شاعر- يلقي قصيده في ليلة زفاف حبيبته

شاعر يحضر زواج حبيبته ويلقي قصيدة للعريس - جريء بجد (من أروع ماقرأت)

مــســاء الــخـيـــر..

هذه قصيده وجهها عاشق لعريس عشيقته ليله الزفاف ما رأي المقبلين على الزواج لو كان احدهم مكان هذا العريس ؟ ووجد هذا العاشق يلقي القصيدة امامه في قاعه العرس؟
اقدم عدة احتمالات
1-الطلاق
2- سحب مسدس وقتله_ولا اظن احدا يحمل مسدسا في مثل هذه الليله
3-ينزل ويجلسه مكانه


دعونا من الإحتمالات وخلونا بهالقصيدة الرائعة المؤثرة بالفعل ؛ التي تجبرك على قراءتها للنهاية ..
وإن شاء الله تحوز على رضاكم ..





أبد .. ما جيت أبارك ولكن جيـت باوصّيـك
على الله ناوي ٍ تدخل بهـا الليلـه .. مُعذّبْتـي

ترى لولا الظروف اللي عطتْك وحدّت محاكيك
قسم بالله ما تدخـل عليهـا لـو علـى رْقبْتـي

ولكنّ النصيب اقوى ولا ادري ويش اسوّي فيك
نعم .. صارت معزّبتك .. ولا صارت معزّبْتي

كذا شاءت بنا الأقدار تحرمني لأجـل تعطيـك
كذا لازم عشان تفوز إنت .. أخسـر بتجربْتـي

تراها غاليه جـداً .. وتكفـى .. والله يخليـك
تـدللها .. تدلعهـا .. تنسّيـهـا مصاحبْـتـي

أنا من كثر ما اغليها أحس اني بديـت اغليـك
ولا تسـأل بأيّـة حـق ولا ّ وش مناسبْـتـي

لإنك لو بتسألني بتسمع شـيء مـا يرضيـك
لـذا ياخـوي لا تسـأل ولا تسمـع لأجوبْتـي

أبيك تحطها في داخل عيونـك وبيـن ايديـك
وهي دلوعه اعتـادت علـى كثـرة مداعبْتـي

فداعبها شوي شوي حتـى تشتهـي طاريـك
وشاغبها إليـن تقـول لـك: بطّـل مشاغبْتـي

واذا هي مالها خلقك..ولا تضحك ولا تسلّيـك
تحمّلها وإسألهـا: يـا عمـري ليـه عصّبْتـي

وبالك اسمع انّك يوم تضربها وهـي تشكيـك
ما يحتاج اورّي لـك بفـن الضـرب موهبْتـي

صحيح انك بتملكها ومعك العقد بالتمليـك
وانا عارف حـدود الله ومـن حقـك معاقبْتـي

ولكن قلّها المجنـون وصّانـي وهـو يعنيـك
يقـول انّـه بينتظـرك ولـو شيّـب وشيّبْتـي

وانا مجنونها اللي ما نساها وانت مـا يمديـك
تغطّي ذكرياتي في هواهـا.. وربْـع تجربْتـي

أحس اني تماديت بكلامي.. والغضب حاديـك
ولو انّك في مكاني مـا تفكّـر في محاسبْتي

كفاك اني تركت الليله اشغالي عشـان اجيـك
دخلت القاعه برجلي ولا ادري ويش عاقبْتـي

انا ما جيت اخرّب عرسك الليلـه ولا آذّيـك
أنا جيتك عشان اخاطبـك واسمـع مخاطبْتـي

توصّى..وانتبه..واحرص عليهـا والله يهنّيـك
ترى كل الكلام اللي طلَع مـن ضيقـيَ وكبْتـي

ولكن ما قدرت انّي أقوله وانـت مـا يخفيـك
أخـاف انّـي إذا قلتـه تقـوم وتقطـع رقبتي





...........
ياريت انكم تكرموني بردود تبيض الوجه

والله تستاهل القتل ليش عافت حبيبهه وتزوجت غيره؟؟؟؟ تستاهل يعمل بيهه اكثر لآنها تلاعبت بمشاعره

يسلموووووووو على موضوعك الروعه

انا لو مكان العريس كنت ولعت فيه وفيها مش بجاز لا ببنزين
تقبل مرورى

والله أروع ما قرائت في حياتي

يـــ ما ؟أقسى قلبها تركت الجنة من أجل النار ـــاه

اللعنة على النصيب الذي يجعل المحبين يفترقون

اللعنى على هذا العالم الذي يفرق بين المحبين

اللعنه على هذا العالم الذي يجبرك على العيش في كراهيه وظلام أبدي

تستحق التقيم ممتاز جداَ

الله يعطيك الـــ عافية ــف

مشكوووووووور يا مقنين

قصيدة رائعة فعلا
و الله أثرت فيني بشكل كبير
الله لا يكتبها على أحد

المشاركة الأصلية كتبت بواسطة عاشقة الآحزان

والله تستاهل القتل ليش عافت حبيبهه وتزوجت غيره؟؟؟؟ تستاهل يعمل بيهه اكثر لآنها تلاعبت بمشاعره

يسلموووووووو على موضوعك الروعه

المشاركة الأصلية كتبت بواسطة soska

انا لو مكان العريس كنت ولعت فيه وفيها مش بجاز لا ببنزين
تقبل مرورى