Ổłǎłǎłǎ~

ITS TIME FOR SCHOOL GET THE FRICK UP



SOON!!!

н α я υ η α ♪ : يب يبببب إن شاء الله، ردّت عليّ و قالت إنها حطّت اسمي بالمسابقة
يللا، إن شاء الله هذا الشيء يدفعني إني أدخل هنا كل يوم


الوحيــد: هذا معناها روح و اتجهّز للمدرسة/الجامعة بعد أسبوع يللااااااااا

н α я υ η α ♪ : واااااه شكرا يا ألبي، ياخي والله إنك كتكوتة


+


اليوم رحت Red Sea Mall، و طبعاً أنا يا كرهي لهذاك المكان لأنه مرة أحس اللي هناك أممممم ما أبغا أتكلّم عنهم، لأني ممكن أحكم عَ الناس غلط لكن ما يعجبوني
المهمممم، رحنا هناك بالصباح لأنه مافي ناس كثير، و كنّا بندوّر عَ فستان فرح و حركات و بعدين دخلنا كذا محل واسع ما شاء الله، و شفت فستان (قطعة قماش و مغرّا بالترتر و الخرز) و تخيّلوا بس شفت السعر ألاقي مكتوب 6 ألاف و شيء و أنا أسب و أشتم و ماني منتبهة إنو في صاحب المحل قريب مننا و ماما تضحك عليّ، أصلاً انفجعت يعني سلامات، 6 ألاف مرة واحدة ياخي حتى ما يستحق 600 ريال
أنا أطالب بفستان بسعر كويّس الله يأخذ الشيطان

н α я υ η α ♪: أوووه ليش، والله شكله شخصيّتك مرة كتكوتة
+ إحنا ممكن نطل أون لاين لكن الفرح بهذا الأسبوع و إذا كنا نبغا نطلب، ممكن يجي بعد أسبوعين عالأقل

السلام عليكم جميعاااااااااااااااااااااا


كم مرة يجي عَ بالي أغيّر اسمي هنا لكن ممممم كل شويّة أتردد أحس الاسم لازم ما يتغير
ممكن أغيّره لـ Milly أو Memolou
هممممممممممممممممممممممممممممممممممممممممممممممممم مممم
To أغيّر Or Not To أغيّر، This Is The Question

لقططططططططططتك
خليك مكانك، بعد شوية راح أتكلم عنك

الوحيــد: الحين بغيّرها أصلاً لأنه في قصة وراها


أمس أو بالأصح، صباح اليوم يعني تقريباً عَ الساعة 3:30 الفجر، في youtuber أحب أتفرج فيديوهاته، قال بتويتر إنه راح يطلع مباشرة في YouNow و أنا المشكلة كنت أبغا أناااااااااااام كنت بروح فيها
المهمممم قلت والله أشوفه للنهاية، لأنه من أول نفسي كذا أشوفه مباشر و كذا حركات
فطبعاً هو كان بيحكي و كذا و أنا بضحك زي الهبلة تحت اللحاف عشان ما أحد يسمع شكلي كان تحفة
و طبعاً كل شوية أعمل screenshots لكل شيء تقريباً
و طبعاً أنا الكتكوتة الخرافية حضرت من البداية و قعدت كذا إلين ما بعدين هو قال خلاص مع السلامة و كذا حركات بعد ساعتين و 54 دقيقة، يعني خلّص حكي الساعة 6:52
و هذي صور الscreenshots اللي صوّرتها :





أنا بس أضحك على شكله في البداية
و بعدين فجأة صار:





خلاص أنا مت ضحك
لأنه كان يقول كل ما الناس يتبرعوا ألف دولار، حيتلكم مع أي أحد، و طبعاً صار كل ما يبغا يكلّم أحد، يطلّع الموزة الخرافية حقته و يتكلّم عأساس إنها تيلفون


هو ممكن لما أحكيكم تقولوا: أمممممم إيش الفكرة؟!!!!!!!
لكن إنتوا لو حضرتوا الموقف ترا مرة كان يضحك

الوحيــد: أهاهااهاهاا شو اللي ما فهمته ،و لغته واضحة و سهلة تفهمها
+ إنت بتعرف مين هو

السلام عليكم جميعاً..


طبعاً أنا نسيت أقول لكم إنو جبنا قطة ثانية لـMoonie, و اسمها Rosy لونها رمادي و حركات
المهم، للأسف اليوم لازم نطلّعهم برّا لأنو أخويَ تعب صدره بسبب شعرهم اللي يطير بكل مكان
المشكلة أنا مرة متعلّقة بـMoonie يمكن أنا ما قلت القصة هنا، لكن الفكرة إنو السنة اللي فاتت بهذا الوقت، لقينا بسة صغيييييييرة بتقطع الشارع و أنا خلاص أقول لأخويّ: عمر الله يخلّيك بس عالأقل نساعد البسة تمرّ، والله ما أروح الاختبار و البسة كذا و ممكن تجيها سيارة تدعسها. و بعدين أخويَ رجع للبسة و عالأساس كنّا نبغا نخليه يعدي الشارع و بعدين حزّنا عليه و أخذناه معانا، و أنا كان عندي اختبار نهائي لمادة علم البيئة
المهم، بعد ما تفاوضنا مع ماما لمدة أسبوع، ماما وافقت
لكن اليوم راح نعطي القطط لصحبتي لأنها كمان ما شاء الله عندها خبرة بالحيوانات و عندها 3 قطط شاء الله
بس ياخي والله راح أشتاق لهم يعني مرة مرة
أنا صرت أعتربهم زي أولادي الكتاكيت
هذي صورة Moonie و هو صغير:





و بعدين لما صار طحش كبير ما شاء الله:



و هذي الصور اليوم صوّرتها ><





آآآآآآآآآآآآه راح أشتاق لهم