تلهة بفيض دمعك وأحسب دموع من كتاباتي

تلهة بفيض دمعك وأحسب دموع ..

ألمامعقول كول يصير معقول

معروفة ألمصيبة تشيب ألراس ..

لجن عدنة ألمصيبة تشيب إلعقول

أمس جول أليتامة ينوم ألذياب ..

هسة ألذيب صاحي ونايم ألجول ..

حزنك صار صورة إتعلكت بيك ..

وتلولي وحزنك يغني ألدللول ..

كاروكك كبر بي تغفة ألأيتام ..

ألحزينة ألبيهة عرك ألعوز مشتول ..

ألخيالة أكثرت بيك وتطم كون ..

لجن شردت إمن أرضك كل ألخيول ..

صبرآ ياوطن باجر يجي ألخير ..

باجر نلكة كل ألعوز مشيول ..

ولو باجر مشة من دون ألأيام ..

ولكيتة إعلة ألرصيف بجور مكتول ..

صبرآ ياوطن مذبوحة ألأيام ..

إعلة بابك هاي شدة وبعد متزول ..

صبرآ ياوطن حطوك عالكاع ..

ألجنت فوكاهم أنت بجنح منسول ..

أنعكد كلش لسانك يا وطن ليش ..

تسكت عالجروح شبيك متكول ..