الرئيس الفخري لمنتديات العاشق

باك ، معليش كنت مسافر @_@

الواحد لما يروح و يرجع المفروض يلقى وينك اشتقنا لك

أنا ما غير القى رسائل ادمن ، حذف مشاركة و تعديل مشاركة



...............

بالمدونة أنا ما تكلمت ابد عن الكورة ، ما لاحظتوا ؟
مع أن الكورة هي ثلاث ارباع حياتي ، لعب و ممارسة ، اقصد متابعة و ممارسة

أنا مشجع هلالي متعصب ، دمي ازرق من الوريد إلى الوريد ، زي ما يقولون

اعشق اللاعب نيمار لحد الجنون

الزبدة اليوم شكلي بتكلم عن الكورة شوي ، وخاصة عن الهلال و نهائي كأس ولي العهد اللي حظرته -_-

و عن الكوتش سامي الجابر

برب نوم

ياويطي يلعن ام السالفة ، وربي احباااااط

كتبت تدوينة طويلة عن الهلال و رد على التعليقات بس انمسحت بدون لا ادري

تم تغيير الستايل :







شرايكم فيه ؟ ، اخذته من موضوع تلاميذي الإسبادا :


مكتبة صور بليتش الجُزء الثاني




و اعتبروها دعوة للموضوع ، من جد لا يفوتكم الموضوع رهيب

جتني تقييمات كثيرة وهي : وينك ياعزو ؟ ، وين الغيبة ؟ ، وش عندك سحبت على المدونة ؟

و إذا تبون الصحيح و الله ماجاني إلا تقييم واحد <<

الزبدة

اللي من السعودية اكيد يدري أن هالفترة ذي بالشمال هو بداية الربيع و موسم الفقع

فأغلب الأوقات اكون طالع للبر يا مع جماعتنا أو مع اخوياي أو مرات مع اهلي

و الانترنت بكبره صرت ما ادخله كثير ، فهذا هو السبب و اسف على الإنقطاع

.........


نجي للمهم اللحين ، تبون تضحكون ؟ ، بقولكم سوالف صارت على الحدود الفترة ذي

قبل لا اقولكم لكم خلوني اوضح لكم كذا حاجة ، الوقت هذا الفقع نادر لأننا تونا ببداية موسم الربيع

يعني توو الناس على الفقع بدري اللحين -.- ، لكن بالشمال فيه امكان نلقط بها فقع لأنه يطلع بها بدري
لكن بعد شهر تقدر تلقط فقع عند زفلت الخط

و أي واحد يقولكم أنه يلقط فقع اللحين تراه تسذوب امعط ماطلع فقع إلا بالحدود

شوفوا المقطع ذا للي ما يعرف يفررق بين الفقع و الفطر ههههههههههه




المهم اللحين بالشمال و قبل كل المناطق طلع عندنا الفقع و زبيدي بعد

بس وين مو بكل مكان ، لا بمنطقة وحدة بس ! :

باك

طبعا للي ما يعرف أنا من عرعر

المهم المنطقة اللي قلتلكم عنها اللي طلع فيها الربيع و الفقع هي الحدود ( حدود السعودية مع العراق )

البعض يمكن يقول بنفسه ليش طيب المنطقة هذه خصوصا ؟ ، لأنها مهجورة ما أحد يطبها من البشر -.-

و هذا شي اكيد فهي حدود بين دولتين

المهم لأن المنطقة هذه مهجورة ، تلقى فيه الربيع يطلع قبل المناطق الثانية بالبر عندنا بالشمال

و حتى فيها نباتات منقرضة من سنين بالشمال ، مثل شجر العرعر ، و اللي سميت مدينتنا باسمه

المهم نرجع لموضوعنا

طبعا ما تقدر تدخل بسيارتك بعد العقم ، فيضطرون الناس ( البدو اللي يبون يلقطون فقع ) يوقفون سياراتهم عند العقم

ثم يمشون على رجيلهم حوالي 3 كيلو ، لين يوصلون للشبك

و هو المكان اللي بين المسحية الأولى و المسحية الثانية للحدود

المنطقة هذه صارت زحمة الفترة هذه هههههههههههه ، كل راعيين البر هناك ، حرس الحدود صاروا بحالة استنفار

أنا طلعت للحدود 3 مرات ، المرة الثانية انمسكنا فيها و اخذوا العسكر فقعنا و كرشونا

و طبعا نحمد ربنا أنها جت بس على اخذ الفقع و الكرشة ، بعضهم إذا شافهم شباب وداهم للقسم و سوى لهم زحمة ^^

لكن إذا رجال كبار بالسن ياخذونهم يركبونهم الحوض و يودونهم لسياراتهم عند العقم -.-

الزبدة حنا قبل لا يمسكنا والله ياصارة افلام و حاجات تفقع من الضحك ، بدال ما اهذري لكم و اطول بالكلام

خلوني اترركم تشوفون مقاطع من المواقف المضحكة و الأفلام اللي تصير بالحدود حاليا بالشمال :



شوفوا هذا واحد بين المسحية الأولى و المسحية الثانية هو و اخوياه يلقطون فقع

أنا مت من الضحك على ضحكة المصور على اخوياه ههههههههههههههههههه

اخوياااه اتعبوا ماشين 3 كيلوا من العقم و صارلهم ساعة يلقطون فقع ومنسدحين يرتاحون شوي

بس هو شاف حرس الحدود و اندس عند الشجر ههههههههههههههه

شوفوا المقاطع هذه من الحدود :



واضح من لهجة المصور أنه شمري


..........


و هذولا شمامرة مندسيين عن حرس الحدود :

دعوة للضحك :



هههههههههههههههههههههههههههههههههههههههههههه

خويه يضحك على جسم خويه يوم انسدح


....................................


و هذولي حريم يلقطون فقع الساعة 11 بالليل عند الحدود

أنا اتوقع رجال لابسين عبايات




..............................



شوفوا هذا مسوي حاله شجرة
وشوفوا الفقع حاطه بشماغه ، الزبدة ركبوووه الحوض




...............

و الله هذا اللي شفتوه و لا شيء ، هذه عبارة عن الأشياء المضحكة اللي تم تصويرها بس

و الله يافيه افلام و مواقف تصيير هناك ، خلوني ساكت بس

فيه حاجات تصير و مصورة بس ما تنزل على اليوتيوب و فيه حاجات كثيرة تصير و ما يصوروناه اصلا

لأن قليل اللي يفكر يصور و هو خايف ينمسك من حرس الحدود ، إلا المسبكين هذولا

للمعلومية :

من الحاجات اللي ما ادري هي صحيحة أو لا

يقولون أن امريكا استفسرت قالت أنها تشوف من اقمارها الصناعية حركة غريبة في الحدود مابين العراق و السعودية

و استغربت من الشيء هذا و استفسرت من السعودية ، وردوا عليهم قالوا لهم :

لا مافيه شيء بس هذولا البدو يلقطون فقع

......................



شوفوا هذا تقرير قناة العربية عن اللي صاير حالياً بالحدود بالشمال :

تم تغيير الستايل إلى الأنمي الأسطوري سلام دانك


انصحكم فيه انمي اسطووووري ، و ترى الفرق بين النسخة المدبلجة و المترجمة فرق 180 درجة

تابعوه مترجم و صدقوني ما راح تندمون

توي انميشن ابدعوا بالأوستات ابداع مو طبيعي ، اسمعوا :








وفيه كثير من الأوستات اطلق من هذولي اللي حطيتها


شوفوا الاوست هذا ، إذا سمعتوه ما تدرون هو محزن و إلا كوميدي

الرد هذا بيكون على التقاييم

حشيييييييييييييييييييش

واحد كبدة على الصاج