شـابة تتصـل على أصحاب الأرقـام المميـزة ... قصـة مؤثـرة

السـلام عليكـم ورحمــة اللـه وبركــاته

ــ هـــــــــــذي قصه مع من أتصلت عليه بالصدفة ــ

بصدفه دق عنده الجوال الا رقم غريب عنه مايعرفه رد على الجوال الا بصوت يهمس همس احلى من نسمة الليل ..

واحلى من نغمة طرب كله .. حنان .. وشوق .. وغرام .. صوت بمعنى اصح ..جذاب يجذب زغاليـل العصفور من اعشاشها ..

كلمها وهو مو مصدق انه يكلمها ... كانت تبي تتعرف عليه وهو مستغرب منها ومن طلبها قال لها : تعرفيني يابنت الناس ؟؟ !!

قالت: لا والله مااعرفك واول مره اسمع فيها صوتك ...

سألها : من وين جبتي رقم جوالي ؟؟ !!

قالت : انا احب اتصل على الارقام المميزه واتعرف عليهم واقابلهم بعد اذا اعجبني اسلوبه ...

قال لها : طيب انتي على كذا ــ اكيد بتعرفين شباب واجد ــ مدامك تدقين على الارقام المميزه ...

قالت : طبعا اكييييييد في كل مدينه اعرف اثنين او ثلاثه بالكثير ...

قالها : طيب اكيد انك قابلتيهم كلهم ...

قالت : لا مو كلهم البعض منهم ...

سألها وقال لها : وين ابوك وين امك وين اخوانك ؟؟

قالت : ابوي وامي ميتين من زمان وانا صغيره وماعندي غير اخو واحد وعايش بفرنسا

وزيارته لي قليله وأنا عايشه مع خالتي في نفس البيت ...

قالها : طيب معقوله وكل هالصوت الحلوووو اكيد انك بتكوني حلووووه وما اعتقد أني

بعد ما سمعت صوتك اللي كله همس ورقــة وحنان انك تكوني مو حلووووووه ...

قالت له : انا الله عطاني من الجمال ماله حـــد ...

قال لها : طيب ليه للحين ماانخطبتي ؟؟

قالت له : انا تزوجيت مرتين وتطلقت الاول تزوجته وعشت معاه في الامارات لانه شغال

هناك وانجبت منه ولـــــد وبعد اربع سنوات تطلقت ....

سالتها عن السبب ؟؟

قالت لي : بسبب الشك الزايد اللي ذبحني فيه كان يقفل علي البيت ويمنع عني جميع

وسائل الاتصال حتى في جاراتي وصديقاتي يشك فيهن خلاني اعيش حياة ميؤوس منها معاه

حاولت كذا مره اتفاهم معاه بس خلالالاص تعبت واقتنعت تماما ان حياتي معاه لازم تنتهي ....

وفعلا يوم رجعت للسعوديه وبالتحديد......... تطلقت منه ...

قال لها : طيب والثاني ؟؟

قالت الثاني : كنت مجبورة على الزواج منه وكانت حياتي معاه مثل العذاب ماحسيت في يوم

اني مرتاحه معاه وكان هو بدون اهتمام او يهتم بي كنت مجرد دمية في الحياة ...

ولا يسال عني ولا يفكر فيني وبعد اربع سنوات ثانيه انجبت منه ولد وطلقني ...

قال لها : وبعدين وش صار ؟؟

قالت : بعدها حياتي صارت كلها فراغ في فراغ كنت انام واصحى مدري وين اروح .. مدري

وش اسوي .. قمت اتعرف على الشباب من كل مدينه كنت .. اروح مع هذا .. واسافر لي هذا .. حتى

كانوا يحجزون لي التذاكر وتجي باسمي واروح لأي مكان أبغــاه .. وماكان فيه احد يسالني انتي من

وين جايــه أو وين كنتي غايبــه ..

قالها لها : طيب وعيالك ؟؟

قالت : عيالي عندهم شغاله هي اللي قايمه بتربيتهم ورعايتهم ...

وقتها هي قالت خلاص الحين بقفل معاك بس بكره بتصل عليك في نفس الوقت ...

قال لها : خلاص وتأكدي اني بكون منظــر أتصالك هذا على أحر من الجمر ..

قالت : ان شاء الله ...

جلس يفكر فيها وعن حياتها وياترى هي حقيقه او بس وحده من البنات اللي يعرفهن تبي

تختبره وجايبه صديقتها تكلمه ..

بس كان فيه احساس او شعور غريب يقوله هذي البنت اكيد انها صادقه ...

والا ما كان جـاني هالشعور والأحساس الي عمره ماخيبني في شي ...

جاء موعد اتصالها في التالي وكان طبعآ منتظر اتصالها ...

وشوي الا جواله يدق عليه الا وهي من فرحته مادرى وش يقول لها ...

كان متلخبط في كلامه ... قالت : وش فيك منت على بعضك ؟؟

قال : مدري بس يمكن من فرحتي فيييك ماقدرت أخفي مشاعري ...

وقامت تفضحني وبعدها ضحكت ضحكه حلووووه وخفيفه ابتسم معاها ...

وطلب منها انه يشوفها .. وافقت وواعدها بعد ساعه .. وراح لها

في نفس الموعد وهو جالس

في سيارته عند السوق الفلاني ينتظرها وكل ماشاف وحده كان يقول هذي .. لامو هذي .. وكان

يخمن بين هذي وهذيك ...

وبعد ربع ساعه من وقفتها الا وهذيك البنت اللي جايه ولابسه عبايه على الكتف وحاطه اللثمه

وكلها حلاوة وهيبه وتلفت كل من كان في السوق او مار من الشارع من حلاوة مشيتها ولبسها ... جات عند السيارة ...

قالت : فلان ؟ قال : ايه فلان .. أركبي يافلانه قبل لاتشوفنا الهيئه ...

ركبت معاه وهي تضحك وتقول ياخواااااااف ...

اخذها معاه وعزمها على العشاء وجلس معاها ...

و قال لها : ابغى منك تفتحين لي قلبك وتقولين لي عن كل شي

في حياتك اعتبرين ورق وأنتي الحبر اكـتبي بي هالورق كل اللي في خاطرك وبعدين شقي هالورق علشان يرتاح بالك ...

بدت بالكلام قالت : يافلان انا اعاني من قوت الفراغ اللي ذبحني وذبح حياتي معاي مدري وش

اسوي تعلمت اشياء وعرفت اشياء .. والله في يوم كنت اسمع عنها .. بس مع الأسف الحين صرت

استخدمها طبعآ أكيد عرفتوا وش اقصد بالضبط ....

كان هو من شدة جمالها وحلاوة اسلوبها يستحي يطالع فيها او عينه تجي بعينها ...

عرف انه هالبنت ماضيعها الا الشباب اللي استغلوا وقتها وخاصة انها مطلقه وحلوووووه وتقدر

تروح وتجي وتغيب بدون مااحد يسال عنها ...

طلب منها طلب واحد انها تسمع منه كل كلمه راح يقول لها وتسلمه نفسها ....

قالت : أوكي انا معاك وسامعة لك وصدقني من اول ماكلمتك عجبني صوتك كان فيه شي من البحه

يعني مبحوح ..

وأنا تعجبني هالأصوات من الشباب وبعدين بعد ماكلمتك ارتحت لك ....

الولد ماهو بشين بالعكس وسييييييييم بس ياريت كل الشباب مثله في اخلاقه ....

عالعموم هو قاله لها : اسمعي يابنت الناس ــ ترى كل الشباب اللي تعرفتي عليهم يضحكون عليك ووكلهم نصابين ــ

عارفه ليه ــ لأنهم يمشون ورى رغباتهم وشهواتهم واهم شي انهم ينبسطون مع بنت ومايهمهم

هالبنت هذي مين تكون او ماتكون ...

صدقيني يافلانه انا لو ابغى اسوي مثلهم والله اقدر والحين واقدر اضحك عليك واقول انا عندي وما

عندي واغريك فيني ...

بس بتكلم معاك بصراحه انتي ترى للحين في عز شبابك والفرصه قدامك انك تلحقين نفسك

اللي ضاعت بسبب اشخاص اغروك باشياء ومثلوا عليك باسم الحب الكذاب !!!

عمر احد فيهم قال لكي يافلانه ترى الطريق هذا اللي انتي ماشيته غلط وترى نهايته بكره كله ندم

في ندم على كل لحظه راحت من عمرك ...

صدقيني انا اتكلم لاني حاسس فيك انتي طفشتي من الدنيا لانك مانجحتي في حياتك الزوجيه وكنتي

تبغين البديل حتى تطلعي من اللي كنتي فيه ...

بس للأسف كان البديل هو ضياع احلى شي فيك وهو انك فقدتي احترامك لنفسك ولأولادك ولأهلك

وذاتك ...

وكنتي تمشين مع ناس كلهم يسعون الى تدميرك ــ لان مافيه احد من هذول اللي ذكرتيهم قال في يوم

ابغى اساعد فلانه لازم اقف معاه واطلعها من الحياة هذي اللي هي قرفانه منها ــ

قال لها : صدقيني واقسم بالله لك يافلانه انه ما اقول هالكلام علشان تكوني لي انا وحدي لا والله

ولكن والله كل هالجمال هذا يروح كذا مع ناس ماتستاهله ....

انا راح اوريك الحياة الحقيقيه صدقيني يافلانه ترى الحياة حلوة بس للي يعرف يعيشها ويحافظ على

كل شي امرنا فيه الدين الحنيف ....

وقتها البنت قامت تبكي وهو لاحظ دموعها عرف انها دموع الندم .. دموع كل لحظه عاشتها غلط ....

بعدها فكر في حياتها وشلون يغيرهــا ....

قرر انه يجيب لها كمبيوتر ويسجلها في دورة حاسب آلي ويأمن لها وظيفه تكسب من وراها لقمة عيشها ...

وبالفعل جاب لها الكمبيوتر ودخلها دورة حاسب آلي وجاب لها سايق متفق معاه بالشهر يوديها

ويجيبها لمقر دورة الحاسب الآلي ....

وعلمها على النت وعرفها على كل من معاه في المسنجر وطلب منهم انهم يعلمونها كيف تستخدم

النت صح وسجلها معاهم عضوه في المنتدى ....

وبعد كذا سألها قال : وش أخبار الفراغ ؟؟

قالت : يوووووووه يافلان معاد له طاري ....

قال لها : خلاص ابشرك يافلانه أنا لي صديق في مستشفى الفلاني وكلمته عنك قال

هات لي بس الشهاده الدراسيه وشهادة الكمبيوتر وقلت له أن انتي تدرسين دبلوم حاسب

آلي وهو ضمن لكي الوظيفة من يوم تتخرجين ....

فرحت وقامت تبكي وحست انه الحياة فعلآ حلووووة ....

وطلب منها انها تغيــر ارقام تلفونات البيت ورقم جوالها وبالفعل غريتها وبعد ماتخرجت

تعينت في المستشفى الفلاني وبراتب معقوووول وزين ....

بعدها قال : بسألك يافلانه وشلون حياتك اول وحياتك الحين ؟؟

قالت : وعيونها كلها دموع والله العظيم يا فلان لو كان كل الشباب مثلك كان كل بناتنا

بخير وماينخاف عليهم فعلآ الحياة حلووووة بس للي عرف يعيشها خاصة انه في بنات

يمشون في هالطريق ماهو رضى منهم لكن الظروف هي اللي حدتهم على كذا واستغلال

الشباب لهم ولكن من في زمانا هذا يقول او يسوي اللي انت سويته ...

ــ روح ياشيخ الله يسعدك ويوفقك وين ماتلقي وجهك ــ .....

عاهدها وعاهدته انهم ماينقطعون عن بعض ويكون اللي بينهم صداقه

حميمه نادرة في زمانا هذا ــ اللي هو صداقة بين بــنــت ولــــــــد ــ ....

ياريت الكل يقرأ ويفهم معنى هالقصة اللي انا اعتبرها رسالة الى كل ولــــد وبـنـت

وان شــــــــــــــاء الله عيالنا وبناتنـــا فيهــــم الخيـــر والبــركـــه مدام هـــذا واحـــد منهــم ....


م / ن