ما عدتي تعنيني

السلام عليكم

ممكن في كثير ما يحب يقراء غير لكلمات الحب انا اسف لان الشعر مراة للشعور و هذا شعوري لهذا بعد سهام الغدرا اليوم كتبت قصيدة عنوانها ما عدتي تعنيني اتمنى تعجبكم و هيه شعر شعبي عراقي اي كلمه ما تفهموها اتمنى بس تسالوني و انا انشاء الله حجاوب عليها .

ما عدتي تعنيني
ولأعاد كلبي يرف لو شافك تحاجيني
و لأعدت اركض ركض لوكلتي انك اتانيني
وبفركتك ما عدت أنام و الدمع مالي عيني
تعرفين ليش .........؟
لأنك ماعدتي تعنيني
كنت احبك ... و كان كل خوفي لا ينكسر كلبك
و كنت اترك الدنيا بس كون أبقى بقربك
تاليها وحيد مكسور الكلب تخليني
بعد ما أريدك لو تنقلب لعبه بدية
و العب و أشكل و أفنن بيك كل تفانيني
و لو تنقلب خاتم بدية اقبل أرجعك
لك لرجعها ألك و أنزعك و أرميك مثل ما أنتي رميتيني
و من بعدها لو تتوسلين و أتبوسين الايدين
بدون أرجوك اكلك دعوفيني
ما عدتي تعنيني
كلتيلي ما أريدك انته مو ولفي
و تركتيني شبه ميت
بعد كل هذا جايه اليوم تردين تريحيني
من دارة الدنيه عليك تردين بهمومك تدخليني
من صرتي ضعيفه صرت أني عزيز و برموش العين تغطيني
صرت أني حبيبك و عطري صار من عطر ألرياحيني
و تكولين خل نرجع سوا اداريك و تداريني
تضنين ممكن اضعف و ارجعلك و أخليك بوسط عيني
غلطانه و متوقعة هيك أنتي تضنيني
بعد كل الوقت الكضيته وياك مطلعتي تعرفيني
أني اليحبني افرشله عيني فراش
واليضدني اهجره لو يكون هوه الدوه ليداويني
روحي طلعي من حياتي و انسيني
لان ما كنت أني بيوم اعنيك
و بهل وقت أنتي ما عدتي تعنيني

اتمنى تنال اعجابكم
تحياتي ...... هيثم التميمي