الرئيس الفخري لمنتديات العاشق

باك

فيه شي صار بغيابي ؟ << اقصد مناتف بالنقاشات ؟

امزح

اول شي برد على التعليقات :




سارة : الله يعافيك

طيران : طيب أنا رايح امرح والقط فقع وش فيها ؟ ، و إلا نسيت أنكم بجدة ماتطلعون للبر
للبحر بس ، وتاكلون بليلة وماني عارف ايش ، وش عرفكم للفقع والكشتات أنتم

سحابة الأمل : ما اظن أنك راح تفهمين شي

اكاينو :

شعاع : اوه اوه اوه ، وش عندها المديرة مغيرة النك نيم
اممم والله عندي نك اكسباير هو احسن واحد
المهم وش معنى النك الجديد ؟

شعاع 2 : لا ماجبتي العيد هو كدا بالزبط ، طعمه مع الكبسة مرة رهيييب ، بحط صور بعد شوي منه
سؤال : وش معنى كلمة اشتي ؟


========


يلا عاد اللحين سحابة الأمل و شعاع الأمل ركزوا خلوني اثقفكم شوي بأمور البدو والفقع خاصة
بس قبل ما ابدأ وش سالفة الأمل معاكم أنتم

الفقع اسمه بالفصحى : نبات الكمأ

دايم يطلع عندنا بشمال السعودية بكثرة وأكثر من جميع مناطق السعودية
ودايم يجون الناس من الرياض وغيرها يلقطون فقع عندنا
و حتى من دول الخليج مثل الكويت -__-

هذه صور للفقع :

فيه ناس تطبخ الفقع مع الكبسة وفيه ناس تطبخه مع المطازيز (المرقوق)

بس أنا عندي احسن شي مع كبسة اللحم

شكله شهي صح ؟ ، والله لو تذوقوه كان تأكلوا اصابعكم وراه

الصور اللي فوق اخذتها من النت

ودي انزل لكم صور من طلعتنا ، بس ما اعرف @_@ ، من يعلمني الطريقة ؟
شلون انقل صور من جوالي على اللاب ثم انزلها بالمنتدى


=========

سؤال من 3 تقاييم ، وهو عن معنى كلمة شمالية

وش معنى كلمة ( امرحْ ) ؟ ، استخدمتها فوق يوم رديت على طيران واتوقع ماحد يعرف معناها -.-
أو يحسبني اقصد بالمرح واللهو وكذا
لا معناها غير كذا 180 درجة

صاير نظامي إذا دخلت المنتدى افتح صفحتيين

وحدة على التقرير هذا :

اضخم تقرير عن انمي هجوم العمالقة | مقدم من فريق THE EPADA



تدرون ليش ؟

ما اقرأ التقرير مرة ثانية ، لا افتحه علشان كود الفلاش الموجود فيه

اوست اسطوري لأنمي العمالقة ، دورته باليوتيوب بس مالقيته

المهم والصفحة الثانية ادخل فيها بقسم نقاشات الأنمي

افتحه واحط السماعات ثم اتصفح النقاشات << شرايكم بجوي

سلفر : أنت اصلا مسوي كوول و اتوقع أنك ضب ، اممم والله مدري وش اقول عن اجابتك هي صح و إلا لا
كشتنا خطأ مو هذا معناها ، نمرح معناها ننام بالبر ، يعني مو نطلع اليوم ونرجع بنفس اليوم

دي ار :

ماريمو : خطأ بس أنك قربت للمعنى الصحيح

ماريمو : ، لا معليك جابوه لي بالتقييم

طيران : تكشتون بالديرة ، شلون تكشتون بالديرة مافهمت -____-


باين 1 : إلا فيه يارجل هذه هو : هنا أو هنا ، الأول هو نفسه بس بالدبلجة الانقليزية
ايرزا سان :

زهرة : الله يسلمك ، بس ياخي احس الفيس هذا ( ) جامد شوي
مو حق وحشتنا ، شكرا على التوضيح

سارة : يب اسمك مو صعب ، بس النك حقك المزخرف واللي مدري شلون جاي هو الصعب
لا امرح مو زي يسري خطأ ، والله ما فهمت شي



سارة : يب احسن ما بمواضيعهم الكود فلاش ، يعطيك العافية ع الاوست
بس اللي جبتيه مو ياباني

ابراهيم : كفو يالشقردي

ماركو : مسوي فاهم ؟ ، لا هي ما اخطت بالكتابة ، هذه كلمة بس باللهجة اليمنية
ياسلام عليك ، أنت جبت المعنى ادق منهم كلهم ، انشهد أنك شقردي

ماركو : اليمة وبس! ، زمان قبل شهر ، اي والله يبيلك تروح
من وين أنت من الشمال و إلا نجد و إلا جنوب وإلا الشرقية ؟


سيف : ، وش بلاك أنت ؟ ، سولف عربي عشان نفهم

ستايلات :




الرجل المناسب في المكان المناسب

انتاجه خرافي ، وكل ما ادخل موضوع القى المنتج هو ، يعني نشاطه كبير بالمنتدى ماشاء الله عليه






واضح الروقان حتى في الستايل الجديد ، عساه دوم

ستايل رائع بس لازلت اقول نك اكسباير والرمزية هذيك هي احسن ستايل

الزبدة أنا عندي اعتراض على الرمزية
وليش حنا مانقدر نحط صور متحركة بالرمزية و أنتي تقدرين ، هذه خيانة






ركن من اركان المنتدى << الكلام ذا مو مجاملة خلاص هي راحت مالي مصلحة يعني

بس بصراحة فيه ناس كثير تترك المنتدى ولا درينا عنهم ، يعني وجودهم مثل عدمهم

يعني المترجم يجي بداله الف مترجم ، والمنتج كذلك والمصمم كذلك

بس مشرفة عامة مثل ساحرة القلوب صعبة تعويضها وخسارة كبيرة للمنتدى

وداعا أيتها الساحرة < موسيقى حزينة xd


=====================


الله يعين اكسباير على اشغال المنتدى ، أول الساحرة كانت قايمة في المنتدى طول وعرض
خاصة المشاكل بين الأعضاء ، عاد الساحرة كانت هادئة وحنونة ، يعني نادرا تستعمل الشخط
اتوقع مع شعاع بيختلف الوضع ، وبيكثر الشخط الأيام هذه

بس بصراحة هذا حمل ثقيل على شعاع والعاشق ، لازم يرشحون كم واحد يصعد للإشراف العام يساعدهم

خاصة أن هذولي غايبين عن المنتدى -.- :




ما ادري وش ظروف غيابهم الله يستر عليهم ، بس مانختلف أن المنتدى يحتاج لمشرفين عام

و إلا ظهر شعاع راح ينكسر من هذا الحمل الثقيل اللي راح يواجها
وما راح نشوف روقان مثل هذه الأيام بل عكس ذلك
فإذا تبي تحافظ على ابتسامتها لازم تبحث عن ناس تستحق هذه الرتبة علشان يساعدونها

وبصراحة أنا اشوف صاحب هذا الستايل جدير بالرتبة
وإلا وشرايكم أنتم ؟



<< كل تبن


لا امزح ، بصراحة فيه اثنين بالمنتدى اشوفهم يستحقون الرتبة وبكل جدارة واستحقاق
<< متعوب عليها (بكل جدارة واستحقاق )

المهم مواصفات المشرف العام اشوف أنها مطابقة لهم
و أنا اهم شي عندي يكون الواحد متواضع وخلوق ، مو يجيك متغطرس -_-

المهم هذولين الأثنين هم :




بصراحة هذولي بس هم اللي يستحقون الإشراف العام

ناس متواضعين ، وغير متصنعين اسلوبهم واحد ما اختلف علشان الوان ورتبات منتدى

رجال بكل ماتعنيه الكلمة ، اتمنى لهم التوفيق والسداد <<

وبكل صراحة أتمنى أني ابارك لهم يوم ما بالأشراف العام

عرعر




أول ما سجلت في المنتدى كنت ما اقول لأحد أني من عرعر ، استحي

أولا لأن السمعة مش ولابد ، ثانيا حتى لو قلت أنا من عرعر قليل اللي يعرفها

إلا اللي من الشمال من حايل وتبوك والجوف وووووو

وفيه ناس تعرفها بس بالأسم لأنها أحد امارات المناطق ال 14 في السعودية

وفيه ناس تعرفها بس بالأسم بعد لكن عن طريق مسلسل كلنا عيال قرية حق ناصر القصبي وعبدالله السدحان

الزبدة كنت أي واحد يسألني اقوله من المدينة الفلانية ، مرة قلت لواحد أني من الرياض
ومرة قلت لواحد من الشرقية ، اذكر طيران بس هو اللي قلتله أنا من الشرقية
والمشكلة أن لهجتي مصلعة أني من الشمال بس الدلخ دلخ

المهم اللي خلاني اكتب ذي التدوينة هو أني لاحظت كل ما دخلت بروفايل عضو أو عضوة سعودية بالمنتدى
القاها كاتبة بالمعلومات أنها من الرياض -.-

سلامات كلكم من الرياض ، نصهم نصابيين ، اللي تلقاه من خميس مشيط
واللي تلقاه من ام الجماجم واللي تلقاه من طبرجل واللي تلقاه من القريات واللي تلقاه من علقان وووو

وطبعا والنعم بكل المناطق مابهم قصور ، بس البعض اللهم عافنا يحس أنه إذا كتب أنه من الرياض يعني برتسيج

ابك عادي افتخر بديرتك الله يقلع ذا الوجه << كأنه ماكان منهم يوم جحد عرعر قدام طيران

جتني رسالة بهذا العنوان :

لقد تلقيت مخالفة في منتديات العاشق!




مدري ليه أنا مقرود وحظي ابو كلب ، ناس تسوي اكثر واللي يصير بس ( حذف مشاركات أو تنبيه )

بس أنا أي شي بسيط اسويه تجيني مخالفة تمشي مليون -.-

دخلت قسم الأنمي المترجم ، واحد ناشر حلقة هانتر من موقعه ( موقع ثاني غير العاشق )

جيت دخلت وقلتله نصيحة :

انمي هانتر يشتغلون عليه أفضل المترجمين العرب ، عز وديمون ومستر قيم واللحين جازا

أنتم مالكم فرصة بمنافستهم وهذا واضح من عدد المشاهدات وعدد التحميلات
ابك حتى بموقعهم الردود على الموضوع ما تعدت صفحة وحدة

المهم قلتله شفلك مشروع غيره ، مثلا كونان مافيه أحد يترجمه بإنتظام ، إذا مسكته بيكون لك عدد مشاهدات وتحميلات كبير

ثم رد علي هو وقال : حنا راح نشتغل على المشروع حتى لو كان لنا متابع واحد

رديت عليه أنا : بالله ؟ ، إذن ابذل اقصى مالديك و أتمنى لك التوفيق


مادريت إلا جاني مشرف مستانس بمنصبه ، ماعنده لا شغل ولا مشغلة وصكني مخالفة وهي :

يُمنع نقد الأعمال باستهزاءٍ والتهجم والتهكم ونحوه، فمن أراد النقد فيجدر أن يكون بناءً ليس هدامًا

المشكلة أني ما استهزيت و لا تهجمت و لا تهكمت و لا نحوته

بس المتسلط متسلط ، هذه ثاني مخالفة غير مستحقة لي
اللحين برصيدي 3 مخالفات ، ثنتين ظلم ، ووحدة لا بصراحة استاهلها
الزبدة لو جتني الرابعة بيكون شخط صح ؟ << تبا <<

والله يمديني اروح لقسم الشكاوي واشتكي واشيل هذه المخالفة لأنها ظلم وواضح

بس ليش القروشة واروح اسوي زحمة علشان مخالفة بمنتدى ، أنا اكبر من كذا << ياعيني ياعزو

يلا نشوفكم على خير ، رايح مع عيال عمي للأردن ، لا تبكون كلها 4 أو 5 ايام وراجعلكم

و أصلا يمكن احاول ادخل من هناك
رورونوا جهز المنسف << امزح

ياخوفتي لا رجعت لعرعر و فتحت الابتوب وابي ادخل المنتدى القى حالي مشخوط
بالله مايصير المنتدى بدون طعم << كف << حركات بنات المنتدى الكفوف

يلا برب

اسحب جوازك يالخوي وأسحب برنت ، ثم ردد الأردن من القلب عاشت

وليا سألك ابوك و اخوك وين أنت ؟ ، قله أنا في حزم الجلاميد كاشت



برب اخير

باك
اخبار وعلوم الحلوين ؟

فيه تقاييم قديمة برد عليها ^.^



شعشبونة : اي والله أنا صفر بالانقليزي -.- ، يب بس مو مثل طعم البطاطا

، الشخط الأسود لم يوجد لأمثالي ، اممم لا ^^ ، لأني بصراحة مشغول جدا وهذه الرتبة تحتاج وقت
أرجوا أن لا تزعجيني و تضغطي وتلحي علي بأن اقبل هذا الرتبة لأني لن اقبل ابدا مهما قلتي <<

عرعر ، مابها شي مدينة جميلة جدا ، فيها كل شي < يارب سامحني ع الكذب
أنا لو ابغى اركب صورة متحركة بأركب لحالي ما يحتاج اقولك

سارة : أي والله ظلم



روسي : والله مافهمت أول كلامك ، معليك عندي حصانة ما راح انشخط

فارس مدري فراس : تستاهل يابعدي

حسونة تشووان : دوم الضحكة ، تسلم ، لا تقول ثرثرة ياوغد < راح الكلام الحلو

اليوسفي : ، أما أنا اصير صحفي وسياسي بعد ، شرايكم ياعيال بكلامه ؟
والله أني طلعت خطير وأنا مدري

كابوس الليل : وين سنتين يارجل ، انا اتوقع اقل من سنة
بركان : عيب تكذب الرجال يابابا

قبل لا اسافر بكم يوم صار معي موقف ما ادري اضحك فيه أو ابكي
وهو عن براءة وعفوية وطيبة مشرفتنا السابقة ساحرة القلوب

دخلت مدونتها ولقيت لها تدوينة جديدة وهي هاذي :

http://www.3asq.com/showpost.php?p=3700860&postcount=96

المهم حبيت استهبل وامزح شوي ، وارسلت تقييم على أساس أني أنا المقصود بذي التدوينة

يعني على أساس أنا هذا الشخص العزيز اللي كان ودها أنه تسامحه

ما اذكر اللي ارسلته بالضبط بس اتوقع زي كذا :

لماذا ؟ ، لقد قلت لكي كل شي ومع ذلك لم تسامحيني حتى الان ؟
وووووووووو ، تقييم طويل ، ياليت الساحرة تصوره وترسله لي إذا قرت ذي التدوينة

المهم ، شوفوا البراءة اللحين :



هذا ردها علي ، فهمت غلط وتحسب التقييم جاد ماتدري اني استهبل

تحسبني اقصد المخالفات وأنها زعلانة علي بسببها ، وأنا والله هذا كان اخر همي وقصدي

و أنها مرة كانت تسولف معي ع الخاص بقسوة ، مو بقسوة ،
بالأصح الساحرة مرة نسفت جبهتي بالخاص ، بس يلا عواافي تصير بكل مكان

حكم القوي على الضعيف << اوست درامي بالله