مأساة روح {هالكه} في اوراق تائهه ~

تجربه ..~




هدا القناع اجاني من ابسي لشهر واحد , وكنت كتير خايفه احطه ع وجهي أكبس ومع هيك بنفس الوكت خوفت انساه ويروح عليا تاريخه , وكمان من زمان مش عامله قناع الرمل لان اللي كان عندي خلصته وما اشتريت غيره , وصرت اشوف انو وجهي صار بده قناع , لهيك حكيت لازم اغامر واحطه , وحطيته على يومين خلال اقل من شهر , حبيت لونه وريحته وانه خفيف مش تكيل ع الوجه , بس لما جربته ما كعد كم دكيكه الا وجهي صار ينمنم ويشعط , وانا كنت مقرره انه اخليه بس خمس دكايك مش اكتر لان من تجربه اقنعه الرمل ما لازم يضلوا كتير عالوجه لوكت ما ينشفوا , يضلوا بس لوكت انك تشوفه انه بلّش ينشف , المهم بعد التجربه عجبني وبعمل اللي بحكو عنه انه بنظف الوجه , بس عن حالي ما راح اشتريه عشان بوّلع وجهي كتير عشان وجهي حساس ..~

السلام عليكم ..~

ايش اجاني من ابسي لشهر 3 , اخدت وكت طويل لاحكي عنه ..~



ابسي الاشهر الماضيه هون و هون و هون و هون

لسا ما جربت ولا اشي لاني مش بحاجه , كله بخليه لوكت ما احتاج , وكل ما اجرّب شي راح اخبركم عنه وكيف تجربتي , بس بخصوص الشنته فا كانت كتير حلوه عجبتني كتير , اما بخصوص الاشي الرهيب اللي انبسطت عليه هو وجود عينه من شركه Glossier اللي كان نفسي اجرّب منها لانها من الشركات اللي كل انواعها خفيفه بسيطه , يعني ما يظهر انك حاطط مكياج , والاحلى انو جاي هاي الشركه تفتح محل مؤقت لفتره بسانفراسيسكو ..~

~

نكمل مجريات الايام باختصار , لانو مش متزكر اشي الا المختصرات اللي بكتبها بدفاتر مزكراتي!

يوم الخميس 18\22\3 كنت ليله الاربعا نايمه بالبيت وعطلتي , ولانو بكون مكسور عليا نوم بنام متل الجاج ع 8 ونص كنت بسابع نومه , وكنت مخططه مع اختي انو نطلع الصبح نفطر برى , ومكناش عارفين بين آيهاب او دانيس , واختي قررت آيهاب واتكاتلنا مين بدها تدفع واختي اماني هي اللي دفعت فا صارت عزيمتها , افطرنا وكاان في ملان حكي لانو من زمان مش شايفين بعض وكله مني , انا بضل تعبانه من الشغل ومريضه , حتى حكي مع امي بحكيش كتير , بعدها ارجعت عالبيت وكان عليا شفت ليل ..~

||




||




||




اختي بتحب العجّه اللي هو الاومليت , وانا بحب البانكيك مع فواكه , دايما عندي اشي مهم اللي هو فطوري كد ما اكدر يكون صحّي , وغير انه بنتشاركك وحتى زاد ورانا ..~

يوم الجمعه 18\23\3 كنت نايمه اغلب البيت بالنهار , اتصل عليا اخوي واحد وحكالي انه فاضي اد بدي اروح ع هوم ديبو اشتري ورد , لاني حكتله كبلها بكم يوم انه ياخدني , جهزت حالي واطلعت اشتريت ورد , خاصه انه موسم الربيع وكنت استنى ينزل ورد (ثم السمكه والقرنفل ) والحمد لله لقيت اللوان اللي بدي اياها اللي هي النبيد الخمري والعنابي ..~





لسا ما افضيت ازرعهم , بس ان شاء الله مقرره هدا الاسبوع لانو الاسبوع المرك كان عليا بلاوي مواعيد ..~

من اليمين تم السمكه بلون عنابي وخمري , القرنفل , البوق وعشان لونها زهري غريب لهيك اشتريتها عشان زكرتني بامي , وسجاده امركاني وانا بعشق ورد السجاده وعندي متلها بس لون بني , اما هاي الصفرا من انواع الصبر وبعرفش اسمها , وعندي تلات الوان , زهري غامق وبطيخي وزهري ع اصفر , بس ما عندي اصفر لهيك اشتريتها ..~

من الشغلات اللي عنجد وانا اعمل فيها بكون مبسوط هي الزرع , بجب ازرع كتير ..~

||



بالصوره في طير بعشقه

||

https://f.top4top.net/m_822ndi3l1.m4a

||

||


الاثنين 18\2\4

فرانسس حكتلي انو جوي انطردت من الشغل وقبلها بشهر هي فسدت عن ليندا وطردتها وهيها هي انطردت وهاي تالت بنت بتنطرد , وانا صرت خايفه ع حالي اني انطرد من هدا الشغل اللي هو البارت التايم , هاي الشركه حيوانه ومع هيك الشغل عشانه بارت تايم خفيف عليا , ومع هيك بتمنى انو فرانسس تتثبت معي واشتغل معاها لاني بعرفها من شركه كديمه وبحترم هالبنت كتير ..~

اشتريت شغله لاخوي واحد وعجبته ومكنتش متوقع انها تعجبه لهاي الدرجه , بس هي عنجد حلوه , وكنت مش شايفته حوالي اسبوع لانه كان يتاخر بالشغل , فا كعدنا ندردرش عن كتير شغلات ..~

وقت تسليم شفت الليل , في شخص بشتغل معه اسمه دون , هدا الشخص هو بيشتغل شفتات النهار , لهيك وكت تسليم الشيفت بنكعد حوالي دكايك نحكي وندردش عن الشغل وكيف كان شغله وشو الجديد , يعني معلومات لازم نشاركها بالشغل , ومرات فوق الربع ساعه , وهو نكشه كتير بضحكني , واحلى شي لما نكعد نغايص بعض انو مين خلّص الشفت وهيه مروّح عالبيت ومين عليه عطله واجازه , وبعرفني كديش بكره شفت الليل وكديش متعب , لهيك دايما بحاول يخففها عليا , وكنت قبلها بيوم حاكتله اني خلص كرهت الشغل وامفكره اتركه , فا يوم الاثنين جاب لعبه الشدّه وسألني (مريم انتي مؤمنه بالسحر) حكتله (لا) حكى (راح اخليكي ) وبلّش يلعب عليا بانو اختار كرت , بس مش علينا يا مندلينا , جرّب مرتين وكل مره امسك الكرت اللي مخبيه او اللي حاطه بين الورق , وهو يالله شو انجن وفكعت معه بس فطسنا ضحك ..~

الثلاثا .. 18\3\4

اعرفت انو واحد من اصحابي خطب بالصدفه اعرفت , سبحان الله , يوم الثلاثا بالنهار كنت احكي مع اختي ايمان وامي ودخلت اختي اماني , احنا عاملين جروب عالمسنجر وبنحب نحكي كميرا مع بعض كتير , وحكتلي اختي ايمان , انها شافت واحد الشابه الناطق واحد بشبه صاحبي هاد , ويوم الثلاثا بالليل اعرفت خبر خطبته , ينعن شكله ! اخد واحده اخت شلن ابن اللزين , واحده رهيبه , تبعت وشم ولبس كطعتين عالفيس ,وغير دايما الصُره تبعتها مبيّنه, وشعر طويل فاتح وعيون ملونه ومش متاكده بخصوص العيون , بس تقاطيع وجه حلوه وجميله بنت اللزينه , الله يبارك له , هدا الشخص بكرهه للسما لانه عمل معي موقف خلاني اطلع بموقف الضعيفه واللي انضحك عليها وكرهت هدا الاحساس , بس باخر تلفون كطعتها معه انو هو انتهى بالنسبه الي , واستغربت انه ما رجع يحكي معي زي عوايده , لانه كان كل فتره يضل يتصل عليا يطمن , وكنت عادي ارد عليه معنديش مشكله مع حد يرجع يحكي معي , ولما غاب وما اتصل بموعده حكيت بعقلي امبين الشب ارتبط , عشان يبين حاله كدامي انه محترم , بدوش يخون اللي ارتبط فيها , دايما هدا الشب بده يحسّن من صورته كدامي , وهدا بحد ذاته كدبه ..~

||

||



||



||



لانو معنديش ضمه ورد , روحت قطفت الزنبق اللي بالحوش عندي ..~