كلك حلو/صح انتة الحلاوة البيك ما تنقاس!!

كلك حلو

صح انته الحلاوة ألبيك ما تنقاس؟
وما بالغ وأكول من الكمر أحلى!!
وصح انته عسل وتفوح ريحة هيل
وصدكني امنكولن عالشمس تعله!!
بس انته قاسي وماعرفتك ليش؟؟
معقولة بعذابي تريد تتسلى؟؟
ومعقولة نسيت العشرة والأحلام؟؟
ومعقولة نسيت الزفة والكله؟؟
ثيل صرت إلك وانته بيه أتدوس
تحصدني وارد ألخاطرك أعله!
جنت محبس خطوبة بجفك انداريت
وما ظنيت عني بيوم تتخله!!
لأن ضلي صفيت بكل وكت وياي
ومعقولة البشر يتخلى عن ضله؟؟
ولأن طبعك ورد وية النسيم أتفوح
واليشتم عبيرك ينسه حتى أهله..
نقش اسمك حبيبي انطبع جوه الروح
وغيرك ما أظن مخلوق يندله..
صح إني فقير وانته عال العال
بس وكت البرد حتى الفحم يغله!!
صدكني حبيبي الراحه راحة بال
وشمحلة الورد لو بيدك أتشتله..
وصلنه المرحلة ما تقبل التقسيم
لو يصعد إلك لو انته تنزله!!

شكرا على الموضوع الرائع
مروري

انت الاروع نورت الموضوع

سلمت لنا يداك يا مبدعة تقبلي مروري

الف الف الف شكر الج يا غااليه
تقبلي مروي البسيط يا
سنــــــــــــــــــــــدريلا

شكراااااااااااا لمرورك نورت

مشكوووووووووره سندريلا

شكرا لمرورك اسير الهمسات
تحياتي

مشكوررررررة
سندريلا ياااوردة

شكرااااا حبي سندريلا الشعر كلش حلو