قلنا نحاول نسـرق الحلم بسكات ..!

قلنا نحاول نسـرق الحلم بسكات ..!

عـشنا .. تربّينا على الآآآآه بسكات
كـم آآآه غـنينا ... وكم آآآه قـلنا !


اوقات نشكي من قسى الوقت .. وأوقات
الجرح في قمة فـرحنا خذلنا


من حزننا نجلس على شط الاآآآآهات
هــم البحر غارق بسيرة مللنا


ماعـاد للكلمة طعــم بين الأبيــات
نفـس الشعور اللي كتبنا .. قتلنا


الضحكه اللي ودّعـتنـا ... ولاجات
قـفت وخلتنا ضحية زعـلنا


كل مانحاول نسرق الحلم لحظـات
الوقت مايمـدي نـداوي عـللنا



انتم وانا .. وانتي وانا .. وانت بالذات
نعشق .. ونجرح عـِـشقنا من جهلنــا !


مانملـك الا ّ .. ذكريات .. وحكايـات
وحزمة مواجع من تجارب أهلنــا


نحتاجهـا من حاجـة الـروح للـذات
نحبس أثر جرح الشعـور .. وجعلنـا


مابين درب ودرب نمضـي مسافات
ذقـنا التعـب فيها ... ولكن .. وصلنا


المغريات تثيـر شر الملـّذات
وغاياتـنا بايمانهــا .. تنتشلنا


لا نحسب اللي كل ما فاتـنا مات
باكـر ليالينــا تبـوح بـفعلنا


مره نشد ! ويمكن نطيـب مرات
بس الاهم ! مانستمر في جـدلنا


لا الوقت يمدي نستعير البدايات
عمر ٍ طوتنا صفحته وانتقلنا


حتى الشعور اللي جرحنا مضى . \ . فات
مهمـا وصفنا في معانيه . \ . قلنا


ماعاد للكلمة طعم بين الأبيات
نفـس الشعور اللي قتلنا . \. قتلنا


والضحكه اللي ودّعـتنا ولا جات
كانت ضحيـّه من ضحايا زعلنا !


يمكن تعوّدنا على الآآآآه اوقات
والآآآآه ماترحم حزن من سألنـا !


قلنا نحاول نسـرق الحلم بسكات ..!
يمكن نحقـق من طموحه أملنـا .. !!