| قسم النُكَتْ والألغاز هذا القسم يهتم بالنُكَتْ المُضحكة والشيقة وكذلك يهتم بمواضيع الألغاز بشتى أنواعها بإلتزام الأداب الإسلامية دونَ خدشٍ أو تجريح أو تشهير. |
|
#1
05-02-2010, 03:47 AM
|
||||
|
||||
|
قصتي مع ربيعي(صديقي)
السلااااااااااااااام عليكم فرداً فرداً ونفراً نفراً  منذ الازل عرفت بلقب ما >> الا وهي * مصييبه * واطلق لقب شنيع على صقيقي الصدوق * نحس *  القاسم المشترك بين الطرفين كآن في حال الاجتماع يقتضي وجود مصيبه ..!   فلنبحر معاً في اعماق عواطفي ومشاعري الفياضه التي لاتنطفي مع مر العصور والازمان ونتعرف على سبب التسميه الجائره لقد كان الشخص الآثم الذي اطلق علينا اللعنه اااقصد الالقاب اخو صقيقي الصدوق * نحس * بيني وبينكم معه حق يسميه كذا لانه فاهي // بس انا رجل شهم منذ نعومة اظفاري  فلنسرد مجريات احداث القصه وماتتبعها من كوارث طبيعيه ليس للطفلين الجميلين دخلاً بهما لقد كان في يوماً ما من العصر الطبشوري اشترى مطلق ) اخو نحس ) فيه سيارته الجديده  قال له اخوه نحس ودنا نطلع ونتمشى بسيارتك الجديده قال له مطلق مشينا /// فتذكر نحس صديقه المبجل اللي هو انا وقال اقبل ايها الفتى الوسيم بنروح نتمشى بسياره فيها صندوق <-- خكري خويي  ما اخفيكم يا اني انبسطت وقتها سياره جديده )ام صندوق ( وتمشيه يا زينها ايام الطفوله كان عمري سبع سنين وعليها يمكن مدري نسيت بروح اسأل امي بعد ما شرى لنا مطلق عصاير وبساكيت انطلق بنا على اللعابيب بهداوه كان جاخ بسيارته انا اكره ما عندي الهداوه قلت له اخوي حرييف سياقه يمشي بسرعه وكل الخطوط تشهد له رد علي نحس وهو في قمة فهاوته حركااات اجل اخوك مثل اخوي عنده سياره  قلت له الا اخوي احسن من اخوك  وشوي الا و مطلق يسرع وفجاه تجي حفره قدامه الاخ دعس فرامل وطار نحس وصفق في القزاز القدامي  وعصيره بنط في القزاز وروش ام السياره كلها وبهذه الاثناء فقد مطلق السيطره على سيارته وصفق في برميل النفايات .  الي يشوف مطلق يقول شوي وتقوطر دميعاته عن نفسي كنت اعذره سيارته الجديده ما عادها جديده  وكعادته نحس وفهاوته المعتاده يوم شاف اخوه قال له ( مطلق مطلق ابشرك انا الحمدالله ما فيني شي )   لكن مطلق ما رد عليه ولا بكلمه .! وقام بيرجعنا بسيارته للبيت وقبل ما نوصل قلت لنحس تدري اخوي مهو غشيم يصدم براميل البلديه عندها انفجر مطلق وقال لاخوه يا نحس لعاد تجيب هالمصيبه معك وجراء هذا الموقف اصبح الجميع يطلق علي مصيبه وانا غلبان   ومشت السنين ، و المصايب مع نحس كثيره , جاء ذاك اليوم الي ابتداء بصباح ولا احلى منه غير خشت البنت الي قابلتها بالسوق في عصر نفس هاليوم وقتها رحت لحالي السوق ارد شغله للوالده المهم وانا هناك اشوف الزين يغمزلي بالعين  عاد مدري وش صار لي بس حسيتني انتفض واقول في داخلي يا زينها يا زينها المهم من قوة الصدمة الي زرعتها بداخلي صديت عنها لكن عيت تصد هي شكلي والعلم عند الله ساحرها  وحسيت لاول مره في حياتي اني حلو على الاقل في نظرها  اقربت مني وانا تبنجت وابتسمت وانا فهيت وسلمت وانا تلخبطت ماني متعود على هالمواقف اصلا خفت وقتها تجيني صدمه نفسيه في احاسيسي قالت لي طفشانه فيك تمشيني>> قلت اخص وشاميه بعد  ولك بمشيك اصلاً اصلا أصلاً أصلاً حتى انا طفشان <<طالعتن من قلبي وفعلاً رحنا بسيارتي نتمشى المهم كان اليوم حلو لييييييين دق علي نحس وقال لي مصيبه لك ولا للذيب وهزتني النخوه وقلت اكيد للذيب  قال زين اجل تعال لي شوفني متعطل في شارع ,,,,,,تسذا .. قلت له انت ما سمعتني انا اقول للذيب رد علي بفهاوته المعتاده يلا انتظرك لا تتاخر وقفل  المهم انا معي المزيونه ريما وخويي نحس يبي الفزعه قلت مافي غير اشاورها واشوف وش رايها قلت لها ريما صاحبي متعطل .. رايك اساعده ولا اجحده ..؟ قالت لي الابضايات كلون نخوه وتهزني النخوه وقتها وما ادري غير وانا في الشآرع قدام نحس صديق الطفوله المهم ارتكبت غلطة عمري وقتها يوم قلت له اترك سيارتك هنا واطلع معي وبعدين نرجع لها قال وهو في قمة فهاوته خصوصا بعد ما شاف المزيونه ريما معي قدااااااااااااااااااااااااااااااام قدااااااااااااااااااااااااااااااااام  ومشينا وبدت المصايب تهلي من يميني ومن يساري ابد ما تولي يااااا علتي ولي بس وشلون تولي ونحس معي البداية كنت ماشي بهداوه ويقول لي نحس اخص مسوي رومنسي قدام البنت ادعس وورها فنك يا طاره وريما ضني وقتها تحاول تفك شفرات كلمات هالنحس وانا هيضتني كلماته وادعس  والمرور السري ينتبه للكامري الشاطفه ال 180 وتبدأ المطارده بيني وبينكم كنت بوقف وقتها لكن نحس قال لي معنا بنت الحين لو وقفت بتصير علوم وبنروح فيها وشايبك احتمال كبير يذبحك وانا اقوله صح كلامك صح وادعس زياده والمزيونه ريما صارت مهبوله في البداية كانت تقول لنا كلمات تلعب فينا لعب ياخي هالشامييين لهجتهم ونبرتهم تخلي الرايح جاي لكن فجاه انقطع الارسال عندها المسكينه انفجعت واغمى عليها نحس عاجبه الوضع وصار يقول لي ادخل فيهم وسط ذا الحآره وخلنا نوريهم السواقه يالطاره وانا ما صدقت احد يوجهني ودخلت ومافي حفره في ذا الحاره إلا وسيارتي كلتها وآآآآآآآآآآآآآآآآآه يا سيارتي العزيزه المهم نهاية هالمطارده برميل نفايات وقتها تذكرت سيارة مطلق اخو نحس وحسيت بالذنب وقتها المصيبه مهي سيارتي الي راحت فيها ولا اننا تكلبشنا المصيبه ان ريما ماتت من الفجعه وآآآآآه يا زينها هالريما قسم قسمات بكيت عليها الله لا يبارك في اليوم الي جمعني فيك يا نحس اخذونا للقسم ووجهو لنا تهمة خطف هالريما وقتلها وكل الادله كانت تثبت هالشي البلا ان المفهي نحس قال لهم والله ان سيارتي تعطلت علي وما كنت ادري ان مصيبه خاطف احد انكرت انكرت لكن ما صدقوني واحكمو علي بالاعدام وعلى نحس سجن 15 سنه ومشت الايام لييييين جاء يوم تنفيذ الحكم ووالسياف فوق راسي والشيخ يلقني الشهادة وانا اقول لهم بريء بريء لكن لا حياة لمن تنادي المهم ضرب السياف رقبتي بسيفه وفصلها امي تصحيني بكفوفها اصحى يا وليدي بسم الله عليك بسم الله عليك وانا اطالع فيها واقول الحمدالله اني في الجنه امي تقول وش جنته ؟؟!! عاد بديت استرجع وضعي الطبيعي وسالتها انا وين قالت لي انت بغرفتك بسم الله عليك جيت على صوتك وانت تصرخ برئ برئ عندها اخذت جوالي ودقيت على نحس و هاوشته وهو كالعاده مفهي وقلت له قبل لا اقفل (خالتي وخالتك اتفرقوا وتفرقوا الخالات ) ومن يومها انتهت النحس من حياتي وضني انتهى من حياة نحس المصايب وكالعاده ياحبآيبي ..<<يتمصلح إن كان عجبكم الموضوع إرعصوا على التقييم وإذا ماعجبكم بعد إرعصوا عليه يعني رآعصين رآعصين .. قروووووووووب المصعفقين لكم ودي مصعفق العووود |
رد: قصتي مع ربيعي(صديقي)
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
المواضيع المتشابهه للموضوع قصتي مع ربيعي(صديقي):
|
||||
| الموضوع | كاتب الموضوع | المنتدى | مشاركات | آخر مشاركة |
| صديقي الغالي | الرحال حزين | قسم الأدب العربي و العالمي | 1 | 11-05-2009 01:47 PM |
| أحقا يا صديقى..!! | صلاح البصراوي | قسم الأدب العربي و العالمي | 6 | 08-14-2009 10:02 AM |
| قصتى مع اكسبلور التعييييس | العاشق 2005 | أرشيف قسم البرامج | 0 | 04-18-2009 12:20 AM |
| [Style] : مدينة الخيــال { ربيعي } { فلاشي } | العاشق 2005 | قسم الأرشيف والمواضيع المحذوفة | 0 | 02-27-2009 11:30 PM |
| رسالة الي صديقي القديم | الشاعر الأليم | قسم الأدب العربي و العالمي | 0 | 09-28-2008 05:39 PM |
الساعة الآن 08:08 PM.
Powered by vBulletin® Copyright ©2000 - 2024, Jelsoft Enterprises Ltd.
كُل ما يُكتب أو يُنشر في منتديات العاشق يُمثل وجهة نظر الكاتب والناشر فحسب، ولا يمثل وجهه نظر الإدارة
rel="nofollow" 