نهاية الحياة

قمت من النوم فجأة


شفت نور غريب !!


المشكلة أن نور الغرفة مسكر


شفت الساعة على 3 ونص الفير


انزين .. النور هذا كله من وين ؟؟؟

----

تفاجأت لما شفت ايدي نصها بالطوف


طلعتها بسرعة وانا خايف قعدت اشوفها


دخلتها مره ثانيه بالطوف .. تدخل !!!!!!!!


----

سمعت صوت ضحك


قعدت اتلفت لقيت اخوي نايم !!!


قمت من الفراش وانا خايف رحت اقعده


بس ما يرد علي


رحت غرفة أمي


أحاول أقعد أبوي


أبي أحد يرد علي ماكوو


رحت حق أمي أحاول اقعدها فجأة قامت من النوم !!!!!

---

اهي قامت من النوم بس ماكلمتني


كانت تسمي ' بسم الله الرحمن الرحيم ' وتكررها ..


قومت ابوي من النوم قالت له قوم قوم


ابي اروح اتطمن على الصبيان..


أبوي قالها باستغراب ' مو وقته خليني انام وباجر يصير خير '


لكن باصرارها قام من النوم مستغرب وراحو مع بعض


---


قعدت أصرخ يمااا يباا


بس محد يرد !!!


مسكت هدومها ابيها تسمعني


بس ماحست !!!


قعدت امشي وراها لحد ما وصلت غرفة النوم


دخلو غرفة النوم وفتحو الليتات


ماكانت تفرق معاي لأن الدنيا منوره أصلا


بسسس تفاجأت لما شفت شي غرييييييب

---

شفت جسمي !!!


أييي جسمي انا


قعدت أطالع نفسي لقيتني صرت اثنين


قلت بقلبي منو هذا ؟ وشلون هذا يشبهني !!!


قمت اطق نفسي أبي أقعد من هذا الحلم الكئيييب


لكن ما قعدت

---

أبوي قال ' يالله شفتي انهم نايمين خل نمشي '


لكن أمي ما هدت راحت عند اللي كان نايم مكاني


قالت محمد قووم محمد قووم رد علي


بس ما رد !!!


حاولت أكثر من مرره وفجأة بدت دمووع أبوي تطيح


أبوي القوي الي عمري ما شفت دموعه شفتها اليوم


بدا الصراخ يعلى بالمكان .. قعد أخوي من النوم قال ' اشصاير '


أمي قالت له واهي تصرخ ' أخووك ماات محمد ماات ' وهي تبجي

---

زاد الصراخ


رحت حق امي قلتلها لا تبجين أنا هني شوفيني!!


مافي احد يرد علي ليييش


قعدت أصرخ أنا موجووود شوفوووني


بس مافي احد يرررد


قعدتت أصرخ يااااارب يااااااارب يخلص الحلم اللي انا فييه

---

سمعت صوت ياي من بعيد وكان يعلى كل شوي


حتى سمعت قوله تعالى : ((


لقد كنت في غفلة من هذا فكشفنا عنك غطاءك فبصرك اليوم حديد


لَقَدْ كُنتَ فِي غَفْلَةٍ مِّنْ هَذَا فَكَشَفْنَا عَنكَ غِطَاءكَ))


فجأة في اثنين مسكوني بس اهما مو من البشر


خفت !!


قمت أصرخ هدوني هدوووني


أنتو منووو ؟؟ واشتبوون ؟؟


قالو : ' أحنا حراسك لحد القبر '

----

قلت أنا ما مت أنا لي الحين حي


لييش تودوني القبر خلووني !!


أنا أحس و أتكلم و أشوف لي الحين ما مت


ردو علي بابتسامه


قالو ' عجيب أمركم يالبشر تظنون أن الموت نهاية الحياة ولا تدرون أن ماكنتم تعيشون فيه هو حلم قصير ينتهي عندما تموتون '

مازالو يسحبون فيني لحد القبر


واحنا بالطريج شفت ناس تبجي وناس تضحك و ناس تصرخ


وكل واحد معاه اثنين مثلي


سألتهم ليش يسوون جذي ؟؟


قالو ' الناس هذول عارفين مصيرهم منهم من كان على ضلال '


قاطعتهم وانا خايف ' يعني بيروحون النار !!!! '


قالو ' نـعـم '


وكملو حديثهم ' واللي يضحك هذا رايح الجنة '


رديت بسرعة ' وأنا رايح ويين ؟؟؟؟؟ '


قالو ' أنت كنت شويه تمشي صح و شويه تمشي خطأ


شويه تتوب وترجع اليوم الثاني تعصي وماكنت واضح مع نفسك


وراح تظل جذي تايه'


قاطعتهم و أنا خايف ' يعني شنووو يعني انا برووح الناار '


ردو علي ' رحمة الله واسعة و الرحلة طويلة '

---

التفت وأنا خايف شفت أهلي أبوي عمي أخواني أقاربي كلهم


كانو شايليني بصندوق رحت لهم ركض قلتلهم ' ادعو لي '


لكن مافي احد رد علي منهم من كان يبجي ومنهم من كان حزيين


رحت حق اخوي قلت له انتبه وديربالك من الدنيا وفتنها لاتغريييك


كنت أتمنى لو أنه يسمعني


شدوني الملكيين لقبري ونوموني فوق جسمي


شفت ابوي وهو يقط التراب فوقي


شفت اخواني وهما يقطون التراب


شفت الناس كلها تدفني

----

تمنيت لو اني مكانهم في الدنيا جان تبت


جان صليت الفير أمس


جان دعييت ربي كل يوم


جان جددت توبتي كل يوم


جان بطلت معااصي


قعدت اصرخ ' يااانااااس ديرو بالكم لا تغرركم الدنيا '


تمنييت لو في احد يسمعني


فهل سمعتني أنت ؟ ؟ ؟


قصه تخرع بصرااحه وكلهاا عظه :)


تحياتي ..
دندووونة