أحلامنا كفقاعات الصابون , عندما نلمسها تتلاشى ~

لما كنت صغيرة كنت شاقة الأرض و طالعة << تعبير مجازي يعني مشاغبة جداً

و دائماً كنت أعمل مصايب من الحجم الكبير

بيوم من الأيام كنت أنا و أخي أحمد و أولاد خالي : عمار و ضرار و منار ,

نلعب بجنينة بيت جدي "حديقة البيت"

و أنا كنت أكبر واحدة فيهم , يعني أنا رئيسة العصابة

و كان في بالجنينة أكياس إسمنت , لأنهم كانو يعمرو طابق ثاني للبيت

و كان في كيس مفتوح و رمل و برميل مليان ماء ,,,

فصرنا نلعب بالإسمنت و الرمل و نعجنه بالمي و نرميه على سور الجنينة ,

فإنتبهت بنت خالي إنو فيه عش دبابير

و قتها بلشت النوايا الشريرة بالظهور , و صرنا نرمي الإسمنت على العش

و سدينا عش الدبابير المسكينة بلا أي رحمة

و بعدها إنتبهنا إنه في عش دبابير ثاني ,,,

و بلشنا بالعمل البطولي ,

و لكن هالمرة الدبابير ما سكتت و هجمت علينا فوراً و قرصت إبن خالي

و قتها إجا خالي و أمي و خانقو علينا , و أخذو المصاب و أسعفوه

و إجا خالي الثاني "صاحب أكياس الإسمنت" و خانق علينا هو كمان ,

لأن الإسمنت كان غالي هذاك الوقت , و إنحرمنا من الطلعة عالجنينة

و لكن ما تربينا و ثاني يوم طلعنا عالجنينة و لعبنا بالإسمنت و الرمل و المي

و صارو أولاد خالي يكتبوا أساميهم على السور و أنا و أخي نرسم وهيك يعني

<< ما عاد قربنا على الحشرات أبداً

ثالث يوم كنا بدنا نلعب , ما لقينا الإسمنت , خالي أخذهم و حطهم في مكان ثاني

<< حرفياً : بعيداً عن متناول أيدي الأطفال

هههههههههههههههههههه

و اخيرا إشتغل الوايرليس عندنا و الحمد لله

هرمنا من أجل هذه اللحظة

ماذا أقول لكم عن الوايرليس , صارلي بستناه سبع سنين << بالحقيقة أربع سنين بس

و المشكلة تتلخص بأن : أبي يكره التكنولوجيا , و كل ما يمت لها بصلة

لا يهم , الآن هناك بعض المستجدات

بلشت آخذ دورة أفتر إيفيكت , بمعهد قريب من بيتنا ,,

و الحلو بالموضوع إنو الإستاذ أصغر مني بسنة

على كل حال , الدورة صارت أون لاين , يعني أحسن رح أرتاح من زناختو

رح يعملنا الدروس فيديو و يبعتلنا إياهم ,,

أما الأفتر إيفيكت من عيلة الأدوبي , برنامج مخيف صراحةً

بس بالنسبة لي كان مألوف لأن في أشياء متشابهة مع الفوتوشوب

بس لا يمكن أقارنو مع الفوتوشوب لأن كل واحد منهم ممتاز بمجاله ,

بس لو كنت تعرف فوتوشوب , فراح يكون أسهل بكثير تعلم الأفتر إيفيكت

المنتدى غريب جدا من الموبايل
بس جميل جدا
السيء فيه انو مافي تقييم
و السمايﻻت قليلة ....

المهم ... امس كنت بالمعهد الي قريب من بيتنا
يعني انا اروح كل يومين و اقرا و اشتغل على الكمبيوترات
و اساعد و اعلم الوﻻد الصغار احيانا
فامبارح اجا مسؤول كبير اجنبي زيارة على المعهد
و معاه مرافقين و صحفيين و هيك يعني ...
فاول ما دخلو الصحفيين قربو لعندي و صارو يصوروني
و انا قاعدة بشتغل على الفوتوشوب
و انا طبعا تجاهلتهم و كملت شغلي ( عم اتعلم على 3d)

و تبا لتواضعي

بواسطة تطبيق منتدى العاشق

my mobile's language is Arabic

my laptop's language is Arabic

!! even my Facebook's language is Arabic too

but that doesn't mean that i don't know English

نزلت تطبيق الإنستغرام

بس لسا ما فهمت عليه

بس أفهم عليه بتشوفوا إبداعاتي بالتصوير