قصيدة كتبتها إمرأة مسّنة بعد أن أودعها إبنها للأسف دار المسنّين

قصيدة ولكنها مؤلمة



قصيدة كتبتها إمرأة مسّنة بعد أن أودعها إبنها للأسف دار المسنّين

يامسندي قلبي على الدوام يطريك=ما غبت عن عيني وطيفك سمايا

هذي ثلاث سنين والعين تبكيك=ما شفت زولك زاير ياظنايا

تذكر حياتي يوم أشيلك وأداريك=وألاعبك دايما وتمشي ورايا

ترقد على صوتي وحضني يدفيك=ما غيرك أحد ساكن في حشايا

والى مرضت اسهر بقربك وأداريك=ما أذوق طعم النوم صبح ومسايا

ياما عطيتك من حناني وبأعطيك=تكبر و تكبر بالأمل يا منايا

لكن خسارة بعتنا اليوم وش فيك=وأخلصت للزوجة وأنا لي شقايا

أنا أدري إنها قاسية ما تخليك=قالت عجوزك ما أبيها معايا

وخليتني وسط المصحة وأنا أرجيك=هذا جزا المعروف وهذا جزايا

يا ليتني خدامة بين أياديك=من شان أشوفك كل يوم برضايا

مشكور يا وليدي وتشكر مساعيك=وادعي الك الله دايم بالهداية

حمدان يا حمدان أمك توصيك=أخاف من تلحق وتشوف الوصايا

أوصيت دكتور المصحة بيعطيك=رسالتي وحروفها من بكايا

وإن مت لا تبخل علي بدعاويك=واطلب لي الغفران وهذا رجايا

وامطر تراب القبر بدموع عينيك=ماعاد ينفعك الندم والبغايا