أحلامنا كفقاعات الصابون , عندما نلمسها تتلاشى ~

أمس و بالتحديد بعد أن كتبت المشاركة إلي فوق ,,

و لا أشوف صرصور بني كبير 0_0

قاعد يمشي و كأن البيت بيته !!

فأنا لما شفته قعدت أصرخ , و أنادي : يا محمد يا أحمد يا ماما صرصووووور

و المشكلة إني لوحدي في الغرفة

و هنا جاء منقذي ,, أخي أحمد

ماشي و عم يحكي بموبايله مع واحد من رفقاته ,,,, و كأنه ما في شي !!

و هو منسجم بالكلام دعس الصرصور و راح ...

و لكن أنا لاحظت أن الصرصور لساته عايش ><"

و رجعت أصرخ أعلى من قبل لدرجة أن رفيق أخوي صار يسأله شو صاير عندك ؟؟

و هو يقوله ما في شي شغلة فاضية ,,

و صار يلعب بالصرصور و يعذبه ,, طبعاً أنا هربت من ساحة المعركة و نفدت بجلدي

و هذا حسب الإحصائيات ثالث صرصور في بيتنا خلال يومين فقط الله يستر =(

و أخيراً رفعت كل الملفات الحمد لله =)

طبعاً كل ما صار نتنا بطيئ صار الكل ينظر لي نظرات الإتهام ,, و أنا بريئة

هذي بعض الرمزيات من الصور إلى راح تكون بالموضوع << تشويق يعني

و أخيراً ....



it is something you have to see || صور أنمي ~ تابع للمسابقة

و الحمد لله

بتعرفوا أن عمان كلها جبال و وديان ,,

و عندما يكون هناك جبل , لا بد أن يكون هناك وادي

بيتنا صاير على جبل , و جنبه في وادي

فهو الوادي منظر جميل , بس المشكلة أن كل العشب إلي فيه يابس بسبب الحر

و طبعاً مخيف نوعاً ما , << أنا جبانة -_-

فاليوم أنا و أختي و أختي و أخي , بعد صلاة الفجر , طلعنا نتمشى بالوادي

و الحمد لله ما كان فيه حد

بجهة الشرق , كانت الشمس على وشك إنها تطلع ,

فقلت خليني أصور الشروق =)

و صورت عدة صور بموبايلي , بس المشكلة أن عيني تشوف المنظر شكل

و الكاميرا تغشني و تشوف المنظر شكل ثاني ,,

يعني ليش الغش و الخداع >>

و كاميرا موبايلي فاشلة بالتصوير مثلي

و هاي النتيجة : ~~



الصورة الأخيرة من مكان مختلف ,,

و طبعاً صورت صور ثانية للوادي بس لازم أعدل عليها بالفوتوشوب

لأن كاميرا الموبايل بتركز على الضوء و يكون باقي المنظر مظلم

و هذا إلي خرب باقي الصور ,

فلما أعدل عليها إن شاء الله , راح أنزل موضوع بالقسم الفوتوغرافي ,

مع أني مو من هواة التصوير ,,,, بس أحب أجرب كل شي

,,

من المضحك و المؤلم في نفس الوقت ,,,

أنني الآن أعيش حياةً تمنيتها قبل سنتين من الآن ...

و لكنني الآن أتمنى ... أن أعود كما كنت قبل سنتين تماماً .... من الآن ...

17 \ 7 \ 2012

ذلك اليوم الذي ... كبرت فيه مئة سنة ....

أو ربما ... توقف عندي الزمن .



و يا ليته توقف عند و طني ...

فهو لن يعود أبداً ...... كما كان ...............



سوريا

زمان عن مدونتي الحبيبة ...

أبعدتني عنها مشاغل الحياة ,

طيب , نحنا السوريين ما نعرف شي أسمه سمبوسك ...

يعني أنا ما أكلتها بحياتي غير مرة واحدة من عشر سنين ,, و أمس

فلما كان 15 رمضان , راحت أمي عالمول مع أبي ,

و أشتروا أغراض للأكل .. و من بينها عجينة سمبوسك ..

فأنا قلت خلينا نعمل اليوم فأمي قالت : لا خليها لبكرا ...

و كل يوم أسألها ... و تقول خليها لبكرا ,,

و هكذا حتى خلص رمضان , و إجا العيد و كل عام و أنتو بخير ...

و خلص العيد ,

و لسا عجينة السمبوسك بالبراد و أنا زعلانة عليها ,

فقلت لأمي يوم الجمعة : خليني أساويهم بما أنك مو طابخة اليوم , فقالتلي : أعمليهم

فأنا طبعاً ما أعرف ألف , فعملت أمي قدامي وحدة , فعلى طول تعلمت

بسم الله ما شاء الله علي أتعلم بسرعة ,

و لفيت السمبوسك و الحشوة كانت جبنة تشيدر هنغاري غريت بلا بلا بلا .....

و قليتهم و طلعوا روعة يم يم



بس أخواني ما حبوها , و قالوا عادية ..

عادية ... بعد ما إشتغلت فيها 3 ساعات و يقولو عادية تباً لهم ><

نزلت فوتوشوب CC من مدة ..

و بديت أستخدمه بالفعل , رائع جداً و سريع ,

و لكن أهم شي هو إغلاق باقي البرامج حتى ما يتعب المعالج =)

و لكن إنشغلت جداً خلال فترة العيد و ما بعده ,

فما لحقت أعمل أي تصميم معتبر فيه

ما عدا بعض الطقوم االبسيطة هنا و هنا , رأيكم ؟؟

2011\08\10


اليوم الذكرى الثالثة لتسجيلي بالمنتدى

طبعاً وقتها ما كنت أعرف شي عن النت و المنتديات

و كانت أول مرة أسجل بمنتدى ,

المنتديات الثانية بس أسجل فيها و أسحب عليها

و أعود هنا مهما طال الزمن

هنا


,