدا ما افضيت العب بلستيشن ولا اقرا حتى , فش وكت ..~

||

اليسا
غالي

السلام عليكم ...~

ليل الاربعاء

||

اصحيت متاخره ما اجى عبالي اكوم من التخت , كنت تعبانه , منمتش منيح من مره , كتير ضليت افكر بالليل , صحتي مش ولا بد , لهيك يالله يالله افطرت واشربت كهوه وضليت بالتخت للظهر , اجت الحيوانه ع البيت والله ستر ما شافت ساده ,لانو بتعبر الكراج والحوش زي كأنها مكافه , وضليت ع البلستيشن من الصبح , والظهر اجت اختي فيث تعطيني طبيخ عاملته وحكتلي اطلع معاها نشرب كهوه , وما كعدنا الا حواليا ساعه , وارجعت ضليت بالتخت ولحد الان مش عبعضي بالنسبه لصحتي, لهيك مش راح اكتر حكي لاني بعرف حالي بزيد مرض ..~
اليوم كارهانه التحدي عالاخر

السلام عليكم ..~

ليل الجمعه | 2\26\2021 ..~

||

اخسرت التحدي وحطيت صورتي بوجهي كامل عالاسك .

كم يوم كعدت بالتحدي ؟ شوفته سنين اني اكون مجبوره اجي وخاصه لما تكون نفسيتي عمى , ومع هيك في ايام كنت مبسوطه اني عامله التحدي , لاني احكي وافضض , مكدرتش استنى واتحمل كم يوم ليخلص الشهر , دايما هيك باخر لحظه بخسر كلشي...~

شكرا لكل حد تابع معي التحدي , شكرا للي كانوا متابعين في التقيمات , شكرا للزوار اللي ضلوا مخفيين حالهم, وشكرا لحالي اللي جد اكدرت اتحمل امشي بالتحدي حتى لو اخسرت ..~

نعمل تحدي تاني ؟! مشان اخسر كمان مره ؟بشوفوكم عخير ()

Inna
flashbacks

السلام عليكم ..~

نص ليل الجمعه 4\23\20221 .. رمضان 11 ..~

||

انا بخير الحمد لله , بس بالساعه هاي اضعفت وخوفت اروح اعمل اشياء تجيبلي مشاكل ووجع راس لهيك حكيت اجي عالمدونه احكي اي اشي مشان التهي عن اللي براسي اعمله ..~

وال زمان عن كصه التحدي, حد لحّق شافني ؟! عفكره لما اتزكرت كصه التحدي اتحمست !
يبي كديش مشتاكه "احقني غضب جسمك جوا حقولي"

..~ عم اجاكر سواد ليلي

ليل التلاتاء ..~

6/22/2021

||

ما نمت كالعاده , احلام وكوابيس , والمحاميه ما بترد ع ايميلاتي بخصوص خطيبه اخوي , طوال هالشهر بطارد , من مواعيد ومقابلات وبين ايملات وتلفونات ومع كل هالمطارده وهالتعب وحرق الدم والدعاء ما زبطت الامور , وكانت كل العيون عليا اني السبب , ومع هيك حبيت التمساح اللي صار جواي ..~

وكمان اتاخرت بالنوم لانو عيونه اتصل عليا بنص الليل بالزبط , بتتزكروا عيونه ! ابو حبه بكلاوه ! كعد يحكي معي ساعتين ونص , وصاير دايما يتصل , بعرفش لشو بده يرسي , ومع هيك كان كلام امبارح منيح ..~

اصحيت 6 واشي الصبح وضليت بالتخت لل 10 , ع امل يجيني اي ايميل او تلفونات من المحاميه , وما اجى , كومت افطرت , واخدت كهوتي واطلعت ع الحوش , ضليت مع ساده حوالي نص ساعه , ولولا عليا موعد مهم , ولا كان بديش اعبر البيت , رتبت البيت ..~

اجاني التلفون المهم وقبل الموعد , انو خلال ساعه راح يكونوا بالمكان , جهزت حالي واطلعت , بالطريك اتصلت عليا وبتحكيلي وينك , حكتلها بالطريك راح اتاخر لانو في زحمه سير , واوصلت وكعدنا ساعه نحكي ..~

ما عجبتني الكعده من مره , ومع هيك البال ساعدني كتير , كنت متمسحه لابعد حد , بعد ما خلصنا الحكي وودعنا بعض , بس اوصلت سيارتي حكيت مع اهلي واتكاتلنا , وحكيت لخواتي بس اجي عندكم بخبركم شو صار ..~

روحت عند اختي الكبيره وما كنت بالبيت , كانوا الصغار وفتحولي الباب ودايما ما افتح الباب بكونواا يطلعوا ع اديا , شو جايب معي , هالمره ما جيبت اشي , بس كانت بسياره المانوبولي , وبحبوا الصغار يعلبوا معي , لما شوفت كيف عيوونهم انو فش اشي بإيدي , حكتلهم المونوبولي بسيارتي روحوا جيبوها ..~

وكانت شرين بالدار , طلبت منها تيشرت لانو اللي كنت لابسها غاليه وبديش مع الصغار يجي عليها اشي , وجمعت كل اغراضي اللي كنت ناسيهم عند اختي امبارح من الفضه والاواعي , وما اجيت بدي العب مع الصغار , اجو خواتي والشر في عيونهم , انا ما حكيت اشي ولا عملت اشي , بس كأنهم محوشين حكي , بلشوا يغلطوا , ويعياروا عشان اللي تركته وكل حكي الوسخ , وانا مطنشه حالي , بس التمساح ما طلع معي , حكيت بعقلي اروح ع داري احسنلي , اخدت كلشي واوصلت الباب واتزكرت المونوبولي , حتى بهيك موقف مش كادر اتخلى عنها , ارجعت اخدتها وسحبت حالي واطلعت من الدار ..~

اركبت السياره , وحطيت اغنيتي المفضله هاليومين عليّتها , وفحطّت وطرت بالسواكه , ليش ما انكهرتش ع كلامهم ؟! ليش ما احزنت ؟! ليش ما بكيت زي عوايدي ؟ او كعدّت اتحلّف شو اعمل ؟! ليش ما فكرت بالاصل باللي صار؟! بالعكس ! مسحت كل تطبيقات التواصل وعملت بلوك ع ارقامهم , وحكيت بدي اعيش وبديش اي نكد من اي مكان اي سخص , بدي ابلش اطلّعهم من جواي , واوصلت باب البيت ولكيت مكان اصف السياره جنب البيت , وانا اصف بالسياره بتصلوا اهلي عليا ..~

ومكانتش امي , كان ابوي , وحكتله " يابا انا بحبكم وبعزكم والله يخليكم ويطول بعمركم , انا مش بوكت تحكوا عن الكصه , اد بدكم تحكوا ع الكصه راح اسكّر الخط " , بلشو يحكوا مش عن الكصه وبعدين بطريق غير مباشر يحكوا عن الكصه , حكتلهم يلا مع السلامه , وسكرت الخط ! رجعوا اتصلوا عليا وحكوا عن الكصه , وحكتله مع السلامّه وسكرت الخط ! وبعدها ما اتصلوا ..~

عبرت البيت وشوفت ساده , اجى يسلّم عليا , وحكتله والله يا ساده زمان كنت اجي ع البيت احكي كيف اقتل حالي بطرق تبيّن انها جطله , بس هكليت بفكرش من اصله عشانك , لانو فش حد يدير باله عليك ..~

طلبت اكلي المفضل , اتغديت واخدت كهوتي واطلعت عالحوش مع ساده , ووبعدها عبرت البيت شوفت حلقات من شغلات بتبسطني , والعبت شوي وهيني ..~


||

السلام عليكم ..~

ليل الاربعا بتاريخ 10\20\2021 ..~

سافرت زياره ع البلاد الضفه وارجعت ع السلامه , حبيت اغامر واحط كلشي ورى ظهري وانزل , بغد المره الاولى اللي حاولت اسافر ببدايه السنه وما زبطت , صارت محاوله تانيه وزبطت الحمد لله , امبارخ ارجعت , لسا تعبانه شوي من السفر وملان كصص متراكمه عليا , ومع هيك في مكانه للمدونه جواي , لهيك جبيت اجي احكي عن فرحه صارت معي , هلكيت كيف صارت وشو صار بخبره بغدين , لانو لسا مكسور عليا نوم , واشتكتلكم بس مش اكتر من ساده ..~

اركم قريبا بتحدي التواجد كل يوم ..~

السلام عليكم ..~


||


i was alive, at first "
later ,i was sad
trying to fade out voices in my head

maybe i will try to look good in red now
" maybe i will try to be out of myself now

riverside


انا بطّلت هداك الأنا ..~

السلام عليكم ..~

بعد نص ليل ودخلت بيوم الاحد || ليله هالووين سنه 2021 ..~~

||

مجريات اسبوع , ان شاء الله احكي عن كل المجريات وان شاء الله مش من بعد سطر اروح انام , هلكيت مش طالع معي اشي اكتبه !

من يوم الجمعه الماضي , كان في موعد ع مرت اخوي تلات اللي عايش معاه موعد عشان ورقها والرقم الوطني , روحت معاها عشان اساعدها شوي و وبعدها روحنا ع مدينه يابان مشان اشوف اسعار الكيمونو اللي كانت نيتي البسه في هالووين هالسنه ..~

اما بالنسبه للسبت روحت عندي اختي الكبيره لانو اولادها معطلّين وانا من وكت ما اجيت من البلاد لسا ما شوفتهم , كانت الدنيا عنا مطر ومكنتش بدي اسوك لهيك هي اجت اخدتني مع اولادها من الدار , واول ما شافوني وهم بالسياره يحكولي انو اشتكنالك يخالتي واتاخرتي علينا ونحكي ونحكي , طولت عندها لليل لوكت ما اجى اخوي اخدني ..~

اما الاحد ف من كتر المطر في منطقه خواتي بالدلي سيتي قطعوا الكهربا عندهم طوال اليوم , لهيك اختي الكبيره سحبت حالها واجت مع اولادها عنا , لانو راح يضلوا بدون كهربا لليل ..~

الاثنين .. كان عليا كصص اعملها لهيك كنت برى البيت اخلص الكصص بالحاره , ع العصر اتصل اخوي واحد وحكى بدهم يجيو يسلمو عليا , هو ومرته وابنه , مكنتش عارف انو اختي الوسطى بدها تيجي مع بناتها علينا , وكمان مكنتش شايف بناتها من وكت السفر , وانا احكي مع اخوي بالدار ما شوفتهم الا اجو ركاض عليا ويحكو معي ..~

الاشي اللي بستغربه انهم بحبوني , مع اني شديده عليهم وحازمه , يمكن لانو بكزبش عليهم , هيك بضلوا يحكولي انو " يا خالتي ما بتكزبي علينا "

الثلاثاء ..اطلعت بدري بدري مع اختي الكبيره , عم افكر اغير غرفتي وازبطها حتى لو معيش مصاري , لهيك كنت الف معاها ع غرف نوم او حزاين , يعني اخد افكار عن الاسعار والتصاميم , عجبتني واحده بس جدا غاليه , ومع هيك ما اتوفكت بالكصه , يمكن ربنا بدوش احط دين عليا مع اللي عليا , بس طوّلنا بالمحلات لانو فش محل بنعرفه الا روحنا عليه , وبعدها ارجعت ع دارها كعجت شوي وروحت ..~

الاربعا , كنا مخططين وحجزنا موعد مع مطعم معزومين من اختي الوسطى , بس اتصلت من الصبح وحكت طلبوها بالشغل وبتكدرش تحكي لأ , لهيك التغت طلعت المطعم , طلبت مني مرت اخوي تلات انو بدها تروح تشتري كم شغله الها اد باخدها , لهيك سحبنا حالنا وروحنا , وهاي اول مره بجربها بالسوق , طلعت زيها زي كل البنات اللي بطلّعن الروح , وبتكعد سنه وبعجبهاش اشي وحاله , طوّلت بالي طوّلت بالي , بعدين ازهكت ! وبس خلصنا ارجعنا ع الدار لسا بدنا نصف السياره الا اختي الكبيره بتتصل وبتحكي تعالوا معي نتحوّج , وارجعنا واطلعنا مع اختي عشان في فساتين وكصص للعرس ناكصه ومع هيك كمان ما توفكنا , وبعدها ارجعنا ع الدار مهدودين ..~

الخميس .. كان عليا كصه مهمه اعملها , لهيك اطلعت بدري مشان بعرف كيف الكصص معي , لفيت ع اكتر من مكان وكل مكان يخبطني كف , بس بالاخر لكيت مكان الكف تبعه اخف اشي , عملت الكصه وبستنى انها تزبط يا رب , واختي الكبيره حكتلي تعالي عندي جوزها بالدار , عشان ما شوفته لسا , ف روحت عند اختي الكبيره وكعدت مع جوزها قبل ما يطلع ع شغله وما طولت عندها لانو كنت واعده مرت اخوي تلات اخدها ع مكان الحواجه , لهيك ارجعت ع الدار اخدت مرت اخوي ع الحواجه وبعدها ارجعت ع الدار .. الا اجاني تلفون من عيونه بنحكي عنه وعن غيره بعدين ~

اما الجمعه , عملت روتين الجمعه اول ما اصحيت لانو اتفكت مع بنات خواتي انو نروح نشوف فلم بالسينما الظهر عشان الهالووين , بعد ما خلصت روتيني الا اجاني تلفون من اختي الوسطى انو يوم عطلتها ومن زمان مش طالعين مع بعض , بدها اطلع معاها عشان نشوف النواكص عشان العزومه اللي عاملاها , فا اطلعت واتحوجنا ولفينا , وبعدها عطول روحنا انا وبنات خواتي ع السنما , بيعرفوني بحب افلام الرعب لهيك حكو بدنا نشوف فلم "لاست نايت ان سوهو " وعجبنا كلنا , وعنجد انبسطت معاهم , بعد ما خلصنا الفلم ارجعت ع الدار ..~


اما اليوم السبت , كان يوم العزومه عند اختي الوسطى بحجه الهالووين , لهيك هالسنه كمان الحمد لله رضيت تعمل العزومه في الهاللوين عشان كلنا نلبس وننبسط , ف الحمد لله البسنا وانبسطنا وحطيت الصور ع السناب وكل صاحباتي كديش حبوهم , وكل بيت عمل اكل مشان نوفر ع حالنا , انا ومرت اخوي عملنا قبّه وحلو اسمه بين ناريين زي كنافه بارده بقشطه ..~

هلكيت شو البسنا , احلى اشي كان الجاجه ..~
انا حبيت البس كيمونو ياباني
اختي الكبيره ما بتلبس
اختي الوسطى كان فزّاعه
اخوي واحد كان قُرصان
مرت اخوي الكبير كانت غُراب
وابنهم هيكل عظمي
مرت اخوي تلات لبست طوق شعر عليه جمجمه
اخوي تلات ما بيجي ع هيك عزايم

بنات\اولاد خواتي كانوا :~
جاجه
كابوي
القرون الوسطى
موز
ساحره
ياسمينه
سبيدرمان
محمد علي كلاي
الس في بلد العاجايب

وفي قرايب منهم :~
دكستر تبع المختبر
وممرض من مسلسل كوميدي تبا انسيت اسمه
السا

هاد شو متذكر ..~

نفسي احط صوره واخفي الوجوه , بس خايف تنلغى المشاركه , حلو لكيت الحل بحطها ع الاسك ليوم ..~


||










||



كديش نطيت بهاد الجمبّر , احب ما عليا يجبوه عشان العب مع الصغار والطع منه دايخه وومعدتي بتقلب ..~

||



الفلم اسمه last night in soho وعرض اول كان يوم الجمعه , كان نفسنا نروح نشوفه المغرب بس مشان في حصص لبنت اختي والتانيه كان عليها شفت ليل , لهيك اخدنا عالساعه 2 الا شوي , بس الحلو انو مكانش في كتير ناس

||