أي أحـــــــــبـــــــك

اي احبك والعمر لجلك فديته


اي احبك والمضى لعينك نسيته


اي احبك والهنا يمك لكيته


اي احبك والجسد انتة شريته


اي احبك والشعر لجلك هديته


اي احبك بردي بحضنك دفيته


اي احبك نومي من سحرك جفيته


اي احبك والصعب والله لويته


اي احبك والصبر منك هويته


وابقة احبك حتة لو حبك نسيته


وابقة احبك حتى لو حبك نسيته





مو بيدي .. العشك يسري بحنايا الروح
و من شفتك حبيب الروح سميتك


حسيتك قريب و اغلى كل الناس


و لا جنك غريب و هسه لاكيتك


و مو سكته و دفن حبيتك و
كل الناس تدري بيوم حبيتك



بس تبقى لغز ما تنكشف للغير
يروحي بروح روح الروح ضميتك




ضميتك و اغار من الهوا يحاجيك
و من كد ما غرت ما يوم حاجيتك



يا نسمة هوا شمدريني راح اهواك
كلت مثل الهوا و ما ادرري .. شميتك



من ذاك الوكت ما غبت عن البال
الكلب بسمك تسجل و انحسب بيتك



يا نبعة ورد ما بيك نتفة شوك
ناعم يزهي لونك و العطر صيتك



فصلت البشر سويتهم تمثال
و انت الروح بالتمثال خليتك



حجر كل البشر بس كامو يحنون
قطرة نطيتهم من بحر حنيتك



يا نهر العشك يا سلم الافراح
عطشان و حزين و واكع و جيتك



رايد كلمه منك مو كلام هواي
و اذا انت تريد الروح لبيتك



بس كلمة احبك كافي عاد ارجوك
حتى لو بالجذب بس كول حبيتك.