انا والليل والغربه تعانقنا مثل الاخوان ...

انا يابحر ماجيتك فاضى ولمشاهدتك شفقان
انا جيتك ابنسى الياس وبعض الهم يباريني

على بالك انا جالس اسامر موجك الغضبان
اسولف له عن اوجاعي وعني وغربة سنيني

علامك يابحر غاضب علامك تصخر بكتمان
انا جيتك ابي اشكيلك وابي منك تواسيني

انا مثلك بحر لكن وسط نفسي انا غرقان
تعبت ابحر مع نفسي واسايلها انا ويني

انا محتارفي وصفي ومع نفسي انا حيران
انا لا اقدر افهمها وهي تجهل مضاميني

انا مليت من حزني وتعبت ابحث عن السلوان
ولا ضنيت به شيء عن احزاني يسليني

احس ان الحزن عالم بحوره وصحوه وديان
تخيل يابحر حجمه اذا حجمه سكني فيني

تصور لو شقى الدنيا تجمع في كيان إنسان
تصدق مابقى بالكون أسى مابات في عيني

ترى كل الحزن لو غاب وراح لآخر الاوطان
يغيب ويرتحل لحظات ويرجع يستقرا فيني

انا آخر فصول الحزن وانا لدروبه العنوان
وانا آخر عزوفاته واصواته تغنيني

انا والليل والغربه تعانقنا مثل الاخوان
ليلي كل أهاتي والغربه عناويني

تعبت اسقي ثرى أحلامي وازرع بالوهم بستان
تعبت ولا نبت زرعي وتعبت وجفت بساتيني

ألا يابحر جاوبني وش آخر هذي الأحزان
وش آخر رحلة اوجاعي وعناي وغربه سنيني

تسلم اناملك على الكلمات الجميله الرائعه
تحياتي

نور

كلمات اكثر من رائعة وبوح من قلب الحب الحقيقي

تسلم الايادي دام لنا ابداعك
تقبلى مروروى البسيط

عاشق

مشكووووووورين يا حلوين
الله يعطيكم الف عافيه

يسلمووووووووووووووو جوجو كلمات بغاية الرقة والجمال

رووووووووووووووووعة جوجو

شكراا

بارك الله فيك ابداع متواصل

هلا فيك يا مبدعه هلا بحروفك الندى
تشكرين على ما ذكرتي
يسلموا

مشكووووورين الله يعطيكم الف عافيه