حكاية اضحكتني لاسيما في اسلوب الكاتب >>لاتفوووووتكم

أذن المؤذن لصلاة الفجر رحت ألبي النداء للصلاة
دخلت المسجد وأذن المؤذن لأقامة الصلاة
كبر الأمام وكبرنا معاه
بدأ الأمام يقرأ واحنا في خشوع ..
فجأة لمحت صرصار على جدارالمسجد الجانبي ؟؟
ما إن لمحته حتى قلت في نفسي لاحولا ولا قوة إلا بالله العلي العظيم
ماتقول إلا كأن الصرصور سمعني توقف الصرصور عن المشي في الجدار وحسيت كأنه التفت لي وهو يقول : وش تقووول يابوو ؟؟
وأنا لو أدري أن السالفه راح توصل له المواصيل
كنت صارخت بأعلى صوتي .. آسفين .. آسفين يابو الصراصير؟؟
طبعا ضاع الخشوع وضاعت السكينه وصارت عيني تراقب هالصرصور
لأنه غير طريقه وبدأ يقترب مني مع إن المسافهاللي شفتها فيه كانت بعيده
كان هو في الجدار عند الصف الأول وأنا كنت في الصف الثاني جنب الجدار
كان في مصلي جنب الجدار وانا كنت جنبه
بدأ الصرصور يقترب وأنا أقول في نفسي (أنا داخل على الله ثم عليك )إنك تبتعدولا كن هيهات .. هيهات ..
ياارب يكمل مشواره ويروح قدام ولا كن للأسف حاط عينه علي جاء عندي
وكان حجمه كبير يعني (عائلي]فري سايز]



وقف قدامي وأنا أناظر فيه راح مسرع دخل بين رجولي (يعني كوبري]]
وأنا نزلت راسي أتابعه
وكان جنبي واحد شايب نزل راسه بعد يتابع
وين راح الصرصور وأنا مثله جالس أدور على قلت ياولد شكله نشب في السروال ؟؟
وكل شوي أتحرك يمين .. يسار
والشايب اللي جنبي شك إن الصرصور دخل في ملابسه ..
حسبي الله خبصنا
الشايب تعقد آخر شي والتفت وراه وقطع صلاته بألتفاته الشايب
بصراحه يوم ألتفت الشايب أنا ماقدرت أتمالك نفسي من الضحك
بس .. شديت على نفسي شوي وسكت
ركع الإمام قلت الحمد لله ركع خلني هالحين أخذ راحتي واشوف إلا وهو جالس تحتي ؟؟
طالعت مافي شي قلت أكيد دخل في جسمي .. رفع الإمام ورفعنا .. بدأت أحك جسمي
خلاااااااااص دخل الوسواس الخناس ؟؟؟
وكل شوي أنفض ملابسي سجد الإمام وسجدنا ..
قام الإمام الركعه الثانيه
وأنا والشايب محتاسين وجالسين ندور عالصرصور في اجسامنا ..
فجأة ظهر الصرصور يتمشى من قدامنا
كأنه يضحك علينا ..
هنا أرتحنا وأرتحت خلاص هو قدامنا مو في جسمي
ركع الإمام .. ركعنا وجاء الصرصور
وقف قدام مكان السجود محل ماحط جبهتي للسجود ..
كأنه الخط .. شنابات .. ماحنا قولناااااااااها قولو لاااااع .. منيحححح) جالس
وكأنه يقول لو فيك خير أسجد هنا..
أأشر له بيدي هش هش هشوكأنه يقول أترك عنك بس
رحت لصقت في الشايب اللي جنبي وسجدت والصرصور قريب مني
ما قدرت أسجد زي خلق الله عيوني تراقبه
يمكن يسوي حركة غدره ويهجم علي
حتى في السجود عيوني تراقبه والإمام كأنه كان حاس بمعاناتي مع الصرصور
في السجود وطول الإمام في السجود
وأنا نار على جمر .. رفع الإمام .. وجلسنا .. وسجد الإمام ثاني مره
وأنا أقول .. هش .. هش بيدي بس يا جبل مايهزك ريح صامد هالصرصور
جلست أقول ياااربي وش هالمخلوق ؟؟
وأنا ساجد تحرك الصرصور صوبي طبعا ماعرفت ايش اسوي رفعت راسي شوي
راح وقف جنب راسي ..
سلم الإمام وسلمنا .. عيوني بدأت تدور في الأرض ودي أنتقم من هالصرصور حسبي الله عليه
عفس صلاتنا فوووق تحت ...
إلا ألتفت لي الشايب قال : عمى بعيونه عمى وش هالصرصور المحشش؟؟
قلت محشش والله ياهو اصحى مني ومنك .. الله يتقبل صلاتي ..
كان قلبي وعقلي كله مع الصرصور
والمشكله بعد ماهرب .. قمت أدور عليه .. نفسي أنتقم بس للأسف أختفى ..
قلت ياولد لا يكوون ....
نقزت وجري للبيت .. وكل خطوه تقول أنا أسرع
وصلت البيت فتحت الباب ..
وعلى طووول فسخت ثوبي وجلست ألوح فيه ( مثل حركة المروحه
جاء أخوي طالع فيني قال : (سلامات وش فيك مسجل هدف ) طالعت فيه
هالخفيف اللي جالس يستخف دمه عالفجريه قلت : لاوالله حسبوووه تسلل ..
دورت في ثيابي مالقيته
مشكله لو كانوا كل الصراصير يمكلون نفس عقلية هالصرصور ؟؟
مع إني والله يا أخوان علاقتي مع الصراصير رسمية اذا شفته أقوم أحتراما له وألحقه بالشبشب وطرااااااااااخ ..

ههههههههههههه

مشكوووره أختي على الحكايه الرووووووووووعه,,

الله يوفقكـ

ههههههههههههه
يسلمووو
الله يعطيك العافية

عيوووووووشه والله انك عسل انتي ومواضيعك الي تمخول العقل

يسلمو على الموضوع المميز

يسلمؤ حبيبتي الله يعطيك العافيه

ددييييييييييييييييهههههههههههاااااااا
سلمت يديك عالصرصرور الرئع والموضوع الاروع

يا سلام عليك يا كبييييره والله كلنة شكرا قليله بحقج القصه جميله وان شاء الله اليايات افضل ان شاء الله وتحياتي