لنرتقي بالمنتدى ××× عبارات الشكر

النهارده عايزه اناقش معااكم ظااهره موجوده في المنتدى وفي كل المنتديات

وهي عباراات الشكر


والعبارات دي الواحد المفروض بيتسخدمها في المواضيع العاامه , مش في مواضيع النقاش
يعني اما الاعضاء يحطوا موضوع نقااش ويكون الموضووع بيتكلم عن قضيه حسااسه ومهمه
وتجي وترد بكلمه (( يسلموو )) أو
(( شـكــ وبارك الله فيك ـــرا لك ... لك مني أجمل تحية . ))
هنستفيد منها ايه , احنا هناا بنتناقش يعني عايزين نعرف رأيك لانه يهمنا
يعني أما تجي وترد بالعبارات دي أنا اعمل بيها ايه ,, اصرفها في انهي بنك




حتى انا بكون عايزه انزل مواضيع نقاش تمسنا احنا وتمس الامه الاسلاميه فأما اشوف الردود اتحطم لانه مش هتسفيد منها حاجه خالص



وعــاده اللي بيرد على المواضيع اللي بتحتااج نقاش بالطريقه دي اما أنه ::
عايز يكسب نقااط في اقل وقت ممكن << يعني مش عنده وقت يقرأ الموضووع

أو انه بيدخل ويقرأ الموضوع وبيستخسر يقول رأيه لانه دخل عشان يشوف اذا هو حلو و لا
فينقله لمنتدى تاني <<< ودي أنانيه




وعلى فرض انك دخلت ومش عايز تقول رايك قول لاتعليـــــــق



والأدهي من كده ::

انه في اعضااء بينسخوا ردوود اعضاء تانين ويحطوها ,, بيكون نفس الكلاام ونفس الخط واللون
وكمان اذا صاحب الرد كاتب تحياتي وكتب اسمه , بيحطووه <<< يعني نقل عيني عينك





واذا هم عايزين يحطوا العبارات دي يحطوها في كل اقساام المنتدى مــاعــــــــدا
النـــقـــــــــــــــــــــاش ,,
لا وكمان احيانا بيحطوها في قسم الالعااب ,, عايزه اعرف دي بتعمل ايه في الالعاب
معرفش ,, يمكن ليها هدف هناك وانا مش واخده بالـــي >>> الله أعلـــم





فاذا كانت اغلب الردود في المنتدى بالصوره دي ,, مش هنرتقـــي ابــداا بالمنتدى
و لا هنرتقي بفكره ومواضيعه ,,, لانه هيكون شكله من بره حلو ومليان أعضااء والمشاركات فيه كتيره
ويجذب الزوار ,, بس أما يسجلوا ويشوفوه من جـــوه هيلاقووه فاضي وفيه فرااغ كتير
وده هيكون له تأثير سلبي عالمنتدى





وفي النهاايه

أنا وضحت وجهه نظري ,, واذا أي حد عنده اعترااض يقوولي
واحنا هناا بنتنااقش ,, يعني لازم نقبل انتقاد الاخرين

واسفه اذا غلطت على حد من الاعضااء


و مع خالص حبي

فقيرة الحب