دمعة حزن

السلام عليكم ورحمة الله وبركاته
كيفك يا اعضاء وزوار احلى منتدى منتدى العاشق
ايامكم سعيدة وكل عام وانتم بالف خير

الموضوع : دمعة حزن









والله ندمة
مات جوة الكاع حبك منعكب ما جان نجمة
وشرجي صار العمر بعدك يالجت بيامي نسمة
احنة سبحة وطش خرزها وما نرد هيهات لمة
دنيا جذابة وكيحة وهل وكت ما عندة ذمة
وانا حزني الجان جاهل من هجركم صار زلمة
والله ندمة
بية وصلت انسة اسمي وما نسيت بيوم اسمة
وروحي بيني وبينة صارت
لا هي يمي ولاهي يمة
شما اريد الزمهة عنة روحي ما تنطيني لزمة
والله ندمة
حصدوة بستان وردك واني حصرة علية شمة
وكالو المقسوم يحصل وانتظر تجمعنة قسمة
ولو سمعت اجدام مرت كلبي فرفح كال جدمة
والله ندمة
حسبت يذكر محبتي وبلبواجي اعيونة تعمة
ومن ينام بغير حضني يصير تابوت على جسمة
بطلت عينك بواجي ورضت بشفافك البسمة
والله ندمة
شمعي نورتة بطريقك وانت شمعاتك مظلمة
وكلي يانوم الانامة ويا حلم كلي لحلمة
كافي ونساهم يا كلبي ذولة موش اوجوه نعمة
تكتب بدمك رسائل يلي ما يسون كلمة
وبعد لا تحمدلك احد تالي هم تحتاج ذمة