●» وٺبقےٰ ملامح‘ ضحـگٺي .. فيها علاماٺ الألم ♣

أنظر للعرب وأحتاج تفسير .. ما بين الأمس واليوم والغد

مطارات .. وجوازات .. وسفارات .. إقامات .. ولجوء .. وخارطة .. وحد

ملوك وقادة وشيوخ وسلاطين .. قرارات وقمم وثورات تمتد

دخت ويـة العرب .. كم راي ، كم دين ، عجيبـة شلون وحدكم محمد

يا عدادات الدم عِدّي ~

ما أوصيكم هم إنتخبو اللي ذبحو بيكم

السني يصعد بس سني .. والشيعي يصوت للشيعي

وتخبط سني وشيعي وصابئي ومسيحي وكردي

ويا عدادات الدم عِدّي ~

ونرجع نحسب كم حزام .. كم كاتم ، وشكثر ألغام ..

والمسؤول يخطب لابس دمنـة .. ما خايف من حساب الله ، بس يرجف من الإعلام

يا سنة الشيعة يذبحونة .. ومرة يا شيعة السنة يسرقونة

وتدريجياً نشطب كلمـة يا إسلام ~

سابقاً أخذو كم مدينة إتفائلو خير ..

وبدو يتهيئون على البقية ..

قاللك ذولة تعبو ما يقدرون ، وقضت بيهم الروح المعنوية ..

ما يدرون سرفنّة الشواجير .. وتحركنـة بأتم الجاهزيـة ..

خضّر جيش من بيبان البيوت ، وصبغناهة الشوارع عسكرية ..

بهجوم آمرلي موجودة الشمس بيه ، وطتنـة بضواهـة الأولويـة ..

من شافتنـة قالت للقمر روح ، راح أبقـة وي ولد المرجعيـة ..

نقشنـة وجوهنـة بجرف الصخر خاف ، بعد يومين واحد عنده نيـة ..

ركضنـة على الرصاص الجاي حفّاي ، وتنافسنة على أصوات المنيـة ..

~

ودينـة اللي بإذانه الطلقة غيتار ، ولقة بجو المعارك شاعريـة ..

ودينـة اللي يفك عيونـة ويفوت ، وصانـة وكتب بيت أبوذيـة ..

ودينـة اللي إذا من يمك إيروح ، عشر سنين فوقك يبقة فيـّة ..

ودينـة اللي طلع من يمهـة عريس ، لا دمع ولا عرضتلة هيّة ..

بإيدة السمرة من جرحه من الإطلاق ، شمت حنـة إيدة المدفعيـة ..

عراقي .. وما تفرزن ديرتـة منين ، طلع من بيتهم ناسي الهويـة ..

على وجهـة ملامح جور الأيام ، بس ما بيه ملامح طائفيــة

~

غالي وأغلى من الذهب هذا التراب

ست أئمـة بهالوطن عدهم قباب

يا وسافـة ويا حسافـة يل ما تسوون العتاب

إنتخبناكم أوادم ليش تحولتم ذئاب

يا سياسيين ما عدكم مشاعر ، عالكراسي بلا خجل بعتو الضمائر

أدري بعتو الدين ، بس شرفكم وين

بالله إيش تقولون للأجيال باجــر

شرفكـــم ، هالأرض يعني العرض هاذي الأرض شرفكم

للأسف بعتو الشرف ما أحد حفظ شرفكــم

بيا ذنب دمنة يراق ، تصرخ جروح العــراق

خيـانـــة
~

الشعب خلـّص عمرة بس دم وقتال

وسفــة لإسرائيل ينباع الشمال

شي طبيعي الحكم عُربي وهالأمر عدهم محال

المهم الكرسي عدهم مو مهم لو دمنــة سال

بعد وصلت للعظم كافي نجامل

لازم إنشد العزم ، لازم نقاتـل

عالطغاة إنغير ، يا عراق التكبيــر

وسافــة ، تدخل بديرة علـي أهل الكفر ، وسافــة

حسافــة ، بس إسم عُربي الحكم كلهم غدر ، حسافــة

بس تنافر وإنشقاق ، تصرخ جروح العــراق

خيانــة
~

لحيــدر بهاذي الـأرض سالت دمـاء

بالنجف بالكاظميــة بكربلـاء

إنظرلهــة العراق كلــهة لأرض سامرا فـداء

لمن إنحررهة نكتب للعراق إحنــة فداء

يا عراقــي إنتــة طبعك ما تناقش

شلون بديارك يهودي وإنتــة عايش

هاذي وصمــة عآر ، هبو يا أحرار

بالعراق إتصير مقبرة الدواعش

خيانــة
~