روايه جرحني وصار معشوقي/ كامله - بدون تحميل جاهزه للقراءة

*******************
دخلت عليهم أم رعد في الغرفه:ريم
ريم فزت واقفه من سدحتها:أيوه
أم رعد:عندنا ضيوف اليوم اجهزي أبغاك في البيت
ريم باستغراب:مين
أم رعد :أم بسام صاحب أخوكي أول مره تزورنا لا تطلعين من البيت
ريم فتحت فمها بعدم إستيعاب:هــــا
أم رعد:لا تنسين
ريم ساكته ولاردت مو مستوعبه
لميس طالعت ريم لقتها مبلمه وخافت خالتها تشك بشئ قالت بسرعه:إن شاءالله خالتي
طالعتها وصدت طالعه برى الغرفه
لميس نغزت ريم بكتفها بقوه:ريمــــــــــو و و و و و و و و و ه
ريم وعيونها ع الباب:سمعتي اللي قالته أمي
لميس:سمعتها،وفضحتينا ليش مارديتي ع امك
ريم:مادري إنربط لساني لما قالت أمي بيجون
لميس بلا اهتمام وهي تجلس تمشط شعرها:طيب وإذا جوا
ريم لفت عليها بحماس:تهقين بيخطبون
جمدت إيد لميس ع شعرها تطالع صورة ريم المعكوسه في المرايه للحظه ثم انفجرت تضحك:هههههههههههههههههههههه
خبله إنتي لايروح فكرك بعيد
ريم بخيبه:أنا أقول يمكن
المغرب تجهزوا البنات
لميس لبست فستان ناعم لونه أحمر وحطت مكياج هادي وشعرها فكته مسيحته ع أكتافها ولابسه شريطه حمرا ساتان
ريم لبست فستان ممزوج ألوان زاهيه وفكت شعرها ولففته وحطت مكياج ناعم
لميس بابتسامه:الله كل هالحلا علشان أم بسام
ريم تحرك شعرها باستهبال:أكيد هذي خالتي أم زوجي لازم
أكشخ لها
لميس:هههههههه لابعد زوجتي نفسك لولدها
ريم تغمز:إن شاءالله
نزلوا تحت البنات ولما وصلوا للمجلس وقفت ريم فجأه ولفت ع لميس وهمست:شكلي حلو
لميس ابتسمت:أيوه حلو يالله ندخل
ضحكت لميس لماشافت ريم تاخذ نفس وتعدل وقفتها كأنها بتدخل ع خطيبها مو حريم
دخلوا :السلام عليكم
شافوا وحده كبر أم رعد تقريبا ومعاها ثلاث بنات
:وعليكم السلام
سلموا وجلسوا جنب بعض
أم رعد عرفتها عليهم :هذي بنتي ريم وهذي لميس بنت عمهم
أم بسام ونظراتها تتأمل لميس:ماشاء الله الله يحفظهم
سولفوا شوي وقاموا البنات يجلسون في المجلس الثاني
عند البنات
يسولفون مع بعضهم وكأنهم يعرفونهم من زمان كانوا مرره حبوبين ويدخلون القلب بسرعه
لميس لاحظت إن البندري(بعمرهم) تتأمل ريم وتبتسم ونظراتها غريبه
بشرى( سنوات) ببرائه تطالع
ريم: بندري هذي اللي يحكي عنها بسام
ريم وكأن مويه با ا ا ارده انكبت عليها تطالع بشرى بصدمه
البندري خزت بشرى بنظرات سكتتها
لميس بتسحب الحكي من بشرى :بسام
بشرى تحمست:أيوه بسام شافها وقالنا إنـ.....
البندري:بشرى
ريم منحرجه مررره ووجهها أحمر من الفشيله"ياويلي قايلهم.لايكون قالهم بعد إيش لابسه يا ا ا ا ا ا ا افشلتييييي"
البندري شافت وجه ريم الأحمر وضحكت:سوري ريم ..بس أخوي شافك مره بالغلط ...و.. وإحنا بغينا نشوفك ونتعرف عليكي
بشرى لسانها مفلوت:يقول حلوه مرررره
البندري خزتها:بشرى روحي العبي برى في الحديقه
طلعت بشرى مبوزه
وريم تمنت تدخل جوه الكنبه وتختفي من المكان من الإحراج
لميس:ههههههههه
البندري تطالع ريم وتبتسم: بصراحه أخوي صادق إنتي تهبلين وعسل
ريم ساكته باحراج أول مره تنحط في الموقف هذا ومن مين من إخت فارس أحلامها
دخلت رغد وانقذتها من الموقف
ومر الوقت سوالف بينهم وريم أختفى الإحراج منها وسولفت مع البندري وأخذت عليها
دق جوال البندري قطع عليم سوالفهم شافت المتصل وردت وهي تبتسم و تطالع ريم:يا ا اهلا.....تمام...هههههه مو وقته ....أيوه خلاص.....أوكيه باي
سكرت جوالها :هذا بسام ينتظرنا برى
ريم خفق قلبها بقوه ووجهها احمر من نظرات البندريلا ا ا ا ا ا ا ا ا ا ا ا اص
ضحكت البندري والبنات وودعوا بعض وطلعوا
ريم مسترخيه ع الكنبه بفستانها وحاطه إيدها ع فمها تتثاوب:أبغى أنا ا ا ا ا ام
لميس تطالع ساعة يدها الألماس الناعمه: بدري لسى
ريم قامت:لا دايخه أبغى أنام(مدت يدها للميس)قومي
قاموا وطلعوا من الصاله ع دخلت الشباب :السلام عليكم
:وعليكم السلام
فيصل:وشرايكم في خوات بسام
لميس لاحظت نظرات العيون العسليه الناعسه وطنشتها
ريم بحماس:يووووووووه حبوبات مره ويدخلون القلب
فيصل يطالع لميس:وإنتي لميس وشرايك
إبتسمت:أيوه ماشاءالله كيوت
رعد بنغزه:وأكيد عاقلات ومتربيات زين
لميس فهمت نغزته وانقهرت منه ناظرته ببروووود وصدت عنه:ريم يالله مو تقولين بنام
عادل:لا أسهروا معي
ريم :فاضيين لك إحنا .نايم النهار كله وشبعان
عادل فتح عيونه بصدمه:بسم الله أكلتيني روحي نامي نامت عليك طوفه
ضحكت لميس وريم ضربت كتفها:وتضحكين بعد.يالله إمشي قدامي
تحركت لميس معاها وهي ماسكه ضحكتها وعادل يقول باستنكاريـــــر لايكون خدامه عندك وإلا بنتك(يقلد صوتها)يالله إمشي قدامي
ريم :وإنت وش دخلك
فيصل بطفش:أقول تراكم صدعتوا روسنا اسكتوا وكل واحد ع غرفته
وطلع الدرج مع رعد
وعادل دف ريم من كتفها:روحي نامي جعلي أصحى بكره علشان أشيل الطوفه عنك
وانحاش يركض ع الدرج
لما صرخت ريم:عدووووووووووووووووووووول
*************

كانت جالسه في الصاله لمادق جوالها
لميس:hello
هند:هلا لموس.كيفك؟
لميس:تمام وإنتي
هند:.cool‏ إسمعي اليوم لازم تجين عندنا مع ريم
ريم عقدت حواجبها بتساؤل:whay
هند:بيجون عندي بنات عمي ويبغون يقابلونك ولازم تجين
إنتي واعدتني إنك تزوريني
لميس إبتسمت:إن شاءالله.محاضره
هند ضحكت:هههههه إيش أسوي ماينفع معاك إلا كذا
لميس:أوكي بقول لريم واردلك
سكرت منها ع سؤال ريم:مين
عادل طرف عينه:يالقفك
ريم بنفس النظره:وإنت وش لقفك إنطم بس
عادل بلعانه:إنتي اللي إنطمي
ريم بتأفف:أفف بزر
عادل:وإنتي عجوز
ريم فتحت فمها بترد عليه بس
لميس قاطعتها بطفشلا ا ا ا اص عاد أعوذ بالله توم وجيري
ريم :مين كنتي تكلمين
لميس:هند وعازمتنا اليوم
رنا باشمئزاز:يييع لايكون القرويه
لميس باستخفاف:أيوه القرويه عندك مانع
رنا بسخريه:ووع كيف مصاحبتها صدق قالوا الطيور ع أشكالها تقع
عادل بنرفزه:رنا إبلعي لسانك واسكتي
رنا طالعته بقرف:مابقى إلا البزران تسكتني علشان هذي(تأشر ع لميس بقرف)
مشت طالعه من الصاله وهي تقول بغرور:وحده زباله سمعتها ع كل لسان
إنصدمت لميس تطالع الباب اللي طلعت منه
ريم:ماعليك منها هذي تقول أي شئ علشانها مقهوره
لميس رمشت بعيونها بعدم تصديق"إيش قصدها أنا سمعتي ع كل لسان...لا..لا هذي وحده حاقده ومقهوره وتقول أي شئ"
قامت ريم لماشافت لميس سرحانه وأكيد تفكر بكلام رنا
:يالله لميس علشان نجهز
قامت لميس معاها مقرره
تطنش كلام رنا
**************
ماسكه فستان أخضر وبنطلون وبلوزه ومحتاره:إيش رايك ألبس الفستان وإلا البنطلون
لميس:إممم لا إلبسي الفستان لأنك أول مره تروحي لهم
ريم رمت البنطلون والبلوزه ع السرير وهي تلف لغرفة التبديل:أوك
لبست فستان عشبي ناعم علاقي وعليه جاكيت قصير للصدر أبيض بتطريز ناعم بلون الفستان وحطت لمسات ميك أب ناعم وانثرت شعرها الكستنائي بأريحيه ع أكتافها
أخذت عبايتها وطلعت من غرفتها مرت ريم ونزلوا تحت بعد ماكلمت ريم السواق يقرب السياره من المدخل
**********
جالسين في المجلس بعد ماعرفتهم هند ع بنات عمها
كانوا ثنتين مره عسولات بشاير وميساء بس وحده خجوله والثانيه جريئه وحركاتها تشبه حركات هند وبينهم مناوشات ماتخلص
دخلت هند معها كتاب ومدته للميس:هذا الكتاب اللي تبغيه
أخذته لميس وفتحته :وا ا ا او حامد زيد
ميساء تحاكي لميس:تحبي الشعر
لميس:أيوه
بشاير تغمز لها:أجل إنتي رومانسيه
لميس ضحكت:مو شرط
بشايرباصرار:لا أكيد رومانسيه
دامك تحبي الشعر
ريم:بنت عمي تحب الشعر وشكلها مرررره نعوم بس تشوفينها تقولين الرومانسيه من هنا وهي من هنا (تقصد أمل)
ضحكت لميس:هههههه حرام عليك أمول عسل
ميساء تحمست:شكلها وناسه ليه ماجبتوها معاكم
ريم:مره ثانيه إن شاءالله
هند تحاكي لميس:ها لميس بتاخذينه
لميس تفتح شنطتها:أكيد باخذه
ودخلته داخل الشنطه
إنبسطوا كثير في زيارتهم وناسه ورقص وسوالف يعني فلللللللللله وونا ا ا اسه
بعد العشى وصل السواق عندالباب والبنات طلعوا في الصاله عند المدخل يلبسوا عباياتهم
لمحت لميس شاب من المرايه اللي كانت قدام باب المدخل وتعكس اللي عندالباب للي برى
وواضح إنه كان بيدخل بس شافها كان يطالعها بذهول
رجعت ع ورى بسرعه وداست رجل ريم اللي كانت وراها
ريم دفتهاعنها كردة فعل:آ آ آ آه شفيك
لميس بربكه تأشر ع الباب:فيه أحد برى
هند مستغربه:والله
مشت للباب وطلت منه شافت باب الشارع مفتوح
هند لفت للبنات:معقوله بدر رجع
لميس إنحرررجت لأن بدر شافها
وتفشششلت
طلعوا في الشارع ولمحت من طرف عينها شاب في سيارة سودا ورى سيارة السواق وعرفت إنه بدر
ركبت بسرعه بعد مافتح لها السايق الباب
العصر
صحت من النوم مصدددددعه لأنهامانامت زين كانت سهرانه ونامت الفجر
دخلت الحمام وأخذت شور سريع تتنشط فيه طلعت لابسه روبها الوردي ولافه المنشفه ع شعرها
وقفت قدام المرايه وشالت المنشفه عن شعرها وإنتثر ع أكتافها حركت شعرها يمين ويسار بدلع وهي تبتسم
تحس بنشاط بعد الشور والصداع خف
مشطت شعرها وراحت لدولابها فتحت ودارت بنظرها ع ملابسها محتاره إيش تلبس
تذكرت إن أمل بتجي عندهم
طلعت لها تنوره مكسره كسرات خفيفه سودا ميدي
وبلوزه بيضاء نص كم عليها جاليه بألوان متداخله وخلت شعرها بطبيعته حطت كحل خفيف وقلوس
لبست صندل واطي
وطلعت مرت ع غرفة ريم ماحصلتها
نزلت تحت في الصاله شافتها منسدحه ع الكنبه قدام ال تي في ومعاها الريموت وتقلب في القنوات
لميس:ريم
ريم وعيونه ع ال تي في:هممممم
سحبت منها الريموت:قومي غيري بيجامتك أمول بتجي اللحين
قامت ريم تأفف لأن باين مالهاخلق شئ
جلست لميس مكانها تقلب في القنوات بطفش
سمعت ضحكه والتفت شافت رعد داخل والجوال في إيده يكلم ويضحك ولماشافها إختفت إبتسامته وسكر الجوال
وجلس ع كنبه مفرده
كان ودها تقوم بس غيرت رايها وقررت تنطشه وركزت نظراتها ع ال تي في
تحس بنظراته وتوترت وصارت تهز برجلها بدون ماتحس
سمعت صوته الغاضب:إذا مو طايقه الجلسه قومي لاتنكسر رجلك
سفهته ولا ردت عليه ولاحتى بنظره وزادت هز رجلها عناد فيه وتأففت
سمعته بعصبيه:هـــــــــي إنتي تراك مصختيها قومي إنقلعي برى
ناظرته باحتقار:إذا موعاجبك إطلع ماحد حالف عليك تجلس
قال بعصبيه:شكلك ناسيه نفسك
هذا بيتي ياحلوه أنا أجلس وإنتي تطلعين إذا ناسيه إنتي هنا إيش وإلا حابه أذكرك
جرحها حكيه وطريقته وهويأشر عليهابقرف وإحتقار كأنها حشره قدامه وإلا جالسه ع قلبه هذا بيته موبيتها وهي الغريبه بينهم أهان كرامتها للمره ألف وللأسف غبيه عطته وجه لين أهانها
قامت من مكانه وحابسه دموعها ومشت بانكسار مع إنهاتحاول ماتوضح له إنها تأثرت
بس غصب عنها وضح عليها لأنها ماردت عليه ولا طالعته
ماتبيه يشوف دموعها وينبسط
طلعت وسمعته يتنهد
"لهدرجه أنا كابته عليه واكيد ع البيت كله"
شافت ريم نازله تبتسم لها إبتسمت لها وهي تحس ريم غير إختهااللي ماجابتهاأمها........

ريم تدور حول نفسها:إيش را ا ايك
لميس تبتسم:تهبلين
طلع من الصاله وشهقت ريم لماشافته:رعــــــد متى جيت
ضربها ع راسها بخفه:كم مره قلت لك لا تشاهقي
لميس بدون ماتناظره:ريم بطلع للحديقه
جلست ع الكراسي قدام النافوره وطلعت جوالها وفتحت الصور
بلعت غصتها لماشافت صورته
كان لابس شورت وبلوزه كت ويبتسم إبتسامته الجذابه لها واقف عند البحر كانت هي اللي مصورته
غرقت عيونهابالدموع"آ آ آ آه رامي وينك أنامن غيرك ضايعه
عايشه في بيت غريبه فيه .كله كره وحقد وحب من طرف واحد متخبطه بينهم بعد ماكنت عايشه في بيت كله حب وحنان
آ آ آ آ آه را ا ا امي وينك "
حطت إيدها ع فمها تمنع شهقتها ودموعها تنزل ع خدها بحراره
سندت إيدها ع الطاوله وراسها عليها وإنتثرشعرها حول وجهها وعيونها الدامعه مافارقت وجهه
مسحت دموعها بكفها ورفعت راسها لماسمعت خطوات
شافته يطالعها ثم لف متجه لمواقف السيارات ورافع جواله لإذنه
جلست ريم قدامها:إيش فيك
إبتسمت غصب:مافيني شئ
سحبت منها الجوال:أشوف إيش تطالعين
إختفت إبتسامتهالماشافت الصوره ورفعت راسها تطالعها
إبتسمت لميس بضعف ودموع مغرقه عيونها:إشتقت له
شهقت وغطت فمها تمنع شهقاتها ودموعها الحاره تنزل ع خدها
قامت ريم وجلست جنبها تحضنها:لميس حياتي إهدي
ضمتها لميس وإيدها تشد ع بلوزة ريم تبكي بحرقه وتشهق بألم تحس قلبها ينعصر بألم
إشتاقت له إشتاقت لحضنه لضحكته لإبتسامته لحكيه لإيده تمسح ع شعرها بحنان
ماهي قادره تطفي نار شوقها بشوفته
ريم تقطع قلبها ع لميس تحاول ماتبكي علشان ماتزيدهالاص لموس ياقلبي إدعيله
بعدتهاعنها وهي تمسح دموعها وتهديها:حبيبتي إهدي خلاص
قومي غسلي وجهك اللحين توصل أمل مابغيهاتشوفك كذا(كملت بمزح تلطف الجو)عاد لماتشوفك تهج وماعاد ترجع.عاد مشكله ماأصبرع لجتها
إبتسمت لميس وقامت تغسل وجهها ورجعت
شافوا أمل تمشي لهم محتاسه إيدها ماسكه أكياس وتصارخ:ميــــــــــــــــــــــــري
رمت الأكياس ع الطاوله معصبه:ويــــــن الخدم وش كثرهم ولا فيه أحد يجي ياخذ الأكياس مني والسواق لابارك الله فيه وصلني وهرب
كتموا ضحكتهم وهم يشوفوا ميري ووحده من الخدم جايين يركضوا:‎ yes miss
ريم بطنازه وإيدها ع خصرها:لا كان ماجيتوا تعبتوا نفسكم بصراحه
ريم وصوتها فيه الضحكه:‎It's ok you can go
ريم تفسخ عبايتها:لا وش قو خذي عبايتي
لميس تطالع الأكياس:إيش جايبه معك
أمل تبتسم:جايبه حلى ياحلو
ضحكوا ودخلوا داخل
***********