مشكلة تعليق وعدم الدخول الى bbm للاندرويد ..

السلام عليكم ورحمة الله وبركاته ..

كيفكم رواد قسم التقنية ..

عساكم طيبين ان شا الله ..

ندخل في المشكلة ..

عندي جهاز نوت 3 4G .. وفيه مشكلة في الببي مو عارف اش سببها ..

بعض احيان تجي فترة يعلق فيه الببي ..

يعني لما ارسل على احد رسائل .. تجي علامة ساعة .. يعني ما وصلت ..

مع انو النت مضبوط وشغال مية بالمية ..

وتجلس الرسالة باليومين الثلاث ما توصل للمضافين عندي ..

يعني ما تجي علامة صح .. تجي علامة ساعة ..

المهم .. لما اروح الضبط عشان اسوي مسح للبيانات ..

واسجل الدخول مرة ثانية .. ما عاد يدخل للحساب ..

بس تبقى الشاشة معلقة على هالخلفية ..

ويوم اطلع من التطبيق .. واسحب الشريط العلوي واضغط على ايقونة الbbm ..

يجي حساب بدون اسم وكأنني مسوي حساب جديد ..

والمضافين اللي عندي ما يطلعون ..

والاسم يكون 000000 << اصفار ..

مع انو لما ادخل اعدادات الbbm .. موجود بريدي الالكتروني ..

المرة الأخيرة يوم سارت المشكلة ذي انتظرت ثلاث ايام او اربع حتى طلعوا المضافين عندي ورجع النكنيم اللي انا حاطه وكل شي كنت مسويه ..

ودحين رجعت المشكلة لو يومين باقي ما ضبط ..

ان شا الله اكون وصلت مقصودي .. واتمنى منكم حل للمشكلة ..

ملاحظة : يوم اضغط على التطبيق من القائمة تطلعلي الشاشة الزرقاء مثل الصورة الاولى ..

ولما اضغط على التطبيق اللي في الشريط العلوي .. تطلعلي الصورتين الثانية والثالثة ..

وعلى هالمنوال ..

وشوؤوؤكرياأن مقدماأ ..