شاركنا مواقفك !! مع جنتل خلدون ..

بسم الله الرحمن الرحيم

السلام عليكم
معاكم خالد الشيخ أو جنتل خلدون

كيف الحال وكيف الأحوال ؟؟

بقدم لكم موضوع هدفه الأساسي
الضحك والفرفشه والوناسه
وعنوانه شاركنا مواقفك وش صارلك
من المواقف المضحكة

وياليت من جميع الأعضاء يقدمنا موقف صارله

أنا راح أبدأ :::___

ذات يوم من الأيام ذهبت مسرعا والطريق ظلمه >>> أمزح أمزح


الكلام ذا صار في الرحلة المدرسية
((((( ملاهي الشلال))))))

الرحلة كانت يوم الثلاثاء
المهم في يوم الاثنين أعطونا الأوراق
حقت الرحلة

المهم قعدت أعلم زملاي إني يوميا أركب قطار الموت ومرات أركبها ومعاي عصير >>> أنا والله ولا عمري ركبتها

قالوا لي : طيب خالد إنت ما عمرك خفت ؟؟

أنا : يا رجل ليش أخاف ( أخاف من لعبــه ) آخر زمن
والله ي ذاك اليوم إن محد قاعد يعبي راسي غيري أنا


ورجعت البيت وانا واااثق من نفسي
والله يوم جاء الساعة 10 بالليل موعد نومي .

قلت لنفسي يلعن أم الورطه اللي حطيت نفسي فيها . وش أقولهم بكرة)

والله ونمت وقمنا الصبح
إمي قالت لي روح تروش وتزبط يعني روح تجنتل >> مأخوذه من جنتل

بديت أفكر أسوي نفسي إني تعباان علشان ما أروح فقلت ما عندي الا ذي الفكرة بما إني في الحمام ( الله يكرمكم ))

قلت لنفسي أطول في الحمام
جات أمي قالت وشبك خااالد ؟؟!!
قلت : يا أمي عندي مــغــص مو طبيعي


فقلت خلاص بدال ما أغيب وأسوي سالفة وأقوم أخذ أدوية وأنا ما أحتاجها


روحت المدرسة والطلاب متحمسين
وأنا خااااايف من قطااار الموت

عاد ركبنا الباص وصارت مصخرة هناك ورقص وغناء ههههههههههههه

وأول ما دخلت الملاهي تعرفون وش كنت ألعب (( لعبة السيارات ))

والله يا زملااااي قعدوا يضحكوون ضحك مو طبييعي

كلهم يقولون : وين راحت الشجاعة وينها
هههههههههههههههه

و أعتذر إني طولت القصة وأتمنى منكم
تشاركوني موقفكم

وشكرا لكم