كلام السحالي و التماسيح عن قصات الشعر

شو الفرق بين حوارالسحالي وحوار الشباب عن قصات الشعر ؟
خلونا نشوف السيناريو
----------------------------



أول شيء السحالي :

بداية الحوار

الأولى : الله ، قصيتي شعرك !! والله طالع يهبّل !

الثانية: شايفة كذا ؟ بس حسيت يوم شفت نفسي في المراية انه منتفش!
الأولى : لا والله .. الا طالع يجنن ، وانا ودي بنفس التسريحة بس احس ان وجهي مليان شوي ولا تمشي معي هالتسريحة ، واشوف انه ما يمشي مع هالخشه الا هالتسريحة اللي تشوفيني دايم فيها .

الثانية : من جدك انتي !! انا شايفه ان وجهك وش ملحه ، وتمشي معه كل التسريحات وتطلع احلى بعد ، موب زيي .. ما أقدر اختار الا تسريحات معينة تخلي الناس ما ينتبهون لرقبتي اللي كنها رقبة زرافة .

الأولى : وش هالكلاااام .. والله رقبتك حلوه وودي بمثلها عشان تصرف النظر عن كتوفي اللي كنها كتوف لاعب الفوت بول الامريكية .

الثانية : أبد منتي صاحية وانا اختك ، والله كل البنات اللي اعرفهن في الجامعة يتمنون كتوف زي كتوفك ، يعني ما تتعبين في تجربة الملابس الجديدة .. يعني معليش .. شوفي يديني وش صغرهن .. لو لي كتوف زي كتوفك كان ما تبهذلت اذا شريت ملابس جديدة وتطلع قياساتها مضبوطة !

انتهى الحوار-----------------------------------

بالنسبة للشباب :

بداية الحوار:

الأول : قصيت شعرك ؟
الثاني : ايه .

انتهى الحوار