مأساة روح {هالكه} في اوراق تائهه ~

لاني من زمان مش حاطط صور , حكيت خليني بسرعه احط قبل ما اكسّل بزياده ..~

؛

هدا الهر لجارتنا حسن صبي
||

؛

هاي الطاوله مفضله عندي بغرفتي جمب التخت
||

تجهيزات الهالوين اللي بشوفها بطريكي ..~

اختي هوبز بعتتلي من شوي مسج ( شوفتي صاحبك ابو الولد منزّل صوره لابنه ؟) بتتزكروا لما حكيت عن صاحب الي مرته ولدت وكنت مبسوطه وكل هالحكي , بس طبعا عشان عكلي عجنب بضل اتكاتل مع الناس فا انا وياه بنحكيش هلكيت ههههههه , اخ يا ربي فش حد بحكي معه انا هلكيت محاربه الكل , وما اظنش ارجع احكي معه لاني كنت سبب سعاده بحياته وهلكيت في ولد عبى الدنيا عليه , مش بحاجه سعادتي , المهم روحت اشوف الصوره اللي حاططها , ايش طلعت ؟ طلعت الصوره المفضله عندي ههههههه وهاي انا شايفها قبل الكل هههه وموجوده ببلفوني حتى , لان بشبه ابوه فيها وناكش زيه , الله يخليله اياه يا رب , ويعطيه الصحه والعافيه يا رب , وعملت حالي اني اول مره بشوفها ,, اخ بس كدبت ع خواتي ,, لاني بنت صريحه وبديش وجع راس وبديش ظن غلط من اللي الحواليا المهمين عليا اللي هم اهلي , بعرفوا عني اصحابي مين هم ومن هالحكي , ولاني بنت بعرفش اتعامل مع الناس فا اغلب اصحابي شباب , لهيك اهلي بيعرفوا بالعاده عن اصحابي الشباب , اد حكيت لاهلي عن صاحب فا معناتن هو مهم عليا , واد حد فيهم لف ودار بتركه , يعني انه حبني ومن هالحكي الفاضي عطول بتركه , برمي كل شي بينا وبحرق الكتاب وصفحاته وكل واحد بطريك , اما اللي بضل صاحب يالله شو بعزه وحتى لو بنتكاتل وبنتحارب بكونش في حقد وكره , بنعرف انو بس نشوف بعض راح نفطس ضحك عبعض .

اليوم دخنت! اجى عبالي هيك بدون سبب، مش انو ارجعت لأ، بكدرش ارجع لأنه بضّر بشرتي وصحتي لان جسمي حساس، كل الكصة شوفت هالسيجاره محطوطه اكتر من مره وكل ما اروح واجي اشوفها بوجهي عم تناديني، ما فكرت لانو التفكير بخليني ما اعمل الاشي، مسكتها وولعتها وحكيت انبسطي يا مير، اول ما ولعتها اجى طيف ناس، حبي اولهم ونفس كلامه وصاحبي ونفس كلامه، واللي بكهر انو الاتنين حكولي نفس الشي بس حبي كانت احلى وأقوى، وتطليعه اخوي واحد واني زكرته بكصة حبيبته الكديمه وكصة خليتها ادخن، اذ مره انتبهتو ع اسم صديقة عندي فد، هاي الصديقه واحنا صغار كنا أصحاب ع العظم والشغلات العاطله فيا هي البنت الوحيده اللي بتعرفها عني وحبي طبعا، بس بكصد بالاصحاب، كلشي غلط بفكر فيه وممكن اعمله أو عملته هي الوحيده اللي بتعرفه واللي بحكيلها اياه بدون اي خوف، وهي اللي بلشنا مغامراتنا مع بعض، طلعت هي واخوي واحد بحبو بعض والحمير الاتنين ما اعترفوا لبعض الا باخر لحظة ومحدش فيهم الحيوان حكالي كمان، ولما حكولي وبلشو بكصتهم، خرابوها الحمير بانو بأول مطب هي تركت، لما أهلها عرفوا مكانش عندها الجرأة لتحارب الهبله، ومع أنه طلبها من أهلها وهم ما وافقوا، ومن وكتها خربت كصتي وكصتها، مع انه كتير فهمتها مليش دخل بينك وبين اخوي وبحاكمش الناس ع علاقاتهم مع غيرهم، المهم هم كيف معي ، ارجعنا بس مش زي اول طبعا، بنحكي مره بالسنه، ومع هيك بتتزكرني بانو بضل تشتري كتب تحوشهم عندها وتبعتهم مع حد بيجي هان، من بعدها دخلت بكصة مع شب وحكتلي في سر فيه بعدين بخبرك عنه، وقبل ما اجي ع أمريكا خبرتني ايش هو السر، وانا كنت مخبيه سر عنها ومكدرتش احكيلها اياه، بعدين لما طلع السر وسمعته من غيري، روحت حكتلها انو تسامحني اني خبيت هذا السر عنها وكانت متقبله الكصة انو انا كنت مجبوره محدش يعرفه، ومع هيك الها مكانه عندي هاي البنت لليوم، لليوم بتيجي ببالي ولليوم بكون نفسي اعرف بتغامر ولا متلي مصفوفة عجنب، لليوم إذ حكيت معاها راح اطلع كلشي جواي كصص غلط واسمع رأيها لانها صاحبه أفكار حلوه ررهيبه، اخر مره حكينا لما مات تشستر مغني باند لنكن بارك، وانا صغيره كنت اعشق تشستر، المفضل عندي وكانت هي تعرف من كتر ما اجننها فيه لدرجة في سواق باص شكله متله وكنت اشوفه تعوذيه حظ انو اد اطلعت معه يومي بيكون حلو، فا لما مات تشستر بعتتلي هي مسج (صار اشي اليوم زكرني فيكي ) استغربت انو في مسج من فد وحكتلها ( انتحار تشستر) وكعدنا نحكي. انا انبسطت داخليا انو تشستر قتل حاله، الانتحار حلو عندي للكفار لان هي هي عالنار ليش ما يموتو بطريقه فن.. اه الانتحار فن وتميز وقوه وجرئة.. الله يبعده عنا بس يقربه من الكفار.
عفكره هي البنت لحد الان مش مرتبطة انو نحكي جيزه بس بعرفش بكصص تانيه، انا وياها نفس التفكير بكصة الجيزه بس هي أقوى مني بانو بتخليش أهلها يدخلوا فيها، انا اهلي بيدخلوا فيا بكصة الجيزه وبضلوا يزنوا انو اضل كصة الجيزه براسي، بنجن وبزهك بس بعرف لمصلحتي عشان ما تروحش عليا وما اكبرش لحالي زي ما صاير مع عمه وخاله، اما اخوي واحد فهمو متجوز من سنتين وبموت ع مرته، هدول هم الشباب بيزعلوا شوي وبكملوا حياتهم ولا كأنهم انكسروا فيها، كلهم عشاق حمام، يعني بحبو بسرعه، الله يوفقه بحكيش اشي انا، بس والله من تجاربي وعلاقاتي، كل الشباب اللي كانوا يحبوا اتجوزوا وخلفوا والبنات حبيباتهم لا، زي كأنهم الشباب نافسين البنات وداعين عليهم ما يصيبهم حد؟ الانانيه.. لهيك كد ما تحبي حطي جزء صغير انو ما راح يوفي بوعده، لهيك مسموحلك تعملي فيه اللي بدك وبلشي بسيارته.

ايييش , انا جد اشتكت اجي هان واحكي واغلط واسب , كان اسبوع صعب ولسا الكصص ع راسي بتنزل زي الشُهب بدون ما تحقق احلام او تلعن الشيطان , وغير انه كل شغلي شفتات ليل بنامش لا ليل ولا نهار , وامرضت بانو بضل جسمي يصيبه الرجه وتكعد دكايك مكدرش امسك كاسه لانها راح توكع , وحاولت اخبّي هاي الكصه عن الكل والحمد لله محدش بيعرف لان بديش ينكهروا عليا اكتر ما هم مكهورين , اكلي صار وجبه باليوم , وارجعت مع كصص المحاكم ومع كصص صاحب الدار اللي مستأجرين عنده ,انو ممكن باي لحطظه نطلع بالشارع , عم احاول اصلي صلاه استخاره باشي مصيري بحياتي وما بتزبط معي , ما بيطلع اشي , روحت ع دكتور سنان كمان وحكالي (سنانك خربنات لابو موزه وبكلف بعد التأمين حوالي 10000 $ ) وانا لما اسمعت هيك صرت اضحك واضحك , حكتله (يا دكتور انا معيش 10$ عبعض !! جاي تحكيلي 10 الاف دولار بعد خصم نص المبلغ كمان , جيزه هي ).. حكالي (اتوقعي باي لحظه كل سنانك يوكعوا مش بس واحد , لان فش عظم يمسكهم) ههههههه كمان ما حكيت لاهلي عن كصه سناني , اتزكرت صاحبي احلى رقم لما كنا نحكي عن امه الله يرحمها كد ما كان مكهور وبده يعيّط لانو ذكرى وفاتها عالطريك وكد ما هو يضحك بصوت عالي ويضحك مشان يخبي , يا حسرى علينا بنشفّق والله .. لسا انا وحبي بنحكيش وامي بضل تسال شو صاير وهو والله فش اشي صاير بس انا جد ملهيه بكصص كرف بحياتي ولشو هو يكرف معي لشو , طالما هو بخير وفي شغله حلوه مبسطاه بعدين برجع احكي معه ,وصح اكلت كتله من اختي فيث وخلتني ارجع احكي مع صاحبي احلى رقم والحيوان حط امل واعطاني ليوم الخميس لاعطيه الجواب , ومع هيك بيني وبينكم مبسوطه اني بحكي معه لانو يالله شو بشيل الهم وبحاول يضحكني هالشب , الله يخليه جد ويسعده كد ما بيسعدني , صوص بضل احكي معاها لان نفسيتها مش ولا بد من مره , وانناس كمان بضل احكي معاها صايره هدا الاسبوع كتير لان بضل تساعدني اوكف بالمشاكل اللي ع راسي , حتى حاح كمان بنضل نحكي لو مسجات كصيره , لو دعوه ليحسسني انه واكف معي الله يهدّي باله ويحكك اللي فيه عن كريب , هيك ع السريع وبعدين بكمل وبحكي تفاصيل اكتر ..~

اليوم الأحد الساعه هلكيت ظ،ظ، الصبح
كان عليا شفت ليل وبخلص ع ظ¨ ونص الصبح، ومن التعب اغفيت وراحت عليا نومه والله ستر، اغفيت حوالي نص ساعه، ع ظ¨ وتلت الصبح اختي فيث بتتصل عليا لتحكيلي شو حكت هي وامي، لولا هي رنت عليا ولا كان شافوني نايمه وعبرت بمشاكل، لما شوفت البلفون برن عطول كومت ركاض وبخمس دكايك جهزت حالي الا البنت اللي راح تاخد محلي بالشفت جايه وكديش بكرهاا هالبنت، واطلعت عشغلي التاني وهيني فيه، بس لانو كنت جعانه ونعسانه روحت اشتريت ساندوش وكهوه، وحكيت مع امي اطمن عليهم وحكيت مع فيث وهوبز، وحتى بالليل حكيت مع صاحبي وحكالي "مريم ما بنتسى الحب الا لما يحل حب تاني مكانه " لاني بفتره اوكعت بكصة ، مع انه امي حذرتني انو "انتبهي يا مير تتعلقي "واختي فيث بعد ما غصبتني انو ارجع احكي مع احلى رقم، هلكيت شايفتها انها ندمت وبلشت تحكيلي كل الحكي اللي كنت احكيلها اياه ليش بديش احكي معه.. بعد شو بس! واخوي واحد امبارح بالليل بعتلي اغنيه صباح ساعات ساعات، وهيني بضل اسمعها فيها. واليوم عليا كصص لازم اعملها.. مع اني تعبانه وغير انه عليا كمان شفت ليل.. الله يهونها يا رب

الاثنين

خلصت شغل الصبح واطلعت اتلاكا مع خواتي، وبعدها روحت ع كمان دكتور سنان مشان اتاكد اد الدكتور الاولاني بخرط عليا، وحكالي نفس الحكي، يعني اخسرت كشفيه 250$ بس حبيت اطمن وعالفاضي لان كنت حاطة امل انو الدكتور الاولاني كداب، وانو لسا سناني بخير، وبعدها ارجعت عالبيت وكانت الساعه حوالي اربعه العصر، حطيت الاغراض اللي كانوا معي وعاودت سحبت حالي وروحت اعمل حساب ببنك جديد، ولما روحت ع الأول اعطوني مطب وكعدوا يتأسفوا، حكتلهم ( مش اشي جديد، الحياه دايما مش عادله معي) وكعدت اضحك وسحبت حالي واطلعت ع البنك التاني، وفتحت حساب والمشكله بكرهه هذا البنك، عم افكر اسكّر حسابي بالبنك الكديم، ما بعرف لسا، وبعدها شوفت اني اتأخرت ع شغل الليل، لهيك طلبت اوبر من البنك لشغلي واتاخرت خمس دكايك، وهيني فيه، بكرا راح يكون الهالووين ويخساره عليا شفت ليل ومع هيك طلبت من اولاد خواتي انهم يخبولي من اللي بلموه من شكلاطه وكاندي وأنهم يبعتولي صور والله أعلم، حتى امي اليوم كانت تتصل عليا ومكانش معي الوكت اني احكي معاها، وحاسستها امفكره اني زعلانه منها من كصة وانا مش زعلانه بس انا مشغوله كتير، يعني اليوم ما اكلت الا ساندوش الصبح وهيني لحد الان عليه، لولا اشربت كهوه مع خواتي، ومكنتش احكي معاها وانا عند الدكتور لان بديش اكزب عليها بانو انا وين لانها بتعرفش عن اسناني ومستحيل احكيلها، الله يهون الليله عليا وهالشفت يا رب.

الاثنين بالليل والثلاثاء بالنهار.

كان شفت الليل متعب وبلشت قبل بساعه لان الصبيه اللي بنبدل الشفت مع بعض كان عيد ميلاد ابنها وطلبت اد باجي قبل بساعه ووافقت، اخسرت برهان مع حد من اصحابي ومكنتش متوقعه اخسر.. كهرني! وطلبه كان صعب ومش بس ليوم، لازم اتراهن معه لالغي طلبه، لانو مبسوط ينعن شكله انه فاز واني بعمل طلبه . واللي كان يهون عليا الشفت التلفونات من صاحب، اللي يالله شو زعلانه من جوا انو بأي لحظة راح نبطل نحكي. وميلت من شغلي ع المحكمه والله هونها عليا الحمد لله، اخدت وكت وانا استنى بميعادي وكنت نعسانه وتعبانه من شغل الليل، بس كله راح وكت ما الله هونها عليا وانحلت القضية، وبعدها سحبت حالي وروحت اشتريت بطاقة الباص وبعدها واخيرا اوصلت البيت وكنت جعانه، افطرت وفتحت التلفزيون وكعدت اشوف بفلم عربي، الي فتره بحب الافلام العربيه، وبعدها خلصت ترتيب الدار لانها كانت كايمه كاعده، معرفتش انام وانا شايفها هيك، واشربت عصير حكالي عنه صاحبي وهو بخليك تنام، صح هو خلاني انعس بزياده بس عالفاضي اتغلبت بالنوم واللي كهرني انو كل شوي حد يتصل عليا يصحيني، مره اخوي تلات ومره اخوي واحد ومره امي واللي بكهر اكتر مش انه يرنوا رنه لأ، يضلوا يرنوا لوكت ما ارد، ولما ارد احكيلهم، مش حكتلكم اني بدي انام تتصلوش عليا، يتأسفوا ويسكروا البلفون ويروحو وانا ارجع بالعذاب لانام، وبدهومش اشتغل وانا بدي اشتغل وراضيه بنصيبي، ملهومش فيا وبتعبي.. انا بدير بالي عحالي بس هم يتركوني ويضلوش يتحسروا ويتحسوسوا عليا.

الثلاثاء بالليل الاربعاء الصبح والليل والخميس الصبح.
كان عيد الهالووين وكان عليا شفت ليل وهدا التاريخ كصص صارت فيه، انه ميلاد امي، وذكرى وفاة ام صاحب عزيز عليا، طلبت من الصغار يخبولي شكلاطه، وانا بالشفت تبعي ضليت فاتح الخط مع صاحبي طول الليل لان بتكون نفسيته زفت عشان ذكرى وفاه أمه، الله يرحمها ويرحم جميع اموات المسلمين، وبكون الخط اغلبه مفتوح بدون ما نحكي، بس نسمع أنفاس بعض، وكنت تعبانه ونعسانه واشتغل غصب عني، ولما اخدت بريك وكعدت ع الكنبة اغفيت كالعاده، كأنه جسمي بكون يستنى يكعد لينام غصب عني، وكنت عالخط مع صاحبي كمان لما اغفيت وما اصحيت الا ع رنة البلفون وكان هو وبحكيلي (نمتي وتركتك وحبيت اصحيكي احسن تروح عليكي نومه) سألت إذ حكيت اشي وانا نايمه أو اد طول وهو فاتح الخط ما جاوب، وكملت الشفت، واجى الصبح وكان عليا موعد مع البنك لان التحويله للاجار مش زابطة، جنني صاحب الدار حسبي الله عليه، كل اشي مرمي عليا وانا بكون اطارد كأنه لحالي عايشه فيها، فا اطلعت من الشغل وكنت جد لسا تعبانه، بزعل من حالي لما اكعد يومين ولا تلات بدون نوم، او انطارت اناملي كلهم عبعض ساعتين، حكت معي فيث وسألت اد بكدر اطلع معاها لو مش تعبانه من الشغل، حكتلها (والله تعبانه وماكله روح الخل ومكسور عليا النوم ومع هيك اكيد بدي اطلع معك بس اخلص من كصة البنك) وبالزبط خلصت كصة البنك وانا بالطريك عالبيت اتصل عليا صاحبي "فيس تايم" كلهم نفس الكصة وهو لما يحلكوا شعرهم بيتصلوا كميرا، عساس يعني راح يحلها، او عاساس بهمني كيف مناظرهم، المهم عشان كنت احكي معه حبيت اروّح عالبيت مشي وما اركب الباص عشان اخد راحتي لان بالشارع احسن عندي من الباص، وغير انه البنك مش بعيد من البيت، واوصلت البيت وحكينا شوي وحكتله (خلص بدي اطلع) وعاودت اطلعت عشان اتلاكا مع فيث عند راس الجبل، اشتريت ضُمة ورد لفيث هيك بدون مناسبه، من المحل اللي كنت استنى فيه، الضُمة اغرتني واشتريتها، واجت واخيرا لانها دايما بتجييش بمواعيدها، وطلعنا وكان كتير في حكينا بينا وكصص وضليت معاها للاربعه العصر، اجيت عالبيت اكلت ورتبت البيت الا صارت المسا، ولاني كتير تعبانه واعصابي مشدوده، روحت اتحممت، ما اطلعت الا مروّح اخوي تلات من الشغل ومكانش فيا حيل اسمع كصصه بس ضليت متمدده ع الكنبة بالصالة لوكت ما اتصلت فيث عليا، وحكتلي انو اتزاعلت مع امي وشو رأي امي بكصة مهمه نفسي انا اعملها، وانو امي مش موافكه بالمره وحكت مستحيل انها توافك لو شو ما صار، وهاي الكصة من حوالي تلات أسابيع، وهاي الكصة عملت فجوة بيني وبين امي لدرجة بطلت احكي كتير معاها، وحتى يوميتها يعني الصبح لما حكت معي امي سألتني ( انتي مرتاحة وكيف نفسيتك ومبسوطة) فطست ضحك عليه وحكتلها (شو هالسؤال يما) وغيرت الموضوع، يمكن عشان لماشوفت ايمان حكيت حكي ما لازم ينحكى من كتر ما كانت امفكعه معي، راحت التانيه حضرتها تحكي مع امي وما طلع معاها نتيجه، بس انا جد لما اسمعت شو حكتلي ايمان وشو صار بينها وبين امي ، راسي كان يوجع وصار يضرب عليا بزيادة وصرت ما افهمش شو فيث بتحكي، لهيك حكيت لفيث خلص بحكي معك بكرا مش كادره، وانا ازعلت بصراحة من امي، سحبت حالي ورنيت ع امي وحكتلها اني نعسانه تعبانه بدي انام ما ترجعي تتصلي عليا، وعملت حالي معيش خبر شو صار بينها وبين فيث، وليش اتصلت عليها لان بعرف هذا موعدها لتحكي معي وبديش احكي لهيك سبكتها، وحكيت لاخوي تصبح عخير، خبطت هالباب وطفيت الضو وبعتت مسج لصاحب انو ما يتصل عليا الليله لاني وعدته احكي معه، في عندي اصحاب بيتصلوا عليا بس حكي سريع وفي منهم حكي طويل خاصه انو اغلبهم عندهم كصص ازفت من بعض، ولاني بحب اسمعلهم لهيك ماخذين راحتهم يحكوا وكت ما بدهم ، وهاي المره بسرعه نمت وكنت مكهوره، بس اول ما اتغطيت بالحرام كانت ريحته عطر اخوي واحد، لان الليله الماضيه كمان ناموا بالصالة عنفس الكصة بس انا كنت بالشغل شفت ليل، فا اخوي أخذ حرامي من غرفتي ولاني منمتش بالنهار فا معرفتش انو الحرام ريحته عطر ، ايش المشكله بانو ريحته عطر؟ انو عطره وعطر حبي نفس الشي وانا بضعف وبكدرش اقاوم الريحة، بس لاني كنت تعبانه كتير نمت بسرعه واللي بكهر اني احلمت بحبي ينعن شكله بس وبابتسامته الصفرا الخبيثه، بنص الليل مش عارف اي ساعه اصحيت عالبلفون برن، ولاني كنت تعبانه فا اتأخرت تا انتبهت انو البلفون برن، وحتى بلفوني كان تحت أجريا، مش عارفه كيف كنت شايطته غاد، لهيك اخدت وكت وانا ادور عليه عشان ارد، وعم احاول كد ما اكدر اني اركز عالاسم ت بالاخر شوفته ورديت، لان مرات الاسم بفرق من حد لحد، يعني في تلفونات برد وتلفونات لا، مع انه حكى بدوش يتصل وانو من حقي انام لان هي هالليله اللي بكونش فيها عليا شفت ليل من طول هالاسبوع، واتصل!كان صوتي مختفي وبلش هو بكلامه اللي بخليني اكشعر، وبلشت اسمعله، انتبهت ع ضو المطبخ مضوي، كومت اطفيه، ما فتحت باب غرفتي الا اخوي ومرته نايمين بالصالة، حكيت بعكلي اخلع مش وكته، كيف بدي احكي مع صاحبي ولازم احكي بكدرش اتركه بهيك وكت، ليش هم نايمين بالصالة؟ لانو في فار بغرفتهم ومرته بتخاف بلاوي ومستحيل تعبرها الهبله، لهيك اجو ينامو بالصالة، وعاملين ضو المطبخ زي نواااسه، حكيت مش مهم اد اخوي بسمعني بس بديش مرته تسمعني، لان ياما اخوي كان بسمعني، ومع هيك ضليت احكي مع صاحبي لوكت ما هو حكالي روحي نامي وبرجعلك، وبالزبط بعد حوالي ساعتين رجعلي وهاي المره فيس تايم، عشان طلع النهار عندي، يعني مش نايمة من يوم الأحد، ووجهي منّفخ وحالتي حاله، ومش مغسله وجهي كمان وبتصل كميرا ، ومع هيك حكيت يا بنت، ردي وانسي، مش لهدرجة اكون ماخده ع اصحابي، مش لازم هيك، بس بعرفش مرات خلص بتعوّد عليهم وبهمنيش كيف يشوفوني، حكينا حوالي نص ساعه واتسهل، وكنت بستنى باختي هوبز لان كانت بدها تيجي عندي، وفيث اتصلت عليا لتتطمن عليا انو كيفني ونفسيتي، المهم اجت هوبز حوالي الظهر حكتلها انو ايش رايك نطلع مليش نفس اضل بالدار، واطلعنا وكتير حكينا وكتير نصحتني بالكصة ومع هيك بهاي الكصة انا مش عارفه افكر منيح وصلاه الاستخارة مش زابطة استغفر الله، وارجعت عالبيت وكملت تنظيف البيت وما كعدت الا حد من اصحابي بيتصل، حكينا شوي ومتأكده انه كان شارب بس عمل معوش خبر وكان مخنوك، صرت احكي بعكلي شو احكي انا، وهيني بالطريك عالشغل شفت ليل والله يهونها، ومتأكده راح تكون صعبه.

الجمعه
اطلعت من شغلي وكان الشفت لطيف أو يمكن انا كنت ميتة من الكصص اللي صارت واسمعتها ، اتصل فيها عليا صاحبي شوي، سمعني كلمتين كشعروا بدني وراح، دايما هالصاحب بخليني اتحسر، وبخليني اكره ضعفي وقوتي، كديش بحكيلي كلشي جواه، وانا بحاول كد ما اكدر ما احكيله اللي بده اياه عشان بديش اجرحهه، وكنت احكي شوي مع اختي فيث لان في مصايب ع راسها، وكنا مكهورين مش عارفين من وين ولا من وين بدنا نلاكيها، حتى بنت اختي هوبز مكسوره اجرها وباكين طول الليل بالمستشفى، لما اطلعت من الشغل اتصلت ع امي وحكينا شوي، وكنت جعانه ومليش نفس اعمل اكل بالبيت، لهيك ميّلت ع برجر كينك طلبت اكل وسحبت حالي واجيت عالبيت، وكان عليا شفت نهار الظهر، وشفت ليل اللي هيني فيه، المهم فتحت التلفزيون وبلشت اكمل بالفلم اللي هو المصلحة تبع احمد عز واحمد السقا، وكعدت افطر ومكانش عندي نفس اروح انام، الا اختي فيث بتبعتلي مسجات (انو ايش رايك تروحيش عالشغل اليوم، مهي خربانه خربانه علينا، وخليني اخدك ع البسيفكا) هلكيت انا متحطمه عشان كصة، اللي هي امي مش موافكه عليها، واختي فيث عارفه اني مكهوره، وهي كمان مكهوره عشان كصة حماها حسبي الا الله عليه، اما شو هي البسيفكا؟ هاي مدينة جمبنا بنحبها لانها عالمحيط والمطاعم رهيبه فيها، وبتعرفني اني بعشق هالمدينه، حكتلها (خلص بكزب كزبه ع شغلي وبروحش ع شفت النهار) بالزبط رميت شغلي وجهزت حالي واطلعت الاكيها ع راس الجبل، جابت بناتها من المدرسه وسحبنا حالنا ورحنا ع البسيفكا وفي مطعم بنحبه تبع سمك زاكي رهيب، اكلنا وكنا بنحكي ومكهورين، بعدها ودينا البنات ع البيت وارجعنا اطلعت انا وهي لحالنا نشتري كهوه ونكعد ع رواك نكمل حكينا، هي بتحكي ارمي كلشي وانا مش النوع المغامر الحالم بالدنيا، وبعدها ارجعت عالبيت، جهزت حالي عشان شفت الليل، حكت معي امي واتزاعلنا وحكتلها تتركني بحالي وسكرت البلفون معاها، اختي فيث حكتلي انو كلها وجهات نظر بنفعش هيك متحكيش مع امي وتتزاعلي معاها، بس مش كادره وانا مكسوره هيك، كعدت مع اخوي واحد شوي وبعدها سحبت حالي واجيت ع شفت الليل ويبي شو متعب شفت الليل اليوم.