هاااام الي كل البنات _ اتكيت الخطبة _

آنستي العزيزة..
لو ربنا فك عقدتك وانخطبتي .. فإليك نصائحي حتى تأخذي بخطيبك من مركب الخطوبة إلِى مثوااااه الأخير في قفص الزوجية السعيد..

أجمل ما في الخطوبة العزايم الرومانسية على أحلى محلات أكل في البلد واللي عمرك ماراح تشوفيها بعد الزواج .. المهم نصائحي لك عند أي عزيمة مع خطيبك

1. الأول لازم تعرفي إن الشوكة والسكينة بينمسكوا من إيديهم من الطرف يعني مو من الوسط ولا من البوز متل الخنجر ولا من فوق طبعًا ..


2. الخبز .. أوعي تفضحينا وتقطعيه بسنانك وما بصير تقطيعه للرغيف نصين بأيدك ومن كل نص لقمة وعلى دحش أوعي .. الخبز بيتقطع بالسكينة بالصحن .. وبعدين بتاخدي لقمة .. لقمة .. بالزور قال يعني نفسك مسدودة .. اضغطي على أعصابك جدااا وبعدين لما تروَّحي .. إبقي حِشّي متل ما بدك ....


3. الشوووربة أبوس كعب رجلك .. بندالشوربة مهم جدًاااا .. الشوربة بتنشرب من غير صوت أبداً .. ومن غير ماتقعدي تنفخي فيها .. متل صبي النارة تبع الأركيلة اللي بينفخ في الفحم للزبون .. وطبعًا بدي ياكي تنسى تمامًا الطاسة اللي بتحطيها على تمك في البيت وتشرشري على حالك ..
بتاكلي بالمعلقة وبدون صوت حتى لو كانت سخنة ناااار .. وبتتركي تلت الطبق ع الأقل .. مو تميليه .. مشان تلهطيها لآخر نقطة.....


4. الرز طبعاً بيتاكل بالشوكة أوعي إيدك تنمد ع المعلقة .. وتغرفي من طبق الرز وتعبي ... إوعي .. الرز بالشوكة .. وكأنك بتبوسيه .. مو بتاكليه ..


5. المعكرونة .. الاسباكتي كمان بالشوكة .. بتنلف على طرف الشوكة .. لحد ما تخلص وبعدين تحطيها ف تمك عالسكت .. مو تشفطي المعكرونة عود عود ..


6. السمك مشكلة .. شوفي .. بتفصلي اللحم عن الشوك شلوووون..؟؟
تقطعي اللحم من النص .. بالطول وبعدين تفردي اللحم ع الجانبين ولما تخلصي ناحية .. ما تقلبي السمكة.. بلا فضايح .. شيلي السلسلة بالشوكة والسكينة وحطيها جنب الصحن وكملي أكل النص التاني .. وبدال الفيلم الهندي هاد .. نصيحة .. ما تاكلي السمك أبداً.. قولي مابحب السمك ونفدي بريشك بالناقص بهدلة ..


7. البطاطا سواء مسلوقة أو مقلية أوعي تهرسيها وترميها ع الرز ويللللا..... لأ..لأ...لأ... بالشوكة قطعة قطعة وكأني راح تبكي من كتر ما البطاطا صعبانة عليكي ..


8. الفاكهة .. لو الفاكهة فيها بذر طلعيه من تمك على مهل وحطيه فإيدك وهي مسكرة وبعدين في طفاية السجاير اللي على الطاولة .. أوعي ياحبيبتي من نظام التفتفة للبذر .. إنسيييييي ....


9. ولما تخلصي أكل .. بتحطي إيدك على بطنك اللي عصافيرها عم تزقزق من العيّنات والنماذج اللي أكلتيها .. وتقولي له مو معقول .. أنا عمري ما انفجعت هيك .. أنا قدامي أسبوع .. ما راح آكل فيه.....

وبعدين تمسكي الفوطة اللي دايمًا موجودة ع الطاولة من غير لزوم.. وتبوسيها.. قال يعني بتمسحي تمك..
وبعدين تستأذني منه لدخول التواليت لإصلاح ماكياجك وبتدخلي التواليت وبتطالعي من الشنطة تبعيتك .. صندويشة الفلافل اللي جايبتيها معك وبالهنا والشفااااااااااااا