ألك واهــس تظـــل ويــــــاي ؟؟؟

الك واهس تظل وياي ???

سولف كول الك واهس تضل وياي

واذا ما إلك واهس كول لا تخجل

ما أقبل احبك وانته ما مرتاح

وما أرتاح احبك وانته ما تقبل

بكيفك من اجيت وما جبرتك يوم

ما جبرك بكيفك لو ردت ترحل

فكر باليهمك والمهم شتريد

انا كل اليهمني المهم لا تزعل

ما مليت منك اكدر ابقى وياك

بس المشكله خاف آنه راح اذبل

ما كولن خساره الراح مني وياك

وي كلمن تحبه الروح ما تبخل

روحي الحبتك تتحمل بلياك

وما ينقص صبرها بغيبتك يكمل

مجنونه نعم بس تدري روحي شلون

تنجن بالعشك وبلا عشك تعقل

حبيتك صدك والوكت جذبه هواي

‏واني لحبك اذبل بعد واذبل