سوالف البنات في الطااابور

السلاام عليكم ورحمة الله وبركاته ..


سوالف البنات في الطابور..!!!



البداية مع التفتيش :

ليش مريولك موديله كنه فستان عرس ؟ أبله هذا ستايلي ..


ليش حاطة عدسات زرق ؟ أبلة عيوني هذا.. امي اوروبية .


ليش كل هذا الكحل ؟ أبلة عيوني كحلية طبيعيا .. .


ليش المناكير ؟ أبلة هذا حنة سوداني مو مناكير .


ليش ما ترددين تحية العلم ؟ أبلة حلقي
تعورني .>> ههههه ومن الجهة الثانية صوتها و
سوالفها واصل لآخر صف ..

ليش تسولفين بدل ما تستفيدي من الإذاعة ؟ أبلة مو انا بس كل الصف ..بعدين الإذاعة مكررة هي وفقرة هل تعلم السخيفة ..


ليش كل هذا المكياج ؟ أبلة امس كان عرس ولد عمي للفجر .ومالقيت وقت عشان أشيله ....!!
و طبعا في بنت رقيقة تصيح .. وفي بنت دفشة بكرة تجيب القبيلة كلها تشتكي .هههههههههههههه

وما ننسى حركة التنقلات المستمرة .. مثلاً فلانه كل يوم تتنقل طابور غير حتى يمكن طابورها ما تدلة.نمر للبنات اللي مبققات عيونهم على الأبلات ..


وين أبله نوره؟واقفة جنب العمود ... لاأكيد غايبة اوكي الحصة الأولى فاضيين . يا سلااااااام


وين أبله حنان؟ هذي عندها مناعة طبيعية ماتمرض عشان تغيب هي و صاحبتها مها

وين أبله سلوى؟ اوف كمان جاية ..

شوفوا معلمة الرياضيات تنورتها تحفة .. خيالية.. آخر موضة .....من وين اشترتها ؟

عاد معلمة حصة مشترية دمعة بدل أرنوبها القديم وتتكلم مع زوجها في الطابور لتضمن أكبر عدد من الناس شافوها ..تنزل اعلان بالجريدة يكون أحسن .


والحين قبل لا نخلص نشوف سوالف الدلوعات الطالبات:

أمس رحت عرس جيراننا لبست فستاني الجديد الكشخة التركواز والاكسسوارات اللي توني مشتريتهم من كليرز وصندل فرساتشي اللي اشترالي إياه أخوي من لندن هه.. وكل الناس تشوف علي كاني انا العروسة ..

والحين البنات اللي اختصاصهم الحش :

شفتي فلانة امس صابغةشعرها كنه حريقة.

ولا مجموعة شغالات الصف " هذيلا اللي يلمون الدفاتر و يجيبون المسجل أو اللوحة للأبلة ..
و في النهاية تجي معلمة النظام و تقول للبنات: وين انتوا في سوق سمك ؟ والبنات يقومون يضحكون كالعادة ...

ولازم كل سبت واربعاء تصير نفس قصة التفتيش ..

مع تحيااتي

هنادي...

ههههههههههههههـ

ههههههههههههههه
صدق والله

هههه ياآ زيــناآ =)

تدومــ الضحكه يا ربــي....^_^
شكراً لمـــــروركــمــ

hahaha
soso funny

ههههههههههههه
يسلمو عالموضوع

ليش تسولفين بدل ما تستفيدي من الإذاعة ؟ أبلة مو انا بس كل الصف ..بعدين الإذاعة مكررة هي وفقرة هل تعلم السخيفة ..

هههه هذي قوويه ومن الواقع

يعطيك العافيه [ هناادي ]

ثااااانكـــــــــــــــــس لكمــ
الله يعطيك العافيه
و شكراً لمـــــــــــــــــــــــــــــــــــروركمـــ

الحمد الله كلها مجربتها هههههههههههههههههههههههههه