تصنيف الأفلام .... مهم لكل متابعي الأفلام

سلاااام،،،

شباب كيف أصبحتوا؟ >>>>>> على أساس انو صباح

أعتقد انو كلنا نشووف أفلام أجنبية "هوليوود"
وبعض الأحيان يكون في إحراج لما يكون الواحد يشوف الفلم
هو وأهله في البيت أو هو وأصحابه "في النوبة" في تجي وبدون مقدمات لقطة غير مناسبة .......... مما يسبب الإحراج للشخص لأنو يكون واثق من الممثلين
أو انو شاف الإعلان حق الفلم وكان شكله "نظيف" ............... عشان كذا
هوليوود صنفوا الأفلام حسب المحتوى


الفئة الأولى
G
General Audience
وهي زي ما شايفين انو هذي الفئة مناسبة للكل
ومافيها أي شي "غير متوقع"

PG
parental guidance suggested
يعني انو الفلم مناسب للكل لكن يستحب الإشرف العائلي
لأنو يمكن يحتوي على بعض اللقطات الخادشة للحياء بصورة بسيطة

PG-13
parents strongly cautioned
وهذا النوع من الأفلام مناسب للي هم أكبر من 13 سنة
لإحتوائة - باإضافة للسابق - إلى مخدارت وكحول والفاظ بذيئة

R
restricted
هذا التصنيف زي ما شايفين مش مناسب لأقل من 17 سنة
لأنو يحتوي على عنف مفرط ولقطات مش مناسبة - فاهمين قصدي - صح؟؟

عد باقي تصنيف أخير انا ما بذكره هنا - عشان غاية في نفسي -
بس إذا شفتوا تصنيف وما كان مذكور هنا فهو النوع إلي ما تكلمت عليه.

طيب،،
عرفنا التصنيف ...... كيف أعرف تصنيف الفلم؟؟
عادة هو حطوا التصنيف في الغلافات حق الفلم
شوفوا الصورة



أو ممكن في إعلان الفلم في اليوتيوب

بس بعض الأحيان ما أحصلهاش؟؟؟
إذا ماحصلت تصنيف الفلم ............... ممكن انك ترجع للموقع التالي

http://www.imdb.com/

في الموقع ذا بتحصل كل شي ............... من ترتيب البوكس أوفس إلى تصنيف الأفلام
وإحنا إلي يهمنا تصنيف الأفلام ............ تابعوا معايا الصور






بعد ما تدخلوا الـ View Content advisory for parents
بتحصلوا كل التفاصيل الدقيقة إلي ممكن تخليكم تشوفوا الفلم
أو ماتشوفوا الفلم

وكذا نكون كملنا الموضوع