●» وٺبقےٰ ملامح‘ ضحـگٺي .. فيها علاماٺ الألم ♣

ِولَك عمري خلص بجفآك يمدلل ، ولا أخطر ببالك يوم لا تنشِد ولا تِسأل

وأئمِل بالصبر روحي .. ولا تِرضة ولا تِهدة ولا تقبل

وأبِل بكل فجر جفني ، ولا إلكم جفن يبتل

وأحسَّنك شِتَل بالروح ، أفلَّلك حيـل ما تفتل

وأشِت رسمك من عيوني ، وأرد ألكَآك مِتمثِل

دِمُرني إبليل محتاجك ، أريد إبشوفك أتكحَّل

شِتلت عيوني عالعِتبة ، وأظل لجيتك أتأمل

وأظل أربي لسما عيونك ، شما بيّة الوزر يثكّل

دِمسمرني دِمَسج بي ، لأطِش عمري ورد لخبآك أكّلك مُون وإتدلل

وَك شسولفلك على فراكَك ، أكَلك ماكو شو يكتل

أكّلك بيت بانيلك حِـزِن ، والدمع ما بَطَّل

لو أدري دموعي ترجعك ، لأظل طول العمر أهمِل

ِولَك عمري خلص بجفآك يمدلل ، ولا أخطر ببالك يوم لا تنشِد ولا تِسأل

~

عالجرح ما ظل ملح ... ولا دمع اللي يواسيني
لحضن أمي أنه اشتاكيت ... ودمع أمي يناديني
انه بسيف البعد مذبوح ... غريب ودمعتي بعيني
دمع أمي حمام ايطير ... ويجي من النوم يصحيني
أفز واسمعهه نص الليل ... الي تدعي الله يحميني
يرد قلبي طفل وايصيح ... برد يا أمي دفيني

بس يا حزن وارحم ... عيون أمي الدمعهه كثار
على بوي الشهيد تبكي ... وبغربتي اليوم تبكيني
الك يا أمي انا محتآج ... وآني شما كبرت سنيني
طفل أبقة لحنانج دوم ... أظل عطشآن تسقيني

خلص يا غربة كآفي جروح ... قهر وهموم تسقيني
أنه عرآقي العزيز الروح ... أموت ولا اتذليني
أنه عرآقي الحنيني نآي ... وأنه عود الحزن عيني
أنه من طحت وصحت الآه ... علي كثرت سكاكيني

دخيلك يا هوآ يلي اتروح ... على بلآدي وعناويني
أريد أرجع تعبت فرآك ... لحضن بغداد وديني
أنه المشتآك أشوف أمي ... وتضم ايدينها ايديني
وأنه عن العرآق كل الكون ... أبد ما يوم يغنيني

منو ذولة اللي صورهم عالحياطين
سألني اللي ما يعرف بديرتي اشصار
بجيت .. كتلة ذولة وجوهنة البيض
و بواجينة وحزنة ووحشة الدآر
وراهم فرغت من الضحكة البيوت
علة فكد وجوه غابت عن الأنظار
عآين للصور يآهو اللي عليه موت
ومنو بيهم بوجهه إمبين غبآر
ترة وليداتنة بالموت حلوين
ومن الكفن حقهه العاشكة إتغار

علة شوكي ونفس جفني اللي يتانيك
أحن وللزعل ما منطي لزمة ..
بموعد جيتك كون أندل الميل
وأسطي علة الدقايق حتة أقدمة ..
آنة مناطرك نظرة غصن أخضر
بس قبلت إتعوفة يظمة ..
بررلي سبب عطرك اللي عافني بلا روح
وليش الشمس بغيابك يطلع بيهة عتمة "