| قسم الأدب العربي و العالمي هو للمنقول من الشعر والنثر، والقصص والروايات مع الالتزام بشروط النقل الموضحة بموضوع القوانين |
10-09-2011, 05:21 PM
|
#30 |
|
بنوتهــ وافتخر ...~~
|
رد: روايه جرحني وصار معشوقي/ كامله - بدون تحميل جاهزه للقراءة
أبو مرام دخل للمستشفى من
أثر الصدمه اللي جته في بنته.. مومصدق إن بنت مصابه بالإيدز وبطريقه نزلت راسه في التراب...ومع مين مع ولد إخته اللي مخليه يسرح ويمرح في البيت من غير إهتمام.... وهذي النتيجه...سلمه بنته بنفسه مرام صابها إنهيار لماعرفت بمرضها...مو مصدقه إنها تحمل هالمرض الخبيث... كانت تنام ع مهدئات لين تدهورت حالتها...خصوصا بعدما تبرى منها أبوها بعد ماخرج من المستشفى وأعلن للناس إنها توفت...ونقل كل أملاكه للخارج وعاش هناك... زياد طلقها لكنه ماتخلى عنها بطيبة قلبه كان يزورها ويتطمن ع حالتها... تولين عرفت باللي صار صحيح تأثرت باللي صار في مرام لكنها مافكرت تروح لها...العذاب اللي شافته منها ماخلاها تقدم ع هالخطوه.... *************** كان جالس في الحديقه...وصوت صرختها باسمه تتردد في راسه ... للحين مومصدق إنه سمعها تنطق إسمه...كانت تناديــــه تستنجد فيــــه....معقوله كانت لاتزال تحبــــه...لكن الموقف مو قادر ينساه.... تنهــــد بضيق...مو عارف كيف يفكر... حس بأحد جلس جنبه وشاف البندري... كانوا ساكتين وفجأه قالت البندري:ريم تطلقت... شافته التفت بصدمه يناظر فيها ثم رجعت ملامحه تضيق وهو يرجع يناظر في المسبح... تنهدت وهي تقول:تدري إن هذي مو أول مره يسويها عبدالله... التفت عليها بصدمه:شنو... ماناظرت فيه وهي تقول :سواها قبل يخطبها وتجبرها أمها إنها تتزوجه...لكنه الحمدلله ماقدر عليها... بسام :إنتي إيش قاعده تقولين التفتت تطالع فيه:ريم تحبك يابسام...وإنت تحبها وكنت بتخطبها لولا الموقف اللي شفته وكنت تظن إنها خانت حبك... ريم ماكان لها ذنب كان هذا من تدبيره هو وخواته.... لاتضيعها من يدك مثل ماكنت بتضيعها... قامت لكن بسام مسكها وهو يحس نفسه مو فاهم شئ مو قادر يستوعب اللي قالته...كيف عرفت باللي صار..:بندري إنتي من صدقك ... إبتسمت وهي تقول:أنا سمعت من وحده من البنات ..وعرفت إن هذا سبب جفاك لأنه في اليوم اللي رجعت فيه منقلب حالك وعرفت السبب...لاتضيعها من يدك بسام... راحت تاركته في دوامة صدمته مو مصدق إن ريم بريئــــه وهو ظلمهــــا وكان بيضيعها من يده ... ************* هدى حست بفرحه وراحه بعد مانفذت تهديدها وإنتقامها من دلال بعد مانشرت صورها مع نايف الشخص اللي إستخدمته في خطتها ضد لميس والشباب غيره بمساعدة نايف اللي حب ينتقم منها... خصوصا لماسمعت إن أبو دلال ملكها بالغصب ع واحد أكبر منه بكثير وصارت زوجته الرابعه... كان يبغى يتخلص من فضيحتها بأي طريقه... صحيح هي...خسرت كل شئ... خسرت حياتها ومستقبلها.. وأمها اللي إنهارت لماعرفت إن بنتها حامل... حبستها في غرفتها ..وكل يوم كانت تموت فيه أكثر من مره خوفا من خوالها وأعمامها اللي أكيد ماراح يتركوها عايشه إذا عرفوا... حياتها إنهدمت ..وندمت ع كل شئ سوته...وخصوصا في لميس ... شوهت سمعتها وحاولت تخرب حياتها وكل هذا إنقلب لها....وصار فيها...وهذي نتيجة اللي يمشي في طريقها..... عرفت إن هذي حوبة لميس فيها وفي أمها بعد اللي سووه فيها..شوهوا سمعتها وسمعة أمها وإتهموها وأمها بالباطل وإنعكس عليهم... ***** بعد مادخلت للبيت نزلت عبايتها وقالت وهي تطالع فيه وهو طالع من مكتبه وفي يده ملفات : بتطلع... طلال:أيوه لازم أرجع للشركه عندي إجتماع.. شاف الضيق في ملامحها وهي تجلس... وطلع.. كانت مقهوره ومتضايقه كان نفسها تجلس معاه.. طول الوقت منشغل عنها بشغله ياما في الشركه أو في مكتبه...بدت تمل من هالوضع إستغربت لماشافته داخل وقالت:نسيت شئ.. طلال:أيوه... قامت وهي تقول:إيش هو.. ناظر فيها وقال:إنتي.. ناظرت فيه بحيره:أنا.. طلال:أيوه..يالله لبسي عباتك وتعالي.. أمل باستنكار:ع الشركه.. ضحك ع ملامحها المتفاجئه وقال:لا عازمك ع العشا .. لماشافها تناظر فيه قرب منها و قال بحنيه وإيده تتخل شعرها اللي منسدل ع أكتافها:أنا عارف إني مقصر معاك وشغلي ماخذ كل وقتي...وعارف إنك مليتي من الوضع..وأناعاذرك مافيه وحده ترضى وتتحمل إن زوجها يكون منشغل هنا طول الوقت.. بس أنا أوعدك إني أحاول قد ما أقدر إني أوفق بين البيت والشغل... حمر وجهها خجل وخفقات قلبها زادت لما باس جبينها وحضنها.. فتحت عيونها ع إتساعها لما همس بحب:أحبـــــك... هي يتهيأ لها ولا صدق... يحبـــــها.. ماكانت متخيله إنه بيصرح لها بحبه وخصوصا في هالوقت.. حست نفسها تحترق وبتمووت خجل .. بعدت عنها وهي تقول بارتباك و خجل :بروح ألبس عباتي.. إنصدم لماشاف وجهها الأحمرر وعرف إنها منحاشه بسبب خجلها...ضحك..وهو يتحرك بيطلع ينتظرها برى..وزاد ضحكه لماشاف عبايتها ع الكنبه.. نست إنها تاركتها هنا... *************** *************** كانوا الشباب مجتمعين كالعاده في مجالس قصر أبورعد... مشكليــن دائره ويلعبون بلوت.. ماعدا بسام اللي جالس بعيد قدام التلفزيون..ومو لمه.. سرحان وعقله يدور في الكلام اللي قالته إخته البندري... رائد بطول صوته: في نا ا ا ا ا ا ا اس جالسين يعني إني متابعين وعقولهم وقلوووبهم في مكا ا ا ان ثاني.. إيش نسميهم .. قال عادل:عشا ا ا ا ا اق.. ضحكوا الشباب لأنهم عرفوا إنه يقصد بسام .. اللي طالع فيهم وطاحت نظراته ع عيون فيصل اللي يطالعه...بصمت.. حول نظراته عنه لماجا في باله بسرعه الموقف اللي طاح فيه لما أعماه حبه وغضبه وإنهال ع عبدالله قدام فيصل اللي أكيد تفاجأ من إندفاعه وشك في الموضوع.. وقال ببرد  لك في لعبك إنت وإياه...قام وهو ياخذ جواله من ع الأرض ويدخله في جيبه:أنا ماشي رائد وهو يرمي ورقه : وين رايحه لسى بدري.. بسام:وراي دوام مو مثلك تنام لين يقول النوم إرحمني.. رائد بفجعه:قول ماشاءالله يادوب حتى ع النوم حاسدني يمه منكم يامعشر الدوامات.. بسام بتريقه:كلها هالسنه وتنضم لمعشرنا طلع ووقف وهو يفكر يفاتح فيصل في الموضوع وإلا يأجله.. قطع أفكاره يد فيصل ع كتفه:ليش واقف.. التفت:هاه ماشي اللحين فيصل يناظره بتفحص:بسام ماعندك شئ بتقوله... سكت بسام ثم إنطلقت الكلمه من فمه من غير شعور... فيصل بدهشه:ريم.. بسام إرتكب لماشاف ملامح فيصل وقال:أ أيوه ريم... ناظر في فيصل لماطال سكوته وشاف يطالعه بنظره مافهمها بصمت ثم قال:كنت تحبها... تفأجأ من كلامه وماقدر يقول شئ..ماكان متوقع إن فيصل بيصرح بهالشئ.. فيصل تنهد ثم قال:أنا عارف إنك تحبها..بس ليه توك تطلبها كانت قدامك طول هالوقت .. بسام:عارف إني تأخرت..بس أنا شاريها..ويشرفني إنهاتكون حليلتي.. إرتبك لماشاف نظرات فيصل الصامته..قبل يضربه ع كتفه ويحضنه بفرحه:لسى بدري يا غبي... زفر براحه وهو يضربه ويقول:يقطع بليسك وقفت قلبي ... ضحك فيصل وهو يبعد عنه وبسام يقول بضحكه:راضي تقول عني غبي وكمخه بعد بس بجيب لي الموافقه... إبتسم فيصل وقال:إن شاء الله خير..بس ماأضمن لك ..تعرف بعد اللي صار لها .. قاطعه بسام وهو يقول:عارف .. فيصل بابتسامه:أوك .. ******************** |
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض الشجري
|
|
المواضيع المتشابهه للموضوع روايه جرحني وصار معشوقي/ كامله - بدون تحميل جاهزه للقراءة:
|
||||
| الموضوع | كاتب الموضوع | المنتدى | مشاركات | آخر مشاركة |
| فيلم المشبوه نسخه كامله بدون حذف مشاهدة مباشرة اونلاين + تحميل مباشر | fatmarabee | قسم الأرشيف والمواضيع المحذوفة | 3 | 03-19-2011 11:47 AM |
| ريما و نواف روايه جنان (لا تطوفكم ) | مهستر والله يستر | قسم الأدب العربي و العالمي | 166 | 11-28-2010 11:51 AM |
| أطلب منكم كيفية تحميل pdf وهو للقراءة فقط | العاشق 2005 | أرشيف قسم البرامج | 0 | 10-25-2008 10:10 PM |
| طلب لعبه prince of persia the two throns كامله بدون اى حذف | العاشق 2005 | قسم الأرشيف والمواضيع المحذوفة | 0 | 09-24-2008 06:21 PM |
الساعة الآن 04:19 PM.
Powered by vBulletin® Copyright ©2000 - 2025, Jelsoft Enterprises Ltd.
كُل ما يُكتب أو يُنشر في منتديات العاشق يُمثل وجهة نظر الكاتب والناشر فحسب، ولا يمثل وجهه نظر الإدارة
rel="nofollow" 