مشتاقه لك بالحييييل

صدفه ظنوني تلتقيها ظنونك
كن الظنون الله جعلها تحراك


شفت البشر لو كلهم يرخصونك
الله عليك بداخل القلب مغلاك


اشتقت لك واشتقت لإسمك ولونك
واشتقت لمعاندك واشتقت لخطاك


حتى المشاعر في غيابك يبونك
تعال سولف لي وش أخبار دنياك


وقول الكلام الناس مايسمعونك
لاتذبح الهرج ويموت بشفاك


قلي مساء الخير قلي شلونك
يالله عسى في غيابنا ما وحشناك


أشوف تأثير السهر في جفونك
وأقرا علامات الفرح في محياك


تراك عايش في قلب شخصٍ يصونك
شوف المشاعر كيف فزت للقياك


لوقلت لك وش صار ينجن جنونك
يمكن تقول إني مبالغ بفرقاك


ودك تعرف شلون عايش بدونك
يمكن تقوم ثم تجيني من أقصاك


ودك تعرف شلون ؟!!

سكر عيونك !!
سكرتها؟؟

هذي حياتي بلياك


شفت الظلام اللي تشوفه بكونك
يزول كله بس لاصرت ويااااك