ماقول لك تكفى ولاقـول لـك ليـه؟ اما تجي يمي او انك تجيني

الشاعر الأليم · #1 10-08-2008, 09:13 AM

تدري وش اللي ضيَيق الصدر طاريه

انك على بالـي وتـدري بحنينـي

جاوب صدى صوتي بحاضر ولبيـه

ترى حروفك تطرب الحـس فينـي

لاجيت ابكتب عن ألـوَك* وتغليـه

لقيت دمعي حايـرآ وسـط عينـي

ماقول لك تكفى ولاقـول لـك ليـه؟

امَـا تجـي يمـي او انـك تجينـي

في الحالتين ابغاك يا نـاس اغليـه

يطفي لهيب الشـوق داخـل انينـي

يلملـم اشتاتـي بلمسـة آيـاديـه

ويكسَر اوصال الحزن وسط عينـي

واروح انا فـدوةً لمنهـو مسمًيـه

واطيح وان شالتنـي كـل رجلينـي

ساعات احس اني بقربـه واناديـه

ماعرف عناويني ولا ويـن وينـي؟

القاهرة في حضرتـه شانزيلازيـه

حتى الرياض بكبرهـا فـي يدينـي

واغيب عن mood الألم والتآويـه

والقى الفرح يزهي علـى راحتينـي

لاتكحل عيونـي بدمـع المشاريـه

وخل العتب يذبـل علـى ناظرينـي

ولَا تعـال ودام هالوعـد نرجـيـه

وصلك عن العالـم بـزود ويفينـي

باستوطن اتعابك وحزنـك بداريـه

وابقسـم الآهـات باقـي سنيـنـي

وان ماكفى صدق الغرام ومساريـه

مهدت لك خطـوات شـوقِ دفينـي

عل وعسى شعري يترجـم مآسيـه

وتعرف غيابك مصدر الشوق فينـي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه للموضوع ماقول لك تكفى ولاقـول لـك ليـه؟ اما تجي يمي او انك تجيني:
الموضوع	كاتب الموضوع	المنتدى	مشاركات	آخر مشاركة
محتاج ملف من النظام حجمه بحدود 11 كيلو بايت	العاشق 2005	أرشيف قسم البرامج	0	07-02-2009 05:51 PM
الشاشة الزرقاء تجيني حتى في الفلاش ميموري؟؟	العاشق 2005	أرشيف قسم البرامج	0	05-13-2009 03:00 PM
الشاشة الزرقاء تجيني حتى في الفلاش ميموري؟؟	العاشق 2005	أرشيف قسم البرامج	0	05-13-2009 01:50 PM
تكفى ترى تكفى تهز الرجاجيل ساعدووووني	العاشق 2005	أرشيف قسم البرامج	0	11-13-2008 07:00 PM
تجيني رسائل غير مرغووب بها في بريدي الهوتميل / مساعدة	العاشق 2005	أرشيف قسم البرامج	0	11-03-2008 06:31 PM

الذين يشاهدون محتوى الموضوع الآن : 1 ( الأعضاء 0 والزوار 1)