يوميات عمرو وياسمين ((قصه حب رومانسيه)) ارجو التثبيت

الحلقه الخامسة

روح عمرو وكل اللى بيحلم بيه انه يروح ينام عشان يحلم باجمل عيون وارق ابتسامة واروع صوت
روح وبيتمنى ان محدش يصحيه من حلمه الجميل اللى بقاله كتير بيحلم بيه
ونام عمرو على صوت الست

ياما عيون شغلونى لاكن ولا شغلونى
الا عيونك انت دول بس ال خدونى وبحبك امرونى
امرونى احب لاقتنى بحب
لاقتنى بحب وادوب فى الحب ..........

ونام عمرو وطول الليل بيحلم بحبيبته
وصحى عمرو من نومه على صوت تغريد العصافير وكأن الدنيا كلها فرحانه علشانه
حس عمرو ان ده احلى يوم نام فيه من مدة طويلة اوى
وفكر عمرو ياترى يتصل بيها ولا لا
فقرر انه يتصل ويصبح عليها ويعمل فيها الواد الرومانسى الجامد اوى
اخد الموبايل بتاعه واتصل الووووو
قفل السكة
عمرو :- إيه ده !!!!! ده شكله صوت امها !!! اكيد هى فى المدرسة دلوقتى ؟؟!!
ربنا يستر
وخرج عمرو راح كليته
وفى اخر اليوم
اتصل بيها

عمرو :- الو

ياسمين :- الو

عمرو :- عاملة ايه ؟؟

ياسمين :- الحمد لله ....... وانت عامل ايه ؟

عمرو :- مافيش احسن من كدا حاسس انى اسعد واحد فى الدنيا

ياسمين :- ( ضحكة خفيفة ) .. للدرجادى

عمرو :- واكتر من الدرجادى كمان
انتى مش متصورة انا بحبك قد ايه ؟؟

ياسمين :- قد ايه !!!!

عمرو :- قد عمرى ولو انه صغير اوى عليكي ولو اتمنيت انه يطول فيطول عشانك انت وبس وعشان احبك انت وبس

ياسمين :- يسلام انت بتجيب الكلام ده منين

عمرو :- ده بس عشان بممووووووت فيكي

ياسمين :- طب انا عاوزة اسالك سؤال !!

عمرو :- ايه هو ؟؟

ياسمين :- مش انت قولتلى انك فى كلية

عمرو :- اه

ياسمين :- يعنى بتشوف بنات كتير واكيد فيهم الاحلى منى

عمرو :- بس عرفت انت عاوزة تقولى ايه
اشمعنا انتى يعنى ؟؟

ياسمين :- اااااااااه

عمرو : اولا هما مش احلى منك ولا حاجة انت اجمل واحدة انا شوفتها فى حياتى لفيت الدنيا كلها مش ها الاقى الاجمل منك .... وثانيا الحب مش بأيدينا ولا باختيارنا

( سكوووووت )

عمرو :- طب ممكن انا اسالك سؤال

ياسمين :- اتفضل

عمرو :- انتي حبيتى قبل كدا

ياسمين :- لالالالالالالا ............ انا اساسا اول مرة اكلم حد

عمرو :- والله يا ياسمين وانا اول مرة احب فى حياتى وماكنتش اعرف انى ها ابقى مدهول كدا فى الحب وانى اللى هاحبها هتبقى احلى واحدة فى العالم كله

ياسمين :- ههههههههههه مش اوى كدا يعنى يا بكاش

عمرو:- والله العظيم بتكلم بجد

عمرو :- بحبك

ياسمين :- وانا كمان

عمرو :- يا لهوى انا مش قد كدا انا ممكن اموت منك

ياسمين :- لا بعد الشر عليك

عمرو :- هو انتي عيد ميلادك امتى ؟؟

ياسمين :- اشمعنا

عمرو :- عادى بسأل

ياسمين :- 1/4

عمرو :- لا بجد والله

ياسمين :- والله بجد فيها ايه

عمرو :- والله العظيم انتي 1/4

ياسمين :- اه انت مستغرب كدا ليه ؟؟

عمرو :- ههههههههه اصل انا كمان مواليد 1/4

ياسمين :- هههههههههه بجد

عمرو:- اه والله العظيم شوفتى بقى اللى احنا شبه بعض فى كل حاجة حتى اليوم اللى اتولدنا فيه !!!
يعنى احنا مخلوقين لبعض من قبل ما نشوف بعض

عمرو :- على فكرة انا اتصلت الصبح وتقريبا مامتك هى اللى ردت عليا

ياسمين :- وايه اللى حصل ؟؟

عمرو :- لا ولا حاجة انا قفلت السكة

ياسمين :- وكدا تقفل السكة فى وش ماما
هههههه

عمرو :- طب وانا كنت ها اقول ايه

ياسمين :- على فكرة ماما طيبة جداااااااا وانا مش بخبى عليها اى حاجة خالص

عمرو :- يعنى انتي قولتيلها

ياسمين :- لا لسة بس اكيد ها اقولها لانى ماينفعش انى اعمل اى حاجة من وراها

عمرو :- طب ولو رفضت

ياسمين :- ها احاول معاها و على فكرة كلنا كدا حتى اخويا

عمرو :- اخوكى باسم

ياسمين :- انت تعرفه

عمرو :- ااااه يعنى صحاب نص نص ماهو معايا فى الكلية

ياسمين :- يالهوى

ونكمل الحلقه اللي جايه