فاتن / تحبيني

؛


" عبد المجيد / الوافيْ "
حين يكتبْ تكنْ الأحرفْ كـَ قنينه ماء وردِ مسكوبهَ "
[ فـاتن / تحبيني ؟ ] إرتقت بها ذائقتي حتى السماءَ ..
أتركها بين يديكمْ "




(1)


فاتن تحبيني ..؟!
إذا قلتي نعم ..قومي اسمعي ..
طارت عصافير وتصالح حزني الباقي معي ..
حنا سوى ..
من يوم ربّتنا حواري الذاكرة ..
ماهو هوى ..
يمكن خلود الآخرة ..!!
( إلا جنانْ ..)
لو قلت لك .. اني تحرّيتك مطر ..
وإن المسافة بيننا أكبر من إحساس السطر ...
ماهو هوى ..
إلا هوى و ما أروعُهْ ..!
غيمة حنين وأمهات واختيارْ ..
صدفة تواريخ وقرارْ ..!
كِنُّهْ مسافر ..
مرّ من جنب القطارْ وسافرت روحه معُهْ ! )



فاتن تحبيني .. ؟!
إذا قلتي نعم .. هيّا معي ...!

( 2 )


فاتن .. مسا صوتك معي طول الطريق
أواعده دربي ويحفظني صديق ... !
لو قلت لك ...
اني أحبك .. لآخر أنفاس الصدى ..
وإني اشوفك لي مدى ..
قلتيلي .. وربّي ( جنانْ )
ماهو جنان ..
إلا هوى .. يشبه حنان الأمهات ...
ترقص له غصون الليالي أغنيات ..
إلا هوى ..
واحنا سوى ..
نجمع من الشارع كلام ...
مع بعضنا .. نب نحتفل في كل عامْ ...
في نفس ها اللحظة انولدنا وانولد فينا الهوى ..!
فاتن تحبيني .. مدام إنا سوى ..) ..؟!


( 3 )


فاتن تحبيني ..؟
إذا قلتي نعم قلبي خفق
صرنا سما زرقا ونجمات وألقْ
قرية شفق !
فيها ينام الناس حيل ويحلمون
لو يعلمون
إنّي أنا وانتي تلاقينا ظلال
وفرقتنا الأغنيات
قلتي تعال.. وقلت يكفي الذكريات
والحين صرنا ألف ظلّ وألف ظلّ
ألحين لا قلتي تعال أجيك بعضي فيك كِلّ .
ونتفق ..
فاتن تحبيني ...
إذا قلتي نعم .. ما نفترق ..!


( 4 )


فاتن تحبيني ..
إذا قلتي نعم داخ الكلامْ ..!
من كم عام ...!
في نفس هاللحظة ..تلاقينا سوى بين الغيوب ..
كلّ الدروب ..
اللي تعدتنا هوى .. كانت تودي للغروبْ ..
الحين .. واحساس الشوارع كلها ..
في دهشتي ...
فيني ذهول بلهفتي ..
قولي نعم ..!
فاتن تحبيني ...؟!
وكل اللي سبق حضنك ألم ..!
فاتن .. تلعثم قلبي بوصف الشجون
فيني جنون ..
قولي أحبك واسمعي
أحلى نغم ...
فاتن تحبيني .. مدام انك معي ؟!!


( 5 )


فاتن تحبيني ؟!
تقولي لي .. هنا
انتي وانا ..
كنا نزفّ الريح .. في شارع حزين ..!
كانت حكايتنا .. حنينين .... .. !
وآنا ..(هنا ) ...
أجمع من غيابك حضور ...
واروِّج أوهامي شعور .. وأنتظرْ ...!
جيتي م ـطرْ ...
جيتي مسافة .. بين عيني والنظر ..
جيتي.. من غيابك قدرْ ..
( يا فاتنة ..
ياساكنة فيني وفيني ساكنة )
قولي هنا ... بين الضلوع .. وتحت ( تفاح ) الربيع ..
خايف أضيع ..
فاتن تحبيني .. إذا قلتي نعم .. ذاب الصقيع ..!


( 6 )


فاتن تحبيني ...؟!
إذا قلتي نعم .. فاح العبير ...!
جُن الظلام وصارت انفاس المسا شمعة ضرير ...!
فاتن تغيبتي كثير .. !
الليل من حولي سرير ..
بس السما صارت غطايْ
وانتي معاي ...
كانت دقايقنا حرير
وكانت حقايقنا مصير ...
وينك تأخرتي .. وماعمرك تعثرتي حنين..!
أدري .. شربتيني بعد كوب العصيرْ .. !
.. وآنا هنا ...
اشرب عصير الوقت .. فغيابك حزينْ ..!
فاتن تحبيني ..؟!
اذا قلتي نعم لازم تجين ..!


( 7 )


فاتن تحبيني ..؟!
إذا قلتي نعم ( طاح الحطب ) ..!
ماهو عتب
بس الشوارع كلها تسأل عليك ...
يانايمة عن شوق لوّح للنهارْ ..
قومي نحب ..
الدرب في صوتك مدار ..


والوقت حبْ .. !
حلمك بخيلْ .. وآخره جيتك وَله ..
ليلك طويل .. وكنت لك من أوَّله
يا نايمة ..
يادايمة ..في بال شاعر ماينام ..
فيك السلام وصوتك يربي الحمام ...!
هيامعي ..
كل الشوارع تسأل عيوني دموع ..
فيني رجوعْ ...
لأول الليل الحنونْ
لبحَّة انفاس السكونْ .. بآهتك
فاتن تحبيني
إذا قلتي نعم ..
خلّكْ على كيفك ... [ ونامي براحتك ] !

كلامك رائع ياسيدتي يامبدعة
عاشت الانامل التي خطت الكلمات

قاسم لا تكبرني وانا بعدي صغيره وتقولي يا سيدتي

ومشكور وردك الاروع وثانكس ع المرور

يسلمووو دلوعة عل الكلمات من ذهب
وانتي من ذهب
ممكن تقبلي مروري البسيط

ابوفااااااااااااااااااتن

انت ابو فاتن

العفووووووووووو

ومرورك مقبول من زمان