مجروح القلب (أبو ذيات)

وقال المجروح:-
تعبني الهجر ياخوي بس بس
ومن بأذنك على الهجران بس بس
جنت تركض من أصيح بس بس
تخوني وتضحك شامت علية
**********
أردله وأكول :-
نسيت أسمي دذكروني أنا من
وبأقرب ناسي ماأكدر أأمن
والجنت بعيونه أتغطى وأنامن
بجاني ويه الدمع مارحم بية
********
ويرد المجروح:-
يبويه النوح من فركاك مَسَكن
ودمعاتي أبد مايوم مَسكن
بنيت أبكلبي للأحزان مسكن
وبيه أبجي كل صبح ومسيه
********
وأردله وأكول:-
الدنيا من تحارب رجل تنفيه
تضكه ولا تخليله نفس تنفيه
أثاري الضحك للمغبون تنفيه
تحسده الناس والعله خفيه
******
ويرد لحبه ويكول
يحن كلبي على حبك من أحبك
وأخذ زهرة شبابي مني حبك
أنشدك ياهو ألاكثر مني حبك
حته بهالسهوله تخون بيه

ياااااااااااااالبى قلب العراق
ويالبى اهلها كلهم
يسلموا اخوي عباس ويعطيك
الف عافيه ولا يحرمني من ابداعك
ودي واحترامي

المشاركة الأصلية كتبت بواسطة تاج الراس

ياااااااااااااالبى قلب العراق

ويالبى اهلها كلهم
يسلموا اخوي عباس ويعطيك
الف عافيه ولا يحرمني من ابداعك

ودي واحترامي

شكرآآ لكي
ودي وأحترامي