عزوبي ومتزو ج

أسعدالله أوقاتكم حبايبي وأهديكم هذه القصيدة الاجتماعية لشاعر الجزيرة علي القحطاني وقد غناها الفنان الذي أعشقه منذ الطفولة الفنان الراحل عيسى الأحسائي يرحمه الله وهي عبارة عن محاورة بين المتزوج والعزوبي ويارب تعجبكم :
عزوبي ومتزوج غدا شرهم شرين = وانا جيتهم من عرض عربان فزاعة
وهذا يعيرذا والناس ملتمين = وحنا بلغنا حول خمسين فراعة
يقول العزوبي من تزوج غدا مسكين = وهذا الرجل متحمل الهم وانواعه
حنا لنا هيبة والأزواج خدامين = وكم مرة جيته وورعه على ذراعه
ترى زوجته تأمر وما عنده إلا (زين) = ومسكين دايم عنده السمع والطاعة
ولا غابت أم الطفل يبكي لفرقا العين = يزين فراشه ثم يعطيه رضاعه
ولا من بغى يطلع من البيت قالت (وين) = لزوم يعلمها بشغله ومرجاعه

وقال المزوج للعزوبي بمنطق شين = صحيح أن لك في اليوم غترة ودراعة
سلاطين في الشارع وفي البيت طباخين = ولا جا يزين عيشته وسخ القاعة
ولا يسكنوا بالشارع اللي به الحلوين = وكنه حرامي منه الناس مرتاعة
ولا من دخل للسوق منه الناس متوذين = ولا شاف زول ناظره بين الساعة
ولو كان له لحية ويمشي مع اهل الدين = عزوبي عزوبي ما علينا من اطباعه