قبل لاتمشي رجعني !!!! ‏

دقيقه بس قبل تمشي :
أبي منّك ترد ........ عمري !
بقايا سنيني و روحي ....!
وحتى جروحي .. و بوحي
أبي كل شي يرد منّك ..!
وأبي تنساني وتمضي
بدوني !!
و لا يجي منّك كلام يرّجع الأحلام ..!
أبيها تنام !!
وأبيك تمشي !!!
.
.
خلااص أرجوك إذا تسمح :
خذ طعونك .. مع / رماحك !
تراها كثرت ثقوبي .. وسط / صدري !!
بفعل إيدك / مع سيوفك !!
.
.
إذا تذكر :
ب وسط آلامك ونوحك
لقيتك /
وإنكسر همّك .. على إيدي !
وقلت بروحي آضمّك
وأغيّر كل عناوينك ..
وتسكن داخلي وأسقيك ..
من أفراحي ....
إلين إنّك :
تصير طموحي ..
..... وآمالي .....
وأشوف الدنيا من : عينك
ب طعم ثاني ..!
.
.
يا ناكر ..
كيف تتجاهل ؟
مداين : كنّا نسكنها
وصروح : بيدي وبيدك تعلّت
وإنبنت فينا !!
أيا ناكر ..
كثير أشياء أبد ما أقدر / أحصيها ...!
دخيلك
كيف بس تقدر ..
تغمض جفنك / بليلك ..
وفيني كانت الصدمة ....
كبيره حيل من / يمّك !!
.
.
تذكر ..
العيد وخيالك !؟
وكيف كانت أمنياتك :
( بس إنتي فيك عيدي يكون عيد )
وهذا عيد .. مر / دوني !!!
وقالوا بإنّك :
سعيد ..
ما يهمّك ..
و ما عليك !!
- كيف طيّب ..
يعني إنت كنت : تكذب !!!
.
.
وجاي ب تجدد أماني ؟
ياخي يكفي
إمش !

بس ..
قبل لا تمشي :

رجّعني !!