نداء عاجل : الى كل مستخدم لبرنامج السينما 4d

سلام عليكم ورحمه الله وبركاته
ازيكوا اخواتى بالله اتمنى ان تكونوا جميعا بخير
وكل سنه وانتوا طيبين
دلوقتى بقى انا عايزة مساعدة ومساعدة جامدة قوى ويارب اجد من يساعدنى فى تحقيق ما اريد
والحكايه هى انا لما دخلت المنتدى اللى اكثر من رائع دة شوفت برنامج السينما 4d البرنامج دة عجبنى اوى وعجبنى شغله جدااااااااااااااااااااااااا وانا حابه جدااااااااااااا انى اتعلمه وفيه حاجه انا لما قررت دة كنت نزلت موضوع هنا بردوا فيه شويه اسئله عن البرنامج
ومن اللى رد عليا مشكور وربنا يبارك له اخى بحب السينما وقالى انى انزل كتاب الاخ ماضى عمر واتعلم منه وبعدين اشوف الدروس التانيه بحيث ان الكتاب يكون تمهيد ليا
وفعلا نزلت الكتاب ونزلت demo للبرنامج ودلوقتى بحاول اتعلم واحدة واحدة
لكن فيه مشاكل احيانا بتوجهنى او حتى لما بدخل اشوف دروس عن البرنامج هنا بيبقى عندى اسئله كتير احيانا وببقى مكسوفه ومحرجه جدااااااااااا انى اسئله علشان مينفعش ان حد يكون عارض شغل معين وانا اجى اسئل فى حاجه بحس انى غريبه قوى لان اللى بيحط شغل دة بيبقى عايز ياما كلمه حلوة ياما نقد يساعدة وانا عارفه انى لو سئلت عن حاجه نادرا من صاحب الشغل انوا يرد عليا
وحاجات كتير بقى اعذرونى ممكن يكون دة فى بالى انا بس
لكن انا فكرت فى حاجه وبصراحه مش عافه اذا كان دة صح ولا غلط
انا عايزة حد من هنا يكون استاذى يساعدنى ويعلمنى او بمعنى اصح يشرف عليا وانا بتعلم
البرنامج واكيد اى حد هيساعدنى ليه خير الجزاء من ربنا
ممكن تعتبروها مساعدة لاختكم الصغيرة اللى بجد مش فاهمه حاجه
ممكن تعتبروها صدقه عن معلومه انتوا عارفينها
اعتبروها زى مانتوا عايزين
المهم انى عايزة اتعلم واكون شاطرة ودة لازم وانا والله مجتهدة جدا ونفسى ربنا يوفقنى واعمل حاجه كويسه
لكم منى اخوتى كل الخير واتمنى ذلك منكم ايضا
الله يوفقك الجميع



منقووول للأمانة