كيف كان هذا اليوم بالنسبة لك ؟؟!!

احل إشي العادي ... ليش الناس بتحبش العادي ؟

؛

إيش بدي احكي عن يومي .. هو كان حكيت عنه بتمبلري بس المشكلة اني بموت ئبل ما اخلص من الكتابة من بطئ التمبلر عندي ~~

؛

المشهد الأول ..
بطولة مير (أنا) + كلب الجاره النكدة ~

اصحيت ع صوت المنبه ع ال 6 الصبح ؛ وطفيته وحكيت بسيطة هلأ بصحى ؛ بعد نص ساعة تا اصحيت ؛ يا حبيبي راحت علي نومة ؛ بسرعة بسرعة اتوضيت وصليت الصبح وحتى مغيرتش اواعي البست هالجكبت وهالطئية واخذت هالشنته وبسرعة بسرعة بي الحئ الباص ؛ لان لو اتأخرت عن هدا الباص راح اتأخر ساعة كاملة ؛ وانا اركض شوفت هالجاره النكدة مع كلبها الكبير وحكيت الحمد لله انها بدي تدخل دارها وهي داخلة دارها هرب الكلب تبعها واجى ركاض علي ؛ كمان يا حبيبي ؛ احكي قصة اخاف من الكلاب الحمد لله بخافش لان كان عندي وكنت دايماً مقاتل مع ابوي لانه بنصلي ولانه حرام ولاني علمت كلبي يلحئ اي حد بمرئ من شارعنا وابوي حكي " مش ناقصني يعمل شغله مع احدى الناس ويدفعوني ديات (مصاري) " ابوي هاكل هم دفع المصاري ههه ؛ طا نرجع لقصتنا اجى الكلب علي وينطط علي وصاحبته تقاتل عليه " تعال تعال " وانا بضحك وانسيت اني متأخره ع الباص ؛ ازعلت لان الكلب نجس اواعي بس .. طا كملت طريئي وركاض والحمد لله لحئت الباص ؛ وئديش بحب سوّاق هالباص ؛ كل يوم نفس الجملة هو بحكي " صباح الخير كيف حالك " وانا بحكي " صباح الخير كيف حالك " والحمد لله اوصلت ع الموعد

؛

المقطع التاني .. وئت الترويحة .. احكيلي شو بكره بحكيلك بكره اروح مع طلاب الجامعات ليش ؟ لان فش وسع في الباص حتى الواحد يئعد .. بده يضل وائف .. بس انا معلمة حالي ما لازم تخجلي ولازم تعملي شو المريح إلك يا مير والمريح إلي إني ائئعد؛ فا كالعادة اطلعت اخر الباص في كراسي فاضية بس مين غاد .. اهمل اهمل الشباب .. اكيد ايش بدي فيهم . روحت ائئعد وعيوني شرار بطريقة مباشرة " فكوا عني "

؛

المشهد التالت

الساعة 1 ونص اوصلت البيت ومستعجلة لان في مسج إلي على ايميلي مهم لازم اشوفه؛ ولان حضرتي معيش بلفون متطور فا لازم استنى تا اوصل البيت تا افتح الايمل تبعي .. اول ما فحته " المسج مش موجود " شووووو بلشت اغلي واتصلت على الشخص عم احكي "فش مسج ؟ وين المسج ؟ "تا الحمد لله انبعت وكل شي تمام بس بنفس الوئت معيش وئت لازم انزل ع المكتبة وع البنك لحل قصة .

فا زبطت حالي لان اسمعت خبر حلو .. كان لبسي تايت اسود عليه روس نمر وتيسيرت سودا عليه صورة البوم لفرقة كورن وتوينز اسود وكتير مكياج وعطول بدي الحئ الباص بس هاي المره مش سائلة لان بييجي واحد بعده بربع ساعة !!

اتحلت قصة البنك الحمد لله يا رب ؛ وكنت مبسوطة لان بدي اروح ع المكتبة لان بدي اشوف الصبية اللي هوناك بس طب طلع حد غير الصبية خلصت اللي علي بالمكتبة .. واجاني تلفون من امي الله يطول بعمرها ساعة ونص وانا احكي معها كالعادة ئديش بحبها ..


؛

المشهد الرابع

شوفت اخوي واتقاتلت معه ؛ هو بيتحملش الصراحة وانا بالعادة صريحه ؛ بحب اشيل اي غباش ئدام عيون الناس اللي بعزها ؛ وانا كترت حكي لدرجة حكالي " ئديش بتعقدي الشغلة " انا ما بعئدها انا بحكيلك كون واقعي ؛ بحكيلك تنطش ؛ امشي درجة درجة ؛ والناس اللي ضرتك مره راح اضرك مليون مره وهي بالفعل ضرتك مليون مره بس انت مش طيب انت اهبل وغبي لدرجة انك اوئعت بكل حفره للمره المليون ! لأ يا صاحبي هدا مش طيبة ومسامحة هدا غبى تسمح لشخص يضل يضر فيك !! لأ والبقهر اكتر ان بعد ما توئع بالحقرة وبتجيني ووجهك مقلوب ؛ ليش يعني حتى تسمع نفس الأسطوانة مني " ما انا حكتلك " لأ يا اخوي الله يطول بعمرك ويهدي بالك ويحئئلك اللي بتتمناه ؛ اد وئعت بالحفرة انت حُر انا مليش دخل لان اللي فيني بكفني ؛ تجيش تحكيلي ..ْ~


؛

المشهد الآخير

واخيراً انا بالبيت . البيت الحلو .. بس بضل بيت آهلي احلى .. اه شو مشتائة .. بس اخ شو علي جلي ~~ يومين مش جالية بلشت اجلي إلا صاحبتي جاية توخد البريد وحكينا شوي .. انتيهت من الجلي ورتبت الا انا هان !! في المنتدى


الساعة 8 ونص بالليل يمكن انام بدري يمكن لأ يمكن اشوف اشي يمكن لأ

وبتمنالكم يوم حلو حلو حلو !

ممل للغاية

بواسطة تطبيق منتدى العاشق

كلواارقام
اختباررياضيات

جميل

بواسطة تطبيق منتدى العاشق

هآدئ

الكثير من المفاجئات اليوم والتقييمات
أشكر الكل على هذا اليوم الرائع

كئيب..

جيد ومضحك الى الأن

بارد و ممل

بواسطة تطبيق منتدى العاشق

صعب .. حيث انني انتهيت من الاي سي بي حق سابك