الطريق الحمصية في اخبار اهل الميت

الطريقه الحمصيه لإخبار أهل الميت !!!

رجب عسكري بالجيش ... توفي أبوه طلبوا من قائد سريته الحمصي أن يخبره بدبلوماسبة إنو أبوه توفى .
قائد السرية وقـّف بالنص .... وحكى " اللي أبوه عايش يروح عاليمين، واللي أبوه ميت عالشمال "
رجب وقف ع اليمين طبعا لأنه ما عرف انه أبوه مات
قائد السريه : " رجب .... عالشمال ياحمار عالشمال "


وحدة جوزها مات بحادث .... الشرطي اللي كشف على الحادث حمصي وفكر بطريقة يخبرها بأسلوب حلو حكالها :
انتي أرملة محمد ؟؟؟
قالتلو لا
قالها تشارطي ؟؟


وحدة ابنها مات .... جوزها بدو يخبرها بطريقته .. قلها ابنك امبارح عم يطلع على بنت الجيران من الشباك .
الام : الله يقصف عمره
الاب : ما هو قصفه وخلص

وحدة توفى جوزها .. أصدقاءه ما عم يعرفوا شلون بدون يخبروها
أجا واحد منهم حمصي قالون حملوه وتعالوا معي وراح ع بيت الميت ودق الجرس
طلعت الزوجة قالها جوزك شفتوا ماشي مع وحدة شقرا وصغيرة وحلوة و و و و
الزوجة يعدمني ياه ... ان شاء الله يجيبوه محمل
الحمصي لأصدقائه : فوتوه شباب