انخطبتي

انخطبتي
شلون گليلي نخطبتي
شلون هانت هالسنين وبالعجل يفلانه رحتي ؟
شلون ما فكرتي بيه ابقى اعيش بلايه حبچ ما حسبتي ؟
ما حسبتي شراح اسوي .. شلون انام اليل بس انه ودمعتي .؟
انخطبتي ؟
الياهو گليلي نخطبتي ؟؟؟
احچي مو نزلت دمعتي
احچي هم ويآه گعدتي .؟ هم طلعتي.؟ هم لعبتي .؟
هم شبچ بيده اعله ايدچ .؟ هم لزم شعرچ يمحبوبة وضحكتي .؟
ومثلي هم بالليل بين احضاني نمتي .؟

انخطبتي .!!
شلون وآنه الليل اظل كله بحسرتي
آنه ياما وياچ گاعد .. ياما شاعر .. ياما كاتب
ياما وسط الگلّب نمتـي ..
انتي انتي ..
انتي بس لحظة بحياتي
ويا حياتي بسرعه مريتي وعبرتي ..
وآنه بس ويآچ ما رهمت قسمتي ...

انخطبتي ..
روحي الله وياچ يا أحلى الجُمل ما بين قصتي
روحي يامن بالگلّب خنجر غدر بيدچ زرعتي
روحي الله ويآچ يا آخر حرف گلته على شفتي ...>>