| قسم النُكَتْ والألغاز هذا القسم يهتم بالنُكَتْ المُضحكة والشيقة وكذلك يهتم بمواضيع الألغاز بشتى أنواعها بإلتزام الأداب الإسلامية دونَ خدشٍ أو تجريح أو تشهير. |
|
#1
01-30-2010, 10:13 PM
|
||||
|
||||
|
مقارنة بسيطة بين الشاب و الآنسة
المقارنة الأولى
الفتاة لما تشوف ولد معجبه به تنظر إليه من تحت لتحت منغير ما حد يلاحظ أما الولد تلاقيه دور راسه زي البومة 360 درجة و كل اللي في الشارع يلاحظه  المقارنة الثانية لما تدخل القطة البيت البنت تقرب بهدوء و تأكلها و تكلمها و تقول: بكرة أدخلك البيت و تخرجها بالراحة و كأن القطة بتقول: روحي إلهي تكسبي!! و تقفل الباب و هي تنتظر بكرة بفارغ الصبر عشان تدخل القطة المسكينة أما أبو الشباب ساعة ما يشوف قطة في بيتهم يفكر روحه زين الدين زيدان أو بيكهام و القطة المسكينة تخرج من الزاوية اليسرى للنافذة و كأنها تقول: إيه الوش العكر دة و الكلام دة طبعا قبل ما تقع في برميل الزبالة الأقرب لها و للأسف تطلع تسلل لأن الزبال مكنش موجود المقارنة الثالثة لما البنت تشوف رصار في البيت تسمع نغمة حادة مرتفعة و بعدها تأخذها الشجاعة و تمسك الشبشب_أكرمك الله_ و تقول: و الله لأموتك لازم تموت يا أنا يا إنت في البيت و دة كله قبل ما السيد الوالد ينزل على دماغ الصرصار بالشبشب الرجالي أما الأخ فمجرد ما يشوفه تلاقي جنون العظمة نزل عليه فجأة و يفكر روحه هتلر و تلاقيه مسك الصرصار الغلبان و بدأ بتقطيع رجوله الأربعة و تبدأ عملية الإستجواب الأولى: فين بابا؟ الثانية: فين ماما؟ الثالثة:فين ساكن؟ الرابعة: إيه اللي جابك هنا؟ و بعدين يرميه حي عشان يكون عبرة لكل صرصار يتجرأ يدخل بيتهم و هو موجود المقارنة الرابعة لما الوالدة أو الوالد ينادي تلاقي البنت بكل ذوق و أدب وقفت قدامه زي الألف و بتقول: حاضر يا ماما فيه حاجة أعملها لحضرتك؟ حضرتك عايز حاجة يا بابا؟ أما المغامر العظيم عندما يطلب منه أي حاجة تلاقي عبارات من الصنف دة طلعت عليك فجأة: هو مفيش غيري؟! هو خلاص معدش غير محمد؟! يعني معرفش أرتاح شوية؟ أوووووف محمد.. محمد اللهم طولك يا روح!! و كل دة عشان ممكن يكون الطلب: تعالى خذ كوباية الشاي بتاعتك تعالى الأكل جهز محمد واحد صاحبك على التليفون يا رب يعجبكم الموضوع و منتظرة ردودكم و بالنسبة للشباب متزعلوش أنا بهزر و عامة محمد يبقى أخي الصغير |
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض الشجري
|
|
المواضيع المتشابهه للموضوع مقارنة بسيطة بين الشاب و الآنسة:
|
||||
| الموضوع | كاتب الموضوع | المنتدى | مشاركات | آخر مشاركة |
| ادخل حط ردك كا صوت على مقارنة بين مثلثل( ون بيس و ناروتو) | M.D.LOFY | قسم الأنمي المترجم | 22 | 06-26-2010 10:11 AM |
| مقارنة بين جهازين | العاشق 2005 | أرشيف قسم الألعاب الإلكترونية | 0 | 10-02-2009 07:00 AM |
| سيرفرات vps مقارنة وتحليل | العاشق 2005 | قسم الأرشيف والمواضيع المحذوفة | 0 | 12-23-2008 10:20 PM |
| مقارنة بين التصيير بالسينما 10 و السينما 11 | العاشق 2005 | نشأة مُبدع | 0 | 09-22-2008 09:40 AM |
| رفيق السادات في حادث المنصة يتوفي بسرطان الحنجرة - منتديات العاشق | Al3asq | قسم الأرشيف والمواضيع المحذوفة | 0 | 09-09-2008 12:17 AM |
الساعة الآن 02:05 PM.
Powered by vBulletin® Copyright ©2000 - 2025, Jelsoft Enterprises Ltd.
كُل ما يُكتب أو يُنشر في منتديات العاشق يُمثل وجهة نظر الكاتب والناشر فحسب، ولا يمثل وجهه نظر الإدارة
rel="nofollow" 