خيال المبدع

قصيدة الخيال المبدع


قصيدة الخيال المبدع التي انثرها بين اعينكم وافئدتكم ارجوا ان تكون لها من عنوانها النصيب وان تنال اعجابكم.


بالخيال الخصب ادور كوني في مكـــــوك*** واستشف من التجارب مختصرها والمفــيـد

من نزيف العاطفه يرجح العقل الشكـــوك*** لو بنوك سويسرا تطلب بعقلي رصيـــــــــد

ولو علت ابحاث ناسا وغطت للفـــلــــوك*** تقصر اخطاها وانا شاعر وفكري بعـــــــيـد

من نسيج العاطفه رقة احساسي تحـــوك*** لوحة احساس ومشاعر من ابيات القصـيــد

ياربوع المملكه من نجران ليــــا تبــــوك*** ومن الخليج لبحر جده نبع نهرن مجـــــــيد

اعشقك يادارنا عشق ماهو بالصـكــــوك*** يجري بمزج الدماء جاري بوسط الوريــــد

واعشق اللي مشيها بالتغنج والسمـــوك*** زينة اخصال الشعر فوق برقعها يحيــــــــد

والبقيه سابحن ياصل لتحت الــــــوروك*** ينجذب من شاف لعبه ولو حسه بليـــــــــد

انطلاقة مقرن الحجان قوسينن شــروك*** تحته رموش عكش تنطق اصناف الوعيـد

قلت ياعين الحزن قالت الافـــــراح دوك*** من نظرها عاش عمره بعد نظره سعـــــيــد

والمبيسم يرسل السحر بالسن الضحوك*** منه الابيات توقف عاجزه وصفه تجــــــــيد

واللحي فيه انحناء انسيابي للــفكـــــوك*** والخشم سلة مهند كما سيف ابن الوليــــــد

والعنق كنه يقدم كاس دوري الــملـــوك*** يحمل اغلا من ذهب والماس والخالق يزيـد

والصدر واقف كما فزعة فزو وجــــوك*** ودك انك حولهم بالصــــدر ميت شهـــــــيد

والخصر ناحل صغير مبـــــرم فيه زوك*** بين صـــــدر وبين ردف انحنى داخل شـريد

واهني اللي بصغرك ياغناتي دلهـــــوك*** امتعو واستمتعوا علـــــهــم عمرن مـــــديــد

ياسهم هاذي حياتك عناء دايم وشــوك*** كل مااطلع من عناء جاء بعده اللي يعيـــــــد

قلت جزلات القصائد بخلك وفضحـــوك*** كل ماتبرى جروحــــك تطلع بجرحن جــــديد